انا بنت عندي 17 سنة سافرت مصر لحتى اتعلم وكان املي كبير اني اكون دكتورة كبيرة بس الموقف اللي صار معي بيوم جنني انا كنت رايحة درس وبالصدفة كان في 3 شباب وراي انا ما بعرف كيف انا تزحلقت بالطريق واجو لحتى يساعدوني انا شكرتهم ورحت معهم الدرس (بالصدفة كنا رايحين نفس الدرس ) وبعدين ما بعرف كيف عرفو عنواني (انا ساكنة لوحدي ) واول مرة اجا الاول عالبيت مع ورد بحجة انو يتطمن عي واجا التاني بعدو والتالت بعدو برضو بنفس الحجة وعرضو علي اكون رفيقتهم انا وافقت كان كل يوم واحد يعرض علي اروح معاه الكوفي شوب او المول (ويقولي معنديش زوء تعالي ساعديني بالاختيار) انا كملت رفقتي معهم بس بعد كام شهر حاول الاول يحكي معي عن اموري الشخصية ومشاكلي وانا قلتلي انو بابا ميت واني وحيدة تقريبا وكل شي وبعيد الحب اعترفلي بحبو الي مع باقة ورد وانا اعجبت في بس ما كنت متوقعة ان التاني والتالت كمان بحبوني بالسر ولما عرفت وكل واحد اعترفلي كنا سهرانين مع بعض ومع كمان بنتين وكل واحد كتب على ورقة اسم اللي بحبها (لعبة) ولما انعرض الورق قدامنا وعرفو انهم بحبو نفس البنت اتخانقو وصار الشاطر يللي بدو يوقعني بحبو صرت اتضايق من تصرفاتهم ووصلت لدرجة انو واحد منهم حاول يسحبني من على باب البيت وياخدني معو وانا دايما معي مشاكل بسببهم ودراستي شوي شوي بتطير من بالي انا خايفة على مستقبلي وعلى مشاعري هم ما بتركوني بحالي …ساعدوني
اختي الصغيرة ممكن اعرف انت من اي بلد عربي عموما عايوك تحذري منهم هذول 3 الشباب زي الكلاب السعرانه يظلوا وراء البنت حتى يوقعوها في المهالك وفي المحرمات والمعاصي وخصوصا انك بنت وحيدة وغريبة عن البلد اياك والتساهل معهم او الاطمنان لهم ابتعدي عنهم لو كنت فعلا حريصة على شرفكي وكرامتكي وسمعة اهلك مستغرب كمان انك تسكني لحالك ليه ماتسكني في مجمع للطالبات الخاص بالجامعة مش احسنلك وامان لك واهتمي بدراستك ومستقبلك وكوني جديرة بثقة اهلك والحفاظ على سمعتهم وشرفهم وربنا يسترعليك ويصلح حالك ويحميك من شرهم ويؤفقك في دراستك حتى ترجع لااهلك معززة ومكرمة