انا سنى 19سنة بعد ان انتهيت من امتحانات الكلية العام الماض ركبت القطار لكى أعود إلى بلدى إلى بلدى فجلس شخص بجوارى كنت مكسوفة جدا ولكن هو كان يبدوا عليه انه محترم بس كان مضايق جدا وكل شوية يظر الكثير من علامات الضيق لدرحة انى افتكرته مخنوق منى ولكن مكننش هاممنى واستمر الصمت بيننا حوالى اربع او خمس ساعات ولكنه أدبس فى شراء كيس لب ليا من بائع اللب لانه افتكره معايا فطبعا خلاه هو اللى يدفع ولما عرضت عليه ثمنه مرديش المهم ومن هنا بدا الحوار فعرفت انه انسان مهذب بحب اسرته جدا غيور على اخوته البنات لدرجة انه محرم على نفسه انه يكلم بنات عشان متتردلهوش فى اخوته البنات بيعمل فى مطعم كبير ولكنه لم يكمل تعليمه فى الثانوية العامة لان ابيه قتل طموحه وهذا ما جعله دائما حزين ويائس من الحياه فشعرت نحوه بإنجذاب غريب وكان أول ولد اتحدث معه ولاحظت انه يبادلنى نفس الشعور وقال لى انه مرتاح معايا جدا فى الكلام وحاسس انى زى اخوته البنات وفى نفس اخلاقهم وطال بينا الكلام الى قرب الوصول وكانت محطته تسبقنى بمحطة واحدة قبل نزوله سلم عليا وكانت فى عينه دموع وقالى انا مش عايز اسيبك وقالى انه معجب بيا وعايز يخبطبنى فسبلى رقم موبايله وقالى لما تعوزينى كلمنى وبعد كده عدى عليا شهرين ولم أفكر ان اكلمه ولكن شائت الاقدار فكنت فى يوم راكبة سيارة وكان الموبايل فى شنطتى وكانت أيدى فوق الشنطة وكان اسمه اول اسم لانه بحرف الالف وراح الموبايل اتصل بيه لوحده وانا مش حاسة وطبعا لما رد ملقيش حد بيرد عليه وبعد شويه لقيت رقمه بيرن عليا فإستغربت إزاى عرف رقمى ولما رديت عليه مكانش عارفنى وقولت واعتذرتله ولكن هو طلب يعرف اسم لان صوتى مش غريب عليه فى الاول مردتش بس بعد كده قلتله وفرح جدا وقالى انه كام واثق ان ربنا هيجمعنا وبعد كده بقى يتصل بيا كل اسبوع ويطمن عليا فحسيت انه حنين جدا وحبيته واستمر يكلمنى لمدة خمس شهور وفى يوم قالى انه عايز يخطبنى فوافقت ولما طلبنى من ماما(لان بابا ميت ) رفضت لان امكانياته لاتسمح بالزواج ولانه كان عاوزنى اعيش فى بيت والدته وبطلنا نكلم بعض وأنا دلوقتى أشعر بإنى أفتقده ونفسى أكلمه تانى , ولكن دلوقتى بتصل بيه من خط غريب عشان اسمع صوته ومش عارفه انساه
قصة حب جميله وغريبه وتنفع فيلم فعلا …. واتمسكي بيه واتزوجيه علشان القصه الجميه دي تستمر
يا بنت الكرام هو عمل كل اللي عليه ومن المؤكد انه يعمل جاهدا ليتقدم لك لكن الان الدور عليكي كي تقنعي امك حاولي مرة ومرتين وعشر مرات واذا لم تستطيعي فعلى الاقل ستكوني راضيه عن نفسك لانك حاولتي
انا شايفة انه فى اختلاف فى المستوى الثقافى والاجتماعى بينكم بمعنى انك متعلمة تعليم عالى وهو لم يكمل تعليمه ولا حتى مرحلة الثانوية.
وده بيأثر على الحب بعد الزواج لان فيه فرق بين الحب والزواج فالحب حالة انفعالية تنتاب الفتاة دون مقدمات خاصة لو كانت بتعانى من الفراغ العاطفى. اما الزواج فهو مسئولية كبيرة تحتاج الى رجال اقوياء يتحملون هذه المسئولية
وعلى ذلك انا انصحك ان بعد الزواج من هذا الشاب فهو غير مناسب لكى ولا تقولى لنفسك انك احببتيه كثيراً فهذا شئ طبيعى لان فتاة تعانى من الفراغ العاطفى يعنى قلبك فاضى.
واى بنت قلبها خالى من الحب بتتعلق باى حد يقولها كلمة حلوة حتى لو كان غير مناسب لها لانها محتاجه للحب ومحتاجة انها تحس بيه.
وعشان كده انا بتفق مع راى امك وامك شايفة الموضوع بشكل احسن منك خليكى مع راى امك
اصرفى نظر عنه لانك مش هتكونى سعيدة معاه وياريت تحبى شخص مناسب لمستواكى الثقافى والاجتماعى بحيث تعرفى تتعاملى معاه. وغير كده مستواه المادى ضعيف يعنى مش هيقدر يكفيكى.
فلو كان زوجك اقل منك من حيث المستوى الثقافى والتعليمى مش هتعرفى تتعاملى معاه.
أختى الغاليه
رسالة لست الحبايب قوليلها : زوج ابنتك من يتقى الله إن أحبها أكرمها وإن كرهها لم يظلمها
أما من ناحيتك إنتى فلا تيأسى وابعتي له رساله تعرفيه إنك منتظراه وإنك باقية عليه وصدقينى الخطوة دى هتفرق معاه كتير جدا وهيكسر الحديد علشانك وطالما إنسان بيحترمك كونى واثقه إنك هتكونى فى أمان معاه وربنا يجمع بينكما فى خير إن كان هو خيرا لكى.
أخوكى إسلام المحامى
لكن انتى ما دام بتحبيه وهو بيحبك بجد حاولى مع مامتك والحى عليها الحاح شديد وهى لو حست انوبيحبك وانتى بتحبيه ان شاء الله هاتوافق .
ولو ماوافقتش موافقتش قولى لها انك هاتموتى نفسك لو ماتجوزتيش هذا الشاب هذا قد يجيب نتيجة.
وان رفضت فعليكى ان تلجاى الى احد اقاربكى عمك او خالك والافضل ان يكون عمك واشرحى له الوضع وهو ان شاء الله هايقف معاكى
وحاولى تكلميه من رقمك انتى حتى يشعر انكى متمسكه بيه ,وان لم يرد فما عليكى الا ان تبعتى ليه رساله وتحسسيه انك مهتمه بيه اما فان لم يتصل او يرد عليكى فانه قد يكون انا اسفه نسيكى .
وارجوا من الله ان يهدى امك ويخليها ماتفكرش غير فى مستقبل بنتها مع الشاب الذى بتحبه
ويرجعها عن الافكار سورى يعنى الرجعيه .
وارجوا من الله ان تتجوزوا ان شاء الله .
واخيرا
فان لم يوفق الله بينكما فقد تكون هذه حكمة من عند الله
ربنا يوفق مبينكم والسلام عليكم ورحمة الله وبركاته
ربنا يديلك الفبالك يارب ويحققلك كل النفسك فية
وخليكى واثقة انة لو خير ليكى ونصيبك يبقى هتخدية هتخدية
انا والله اتخطبت لواحد جارى حبنى اوى من غير منكلم سوى وجة اتقدملى عالطول وماما رفضت بردوا وبعدها بسنة رجع اتقدم تانى واترفض بردوا وبعدها بشهرين اتقدم تانى وسدائينى والله معرفش الموضوع مشى ازاى والمرادى بقت ماما عمالة تسهل فكل حاجة معرفش لية وتقنع اعمامى ومشيت الحمد الله فاوعى تياسى ابدا ادعى ربنا دايما والخير ليكى ربنا هيعملهولك
اذا كنتى واثقة من انة انسان محترم ممتدين و على خلق حاولى بكل الطرق اقناع ماما وربنا يوفقكىلان الحب النقى صعب النهردة( ميدو )
حاولى تقناعى مامتك انك هتكونى مرتاحه معاه واعملى كل ما هو فى وسعك علشان تتجوزى لان الحب بيجى مره واحده وخلاص (نهله طلعت)