السلام عليكم ورحمة الله وبركاتة
انا في الكلية اعرف وحدة صحبتي اكبر مني جات قالتلي في واحد معجب بيكي قولتلها انا ماليش ف الكلام دا جات بعدها قالتلي واحد تاني مكلمني عليكي وعايز يرتبط بيكي بجد قولتلها لو كويس مافيش مشكلة شكرتلي في المهم اخد رقم موبيلي وكلمني وقالي انا من اول ما شفتك وانا بجد في حاجة ليكي وانا عايز ارتبط بيكي بس عايزك تصبري معاية لفترة مش اكتر استني عليا وهاجي اخطبك هو كويس مشفتش منة حاجة بس مقدرتش اوعدة لان قولتلة انا ناسي لو حد اتقدملي هيوفقة بصراحة لان القرار مش ف ايدي قالي مش هتقدري ترفضي قولتلة حتة لو رفض لو هو كويس هيوفقو المهم هو اوقات موبيلة بيتقفل وبيقعد بالسعات مقفول كلمتة اول مرة قالي الموبايل بيفصل شحن تاني مرة قالي رقم رن عليا وقفلت الموبيل قولتلة خلاص مش تقفلة تاني لانك لو قفلت الموبايل انا هقفل الموبايل وهو فعلاا قفل الموبايل روحت انا قفلت الموبايل بتاعي وشغلتة لقيتة بيكلمني ومدايق بيقولي انا اشتريت خط تاني وهو كان حكيلي بصراحة وهو حاليا بيكلمني كتير وبيخاف عليا بس انا خايفة بصراح ه خايفة ليكون بيكدب عليا لان كلام الشباب كلة زي بعض والواحد مبقاش عارف الصادق من الخاين ياريت حد يقولي اعمل اية لان مش عارفة كل اللي اقدر اقولة هو شايل عني حجات كتير من ديقة يعني و اسفة للأطالة
انا هئولك من وجهه نظرى انا …انامش بدىمشاعرى لحد ولا خوفى ولااهتمامى غير لحد موثوق منه اعرفه واعرف كل شئ عنه قبل ماافكر ف اى علاقه لازم يكون موثوق منه حاولى تعرفى عنه كل شئ وتتقربىمنه ومتديش غير لما تخدى..وربنا ينولك اللى ف بالك
ابعدي واتقلي عليه خالص لا موبيل ولا موبلتش ممكن يكون بيختبرك الصنف ده مالهوش امان اقطعي عرق وسيحه دمه عاوزني وشاريني ليا اهل وبيت وتعاله كلم اهلي واحنه معاك لحد مانا اخلص جامعه وانتا ظروفك تتصلح ولو قالك لا اصبري يبقه ابعدي عنه ولا حتي اتصل بيكي ماترديش بتبتدي انه مش معاه مديات وبتنتهي بالسرير دول شباب سوسه
علي فكرة انا ف الجامعة المفتوحة وعندي 24 سنة بس ناسي متوفين مش اكتر واخواتي متجوزين كلهم ومش فاضل غيري
زى ما فى وحش فى حلو ومش كل الناس زى بعضها
بس انتى اتاكدى من مشعره نحيتك مثلا اعملى فى يوم انك تعبانه شوفيه هيعمل ايه
انا مش بفترض السوء انا بنت ذيك وبجد البنات تايهين بالومن دة لانهم مش قادرين يفرقوا بين الحب الحقيقى والحب الزائف مش بقولك تخونى بس ماتصدقيش اى كلام غير بعد التاكد منة وخلى بالك من نفسك وان شاء اللة لو كان انسان كويس يارب يكون من نصيبك ونكونى من نصيبة ويجمعكم فى خير
بسم اللة الرحمن الرحيم حابة اشارك برايى وعسى انة ينفعك بصراحة انا حاسة من كلامك انة شخص كداب بدون زعل ومش اى حد يقولك بحبك تصدقية وخاصة بالزمن دة وصاحتك انت قولتى انها قبل كدة كانت قايلالك فى واحد عايز يكلمك وانتى رفضتى وانا حاسة انة هو دة نفس الشخص اللى قالتلك علية بس لما لقى انك مش عاوزة تحكية دخل بطريق تانى وهو الارتباط بس تصبرى عليا شوية والحوار دة انتى تعمليلة اختبار وتقوليلة ان انتى كلمتى والدك عالارتباط وهو موافق من حيث المبدا وقلتى لوالدك على ظروفة ووافق بس بعد محايلة ورفض بالبداية وانة عاوز يتعرف علية وشوفى هيكون اى رد فعلة انبسط بالخبر اتضايق هيبان من صوتة بيتلكك وهتتاكدى من نوايا اذا كان شخص محترم وفعلا طالب الارتباط ولا التسلية
باختصار شديد يا ترى بعد التلفون وبعدها مقابلات وفى التلفون اكيد كل فترة الموضوع بيبقى اكبر فى الكلام وبتزيد المشاعر لو هنعتبر انة مش بيضحك وهيخطبك صدقينى بيبقى فية شك فيكى بعد الزواج لان هو دة تفكير الشباب الى تغلط مرة بتغلط تانى وبتبقى حياة كلها شك بعد كدة الافضل كل واحد يعرف الطرف التانى بيفكر ازاى يعنى البنت تعرف ازاى الشاب بيفكر والشاب يعرف ازاى البنت بتفكر كلة هيرتاح ويحل مشاكلة بنفسة
كويس انو انتى ناضجه فكريا وعارفه الصح من الغلط وانا راييى انو هو مش الحبيب الى اختارو قلبك بل هو الشخص الى اختارتو صديقتك ثم ليه صديقتك مصره انك تتعرفى على شاب الا لو كانت هيه خايفه من شي على نفسها وحابه تمسك عليكى فرصه ثانيا هو ازاى حابك وعايز يرتبط بيكى وعايزك تنتظريه اوك مفيش مشكل يتدخل من الباب ويتقدملك ووقتها بتنتظريه بالنور مش بالظلام بس يكون هو اخد خطوه ايجابيه لاكن ده اسمو لعب عيال وانا شايفك بصراحه حكيمه بتصرفاتك اياكى تسمعى غير ضميرك وضمير اهلك الى ائتمنوكى على شرفهم وشكرا
أختاه الحق واضح وبين افهمي قول العلماء “” من طلب شيئا في غير حله عوقب بضده ،، ومن استعجل شيئا قبل أوانه عوقب بحرمانه “” أختاه أنت الان عليك مسئولية التعلم واحترام أبيك واخول ودينك وعرضك وقبل كل ذلك ربك أختاه : : ذلك ذئب أراد متعة رخيصة من نظرة أو كلمة تسعد نفسه فهمه الوحيد هو سعادته الخاصة لو كان رجل بن رجل لحافظ عليك من نظرات الناس
أختاه امام طريق واحد أن يجهز نفسه أولا ثم يتقدم وخلال فترة وجيزه يعقد ويتزوج ولا يسألك أي شيء قبل العقد لا كلمه ولا أي شيء
عندما تضعفين أمامه وتقبلين كلامه سوف تسقطين من نظره أختاه الشيء البعيد غالي والشيء السهل رخيص وقبل كل ذلك ماذا تقولين لربك ونبيك وزوجك الذي لا يعلمه الا الله
أختاه ركزي في تعليمك وانشغلي به وسوف تنالين زوجا طيبا رجلا يأتي البيوت من الابواب
ولا تهتمي بذئب لا يعرف معني الرجوله توكلي على الله ولا تضعفي فالثمن غالي شرفك وسمعتك وحياتك
انا بردوا زيك كدة بس اقولك على حاجة اشترى متبعيش اتعاملى معاة بس مدلقيش واستنية لفترة حدديها متكنش كتير لقيتية بيهزر ابعدى من غير مشاكل مش بيهزر يبقى هيخطبيك
اد هو بدو يتقدم ليكي يا حبيبة ليش بدو انك تكوني حبيبتو انصحك انك ما تكلميه كثير وخبريه انك بنت ناس وما بتحبي تخرجي مع الشباب
ليش هو متسرع هايك على هالعلقة اد بدو يخطبك
اتفقي معاه اد بدو يخطبك يجي يخطلبك الله جعل فترت الخطوبة للتعارف مش قبل ومن تم مش حتعملي شيئ يضرك وممكن تكلميه امام الاهل وتتعرفي عليه اكثر دا من وجهة نضري وانت اعملي لي ناسبك
اولا الناس كلها مش زي بعضها زي ما في الوحش فيه الكويس انتي اعرفيه كويس والانسان بيبان من مواقف مش مجرد كلام امشي علي احساسك بلاش تخلي مخاوفك تاثر عليكي لو انتي فعلا شايفه ان ده الانسان اللي تتمني تكملي معاه بقيه عمرك خليه يكلم اهلك وياخد خطوه ايجابيه وصدقني مهما كانت ظروفه بس لو بيحبك حيخاف عليكي وحيخاف لتضيعي منه وتبقي لحد غيره بالتوفيق