بسم اللة الرحمن الرحيم بصوا انا مرتبطة بشخص انا بحبة قوى وهو كمان احنا الاثنين عملنا حاجات كتير قوى عشان نبقى مع بعض هواحنا لسة مافيش ارتباط رسمى مابنا عشان احنا لسة فى الكلية وكدة مش هينفع دلوقتى هوبجد حد حنين عليا قوى احنا بقالنا سنة مع بعض وفى مرة كنا خرجنا مع بعض فيها لاقيتة “قبلنى” وبعدهاهو نفسة انكسف وقالى واللة عملت دة من حبى ليكى وقولت عادى وجة تانى مرة اتقبلنا لاقيت نفسى انا وهو” بنقبل” بعض بس وهوواللة بيخاف عليا جداااا اكتر ماانا بخاف على نفسى واحنا متدينين وبنخاف ربنا قوى وانا بخاف اعمل الغلط قوى وبخاف من ربنا جدا وهو كمان بيصلى بس انا حاسة ان دة غلط بس بحس ان احنا ملك بعض احنا متفقين ف كل حاجة والموضع دة لما حصل خلاة متمسك بيا اكتروقالى اناعايز اكلم ماما وعندى خالتو اتعرف عليها لاننا اصحاب وانا لما قبلنى المرة الثانية عيط عشان عملت كدة خفت ليفهمنى غلط ويفتكر انى عملت كدة قبل كدة لكن هو زعل انى عيط وقالى انا متاكد انك عمرك ماعملتى كدة زى ماانتى اول حد انا اعمل معاة كدة وماتعيطيش وقعد يهدينى واتاسفلى بس نفسى حد يقولى راية فى موضوع القبلات بين الحبيبين ودة صح ولا غلط انا عارفة انة غلط بس يعنى هو كدة يبقى اية انا محتارة
مشاكل البنات مع الشباب
حد يقولى القبلات بين الحبيبين غلط ولا صح
اضيف بتاريخ: Sunday, January 16th, 2011 في 22:38
كلمات مشاكل وحلول: ارتباط, اصحاب, القبلات, الكلية, مرتبطة, مشاكل البنات, مشاكل البنات مع الشباب
اصلاا ان واحد يسلم ع واحده مش قريبته لا يجوز .. مبالك بءاا بالحضن .. مش هعمل فيها شيخه انا لسه شايفه الكلام ده دلوقتي عشان كنت مرتبطه بواحد وقعدنا 3 سنين وحضني وباسنى كتيير بس ناا ندمت اوي عشان دلوقتي سبنا بعض ونا مبقتش بحبه عشان ارجعله هو عايز بس انا لا .. ودلوقتي ارتبط بواحد تاني كان عايز يجي يطلبنى من بابا بس نا قولتله ادامى شويه بابا مش هيوافق وحبينا بعض بغباء بس هو عايز يحضني ونا نفسي احضنه بس مش عايزه اكرر التجربه دي تاني
طب انا بحبك واحد وبقالي ٣ سنين معاها وعملنا كل حاجه حضنا بعض وبوسنا بعض كتييير وبنتخانق بسبب دا وهيا زعلت مني المهم بعد ما رجعنا لبعض عملت كدا تاني وبعدها نمت معاها اربع مرات ولحد دلوقتي بعمل كدا بس كتبين ف ورقه ان احنا متجوزين كدا حرام
هو ارتباط بدون شي رسمي حرام اصلا مش بوسه استغفري ربي وادعيله يغفرلك لان درتيه خطأ كبير تعرفي لو شاب شم ريحتك بس ينكتب عليك عند الله زانيه مشبوسه وانتم مصريه مشعارف كيف عادي عندكم ماتخفوش ربي ولا شنو وعنجد الي يقولوك عادي معلش متاكدين انكم مسلمين ولا بتفتو حتي في دين
انا هجيب الخلاصه لكله ومقنع جدا
الحب دا شعور بييجى بين اتنيين بيحبوا بعض وبتيجى من غير ما تخبط على باب وربنا خلق المشاعر دى علشان يبقى فى محبه وتألف
وطبعا للمحبه انواع مثل محبه الام للابن والاخ لاخيه والخ…..
وكما قلت الحب دا ربنا هو خلقه فى طبيعه الانسان يعنى مش حرام ولا حاجه وبطلو تفتوا وكمان البوسه انتى لو متردده فيها يبقى متعمليهاش
وعارف انها لحظه ضعف بس كمان البوس لو انتوا بتقولوا حرام علشان مش فى ارتباط بينهم
امال بقى لو انتا او انتى بوست او بوستى جوزك او مراتك فى رمضان يبقى كدا انتا فطرت يامعلم بس من المعروف انهم متجوزيين وحلال
فبقولك من الاخر خافى ربك وحاجه متردد فيها متعمليهاش
واقولك انا عندى 17 سنه وبحب بنت خالتى وعندها15 سنه وبحبها بقالى خمس سنيين يعنى حب من طرفيين وكمان كنا صغيرين يعنى قلت انا الحب مبيدقش الابواب وبوسنا بعض وكل مره بتحصل وعمر مكان فى تردد ومحصلش حاجه اكتر من كدا لو انتا متوكل على الله
مش هتعمل حاجه فيها مشاكل
وبقول لازم تكونى متأكده
على فكره هوا مشاعره صادقه لانك بتحكى عنه كأنك حكيتى عنى بالظبط
شكرا
قايمين خبط و لط ف البنت لحظة ضعف بتجي لاي واحد .. جربتها و تعلمت منها .. و هو مانو غلطان هاي مشاعر و احاسيس بتجي ما بيادر حدا يتحكم فنفسو حسستوها للمخلوقة قاتلة روح ….
هو انا مابعرف حرام ولا لأ بس انا كمان عندي حبيب وولا مرة قبلتو هو بيقول نطلع بس انا اخاف من ربي اذا قبلني لانو في الآخرة وكل حد وعقلو 🙂
من جد اذا كان يحبك فعلا مايسوي ها الحركات ابد وهو عارف وش نقطه ضعف. انا صارت معي ها الحركه بس الحمدلله اني ماعطيته مجال ابد. وهو يقرب لي. كان يقولي أحبك ومن ذه الكلام. بس ما كانت حسه انو هو صادق في مشاعره. علي فكره من بين مليون واحد. يكون واحدبس فيهم صادق في مشاعرها. والا الباقي كلهم كلاب بس مجرد انو يقضي حاجته
اتقى الله فى فى نفسك وف اهلك
الحب شيء جميل ولكن أظن أنه إذا كان يحبك سيحترمك ولن يقبلك فما هي إلا وساويس الشيطان فإعطي نفسك قيمة أكبر ولا تتبعي شهواتك واذكري الله وفكري في الآخرة قبل الدنيا والمهم أنك علمت بأنك مخطئة فأتمنى أن لا تكرريه وهناك حب حقيقي وحلال هو بين الزوجين
اسمعي الحب من وجهة نظري مش حرام واحنا مش ملائكه البشر بيغلطوا بس المهم لما يغلطوا يتعلموا منه انه ما يعيدوا مره تانيه عادي الي مريتي فبه لانه البنت بتمر بلحظة ضعف بس مش لازم تتمادي بلموضوع لانه الي بزيد عن حده بيقلب ضده وانا نصيحتي تحكيلو بدك تبوسني ما في مشكله بس بيت اهلي موجود تعال اخطبني وساعتها لكل حادث حديث
بصي انتي حاولي تحافظي علي نفسك وخلي بالك من تصرفاتك معاة ومواتوفقيش علي اي حاجة حسة انك مترددة فيها لان اكيد دة هيكون غلط لان لو حاجة صح مش هتفكري فيها وخلي بالك انهم بيحبوا البنت الي بتحافظ علي نفسها بيحترموها اكتر وبيحبوهاراي انك تبعدي عنة لان دة مش بيحبك عشان لو كان بيحبك كان هيحافظ عليكي وهيخاف علي سمعتك ومش هيخليكي تعملي كدة وتخرخي من وراء اهلك
شوووفي هووو غلط صح لاكن انا حااسه وكل اللي يحبون رح يفهموني ويفهمون كلامي لانهم يحبون هوو قالك انه يحبك وانت تعرفي وانتم مصاريه عااد انا سعوديه وبقوول في فرق بيننا انتم تقدرون تسوون اشياء احنا مانقدر نسويها لاكن هوو باسك لانه يحبك بس مو كل مره حلا يبوسك اعطي لكل شى حدود انا زيك حبيبي مايقصر فيه يبوسني بس انا ما بين فتره والثانيه اجننه عشان يتعلق فيني اكثر لاكن سووي حركه عشان تعرفين هو يحبك والا بطريقتك انتي حبيبته وتعرفين له وانا اقوول لا تسمعين كلامهم وتنفصلين عنه لان الحب احلا شى في الحياة ويمكن هذا الشخص بتكملين حياتك كلها معاه ولاتغلطين وانتي لا تعطينه وجه مره اثقلي عليه يا قلبي
بصى الحب مش حرام بس لازم تتماسكى وتحافظين على نفسك وعلى حبك وهو لو بيحبك بجد اكيد هيسمع كلامك وتتجوزوا على طول ان شاء الله المهم فكرى فى غضب ربنلا قبل اى حاجة وماتزعليش كل انسان بيغلط بس المهم نتعلم من غلطنا ومنكرروش وربنا هيكرمك انتى وهو ان شاء الله
لا الحب موغلط بس مادلم انتي متينة لا تقابليبس ب مو حرام ولاغلط بس المم يكون صادق انشاءلله بالتوفيق
غلط حرام مايرضيش ربنا وهو بيقولك انه مش زعلان انك عملتى كده معاه علشان يقضى معاكى شوية وقت وبعد كدة هيسيبك بعد مايكون ضيعك وهو ولا هيخسر أى حاجة
يا سلااااااااام واضح انك متدينة اوى وهو كمان متدين تدين ايه يا اختاااااه ده شيطان وهذه اولى خطواته وحب ايه ده اولا لقائكما حرام وانفرادك به حرام ومعرفته اصلا حرام اين مراقبتك لله ايتها المتدينة للاسف انا ممكن اقول انك متدنية ليست متدينة اين خوفك من الله اجعلتى اللى اكثر الناظرين اليكى اتقى الله واهجرى هذه العلاقات والمقابلات الاثمة واقطعى علاقتك به قبل ان يقطع هو علاقته بكى بعد ان ياخذ منكى اشرف واثمن ما تمتلكه الانثى
أولا أسأل لكى الهدايه من عند الله وحقولك حاجه لو أنت عندك بنت وبتعمل كده وسألتك حتقوللها إيه متضحكيش على نفسك عشان الشيطان هو اللى بيضحك عليكى وبيقويكى على الغلط وأعرفى أن دى البدايه وبعد كده المواضيع بتطور لأن كل حاجه حتعمليها حتلاقى الشيطان بيقولك وانت مش عرفه ان ده الشيطان لأنه بيجرى فى مجرى الدم أنه بيحبك وأنت بتحبيه وكلام ده كله والله والله قسم يتهز له سبع سموات أن ده لو بيحبك ما حيعمل معاكى كده أبدا كله كلاااااااام وانتى لسه صغيره وياما حتقابلى أناغلط بسبب أنى كنت بحب وأبوس أيدك قربى لربنا هو اللى كتبللك الخير وأعرفى أن ربنا كتبللك اليعاد الى حيحصل معكى كده بس فى الحلال وأحنا اللى بنستعجل على الحرام بس شوية صبر حفظى على نفسك ومتعرفيش ربنا كتبلك إيه لو كان بيحبك مش حيخليكى تغلطى فى حق نفسك وفى حق ربنا .أنا حاسه بيكى بس حموت من الخوف عليكى عشان الحرام مابيجبش غير حرام ومصايب مهما قولتى أنتى عمرك ماتغلطى والله الشيطان ده ما بيسبش الواحد غير لما بيخلص عليه ونرجع أحنا نبكى ربنا يسترها عليكى وعلى بنات المسلمين
ختى انتى بتقولى انو غلط وانتى مقتنعه بكلامك وانا بقولك اكيد غلط ولاسلام محرم كده بس لو جات على القبلات سهلة بس بعد كده بجر حجات كتير وراها فخافى على نفسك واتقى الله فى اهلك وبعدين اديكى شايفه من خلال الموقع دا كل المشاكل الى بتيجى ورا الكلام دا انتى لسه فى الاول يعنى الموضوع سهل بالبنسبه ليكى لاكن لوحصل المحظور هتندمى اوى وساعتها هيكون الوقت خلاص وبعدين الدنيا مش مضمونه الله اعلم ايه الى ممكن يحصل وربنا يصلح الحال
على فكره انتى مش عايزه حل ولا هتقتعى بكلام اى حد لأ وهم الحب مأثر على دماغك وعامى عنيكى انتى من جواكى عارفه الحلال والحرام لو جبتى عيله فى ابتدائى وسألتيها كانت هتجاوبك ووشها هيحمر خجل من سؤالك
لكن الأهم بكتير وعن تجارب ناس كتير
انكوا لو منعتوا علاقتكوا خالص ربنا هيباركلوا لو اتجوزتوا
ولو ركبتى دماغك وكملتى وحصل نصيب وجواز بعد فتره البركه هتقل فى البيت والحب هيضيع ومشاكل كتير هتواجهكوا بسبب اللى عملتوه قبل الجواز
ولو اتجوزتى غيره بردوا هتعيشى فى نكد ” هتقارنى من ناحيه – هتفتكريه كل ما جوزك يعمل حاجه من ناحيه – شبحه هيطارك ” لحد ما حياتك هتتحول لجحيم
بالتوفيق
يعنى ايه( بصو) انتى فى حضانه ؟؟وبتسألى سؤال زى كده رغم مراحل تعليمك ؟؟؟انا بلتمس ليكى العذر** لانك بعيده عن امور دينك !!ومهما كان الحب بينكم لايمكن توصليه لكده معاكى //ومفيش اى إرتباط رسمى بينكم والبوس اشتغل!!((هو حد حنين اوى )) ومصلى كمان وانتى متدينه/ تتفهم إزاى دى ؟(الاخت حبيبه الرحمن كلامها يوجع بس بفايده/اتمنى لك السعاده
انا عارفة انك مش نيتك حاجة وحشة وان دى كلها مشاعر كويسة مش وحشة بس مش وقتها فيها اية لو نصبر على بعض شوية؟اولا . افرضى مش نصيبك معاة لاى ظرف من الظروف تندمى ندم عمرك على كدة. ثانيا .هو اة بيقول انا متاكد انك اول مرة والكلام دة بس الشيطان شاطر.فاهمة النفس قمارة بالسوء .ولو ليكونصيب فى بعض هيكون وهتنبسطو ببعض اكتر من كدة بس حافظى على نفسك وعلى حبك وعلى احترامة ليكى واحترامك لية.
طبعا حرام وغلط جدا انتى ازاى تستسلمى لكده باسم الحب يعنى الحب شىء نقى ونضيف عمره مايكون كده انتى بعدتى عن ربنا عشان كده ضعفتى والشيطان ضحك عليكى هو لو بيحبك عمره ماكان عمل كده الحب مش كده طيب انتى وهنقول بنت وضعيفة لذلك استسلمتى مع ان ده اكبر غلط انما هو المفروض انه راجل مايعملش الغلط بل بالعكس هو اللى يصححلك الغلط انا اللى اعرفه انه بيحبك يبقى يتقدملك ويدخل البيت من بابه حتى لو ظروفه على اده الاهالى دلوقتى عارفين ظروف الشباب ولو مايقدرش وانا واثق انه مايقدرش وهقولك ليه لان ببساطة لسة بيدرس يعنى ادامه لسة فترة الدراسة وفرز التجنيد ويدور على شغل ويشتغل ويثبت نفسه فى الشغل ده ويكون حتى على الاقل حق الشبكة معلش خلينا واقعيين دى الحقيقة وكمان انا واحد من الناس بحب واحدة جدا وبعشقها بس عارفة عشان بحبها عملت ايه حاربت الدنيا عشانها ودخلت البيت من بابه والباقى بقى على ربنا وانا راضى بقضاؤه بس اللى عملته هو الصح لان ماغضبتش ربنا وكمان اثبتلها انى بحبها وطبقت الحب صح لان الواحد لازم يتقى ربنا فى بنات الناس ولان عندى اخوات بنات وكما تدين تدان هو لو بيحبك صح وبيفكر فى ربنا وبيتقيه فيكى كان عرف ان ده ممكن يحصله فى اخته او امه او حتى بنته او مراته بصى البوسة ممكن تستبسطيها بس دى ضررها كبير غضب ربنا وثانيا البوسة تجر حضن والحضن هيخلى اجسامكم تلامس بعض وده هيحرك غرايزكم وشهواتكم وهتوصلوا ل………. فليه يابنتى تعملى فى نفسك كده النفس غالية دى نعمة من ربنا فلازم نحافظ عليها وياستى لو ليكوا نصيب فى بعض هتدخلوا بيتكم وتهروا بعض بوس لحد ماتزهأوا وتفتحوها مبوسة وكمان يعنى على الاقل يبقى فيه اشتياق بعد الجواز تبقى البوسة اجمد واحلى ومش هتغضب ربنا بس انتى كويسة انك حاسة بالندم بس نصيحة هو ممكن يكون بيمثل عليكى عشان ياخد غرضه وبعد كده يسيبك ويرميكى معلش اصلى صريح شوية ومابعرفش الف وادور وماتاخدكيش الجلالة اوى وتقولى لا ده بيحبنى ممكن يكون ممثل بارع وانا شاب واعرف الشباب بيفكر ازاى وبصى لوخليتى ربنا فى حياتك والله ماهتندمى وهتكسبى ياستى على الاقل هتكسبى نفسك توبى لله وارجعى عن ده وماتخونيش اهلك وتخرجى معاه من وراهم لان ده كمان غلط طالما مابيتقيش ربنا فيكى يابنتى لو ماحدش بيشوفكوا فربنا سبحانه وتعالى متطلع عليكوا خافى الله معلش ممكن اكون قاسى شوية فى كلامى عليكى بس دى الحقيقة هى بتوجع بس الصح وممكن يكون ربنا شايلك اللى احسن منه مليون مرة لانك رضيتى الله فوقى لنفسك واتقى الله يجعل لكى مخرجا والراجل هو اللى يحافظ على حبيبته وعلى سمعتها مش يضرها الحب مش كده خلى بالك على نفسك وربنا يوفقك لما هو خير.
حرام الاسلام حرم كده ام جهه المجتمع فنظره المجتمع ونظره حبيبك ليكى هتتغير حتى لو قالك غير كده وده الى بيحصل فعلا ودهالى بنشوفه كتيييييييييير
والله العظيم غلط
اتقى الله فى نفسك
خليكى كالتفاحه ع الشجره وليست ع الارض
اتقى الله
انا اقولك والله الموفق
الشباب فى السن الصغير بيكونو لسة ميعرفوش علاقات المتزوجين وبيحسوا بالنقاء فى بداية العلاقة ولكن الامور بتنقلب بسرعة والوساوس وزملاء الشر والشيطان الرجيم ومع الوقت هتقلى فى عينه ولو حصل خطا هتبقى حمل وذكرى سوداء لاتطاق وهيتحول الموضوع من فرح الى سداد دين وترميم خراب
وكفاية انك بتختلى بيه وبتخالفوا امر الله وبتطيعوا الشيطان
طبعا حرام وانتى كده بتقللى من قيمه نفسك قدامه حتى لو كان بعشقك بردو التنازلات بتقلل من قيمتك لو بيحبك قوى يخطبك وحتى بعد الخطوبه متتنازليش علشان تبقى غاليه عنده
انتي بتسالي ازا كان حرام ولا حلال القبلات بين الحبيبن لااستني لما ينام معاكي معاكي بالمره علي نفسر كويس
انتي عبيطه ولا هبله ولا ايه بالظبط وفين تدينك وانك بتخافي ربك وفين الصلاه اللي بيصليها راعي ربك في حالك وماتخرجيش مع حد حتي لو ابوكي نفسه وهو لما بتخرجي معاه اكيد اهلك مابيعرفوا يبقه انتي اكده خنتي ربك وخنتي اهلك وهو لو بيحبك مكان لمسك اللي بتعمليه ده حرام لو شاريكي يكلم اهلك وابوكي ويبقه رسمي واستنيه ان شالله 100 سنه وحافظي علي حالك مافيش حد بيبوس وبيمسك وفي الاخر بيتزوج وبعد اكده حافظي علي كرمتك لانها لو ضاعة مافيش حاجه هاتبقه للبنت
بسم الله الرحمن الرحيم لو كان هو بيحبك زى ما بتقولى مش هيعمل معاكى كده هيخاف عليكى اللى بيحب حد مبيغلطش معاه – ولو معملتيش كده هيحبك أكتر صدقينى حببتى وخلى ديما ربنا أدام عنياكى فى كل تصرفاتك ومش هتعملى حاجة غلط أديكى شايفة كل المشكلات الاول بتبدأ بتقبيل وبعدين ؟؟؟؟؟؟؟؟؟؟؟
أتفقى معاه أنكم مش هتعملوا كده تانى لحد ما تعقدوا قرانكم وصلى كتير وأذكرى ربنا وربنا يجمع بينك وبينه فى خير أن شاء الله
انتوا الآن في فورة الشباب والغرائز والمشاعر
لذلك حرم الاسلام الاختلاط وحرم الخلوة
وقال الرسول صلى الله عليه وسلم ( لم أرَ للمتحابين مثل الزواج)
ابتعدوا عن الحرام وربنا يسترها على الجميع
سيحبك اكثر اذا لم تسمحي له بذلك ,والقبلات وما الي ذلك بالتاكيد تتطور بدون وعي واراده الي اكثر من ذلك خللي بالك امنياتي
طبعا غلط وقبل انها غلط فهى حرام انتوا ايه مش خايفين من ربنا اتقوا الله وعلى فكرة كده ممكن يشك فيكى وادام انتوا مش متجوزين يبقى كل الكلام ده حرام
اكيد اختي غلط توبي الي الله وهدا حرام شرعا الحب مش حرام لكن بلمحافظة علي الضوابط الدينية وخلية يتقدم وتزوجواحتي لا يعايرك بعد الزواج حافظي علي نفسك
بصى دى بتكون مشاعر بس حرام لان لو سبتى الموضوع كدة وكل ما يقبلك يبوسك هيتعود على كدة وممكن تقلب بحاجة تانية وبردة هيكون غصب عنك بصى بلاش تعودية على كدة مهما كان حبة ليكى بردة ما تديش الامان اوى وخافى من ربنا اكتر عشان ربنا يباركلكوا فى الجوازة دى انا عارفة انها بتكون غصب عنك بس حاولى بلاش تعملى كدة عشان متتعوديش على كدة وربنا يوفقك ويكون بيحبك بجد