حاسه اني هفضل مذلوله طول عمري

انا بنوته عندي 16 سنه من عيله محترمه جدا ومتدينه
ابتديت حياتي العاطفيه من بدري اوي اول حكايه كانت ف ابتدائي اشطر ولد ف الفصل واجمل بنت ف الفصل استمرت حوالي 4 سنين وانهت بنقل اشطر ولد مدرسه تانيه بس عمري مهنسا ذكريتها
والحكايه التانيه ف اولي اعداي ولد طلب مني رقم تليفوني وادتهوله وانا ولا اعرفه ولا يعرفني اتعرفنا ع بعض وهو كان اكبر مني بخمس سنين وللاسف ابتديت اكدب ع اهلي من ساعتها وللاسف كان بيكلمني ف حاجات اكبر من سني وطبعا الكدب مالوش رجلين واختي وماما عرفو ومنعوني كذا مره من اني اكلمه وانا كنت بكلمه من وراهم لغاية مازهقت من الموضوع ونهيته بايدي وبعديها اختي كانت مرتبطه بولد ليه اخ اخوه ده قالي انه معجب بيا واتكلمنا مع بعض فتره وللاسف برده مكنش كويس وحصل مشكله بين اختي والولد اللي كانت مرتبطه بيه فالموضوع انتهي و الكلام ده وانا ف تانيه اعداي وساعتها ابن عمي كان معجب بيا وابتدينا نتكلم ع الفيس بس لما اختي عرفت نهت الموضوع عشان ميحصلش مشاكل عائليه وبعد كده ف اجازه اخر السنة بتاعت تانيه اعدادي كنت ف فرح صحبت اختي وفيه ولد اعجب بيا وقعد يدور ع الايميل بتاعي حوالي 3 شهور وقالي انه معجب بيا واتكلمنا ف اوائل تالته اعدادي ومازلنا بنتكلم بس اكيد حصلت مشاكل زي مثلا ابن عمي التاني كان معجب بيا وجه اتقدملي كان اكبر مني بخمس سنين ووالدي وافق عليه لانه كويس ونعرفه وقرينا فاتحه بس الحوار انتهي لاننا مش اتفهمنا خالص ورجعت تاني لاخو صحبت اختي ده بس للاسف كنت تعبانه نفسيا جدا من اللي انا فيه لاني كنت ابتديت احب ابن عمي ده برغم اننا كنا مختلفين
بسبب تعبي النفسي ده اثر ع قلبي وجالي مرض كده هو مش خطير بس تعبت جامد اوي وقررت انهي كلامي مع اخو صحبت اختي ده عشان مظلمهوش بمعملتي الوحشه معاه بسبب تعب النفسي
وساعتها كنت ف اولي ثانوي وكان عندنا ف المدرسه مدرس صغير عنده 25 سنة اعجب بيا وابتدينا نتكلم وانا للاسف كنت ف الفتره دي تعبانه نفسيا وضعيفه جدا كان هو بيهون عليا وبيخرجني من اللي انا فيه حبني وحبيته ووعدني انه هيجي يتقدملي بعد الانويه كان راجل اووي معايا ووالدتي واختي كانو عارفين بس بهبلي وغبائي حنيت لايامي مع اخو صحبت اختي ده برغم انه مكنش كويس برده وبيكلمني ف كلام زفت وبعدت عن مدرسي ده بحجه ان والدي عرف وهيحصل مشاكل لو كملنا وهو طبعا مش عايز يعملي مشاكل وبيخاف عليا بعد زي منا قولتله
بس للاسف لما رجعت لاخو صحبت اختي ده دخلت ف علاقه جنسيه غير كامله بس معرفش انا عملت كده ليه برغم صغر سني كنت بفكر ف حاجات مقرفه اووي وهو كان بيساعدني اعمل الغلط وطبعا انا اللي رجعاله برجلي
ودلوقتي انا خلاص تعبت بقا من الكلام ده نفسي اخلص من اخو صحبت اختي ده واعيش حره بس مش عارفه ازاي وبرغم كل اللي حصل مابينا هو بيطمني ويقولي انه مش هيسبني وهيتقدم جد بس انا حاسه اني هفضل مذلوله طول عمري باللي انا عملته معاه
ياريت تقولولي حل انا تعبانه اووي وانا قررت مش هعمل حاجه غلط تاني وتبت لربنا بس هي الفكره فاااني خلاص بقيت كرهاه اكتر من الاول بس مش عارفه اعمل ايه وانا جرحته كذا مره باني اسيبه وارجعله
عايزه حل

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بيحبنى لكن هيضيع مستقبلى
• صديقتي تركتني لسبب مجهول وانا مازلت احبها
• اتصرف ازاي مع بنت بحبها ومش عايز اخدعها ولا اتسلى بيها
• انفصلنا وفسخنا الخطوبة لكن ندمان
• متدينة واعرف ربنا ووقعت في حب جاري
• بحبني وبحبو ورفيقتي بتبعدني عنو