السلام عليكم !!!
انا بنت عندي 15 سنة انا مشكلتي اني علي الرغم اني متدينة واعرف ربنا كويس الا اني واقعة في حب ولد هو بيكون جارنا وبرده معايا في المدرسة وهو في نفس سني انا بحبه من سنتين بس المشكلة انو خجول جدا وانا كان قراري في النهاية اني عايزة اتخلص من الموضوع دا علشان عارفه اني دي حاجة غلط ومش تنفع في السن دا بس المشكلة اني مش قادرة كل لما اخد قراري اني هكره ومش هرجع افكر فيه اول لما بيعدي قدامي بيحصلي حاجة غريبة بس هو اصلا كل لما يشوفني جاية من مكان او ماشية في الشارع وهو يكون مثلا في البلكونة يدخل فجأة او لما يشوفني في السوبر ماركت واقفة بشتري حاجة يمشي وكمان المشكلة اني مش لاقيه حاجة فيه تخليني اكرهه علشان مفكرش فيه تاني لانه محترم ومؤدب وكل حاجة كويسة بس انا والله بدعي ربنا انه يبعد حبه عن قلبي وبرده مش راضي يروح وارجووووو منك المساعدة لاني بعاني والله كل لما اشوفه قدامي ومش بعرف اتصرف ازاي ولكم جزيل الشكــر.
مشاكل حب المراهقة
متدينة واعرف ربنا ووقعت في حب جاري
اضيف بتاريخ: Friday, February 1st, 2019 في 06:26
كلمات مشاكل وحلول: الحب, المدرسة, بنت, حب, شاب
حطي شرفك و كرامتهم و شرف اهلك و كرامتهم امامك و الخوف من الله امامك طول الوقت
و اعرفي أن في الشريعة الإسلامية
أن اي حب خارج الإطار الشرعي الذي كتبه الله و هو الزواج يكون حرام
و انتي ممكن تسألي في موقع افتاء تابع لدار الافتاء السعودي اسمه اسلام ويب عن الحب قبل و علاقه الشاب بالفتاة قبل الزواج
و هاتعرفي أن علاقة الحب قبل الزواج حتي لو كانت عن طريق الهاتف فقط دون حدوث أي شيء اكبر من ذلك حتي لو كان مسك الأيدي فقط سيقولون لك إن ذلك كله حرام و يضر بسمعتك و سمعته اهلك
عيشي حياتك حبي وانحبي وبما انه الولد مؤدب ممكن تستمر علاقتكم وتتطور للزواج
شكرا لك سيدي
شكرا أبا البتول واكثر الله من امثالك
يابنتي كل اللي تعمليه غلط كبير ولاتظني ان دا هو الحب الحقيقي وانما دي تصرفات مراهقة وطيش وعبث وتهور سوف تدفعي ثمنها غاليا من سمعتك وسمعة اهلك احذري من هذة التصرفات الغير اخلاقية وابتعدي عنها فورا واهتمي بالحفاظ على خلاقك وتربية الاهل لك وصون شرفهم وسمعتهم اشغلي اوقاتك بطاعة الله عزوجل وبالصلاة في اوقاتها وقراءة القران والصوم والاستغفار وربنا بيحفظك وينجيك من كل سوء ويسترعليك ويبارك فيك ويؤفقك طول حياتك من يتقي الله يجعلله مخرجا ويرزقه من حيث لايحتسب