مشاكل البنات مع الشباب

احساسى بالذنب يقتلنى هل كان بيخدعني

السلام عليكم انا فتاة ابلغ من العمر 28سنه من اسرة محافظه , مشكلتى انى من كام شهر اتعرفت على شاب على النت وكنا بنتكلم مع بعض فى الشات فى البداية كان تعارفنا طبيعى وكنا ممكن ناخد شهر او اكتر ما نتكلمش مع بعض لحد ما فى يوم قررنا نوطد علاقتنا ببعض وفعلا دخلنا على الفيس بوك وبدأنا نتكلم مع بعض بالساعات لحد ما طلب انه يتقدم لى مع العلم انى كنت بحس بالذنب من كلامنا مع بعض لانى ده مش طبيعتى انا مكنتش بتكلم مع شبان نهائيا ولو حد كلمنى مش برد عليه المهم انى اديته رقم ولى امرى واتصل بيه وحدد معاه ميعاد واتكلم معاه قبل ما نعمل رؤيا وفى الميعاد الشاب ما عجبش اهلى لرفضهم لعيلته مش علشان عله فيه لانهم قالو انه شكله انسان كويس وملتزم المهم انه لما اترفض انا اتصلت بيه بالتليفون علشان اطلب منه يحاول مع اهلى مرة تانيا وقال نأجل الموضوع ده كام يوم وانه هيكلم واحد معرفه له من عيلتنا ويجى يتقدم واصبحنا نتكلم مع بعض فى التليفون وع الفيس لحد ما فى يوم كتب رسالة على الفيس كلها كلام سكس (اسفة) المهم انا كنت منهارة لما شوفت الكلام ده وما كنتش مصدقة وواجهته واعتذر وقال انه كتب كده علشان بيحبنى وبعد مدة كدة رجع وبدأ يتكلم تانى فى التليفون وقررت ساعتها انى اسيبه وقعدنا حوالى ١٠ايام مش بكلمة وبعد كدة فضل يرن علي واتكلمنا وقال انه بيحبنى وبعد فترة رجع يتكلم نفس الكلام لحد انا ما اتعودت على الكلام دة وبقيت اتكلم زي كلامه وكان بيطلب منى اعمل حاجات مش كويس مكنتش بعمل لكن كنت بقولة فى التليفون انى بعمل وكنت كل يوم احس بالذنب واتب لربنا واصلى قيام ليل واصوم علشان ربنا يغفر لى المهم انه من فترة طلب يشوفنى كاميرا وطلب انى البس ملابس داخلية فرفضت بشدة وسيبته وبيحاول ساعات يتصل باى حجة المهم هو شايف انى انسانة مش كويسه لانى اوهمته انى بحبه ومرضيتش انفذ اللى هو طلبه وبيقول انتى خدعتينى مش عارفه هل الشخص ده بيحبنى ولا لا ومش عارفه اعمل اية فى احساس الذنب اللى جوايا دايما اوقف قدام المراية واكلم نفسى وقول لنفسى انتى بنت مش محترمة والله تعبانه جدا ومش عارف اعمل ايه واسف للاطالة

مشاكل وحلول ذات صلة

اضيف بتاريخ: Friday, December 15th, 2017 في 05:59

كلمات مشاكل وحلول: , , , ,

ردود to “احساسى بالذنب يقتلنى هل كان بيخدعني”

  1. Dr-aaa
    15/12/2017 at 09:43

    سيبيه سيبيه سيبيه،،كفاية رخصت نفسك كثير وكسرت احترامك لأهلك وخنت ثقتهم،،وعصيت ربك،،اقطع علاقتك به فورا،،قول له لو عازني دق باب اهلي مرة ثانية رفضوك خلاص كل شئ انتهى قبلوك نتزوج وتاخذ كل حاحة بالحلال،،صدقيني عمر ماشاب حيتزوج بنت رخيصة وحتى لو هو حقير،،ماتخسريش دينك أرجوك،،هو عاوز جسدك مش عاوز جواز،،ربما في البداية كان غرصه شريف لكن لما وجد استحابة منك للانحدار خلاص،،ارجوك راجع نفسك قبل ماتخسركل حاجة

اترك رداً أو حلاً لهذه المشكلة