هل اوافق انى اتجوزه

انا بنت عندى 24 سنة اتخرجت خلاص ودلوقتى بشتغل اى نعم مش بتخصصى بس بشتغل شغل حاباه وحابة اللى فيه والحمد لله المهم بقى انا كان ليا زميل ليا دفعتى كنت بشتغل معاه لانه كان صاحب محل وكان عايز حد معاه فعرض عليا الموضوع ووافقت وبعد كدا قربنا اوى من بعض واما كان ميجيش يوم ابص الاقيه تانى يوم جاى بدرى ويقول لى وحشتينى وكان بيقولى حبيبتى وانا بزاولك عشان بحبك وكدا يعنى ف نص الكلام ……….المهم بقى انا اتعلقت بيه اوى وقلت خلاص لازم اعمل حاجة عشان ياخد خطوة رسمى المهم قلتله انى هامشي م المحل قالى لا مش هتمشي دا انا ممكن اجى على نفسي واتجوزك عشان متمشيش قلت له لا كدا نفس المناظر اللى ف البيت هتبقى ف الشغل لا ياعم بلاش وعدى الموضوع بهزار وفعلا مشيت وانا دلوقتى بشتغل فى شركة وعدى سنة ع الموضوع دا بس احنا لسه صحاب بنتصل ببعض نسلم على بعض من وقت للتانى يعنى….
المهم بقى امبارح قال لى انه باباه قاله انت لازم تتجوز فاخوه الصغير قال له عليا وقال لى رأيك ايه؟ قلت له انت عايزنى اقول رأيي ف حاجة قالها عيل صغير؟ قالى اعمل فيه ايه بس اضربه ولا اطرده م البيت المهم عدى الموضوع بهزار وكدا بس انا عايزة رايكو هو بصراحة فيه مميزات وففيه عيوب من واقع انى كنت زميلته ف الدراسة والعمل
المميزات بقى: دمه خفيف و انا وهو متفاهمين جداوكمان افكارنا قريبة اوى من بعض وكمان بيعرف يتعامل اوى مع الناس وكمان ذكى
اما بقى العيوب: مش متحمل للمسئولية وكمان بتاع كلام يفضل يقول هعمل وهعمل وف الاخر مايعملش حاجة وكمان مبيحبش يواجه المشكلات بيحب يهرب منها او يؤجلها
انا يا جماعة حابة اعرف رايكو فيه ايه وياترى اوافق على انى اتجوزه ولا لأ؟ مع العلم انه لو كان طلب منى الجواز من سنة بالظبط كنت هبقى اسعد واحدة ف الدنيا لكن دلوقتى حاسة انه خلاص بقى مجرد صديق مش حبيب …محتاجة اعرف رايكو وشكرا لحسن استماعكم

مشاكل وحلول ذات صلة

• بسبب شكي و غيرتي افترقنا ورجعنا بعد خيانتي لها
• ام واب اتطلقو الضحية احنا
• مش عارفة اخد قرار اسيبه ولا هارجع اندم
• بيحبنى لكن هيضيع مستقبلى
• احب شيعي ولكن
• بحب زميلتى المسيحية وهى بتحبنى لكن مترددة
• متردد اخطب اي بنت فيهم