مشاكل البنات مع الشباب

هل اصارح من يرتبط بي بعلاقاتي السابقة

انا بنوتة 18 سنه عايزة اتكلم عشان حاسه اني هنفجر فترة المراهقه دي المفروض والطبيعي تبدأ من 13 سنه مش بدات معايا خالص
كنت عامليه جدا كل همي الدراسه والمذاكرة و صحباتي واهلي وبس عمري ماكنت افتكر اني هحب او اني هقول كلمه بحبك لحد
كنت رافعه شعار بلا حب بلا بتاع الحياه كده نعناع اتخليت عن الشعار ده لفترة مش بعيده بس رجعت اتمسك بيه اكتر واكتر
سوري لو دخلت ف تفاصيل بس عشان تكونوا معايا ف الصورة
علاقتي باهلي مجرد فلوس وبس بابا من بعد ماكان عندي 10 سنين هههه عمرنا ما اتكلمنا اه والله مجرد بابا عايزه كذا حاضر وبس
ماما كل همها الاكل والشرب وتنضيف البيت زي اي ام بس هيا زودتها ونسيت علاقتها باولادها
المهم :مشكلتي الحب عن طريق النت انا بنوته 18 سنه عرفت اكتر من 30 ولد ااه والله جربت اعدهم مرة ولقيتني بنسي كلها كانت علاقات الكترونيه يعني فيس ياهو واحيانا فون مش تسالوا اهلك فين عشان قولتلكم علاقتي بيهم ايه حتي اوختي متزوجين وعندهم هموم حياتهم
انا لو كنت بكلم ولد او شاب ف كان مجرد بحث عن اهتمام مش لقيته ف بيتي ومع اهلي افتقاد لشيء اساسي ف حياتي كل واحد حد يسالك عليك يشاركك مشكلاتك ظروفك احوالك حتي لما كنت بتعرف علي اي شاب كنت بحكيها كل حاجه عني واننا مش هنكون اكتر من اصحاب وبيوافق لانه مش يعرفني
بس للاسف مش كانت صحابيه اتحول لاعجاب وبعدها حب ياااااااااااه كانت صدمه لما سمعت كلمه بحبك لاول مرة
كل شاب عرفته كان الموضوع يوصل لارتباط واني عايز اتقدملك وعرفيني علي اخواتك واهلك والجو ده بس انا مش كنت حاسه بكده
كلمه بحبك سمعتها كتييييييييييير وحستها ولمست قلبي مرة واحده فترة دمرت حياتي وكانت صدمه والصدمه تفعل بالانسان شيئان اما ان تجعله شخص يصعب تدميره او تجعله انسان سلبي مستسلم واخترت الحل الاول والانسان اللي حبيتها جرحني وخلاص قفلت قلبي لانه فعلا لو مش حب حلال وف طاعه الله يبقا اكبر غلط ,دلوقتي انا خايفه احب تاني انا جرحت كتير جدا كل واحد كان نيته خير معايا وعايزني اكون شريكه حياته جرحته وكان قلبي قاسي بس لما اتجرحت حسيت خايفه اسمح لحد يقرب مني فيجرحني وخايفه لما ارتبط بانسان واقوله كل ده مش يقدر موقفي
دلوقتي طلب من الشباب بالذات لو ف بدايه معرفتك لبنوتة جت وصرحتك بكل ده هتقدر صراحتها وظروفها ولا لاء هتكون شايفها ازاي
لاني اكيد هقول للانسان اللي هرتبط بيها كل شيء عني وخصوصا الكلام ده

دلوقتي ا

مشاكل وحلول ذات صلة

اضيف بتاريخ: Monday, March 5th, 2018 في 16:14

كلمات مشاكل وحلول: , , , , , ,

2 رد to “هل اصارح من يرتبط بي بعلاقاتي السابقة”

  1. ابوالبتول
    06/03/2018 at 16:37

    بالذمة مش مكسوفة من نفسك لما تقول بكل بساطة انك تتكلم مع شباب ومحطمة الرقم القياسي 30 شاب تعرفيهم من خلال النت وهل دي تصرفات بنت محترمة ومتربية في نظرك استحالة ابدا يكون في وحدة بالشكل ده ولاعذر لك فيما فعلت على الاطلاق حتى لوكانوا اهلك مش مهتمين بك ولايسالوش عنك وهل تتوقع في شاب يرضى انه يرتبط\ بوحدة زيك ماضيها اسود وقذر لها علاقات كثيرة مع الشباب وماحدش عارف ماذا كان بيحصل بينك وبينهم من خلال النت الحل بيدك انت لازم تعرفي انك ماشية في طريق الانحراف والضياع والظلام مالم ترجع عن هذا الطريق وتصلح من شانك وتتوب لربك توبة صادقة وتسغفريه وتندم على ماكان منك وتقطع علافتك بهولاء الشباب السفلة الاوغاد نهايا وتحافظي على دينكي واخلاقكي وشرفكي وسمعة اهلكي وكرامتهم وتقلع عن هذة التصرفات المحرمة والغير اخلاقية تماما كل البلاء من النت لازم تعرفي الشي ده وتستعمليه في امور تنفعك في دينك ودنياك وتبعدي عن المواقع المحرمة كالتعارف على الشباب والدردشة وغيرها والله يسترعليكي ويقبل توبتك ويطهر قلبك ويصلح حالك ويهديك ويكرمك بابن الحلال اللي يستاهلك ويسعدك طوال حياتك انت وكل بنات المسلمين

  2. رومانسى محترم
    06/03/2018 at 01:52

    والله لو انتى صادقه فى كلامك يبقى خلاص مش تقولى للشاب اللى هيرتبط بيكى عشان مش كل الناس هتقدر

اترك رداً أو حلاً لهذه المشكلة