اشتغلت بشركه كان فيها شاب بيشتغل قبلى بحوالى ثلاث سنوات بعد عملى فى الشركه بشهور وجدت هذا الشاب بدون مقدمات بيطلب التقدم لى وانه مابيحبش اللف والدوران وقتها انا اتفاجئت ولانى كنت خارجه من خطوبه ماحبتش اننى اكرر نفس الموضوع وعشان كده رفضت هو انسان طيب ومتدين لكن انا ما استريحتش ليه بعد رفضى بشهور لقيته اتصل بى بابا فى التليفون وطلب منه انه يقابله وبابا وافق على مقابلته وكلم بابا من غير مايقولى – وبابا كان موافق عليه لانه سال عنه وكل الناس بتمدح فيه وفى اخلاقه- اتصلت عليه وقلتله ليه بتحرجنى وتحرج نفسك انا رفضاك – قالى طيب صلى استخاره يمكن اكون كويس ليكى وانتى مش عارفه وانتى طلباتك كلها تحت امرك قلتله ليه مصمم عليه كده – قالى عشان بحبك ومتعلق بيكى وخلينا نقعد مع بعض وجربينى يمكن ربنا جعلك الخير فى الحاجه اللى انتى كارهاها ادينى فرصه –ولو تجربة خطوبتك اللى فاتت ماثره على قرارك – نخلى خطوبتنا عائليه لحد ماتلقينى كويس نتجوز لكن انا رفضت – هو ماياسش كلم عمى وخالى لكن كنت برفض اتقدملى صراحه اكتر من عشر مرات ويمكن ذياده – ثلاث سنوات وهو يتقدم ويترفض بدون انه ييأس وفى نفس الوقت رفض منى كلمنى كتير على الفيس يقنع فيه لكن ماردتش عليه ولو برساله وعملتله بلوك – الى ان جاء زميل جديد العمل هو ظروفه احسن من زميلى الاخر وطلب انه يتقدم ليه بصراحه انا اتشديت ليه واتعلقت بيه واتقدم لبابا ووافقت وكل ده فى السر ماحدش يعرف لحد ما انتشر الخبر فى العمل –وزميلى الاخر كنت فاكره انه هيثور او يغضب او يعمل مشكله خاصه انه اخر مره اتقدم ليه فيها كان بعد خطوبتى باسبوع وهو بيكلمنى وقتها انا سكت ماقدرتش اقوله انى اتخطبت بعدها بيوم عرف –دخل وانا وخطيبى بنوزع الشيكولاته على زملائنا فى العمل وبارك لنا ودعى لنا بالبركه والخير انا ماكنتش متوقعه موقفه المحترم ده – وعملنا قاعده للخطوبه وعزمت كل زملائى فيها وعزمته وانا غلطت فى كده عشان حرجته قدام زميلنا وخليته يحضر حفل الخطوبه بالعافيه –وقلتله مش مفروض تحضر خطوبة اختك لقيته انفجر فى البكاء وقال ان والده مريض ومش هيقدر يسيبه انا عارفه انه ماكانش بيبكى عشان والده انا فهمت وقتها انه زعلان –لانه شكله اتغير جدا وظهر عليه الحزن والزعل –بعد حفلة الخطوبه ورجعت الشغل لاحظت انه ماعتش بيجى الشغل وكمان غير رقم تليفونه وحسابه على الفيس قفله وغير محل سكنه المهم انه قطع كل وسيلة تواصل ممكن اقدر اوصله بيها –مش عارفه انا ظلمته ولا استعجلت فى رفضى ليه ماكنتش اعرف انه متعلق بيه كده خاصه انى خطيبى حاد الطباع بتنرفز لاى سبب ولو تافه بعكس الانسان ده كان حليم وطيب هل انا اتسرعت طيب اعمل ايه
اشكر كل من رد على – لكن المشكله انه فعلا فص ملح وداب اختفى وكانه غير موجود- كان زمان بشوفه فى اليوم اكتر من عشر مرات وكان بيتحجج دائما عشان يقعد فى مكتبى مع الزملاء – يدخل ويخرج باى حجه عشان يشوفنى – الان اختفى فعلا كل وسائل الاتصال انقطعت تماما عجزت فعلا انى اوصله حتى له مستحقات فى الشركه ماحضرش ولا اخدها – لى صديقه كلمت ابن عم له اخبرها انه مايعرفش عنه الا انه ترك المكان وانتقل لمكان اخر للعمل فيه فى شركه تانيه وميعرفش بيشتغل فى اى محافظه ولا حتى قال لاهله -كأنه متعمد ان ماحدش يعرف يوصله ولا حتى رقم تليفونه الجديد حد يعرفه – كان بارع جدا فى انمافيش حد يقدر يوصله – لدرجة انى كنت عايزه اكتب بوست على الفيس اقوله ارجع يمكن بيدخل صفحتى لكن انا متاكده انه مابيدخلهاش – مش عارفه اوصله واقوله خطوبتى اتفسخت وتعالى –
ارى انك تسرعت جدا في رفضك لهذا الانسان المحترم اللي احبك فعلا من كل قلبه وطرق الابواب حسب الاصول لكي يخطبك ولكنك قسيت عليه كثيرا وسببت له احراج كبير وتعب نفسيا قد يلازمه طوال حياته الواحد منا لايعرف قيمة النعمة الا لما تروح منه ويضيعها اذا كنت فعلا نادمة على انك فرطت فيه وغير مرتاحة لخطيبك هذا فافسخ خطوبتك له وحاولي الوصول للشخص هذا او معرفة عنوانه لاجل يرجع لك خير لك من العيشة دي مع شخص كهذا وربنا يؤفقك ويصلح لك الحال ويسر امورك
هقولك الحكايه باختصار انا ست وافهم ايه الموجود فى عقلك انتى كل إللى عايزاه انك ترجعيه يتذللك تانى زى زمان ويجري وراكى زى زمان إللى تعبك مش انك فقدتيه إللى تعبك ان حاجه كانت فى ايدك وهربت منك فقط ..ولو رجع هتعملى معاه نفس إللى عملتيه قبل كده احساس التملك فقط وللأسف ان احساس التملك أما بيقلب لحب بيكون حب مرضى..يعنى انا مصدقه انك بتحبيه الآن وعارفه انك بتتعذبى بسبب أنه بعد عنك ..لكن زى مقتل الاخ انك بقيتى سبب تعبه النفسى.. صعب أنه يرجعلك تانى بل مستحيل..افضل لكى انك تشوفى حياتك وتشوفى واحد تانى غيره ..
انتي قاسيه جدا.وقلبك من حجر. هذا انسان عظيم وقليل امثاله في هذا الزمان ما كان يجب ان تعامليه بهذه الطريقه المهينه والقاسيه هو انسان شهم لاخر لحظه اراد ان يدخل البيت من الباب بدون مراوغه ولا لف ولا دوران .اعتقد انك ستندمين طويلا عليه واذا كان بالامكان ان تصلي اليه وترديه اليكي فذلك خير من خطيبك فالجوع الى الحق خير من التمادي في الباطل..تمنياتي لكي بالسعاده
الانسان مابحسش بالنعمه الا لما تضيع منه – اظاهر هو اتجرح منك جرح صعب انه ينساه واختفى من حياتك عشان ماعدش قادر يشوفك كل مايشوفك هيفتكر جرحه هو بيحبك اااوى لكن هو قرر يبعد عنك لانك بقيتى سبب تعبه نفسيا
انتي غلطانه جدا واتسرعتي في رفضك ليه كنتي اديتله فرصه خصوصا بتقولي خطيبك فيه عيوب لو عنده كرامه ميرجعش ليكي