هل ده ذنب ربنا بيخلصوا فيا

انا بنت عندى 20 سنة ارتبط مرتين اول مرة كان اخو جوز اختى كانت علاقة بريئة جدا انا بحكى كل حاجة لمامتى وكلهم كانوا عارفين بعد 10 شهور تقريبا بدا يفاتحنى فى موضوع الخطوبة وعايز يتقدملى رسمى لقيت نفسى فجأة خوفت وبقيت بطلع عيوب فيه هى عيوب كنت شايفاها بس بحاول اداريها تحت مسمى الحب لدرجة انى كنت شبه منهارة لانى مش عايزاه .. تانى مرة برضه حبيت اوى وعدت مدة بسيطة برضه وفاتحنى فى ارتباط رسمى وكلم ماما حصل معايا نفس الكلام وخفت جدا وبعدت عنه فعلا ..انا مش عارفة ايه سبب ده غير ان فى ناس كتير اتقدمتلى وكنت برفض برضه وكان منهم واحد ساكن فى شارعنا اهلى كانوا رافضينوا عشان سمعت اهله مش كويسة وانا كنت موافقة عليه وحاول انه ينتحر بس الحمد لله ربنا ستر واهلى بعد كدا وافقوا عليه انا ساعتها خوفت من الخطوبة ورفضت لدرجة انهم مكنوش مصدقين وبيحسبونى بهزر .. ودلوقتى انا بحب واحد اوى وهو تصرفاته مش بتدل على كدا ومتاكدة انه مش بيحبنى واحنا بعيد عن بعض جدا منعرفش عن بعض حاجات كتير بنتكلم فى الفون تقريبا كل يوم بس المكالمة كبيرها دقيقتين ومتعلقة بيه اوى لدرجة انى موجوعة اوى بسبب معاملته الجافة ولما اقوله انت مش بتحبنى يزعل اوى بس انا فقدت الامل فيه وبحاول مش اوقف حياتى عليه بس مجروحة اوى
المهم دلوقتى انا عايزة اعرف ايه اللى انا فيه ده انا كدا ظلمت الناس دى كلها واللى بحبه ده ذنب ربنا بيخلصوا فيا مع العلم ان فى واحد متقدملى وكويس جدا وحاسة ان فى قبول من ناحيتى

مشاكل وحلول ذات صلة

• اسيب حب عمرى وارضى ابويا بأى جوازة؟
• عائلتي لا تريد لي الزواج لانه حبيبي منحرف
• هل فقدت القدرة على الحب
• خطيبي بعد ما حبيته بدأ يستقل بيا
• من يوم ما اتخطبت للان ما حسيت بفرحه
• لو أتيحت الفرصه هل أتقدم لها تانى
• خايفة اسيبه يجيلى الاسوأ منه او اعنس