مشاكل البنات مع الشباب

حبيته 12 سنه ومش عارفه ان كان بيحبني ولا لا

انا بحب واحد بقالي 12 سنه ومعرفش اذا كان بحبني ولا لا انا عندي 20 سنه

الاول احنا كنا مع بعض فالمدرسه هو اكبر مني ب3 سنين انا حبيته حب الاطفال واحنا صغيرين بس لما كبرت لقيت حبه بيكبر معايا ولقيت نفسي مبقدرش ابعد عنه كنا بنتخانق وبنتصالح وبنسيب بعض وبنرجع لبعض كان الموضوع خناقات زي اي اتنين مرتبطين لحد ما انا خلصت المدرسه الاعدادي واتنقلت ثانوي ساعتها انا رحت مدرسه فالبلد اللي انا ساكنه فيها وهو نقل بيتهم فبلد تانيه قريبه مني ونقل مدرسته فيها

الموضوع كان عادي لان المسافه مكنتش بعيده بس بعد كده لقيت تصرفاته اتغيرت وبقا بيعرف بنات مش كويسين هو كان بيحكيلي على كل حاجه بيعملها صح او غلط وانا كنت لما بيغلط بزعل منه شويه ونرجع نتصالح تاني بس فكل الاحوال مكنش بيخبي عني اي حاجه وكان بيقولي تعرفي مني احسن ما تعرفي من حد تاني كل ده

كنا بنتكلم وبنتخانق وفمره كلمته قولتله انت بتكلمني على اي اساس بتحبني ولا لا قالي انا برتاح لما بكلمك واحنا صحاب واخوات ومتبعديش عني عشان انا مقدرش ابعد عنك

انا ساعتها اتخنقت جدا وبقبيت بكلمه بس زي الاخوات وهو لما كان بيكلمني وبيحكيلي عن البنات اللي هو بيعرفهم كان بيقولي اديني بتسلى لانهم كانو مش كويسين

جالي عريس ولما قولتله رد عليه وقالي مبروك ووافقت عليه واتخطبت لانه كان بيحبني من زمان وبصراحه مشيت بمبدأ اخد اللي يحبني مش اللي انا بحبهو لما قابلت حبيبي بعد الخطوبة قالي انتي متعرفيش انا يوم خطوبتك كنت مخنوق ازاي وقالي انه كان بيحبني وانا قولتله احنا اخوات ولما اتعاملت مع اللي كان خطيبي ده مرتحتلوش نفسيا لانه كان بيتحكم قوي وكان عايز يلغي شخصيته وحاولت اكتر من مره اني افهمه ان كده غلط مفهمش وكترت خناقاتنا وكان بيدخل اهلي بينا كتير وهو غلطان لحد ما اهلي قالو مينفعش وانفصلنا طبعا انا طول الفتره دي كنت بكلم حبيبي على انه اخويه وقبل ما اسيب خطيبي حبيبي عمل حادثه كبيره وكان تعبان جدا اتصلت عليه لما ابتدا يفوق اطمنت عليه وخلاص وبعد كده بدات المشاكل مع خطيبي وانفصلنا

لما فاق حبيبي من الحادثه كلمني وقالي انا اتغيرت وبقيت انسان تاني وماشي مستقيم قولتله انت عايز نتكلم على اي اساس قالي انا خايف اقولك بحبك وارجع احس اني مبحبكيش واخسرك لاني مش هلاقي زيك وخايف اقولك نكون اصحاب وارجع اندم اني مقولتش اني بحبك وفالاخر اتفقنا اننا نبقا صحاب وبعدين بعدها بحوالي شهر قالي انا بحبك ومقدرش استغنا عنك وهو لسه ليه عمليات اثر الحادثه هيسافر ويعملها

وقالي استني عليه لما اسافر وارجع نتخطب قولتله خلاص وانا هستناك

انا دلوقتي حاسه ان معاملته متغيره معايا جدا مبيتصلش غير كل فتره ولما بساله بيقولي مشغول بجهز للسفر للبلد اللي هيعمل فيها العمليات بس انا لما بنزل دايما بشوفه مع اصحابه ولما بتصل عليه بيجي يقعد معايا شويه ونقوم بس انا مش عارفه هو بيعمل ليه كده وانا مش عايزه اتكلم معاه تاني اقوله انت عايزني ولا لا لاني بصراحه حاسه اني جيت على كرامتي اوي ومستحيل اساله او اخلي حد يساله

ايه رايكم؟

مشاكل وحلول ذات صلة

اضيف بتاريخ: Thursday, December 30th, 2010 في 08:13

كلمات مشاكل وحلول: , , , , , ,

8 رد to “حبيته 12 سنه ومش عارفه ان كان بيحبني ولا لا”

  1. ابوالبتول
    10/08/2016 at 17:17

    اختي الحب الحقيقي ياتي بعد الزواج ومن خلال المعاشرة الزوجية عيركدا يبقي مش اسمه حب اوهام كدابة ومخادعة تقع فيه الكثير من البنات زيك وربما تودي بهن الى الوقوع في الرذيلة وجلب العاروالخزي لها ولااهلها طوال العمر وحرام عليك طوال 12 سنة ضاعت من عمرك مع هذالشاب الساقط الحقير وانت تفكري فيه وتظنى انه يحبك وصادق في مشاعره نحوك وجاد في الارتباط بك تاكدي انه يسرح بك ويضحك عليك والجواب مبين من عنوانه فهل تبادري الى حفظ كرامتك وشرفك وتقطع العلاقة به نهاية وللابد وتتركيه وربنا يكرمك بخيرمنه بابن الحلال الصالح اللي بجد يستاهلك ويصونك ويقدرك ويسعدك في هذةالحياة

  2. ابواميرة
    09/12/2013 at 22:49

    هو ممكن يحبك زي اخته اوصاحبته عشان يرتاح لمايتكلم معك لكن يحبك حب الحبيب لحبيبته لالالا تبقي غلطانه لوفكرتي انه يحبك ويرتبط فيك الافضل انك تتركيه وتحاولي تنسيه خالص للابد واخبريه انك مخطوبة وكل واحدمنكم ينام على الجانب اللي يريحه وربي يسترعليك ويوفقك

  3. سفيرة الاحباب
    05/04/2012 at 16:46

    كبرى دماغك وامشى مع حد يستاهلك

  4. اسلام
    01/01/2011 at 22:15

    احا حرام الحاجات ديه ازاى انتى كنتى بتحبيه هو بيتنك عليكى انتى قوله يا بنى هو حد لاقى بنات دلوقتى انا نفسى امشى مع بنت اوووووووووووووو ى ممكن انتى تكلمينى 0189228611

  5. اسلام
    01/01/2011 at 21:47

    هو كده مش بيحببك ماشى انا بنصحك علشان انا ولد وعارف هو كده بنيمك فى العسل علشان انتى تحسستى بحبك
    وهو كده بيتأل اوووووووووووووووى عليكى بس انتى حاولى امشى مع ولد تانى وهتشوفى هو بيحبك ولا لا

  6. lova hemza
    01/01/2011 at 18:52

    ازاي واحد يكلم واحدة 12 سنة وتقولي مبيحبكيش ازاي ؟؟؟؟؟؟؟؟؟؟؟
    وزي لختة
    انتي حاولي تفهمية بمستعرك نحوه وتولي وشوفي ردة فعلة كانت حلوة اوك كانت اي حاجة تانية
    يبقي انتي تشوفي حد تاني ؟

  7. صاحبة المشكلة
    30/12/2010 at 23:47

    هو اللي قالي انه بيحبني حب حبيب لحبيبته انا مسالتوش ولا اتكلمت معاه فحاجه بعد ما اتفقنا اننا اخوات هو اللي قالي انه بيحبني وهيخطبني

  8. امل مرشدى
    30/12/2010 at 15:48

    على فكره من كلامك عنه انا حاسه انه بيحبك بس زى اخته او صديقه مش حاسه انه بيحبك حب حبيب لحبيبته حاولى تحبى غيره وماتجيش على كرامتك تانى

اترك رداً أو حلاً لهذه المشكلة