الحب على النت

خلاني ارفض عريس مش عارفة بيحبني ولا بيتسلي

كان فيه شخص اعرفه من خلال الدراسة وهو كان معيدي وكان بيشرح ليه ولزمايلنا بعض النقاط الصعبه في البكالوريوس من كام شهر بعدها اخدت ميله علشان اذا وقفت معايه حاجه اقدر اسئله كنت بلاحظ انه معجب بيه وكمان بشويه غيره وبعد التخرج بكام شهر لقيت ميل غريب بيحاول انه ينضاف عندي وكنت برفض الاضافه ومره كان فاتح المعيد ودخلت عنه وكلمته وكنت بحس ان فيه حاجه عايز يقولها ويرجع يتردد وبعد ما كلمته المره ده بدقايق دخلي بميل جديد اللي كان من فتره بيحاول يضفني من الاسلوب عرفت انه هو وبدءت اتكلم معاه علي اساس انه حد غريب ولكن انا عارفه انه هو بس مقلتش ليه بصراحه كده ولمحت ليه كتير انه هو بس كان بيرفض اني اكذبه ويحاول يغير في شخصيته ووضحلي انه حب بنت والموضوع بينهم خلص واتقدم ليها محصلش نصيب وبعدها بشهرين بدء يكلمني ووضحلي انه معجب بيه وبشخصيتي ودايما يسئلني عن حاجات عني وهو لسه يدرس ومبتدء وكان متقدم ليا حد قالي ارفضيه وطلعلي فيه عيوب ملهاش لزمه وانا اصلا مكنتش هوافق عليه بس كنت عايزه اعرف رايه وكان بيسئلني رد فعلك ايه لو اتقدم ليكي حد كنت بقوله هرد لغايت محقق مكانه واشتغل وبعدها اولويه الجواز كل ده علي الميل اللي معرفوش ومفيش اي خطوه بيتخدها ولا حتي بيكلمني من علي ميله وبحسه بيتسلي وبس واذا كان عايزني ليه مكلمنيش من ميله كمعيدوفاتحني وهو واثق انه كمعيد اني معجبة باخلاقه ووضحتله ده في الكلام وكمان مش عارفه مردش عليه من الميل المستعار بتاعه علشان يبدء يكلمني من ميله اللي اعرفه…هل هو كده بيتسلي ولا معجب بيه مش عارفه اعمل ايه واتصرف ازاي!!!

مشاكل وحلول ذات صلة

اضيف بتاريخ: Sunday, January 16th, 2011 في 07:17

كلمات مشاكل وحلول: , , , , , , ,

11 رد to “خلاني ارفض عريس مش عارفة بيحبني ولا بيتسلي”

  1. اسراء
    08/02/2011 at 19:38

    ممكن يكون نيتة خير وبيعمل الاميل التانى دة ويكلمك منة على اساس اختبار بيشوفك انتى ممكن تكلمى كذا حد والا لا عايز يتاكد ومتردد عارفية انك بتتحدثى مع حد تانى واحكيلة من جهة انك بتقولى الى بيحصل معاكى بطريقة غير مباشرة

  2. سوها
    25/01/2011 at 22:24

    دا بيتسلا لو كان بيحبك صحيح كان صرحك من الاول وقالك هو مين دا عاوز يخاليك تتعلقى بيه وبعدن يخرج من حياتك من غير ما تعرف-ى هو من خودى بالك دا باين عليه مش ناوى حاجة كويسة

  3. بحب اساعد الناس
    20/01/2011 at 00:56

    انا شايفة انو دي طريقة خطا اوي والافضل انك لو عندك امل بجد انو يحصل بينكو حب او ما شابه انك ما تكلميوهوش على اساسا انك ما بتعرفيهوش لانك زي ما قلتي انو معجب بيكي بغيرة وهو كدة مش هيكون واثق فيكي وبالتالي مش هيكون في تقدم ملموس

    لتمنلا انو اكون افدتك
    وربنا يسرلك

  4. همسه
    19/01/2011 at 06:53

    انتى مقولتليش انك بتحبيه يعنى مفيش مشكله متحطهوش فى دماغك لو اتقدملك حد كويس وارتاحتيلو وافقى ولوهو عاوزك كان يتقدم بدال شغل المراهقين اللى لابيودى ولا بيجيب ده

  5. نخنخ
    17/01/2011 at 17:27

    ده بيضحك عليكي وبيسلي نفسو لو بيحبيك كا قالك هو مين وعيز ايه سيبك منو وعيشي حياتك بما يردي الله ورسوله

  6. ALMASRY
    16/01/2011 at 22:14

    لا بيتسلى بيكى لسببين السبب الاول انك ماوضحتيش هوه معجب بيكى على اساس ايه السبب التانى لان مافيش حاجه اسمها حب فى الزمن ده تقدرى تقولى تسليه تضييع وقت ولو عاوزه تتاكدى واجهيه واساليه وساعته هتحسى من رده فعله هل هو بيحبك ولاهو مجرد حب لتلميذه هوه بيدرسلها سلاااااااام

  7. زملكاوى
    16/01/2011 at 21:42

    واحد كويس ومعيد ومعجب ببنت ,, مش من الأصول انه يكلمها دوغرى زى ما بنقول
    ولا يلف ويدور
    اولاً دا سمة الضعفاء اللى بيعمله دا
    صح ولا انا غلطان ؟
    الرجولة مش كملة ذكر فى البطاقة ولا جدعنه وقت الشده
    الرجولة هو ان الواحد يبقى دوغرى فى كلامه مش يحور ويلف ويدور لأن دى صفات النساء وليس الرجال
    ومش هقلك سيبك منه ولا هقلك تعملى ايه
    انا عايزك بس تفكرى فى اللى بيعمله هل دا صح ولا غلط ؟ هل دا من الأصول ولا لأ ؟
    ايه اللى مانعه من انه يكلمك ويفاتحك فى الموضوع ؟
    مكسوف ؟ معندوش امكانيات ؟ معندهوش جراءه ؟
    ناويه ترتبطى بحد عنده الصفات دى ؟
    – مينفعش بنت ترتبط بواحد مش قادر ياخد قرار وبيلف ويدور ويكلم كمان من ميل حد تانى وبيخفى شخصيته الأصليه
    ليه دا كله هو تحقيق فى أمن الدوله ؟!!!!!!!!؟

    الله اعلى واعلم بقى جايز انتى مش بتديه فرصه انه يعبر عن شعوره او يكلم ويقول انه معجب بيكى
    بس لو كان فى فرصه وبرضو مش بيكلم فدا مش طبيعى
    وألختيار ليكى
    وابقى صلى كمان صلاة استخاره
    وربنا يقدملك اللى فيه الخير ان شاء الله

  8. توتا
    16/01/2011 at 19:10

    هو مش واضح وبعدين دة راجل معيد يعنى مش عيل اللى بيعملة دة شغل عيال اوعى انتى تفتحى معاة كلام بصى قوليلة دة فى واحد متقدملى وبابا موافق علية لو بيحبك هياخد موقف لو قالك وافقى يبقى بيلعب ولو قالط ارفضى قوليلة لية دة انسان كويس بابا بيقول علية كدة وربنا معاكى

  9. نونا
    16/01/2011 at 18:58

    علفكرةانا حاسة من كلاميك انو بيتسلى لان الجد عمروا مبيعمل كدة

  10. واحد وخلاص مش فارقه
    16/01/2011 at 18:39

    بصي حلها ف ايدك متتعلقيش بوهم لو كلمك تاني من الميل ده قوليله بص انت لأما تقولي انت مين لأما هامسحك ومش هنتكلم تاني زي ما انت بتقول انك عاوز تتقدملي يبقى العلاقه بينا صراحه وانا مش شايفه صراحه منك هتقول انت مين لأما خلاص انسى انك كلمتني اصلك هتكملي كلام لأما واشتغلات معيد وكده المفروض بقى كبير وفاهم عاوز يتقدم يتقدم وممكن يطلع مش هو وهو حد تاني ف عشان متتعلقيش اكتر بيه وخلاص لازم تقفلي الموضوع وربنا معاكي

  11. ناصح امين ..
    16/01/2011 at 15:01

    ……. دا شغل تسالى يابنيتى – وياريت تلغى كل الميلات بتاعتو وتعيشى حياتك الطبيعيه .

اترك رداً أو حلاً لهذه المشكلة