اعمل صحفية تم استغلالى من قبل صحفى من جريدة رسمية للعمل بالاعلانات التى تخص مرشحى مجلس الشعب خلال فتره الانتخابات ورسم عليا دور الحب والهيام فى بدايه الامر اعلم انه متزوج ولكن عندنما نزلنا العمل مع بعض قال انه ليس متزوج وانه ادعى ذلك ليهرب من مشكله مع فتاه وجعلنى احبه من اصراره فاحسست به فعلا وكانت اول مره احس هذا الشعور وكان يقول انه عنده مشاكل بعد انتهاءها سنتحدث فى تفاصيل الزواج وحدد المده شهرين ولكن قبل انتهاء الشهرين علمت انه فعلا متزوج واب لطفلين توأم لديهم سنتين ومراته غضبانه عند اهلها فصدمت فيه جدا ولكن رسائله على الموبيل التى كانت تحمل حبا بالغا وانه قال ذلك حتى لا ابعد عنه واحبه وافضل معه ووجدت نفسى التمس له العذر بعد ماحسسنى انى الامل الوحيد فى حياته فجأه وجد نفسه انه لايستطيع العيش بدون اولاده الصغار وشاف حياتهم القادمه بدونه وفى ظل زوج لامهم حياه مسوده وهو فى نفس الوقت لايريد العود لمراته ويتفاوض لعوده الاطفال ولكنى لست بحساباته من خلال كلامه انه لا يعرف يعمل ايه وسيبى القدر يحركنا وكانى لو ضعت من يده مش فارقه اكتشفت انه نصب عليا فى اعلانات مادية باكثر من ضعف المبلغ الوفات وكنت اأخذ البسيط فايقنت ان ذلك كان خدعه لتدعيم شغله ولاغفالى عن الاسعار الحقيقيه للاعلانات فكيف اتصرف اعمل له مشكله فى عمله ولكنى خسرت مشاعر جميله جدا وقربت منه زياده عن اللزوم ولا استطيع ان انساه او اتخيل نفسى مع رجل اخر فهو اول احساس فى حياتى انا عندى 24 سنه وايضا اريد ان القنه درسا يظل يفتكرنى به اننى لن اظل مغفله طيله عمرى حتى شغلى مجهودى ظلمنى به فكيف اتصرف
مشاكل البنات مع الشباب
صحفي يستغل عاطفتي ويخدعني ليكسب
اضيف بتاريخ: Friday, December 3rd, 2010 في 08:25
كلمات مشاكل وحلول: اعلانات, الشباب, انتخابات, جريدة, صحفي, صحفية, متزوج, مجلس الشعب, مشاكل البنات
اختي العزيزة عايزك تعرفي ان مجال الصحافة وكل الناس اللي فيه مجتمع سافل وحقير وبلااخلاق تماما الاماندرمنهم يدعون تحري المصداقية وهم اهل الكذب والخداع ويدعون الشرف والكرامة وهم بلاشرف ولاكرامة الواحد منهم يبيع نفسه وبلده وناسه والمجتمع كله لاجل كسب الاف الجنيهات وربما يتامر مع الاعداء ضد بلده واهله ودي حاصلة اليوم في اغلب بلادنا العربية للاسف الشديد دون ذكراسماءاو جنسيات او الصحف اللي ينتمون لها انتي وقعت ضحية لواحد منهم قدريخدعك باسم الحب الوهمي الكاذب وعشمك بالزواج وبالاحلام الوردية السعيدة وانتي صدقتيه طبعا وماعرفتي حقيقته الامتاخرا وتريدي الخلاص منه والانتقام عليك اولا بقطع العلاقة معه فورا ودون تاخير ثانيا- ابلاغ الادارة عنه وعن كل تصرفاته الغيراخلاقية معك ويكون معك الدليل على كل ماتقوليه ثالثا- الاعلانات المالية التي استغلك فيها ذا كان معك ادلة واثباتات على ذلك ممكن تقدميها للادارة الجريدة اوالصحيفة التى تعملي بها او لنقابة الصحفيين وترفع فيه قضية نصب واحتيال واستغلال اسمك في اعلانات مادية وتاكدي انه سوف يلاقي جزاءه ومش بعيد يفصل من العمل ويمنع من ممارسة مهنة الصحافة وتستردي حقوقك الشرعية والقانونية وربي يوفقك ويسترعليك
اولا القانون لايحمي المغفلين ودي قاعدةخليهافي بالك ماحدش حيعمل لك حاجةاذااشتكيت عليه الااذاكانت معك ادلة دامغة وملموسة لكل ماتدعيه على هذالرجل – ثانيا اقطع علاقتك به للابد وارميه وراءظهرك وانسيه نهايا ولاتظعفي امامه اويخدعك بكلامه المعسول الكاذب مرةتانية -ثالثا ممكن تخربي بيته وتفضحيه امام زوجته وتخلي حياته جحيم لايطاق هل لديك الجراةوالشجاعة لهذا لااظن تفعليها انك امراةرقيقةالاحساس وعاطفية اذافوضي امرك لله وربك بينتقم منه وبيوقعه في شر اعماله وحسبي الله ونعم الوكيل فيه
اكبر درس تديهولو انك تقفي بين ايدين ربك وتقولي حسبي الله ونعم الوكــــــــــيل هوا المنتقم الجبار .
هقلك حاجه الكلب اما يهوهو وتبصي عليه وتحدفيه بالطوب بيصر انو يهاجمك !
اما ازا سبتيه يهوهو ولا بصيتي عليه بس طبعن بتكوني واخده حظرك منو ومن عضتو مبيقدلرش يعمل حاجه بيهوهو وبيسكت فاني لو عملتي للخسيس ده وزن تبقي غلطانه علشان هتقللي من قيمت نفسك
بصي لمستقبلك يمكن ده درس ليكي انك تدققي في اختيار الناس اللي بتتعاملي معاهم
والله المستعان
بصراحة ومن غير ما تزعلي مني وانا مش هتكلم عن مشكلتك انا هتكلم عن مهنة الصحافة وبجد المجال دة والحقل الصحفي كلة مشاكل بصي أنا خريج إعلام من جامعة القاهرة قسم صحافة وأشتغلت في المجال الصحفي دة يجي 3 سنين وانا في الكلية وقبل ما ادخلها كنت فاكر ان مهنة الصحافة دي والمجال الصحفي شيئ محترم جداً وكنت فاكر الصحافة دي هي سيف العدل الموجة الي أعناق الفاسدين والمفسدين بس للأسف طلعت من تجربتي خلال 4 سنين ان مجال الصحافة دة ما هو الا قلعة للفساد وهي السيف الذي يحمي الفساد والمفسدين وعبارة عن شقة دعارة كبيرة اوي اتمنى انك متزعليش مني او من صراحتي بس هو دة رأي من غير زعل وعلى فكرة انا دلوقتي بعدت عن مجال الصحافة ده خالص وبشتغل حاجة تانية خالص بعيد عن المجال الصحفي وتقبلي خالص تقديري وتحياتي بدون أي ضيق أو ضجر
تصرفك الوحيد انك تنسيه من غير مشاكل وبعدين ازاي بتقولي انك مش قادره تنسيه وعايزة تأذيه ايوة هو ندل وكل حاجه بس هو راجل متزوج يعني فاهم الدنيا وعارفها وممكن يعمل اي حاجه ليكي من غير ماتدري وتدخلي في متاهات وليه المشاكل من الاول مافيش احسن من حسبي الله ونعم الوكيل وتنسيه انتي حبيتيه لكن ده حب فاشل وانتي كمان عندك 24 سنه يعني معلش المفروض تفكري بعقلك قبل قلبك علي العموم احنا لازم نجرب علشان نتعلم فياريت تتعلمي وياريت كمان ماتصدقيش بسرعه اي حاجه تتقالك ولازم تنسيه علشان خاطر نفسك انسي ولو ظلمك اوي قولي حسبي الله ونعم الوكيل وقدر الله بما شاء فعل وربنا يرزقك بابن الحلال ال يعوضك الظلم ال مريتي بيه …….