السلام عليكم ورحمة الله وبركاته اولا انا مشكلتي اني كل امه اتعرف علي حد يطلع مش كويس او يعد يفهمني انو بيحبني سنين وبعد يتغير ويبعني ويقولي انه مكنش بيحبني لغيت ماتعبت نفسيا من التفكير فالموضيع دى لدرجة اني بقول اني ماليش حظ في الدنيا دى ولا في حب ولا اهل ولا اصحاب الكل بيعرفني عشان مصلحته وبعد كدا شكرا بجد انا نفسي اعرف انا بس اللي كدا ولا في ناس زيى انا اول واحد كلمتو قالي بحبك ؤلت يمكن فالاقيته بتاع مشي وخروج فاسيبته ولقيت سمعتي هتبقي وحشه علي واحد مايستاهلش وبعدها راح اتكلم عليا مع صحبتي واعد يقول انا مكنتش بحبها دى كانت عادى بالنسبالي واعد يتكلم عليا وبعد كدا راح خطب وتاني واحد عرفته مثل عليا الحب بس انا حبيته بجد لاني انسانه طيبه وبعمل اللي قدامي من قلبي اعدت معاه سنتين احب واخلص وفي الاخر سابني عشان مردتتش اروح معاه شقه ولا يلمسني بدل مايتمسك بيا سابني والوش التاني بان وانا من بعد المشاكل دى تعبت بجد وزهقت معرفش انا بيتعمل معايا كدا ليه هيا الشباب بقت معندهاش ضمير ليه
مشاكل البنات مع الشباب
زهقت من المشاكل و الشباب معندهاش ضمير
اضيف بتاريخ: Tuesday, March 22nd, 2011 في 10:02
كلمات مشاكل وحلول: مشاكل البنات, مشاكل البنات مع الشباب
فعلا كلام اخوكى حسام صح حبى نفسك الاول عشان تديها حقها كلام حلو جابلك من الاخر ويا ريت يا اختى ما تزعليش من كلام حد لو فيه حده هما اديقو عليكى مش اكتر اما رائى انا شخصيا الراجل بيحب اللى تحافظ على نفسها حتى من الكلمه الحلوه من انسان غريب ما يبقالهاش حاجه فكرى فى صحباتك اللى اتجوزت اللى كانت بتكلمو عايشه سعيده معاه اكيد لا عارفه ليه لان ربنا عايز يحسبها على عصيانها ليه واصرارها على الكلام مع شب غريب اوعى تقولى ان احنا عقلنا فى جنانك لا صدقينى والله العظيم انا مافيش حد مضيق عليا ولاحاجه بس انا عايزه انسان صالح يعزز من شانى والانسان الصالح مش هيجى غير برضى ربنا عليه فليه انا اجرى وراء واحد هيقل من كرامتى وشانى قدام نفسى قبل اى حد ياريت يكون المقصود وصل وماتزعليش لو كان كلامى جارح شويه
اختى انا والله زعلان علشانك انا اوقات بيتكلم معايا ناس زيك اللى بتبقى زعلانه من جوزها وعايزه تطلق واللى بتبقى جوزها مسافر وزهقانه واللى بتبقى كرها البيت عندها من اهلها وانا بجد ببقى حزين علشان الناس دى وانتى زيهم … لآنو اى بنت او ست مهما كانت ومهما قالت بيغلب عليها العاطفه وبتجرى ورا مشاعرها ..وعلشان كده بقول ياريت لكل واحده متزوجه وجوزها مسافر اصبر وقربى من ربنا وهايجازيكى خير … واللى اهلها مزعلينها اقولها انو فيه كتير من غير اب وام بيندمو ….
اما انتى اختى الفاضله ما تدوريش على اللى يحبك لآنك مش هتلاقى … عارفه ليه ؟؟
علشان لازم تحبى نفسك الأول… لازم تديها حقها فى كرامتها وعزة نفسها مش تسلميها لكل واحد شويه ..احفظيها هاتحفظك وكونى مع ربناواكيد هايجازيكى خير ويعوضك بحد يناسبك ويحافظ عليكى من قلبه..وربنا يوفقك … والله المستعان
في ايه ياجماعه انتو محسسني اني مش انسانه واني المفروض اني مكلمش حد وامشي ابص فالارض ياريت اللي يتكلم بالاسلوب دا يكون ملك نازل من السما عشان اللي بيتكلم بطريقه ازاى تعملي وازاى ماتعمليش دا انسان شيطانه ضحك عليه اوى فاريت يعرض مشكله فالموضوع دا ونحلهالو بالمره
وانتى لية اصلا تقلى شباب وتكلمى معاهم انا انك اكيد كويسة من جواكى لكن الى تعملى دة مش هينفع خالص
خلى كل حاجه لوقتها , متحاوليش تستعجلى و تسلمى قلبيك لحد فورا , يعنى حطى فباليك انيك ترتبطى بشخص يتقدمليك مش شخص تتعرفى عليه فى الجامعه او الشغل لان الحجات دى غالبا مش بتستمر زى ما حصل معاكى .
ريحى باليك و باشرى حياتيك و الحب هايجى لوحده الحياه فيها حجات تانيه كتير مهمه حتى كمان الحب ممكن يعطليك عنها .
انتــــــــــــي ليه محسساني ان كل هدفك انك تدوري علي شاب وعلاقة ناجحة وبس في حاجات اهم من ده واكتر ومدام انتي كويسة ومتدينة استني نصيبك لغاية مايجيلك ومش اي يحد يقولك بحبك تصدقيه انتي تصدقي واحد بس عارفة هو مين؟؟؟؟؟؟؟؟؟؟؟؟
اللي يجيلكوا البيت ويطلبك مش اي حد يقولك بحبك يا اختي اوعي لنفسك شوية وحافظي علي نفسك اكتر من كده انتي فيكي صفات حلوة بس هتضيعيها بحاجات تانية خلي اهدافك في الحياة اكبر من كده مش مجرد علاقة مع شاب محترم حتي
تصدقي اللي ييجي بيتكم وبس ويبقي قصاد اهلك وعاوزك فعلا مش تأمني وتصدقي اي حد بسرعة كده
والله بجد بجد تحسي انها بقت ظاهرة وطبعا السبب ده معروف بعدنا عن دينا ياريت اكتر حاجة تشد البنت للشاب تدينه مش مظهره وليس المطالب بالتني دلوقتي المتدين اللي مش بيبص لبنت بيتريقوا عليه ويقولوا انه مدنن وخايب طيب ما هو ده اللي هيحافظ عليكي يعني هسأل حضرتك الاول ده شكله بتاع بنات لانه لو محترم على الاقل واكتشف انه مش بيحبك عمره ما هيقول لصحبتك كده التاني ده شايفة الطلب القذر بتاعه يدل انه اصلا انه عديم الاحترام والله يا اختي الي زي ده بيبان عليه من خلال تعاملاته مع الناس ووالله الشاب المحترم بيبان لما تحبي ترتبطي بشخص بصي على الاقل لشخص يكون بيأدي اركانه ومنها الصلاة ده عمرة ما هيخدعك على الاقل هيفتكر اي غلطت في ذنبك وهو بيصلي
البنت المحترمه اللى أهلها أحسنوا تربيتها لا يمكن أن تتعرف ولا تقابل أى شاب وتقول بحبه وبيحبنى.ده وهم مش حب لأن الرسول عليه الصلاة والسلام نهى عن الخلوه أو المقابله أو الخروج بين الولد والبنت أو الرجل والمرأه الا أن يكون محرما لها مثل الأب _الأخ_العم _الخال .هؤلاء من المحارم وغيرهم ليسوا من المحارم. لذالك أنصح الاخت السائله أن تبحث عن الحب الحقيقى وهو حب الله والرسول وطاعته فيما أمر ونهى. فعندما يطيع الانسان ربه يكرمه الله ويسهل له اموره. ما تقوليه هذا كله غلط ولا يصح ومن الوهم. فاحفظى نفسك حتى يرسل الله لكى شابا صالحا يطلبك من أهلك فى النور .
انا عاوزة اقولك انتى بتتكلمى بظبط الكلام اللى جوايا انا زى بظبط لما اتعرف على حد اخلص واحب بجد ومخليهوش يلمسنى وبحب بضمير اوى بيسبونى انا نفسى اعرف لية اصل الشباب دلوقتى مش عاوزين الطيبة والمحترمة عاوزين اللى يمثل عليهم الاحترام والحب المزيف ويوقعوهم زى الهبل ويدبسوا فى الاخر لاكن الطيبين المحترمين بجد ملهمش حظ اوى دلوقتى