مشاكل البنات مع الشباب

مش عارفه اذا كان بيختبرنى ولا فعلا بيحبنى

السلام عليكم مشكلتى ان ليا زميل عارف كل حاجة عنى اول ماجت فرصة وكلمنى كلمنى بجراة (اقصد يعنى سالنى عن حياتى دة فى اول مرة)تانى مرة كان كلام عادى جدا بس لانه اصلا ملمحلى انة معجب بيا اتكهربت الصراحة منه بصراحه هو جذاب جدا وشيك قوى ولبق فظيع
بس انا الحمد لله سألت عنه فعرفت أنة كان مرتبط بواحده هيا اللى كانت بتتقربله وكانوا فى غاية الرومانسية والبنت دى الدنيا كله بقت تتكلم عليه وبعدو عن بعض عموما ربنا يسهلها
المهم انى كمان عرفت انه بتاع بنات على الاخر وبصراحة انا كنت حاسة بكده من جرأته وثقته بنفسه معايا
بس الحمد لله من ساعتها بطلت اكلمه الصراحة فى الثلاث مرات اللى كلمنى فيهم ادهولت فخفت مقدرش والحمدلله مدتلوش فرصه يكلمنى تانى
نفسى اعرف هو ليه كلمنى مع انه عارف انى مش بكلم زملائى الرجال الا فى حدود وبعدين البنات قدامه كتيلر طب عاوز منى ايه الاحه انا مش عارفه اذا كان بيختبرنى ولا فعلا بيحبنى
انا اساسا بعد مابعدت عنه تقريبا6 شهور حاول تانى يكلمنى بس طبعا كلامه بيبقى في الشغل بس بيحاول يلفت انتباهى وعلى طول بلاقيه قدامى
الصراحه هو عاجبنى بس بخاف اضعف قدامه عشان كده مش بحب اكلمه
وعلى فكرة بقى هو عارف انى بتكسف جدا اموت واعرف هو عاوز ايه منى ! استغرابى ده لانى مش بديله اى فرصه لاى حاجه يعنى لو عاوز يصاحب البنات حوليه كتير
بس بجد بحس انه معجب بيا نظرته ليا مختلفه بس انا مقتنعه انه لو بيحبنى بجد لازم يتقدم رسمى بس خايفة اضعف ياريت حد يجاوبنى هو عاوز ايه منى انا ان شاء الله مش هديله اى فرصه لاى شئ غلط وكمان عاوزة اعرف لو واحد زى دة بتاع بنات وبي
شرب سجاير ممكن يتغير لو حبنى بجد واعرف ازاى
شكرررررررررررا

مشاكل وحلول ذات صلة

اضيف بتاريخ: Thursday, March 24th, 2011 في 11:24

كلمات مشاكل وحلول: , , , , ,

20 رد to “مش عارفه اذا كان بيختبرنى ولا فعلا بيحبنى”

  1. ابوبتول
    23/07/2014 at 01:03

    بعدكل البلاوي اللي عرفتيهاعنه وبرضواتحبيه وتفكري فيه يبقى انت بلاكرامةولاعزةنفس واخلاقك سافلةومنحطةزيه تاكدي انه شاب سافل وواطي وبتاع بنات ولايستاهل الارتباط نهايا ابعدي عنه خالص واقطع علاقتك به للابد وتاكدي انه شيطان يريداغواكي والنيل من شرفك وفي الاخريرميك زي الكلبة ويشوف غيرك دية حقيقته اذاكنت جاهلة وماتعرفيها

  2. ابواميرة
    09/12/2013 at 22:32

    ايه العبط اللي انت فيه ده كلهذا وبرضو مش عارفه الشاب عاوزمنك ايه بصراحةبجد عاوز ينتهك شرفك ويسلبك كرامتك زي ماعمل مع البنات الاخرين خلي بالك من نفسك اوعيك تضعف قدامه اوتتساهلي معه ماتكلميش معه خالص ولاتعبريه نهايا لانوالاشكال دي مايجي منهاالا البلاوي والمصايب وربنايحفظك ويسترعليك ويكفيك شره

  3. مصريه بجد
    01/02/2013 at 19:20

    بصى حاولى بكل الطرق انك تبعديه عنك يعنى متكلمهوش خالص وغضى نظرك عنه وسيبه لانه باين من كلامك انه بتاع بنات وعشان انتى مكلمتهوش هيموت ويكلمك ولو كان واحد معجب بيكى وبيحبك كان اتقدم رسمى مش يجرى وراكى فى شغلك وبعدين بالعقل كده واحد بتاع بنات وبيشرب سجاير وعايز يكلمك هيكون عايز ايه الا انه يكلمك شويه وبعدين يدور على غيرك صح ولا انتى خليكى على موقفك وسيبك منه وربنا يوقفك

  4. اسمعو يا ولاد
    10/03/2012 at 19:18

    حبيبتي في غريزة في البشر اننا لما حد بيكون متجاهلنا هو اللي بنحاول نتقرب منو اول مهيتعرف عليك كويس هيقول سلام وهتكوني اتعلقتي بسرااااااااب سيبيك من المظاهر انتي بيعجبك عشان شيك و….كده والبنت اللي بقو بيكلمو عنها عشان وسيم وبس يا بنااااااااااااااات حبو بقلوبكو مش بعقلكو وفوقو شوية

  5. شيرين
    07/09/2011 at 04:11

    بصى يا حبيبتى هو لو بيحبك بجد مكنش استنى 6 شهور ولسه بيبعتلك نظرات بس لو بيحبك بجد كان كلمك من اول مره حس انه معجب بيكى وخصوصا ان حس انك مختلفه عن كل البنات اللى عرفهم لو بيحبك كان هيخاف انك تضيعى من ايدوا وتروحى لحد غيره وكان هو اللى فاز بيكى الممنوع مرغوب يا حبيبتى وطول منتى مش معبراه هيجنن عليكى اكتر بس صدقينى يوم ما هتديلوه ريق حلو لاما هيتقدملك ويشيلك فوق دماغه لاما هيقلل منك اوى وهيبقى وصل للعايزه وعسى ان تكرهوا شيئا وهو خيرا لكم وعسى ان تحبوا شيئا وهو شر لكم ونصيحه من اختك استخيرى ربنا فى الموضوع ده

  6. اختك المسلمه
    30/06/2011 at 19:29

    انا بس عاوزه اقول حاجه وبجد افهموها دلوقتى مبقاش فى حاجه اسمها حب الا قليل جدا والله وبعد كده مفيش حاجه اسمها حب الا فى الحلال لو هو فعلابيحب حضرتك هييجى يتقدملك وانتى بجد لو مش عاوزه تبقى ضعيفه ادامه كده غضى بصرك عنه يعنى المفروض يكون فى الحلال

  7. واحد
    19/06/2011 at 09:21

    هقولك كلمتين اتنين اى شاب عرف بنات قبل كده كتييييير جدا بس ده معناه انه مش كويس واى بنت بتتدلق على شاب زى ما حضرتك ممكن تعملى لو قدر يصاحبك هيخليها خاتم فى صباعه
    اما بالنسبة هوة لية حاطك فى دماغه فلأن الممنوع مرغوب هوة مش طايلك وانتى بتبعدى عنه وكل ما تبعدى كل ما هيحاول يقربلك اكتر
    فى الاول بيبقى لانه عايز يوصلك علشان بتتمنعى عليه بعد كده ممكن يتحول لاعجاب وبعدين حب
    بس نصيحة لو فضلتى بالمنظر بتاع شيك جدا وفظيع قدامه هتبقى خاتم فى صباعه حتى لو حبك قوى شخصيتك شوية واتمنعى عليه شويتين كمان وبعد كده كلميه بكل احترام وقوليله انه لو معجب بيكى يتقدملك وربنا يوفقك يا رب

  8. اشرف الامام
    23/04/2011 at 08:55

    بالنسبة لمسألة الحب فالمطلوب منه انه يقدم دليل على هذا الحب وابسط دليل هو انه يتقدم الى والدك ويطلب ايدك لكن مسألة النظرات غير كافية بالمرة
    بالنسبة لمسألة التغيير فأعلمى أن من شب على شيئ شاب عليه بمعنى انه لو تقدم لك وقبلتيه زوجا فانك تقبليه على عيبه و مافيش انسان بيتغير

  9. أحمد
    18/04/2011 at 06:20

    دائما بنقول المكتوب هنلقيه ، ولكن لو اجتهدت إنك تغيريه قبل ما يكون ربما يتغير ، مفيش إنسان كامل ولكن حاولي إنه الأصول عنده تكون موجوده ( بيصلي ، ملتزم ، بار بأمه وأبيه ، بيجري على أكل عيشه ، مش بتاع نسوان ) تحياتي لك .

  10. أحمد
    18/04/2011 at 06:16

    على فكره انت عجيبه جدا، هو كل واحد بصلك واهتم جدا يكون إنسان مخلص معجب ، أنا شايف إنه ربما يكون بتراهن أو مغامرة جديدة ، اتركيه من راسك ، البيت موجود ، وهذا شرع الله ، وأنا والله شيك بفضل الله وفي مرحلة الدكتوراة ، ولقيت بنت محترمة جدا في الظاهر وكنت متردد ولكن استعنت بالله واتقدمت ووالها وافق ، وعلى فكره أنا فقير ، ولسه تحت الصفر ، وعلى فكره برده البنت متميِّزة علميًا ، وأهلها ناس طيبين ، واتصدقي أنا مجبتش هدية لحد دلوأت لأن مشغول برسالة الدكتوراة ، وبالعافية المصاريف مكافية ، بس خطيبتي دي ملاك صابرة صريحة صادقة ، وإلا مكنتش اتحملتني كل ده . يارب يخليها قولوا آمين ، أظن التوفيق ده لما ذهبت من الباب ..يمكن.

  11. حسام
    02/04/2011 at 00:22

    انا هبدأ من الأخر
    اولا مش هايبطل تدخين
    ثانيا هايقدر يسيطر عليكى لو انتى فكرتى بتفكيرك ده
    ثالثا هو مش هايحبك طول ما انتى بتقولى (جذاب جداوشيك قوى ولبق فظيع)يعنى ايه الكلام ده ؟

    الحل انك تعمليلو اجنور زى الياهو او بلوك زى الهوت ميل كأنك مش شايفاه وهاتدعيلى تانى يوم

    والله المستعان

  12. بطه
    01/04/2011 at 05:01

    انا بقولك انك بنت محترمه وخليك صابره عليه واتقلى عليه اوى ولو شاريكى هيتقدملك وهياخدك ليه

  13. rody
    27/03/2011 at 02:30

    انا معجبه بيكى علشان انتى بنت بتفكرى واهم حاجه تعمليها انك تفكرى كويس وبلاش تاخدى قرار بسرعه فى اى حاجه فى حياتك الراجل بيحب البنت المؤدبه التقيله اللى بتلوعه وبتخليه يفكر كتير اوعى تضعفى ادام جذابيته وكلامه الحلو خلى عندك قوة شخصيه واثبتيله انك مختلفه وربنا يوفقك

  14. koky
    25/03/2011 at 22:59

    اختي العزيزة انتي علشان بنت محترمة وهو بتاع بنات هيموت ويكلمك فانتي متدهوش الفرصة دي لانه اكيد ده متراهن عليكي فانتي لا تخليه يكسب الرهان ده ابدا والممنوع مرغوب وهو لو عايزك بجد يتقدملك رسمي وربنا يسعدك.

  15. مدمنة السهر
    25/03/2011 at 00:42

    ممكن يتغير عادي كثير مثلو وأكثر منو كمان غيرهم الحب…بس بصراحة حابة اقولك حاجة بس بليز لا تزعلي أنا حاسة أنك مكبرة الموضوع من مفيش يعني ممكن يكون حكى معك عادي وانتي فكرتي أنو معجب أو ربما يكون نفسو يعرف وحدة ما تعرفش شباب مثل ما بتقولي ..لا تحطي أمل كبير بعدين يطلع مفيش ..اتمنالك كل خير ان شاء الله بس أنا لو منك مادام انتي مالكيش ماضي دوري ع واحد مثلك أحسن حتى ما تبقيش عايشة مع الوسواس هاد رأيي وانتي حرة —أختك في الله السلام عليكم

  16. زائر
    24/03/2011 at 21:45

    الاخت السائله واضح أنكى ليس لكى خبرات فى التعامل مع الشباب وألاعيبهم خاصتا مثل هذا الشاب الذى له علاقات مع بنات كثير وأكيد يحدث بينهم تجاوزات لا يرضى الله عنها. ومثل هذا النوع غالبا ما يحاول أن يوقع البنات فى حبه وهو معتمد على وسامته وجاذبيته كما قلتى فلا تنخدعى فيه وخليكى زى ما انتى نقيه طاهره ولا تسمحى لأى شاب أن يلعب بعواطفك حتى يريد الله أمرا أخر ويرسل لكى شابا محترما لا يشاغلكى وان كان بالفعل معجب بكى يذهب ليخطبكى من أهلك. وأنا أعرف شبابا كثير مثل هذا يكون همه كله أن يوقع البنت فى حبه فقط ليثبت لأصحابه من البنات والأولاد أنه استطاع أن يفعل ذلك وأحيانا يكون رهان على ذلك والأفلام المصريه مليئه بهذه النوعيه.صدقينى أنا بكلمك وكأنى بكلم اختى أو بنتى فاقبلى نصيحتى ولا تتكلمى معه لانه بيلعب ومش جاد وخليكى زى ما انتى صفحه بيضاء وأنا متأكد ان شاء الله ربنا هيكرمك بواحد محترم ويقدرك ويكون بنفس أخلاقك..

  17. الحمد لله
    24/03/2011 at 21:00

    بصى يا حبيبتى الولد دة انتى لفتى نظره علشان انتى مش بتكلى شباب وهو ممكن يكون حب يسبت انو ممكن يخليكى زى اى بنت هو عرفها بس انتى جدعه انك بعتى وافضلى على كدة دة بتاع بنات والى فيه خصله البنات مش بيغيرها ولو انتى معجبه بيه افضلى منفضه علشان يحبك التقل صنعه ولو حبك اكيد هيتغير علشانك ربنا يحميكى يارب وخلى بالك من نفسك

  18. haytham
    24/03/2011 at 20:54

    اختى فى الله الموضوع يتلخص فى كلمتين الممنوع مرغوب بس انتى استمرى على كدة وهو فعلا لو عايزك يبقى رسمى ربنا يحفظك ويبعد عنك كل شر

  19. هند
    24/03/2011 at 17:08

    متكلمهوش ولو حاول يكلمك أبعدى عنه لسبب هو عارف أنك مش بتاعت صبيان وبتتكسفى يعنى هيوقعك هيوقعك بأقل كلمة فياريت تبعدى عنه وتشيليه من دماغك ولو عايزك هيتقدم رسمى لأهلك وتبقى كده كرمتى نفسك وأهلك وقبل ده كله معصتيش ربنا وبالنسبة أنه يتغير فده على حسب شخصيته وشخصيتك وانك لا تهدى من أحببت ولكن الله يهدى من يشاء

  20. بنوته مصريه
    24/03/2011 at 16:24

    بصي ياحبيبتي اولا كلامك واضح جدا وسؤالك مجاوب علي نفسه الشخص ده شايفك مش بتكلمي شباب وهو طبعا مقطع السمكه وديلها اذاي بقي انتي ماتكلميهوش فاكيد متراهن انه لازم يوقعك ال ايه في حبه وغرامه ويبقي هو روميوزمانه عايزه نصيحتي اوعي تكلميه ولو بيحبك لازم هيتعب وراكي وهيثبتلك حبه ولما ميلاقيش فيه فايده هيدخل من الباب هو ده الاصول وعلي فكره انا اتحطيط في الموقف ده وده كان تصرفي وفعلا دخل من الباب وده لاني عندي مبدا فياريت خلي ليكي مبدا وقربي من ربنا وماتخليش الشيطان يغلبك خليكي ناصحه

اترك رداً أو حلاً لهذه المشكلة