مشاكل البنات مع الشباب

غلطت معاه بلحظة ضعف بس انا لسه بنت

انا حبيت واحد حب بجنون وبقالي سنتين اعرفه وللاسف اني غلطت معاه واستسلمنا في لحظة ضعف بس انا لسه بنت هو والله انسان كويس وبيشتغل شغل محترم وبيحبني جدا وغيوووور موت لكن للاسف طول السنتين الي هو كان يعرفني فيهم كان بيقنع والده انه يخطبني لان انا من محافظه في الدلتا وهو من اسيوط وابوه عايزه يخطب من البلد وهو عمل مشاكل كتير طول السنتين دول لحد لما ابوه وافق ولما كلم اهلي رفضوه مش لشخصه لكن لانه هيعيش في اسيوط لكن هما عرفين انه انسان كويس وانا مش عارفه اعمل ايه بقالي شهر مش بكلمه خالص ولا اعرف عنه حاجه بس هو بيتصل كل يوم كتير جدا ولما رديت عليه قالي انتي نسيتي الي بينا انتي مراتي قدام ربنا وانا مستحيل اسيبك وهفضل ورا اهلك لحد ما يوافقو بس انا عايزك تصبري مش انتي الي كنتي بتديني الامل والاصرار لحد ما ابويا وافق كمان ان شاء الله اهلك هيوفقو بس بالصبر عشان انا بحبك جدا ومش ممكن اتخيلك زوجه لحد غيري والوقتي انا مش عارفه اعمل ايه استناه عشان هو حبيبي واصبر معاه لاني فعلا مش قادره ابعد عنه ولا استسلم وارضي بالي حصل عشان خاطر اهلي بس كمان انا شايفه اني سعدتي معاه لانه بيحبني اوي وانا برفض ناس كتير عشانه بس مش عارفه ايه نهايتها ربنا واحده اعلم اتمني الي يقراء رسالتي لو عنده حل لمشكلتي يقولي بدون سخريه او استهزاء

مشاكل وحلول ذات صلة

اضيف بتاريخ: Sunday, December 5th, 2010 في 16:41

كلمات مشاكل وحلول: , , , , , ,

48 رد to “غلطت معاه بلحظة ضعف بس انا لسه بنت”

  1. ميدو
    29/06/2011 at 18:30

    ازااى يعنى مراته قدام ربنا هو اهبل ولا عبيط ولا بيألف كلام وخلاص الى انتم عملتوه ده زنا وحده الرجم او الجلد فى الدين, والى بيشيل قربه مخرومه بتخر على دماغه

  2. dodo
    15/12/2010 at 17:01

    بصي يا حبيبتي انتي غلطتي بس اي حد متعرض للحظه ضعف
    هوا بيحبك و اقنع اهلوا انتي كمان حاولي تقنعي اهلك
    عمرهم ما هيجوزوكي غصبن عنك ارفضي اي عريس يجيلك
    و قولي مش عايزه غير فلان و لو هتفضلي كده كتير صدقيني هيجوزوكي للي انتي اخترتيه طالما مفيش فيه عيوب غير موضوع السكن ده اقفي قدام اي انسان يحاول يقف قدامكوا و كلميه و مش تزعليه هوا محتاج ليكي و اعملي زي ما هوا عمل و حاولي تقنعي اهلك ده بيحبك بجد

  3. دبور
    07/12/2010 at 11:35

    اااوعى تحاولى تزعليه الفتره دى دا لو انتى فعلا بتحبيه واتمسكى بيه وتقدرى تغيره لو انتى برده متأكده ان انتى بتحيبه هوه حد لاقى حد يحبه وهوه يحبه

  4. rabot_rabot
    07/12/2010 at 11:07

    حاولى تقنعى اهلك بانك بتحبيه والبنت مع زوجها فى اى مكان مدام ح يخاف عليها وبيحبها

  5. عمرو زعيه
    07/12/2010 at 07:31

    السلام عليكم انا متشكر لاخوانى اللى وافقونى على كلامى بس انا نفسى اقول شئ ياريتك تجعلى اهلك يوافقو على زواجك منه علشان تصلحى ماافسدتيه ويارب زواجكم يتم وبعد كده تعاهدى ربنا انك تكونى انسانه صالحه لبيتك ولاهلك ولكل اللى حواليكى

  6. 50 CENT
    07/12/2010 at 00:43

    مساء الخير عليكم
    احب اضيف رأي واقول : ان الي يغلط معا وحده يغلط معا عشره وحولي تنسيه لان حيخذا بفكر اخر انه طالما سبتيله نفسك اكيد سبتي نفسك معا غيره حتى ولو معملتيش وربنا معاكي

  7. غفرانك ربى
    07/12/2010 at 00:08

    لا حول ولا قوة الا بالله
    ازاى بعد كده هايثق فيكى ويسيبك فى البيت
    ازاى يضمن انك ماعملتيش كده مع غيره
    استغفر الله العظيم

    قبل ما تدورى على السعاده معه دورى

    على حساب ربنا ولا فاكر نفسك هاتعدى كده
    اولا شىء “””””” من استعجل شىء عوقب بحرمانه “”””
    انت فاكر نفسك هاتعيشى سعيده السعاده باذن الله ورضاه
    وانت اغضبتيه

    طيب لو موتى قبل الزواج
    هاتقولى لربنا ايه

    رجمتك يارب

    من لم يتأدب مع الله فوق الارض سوف يؤدب فى كفنه تحت الارض

  8. maro
    06/12/2010 at 23:20

    اسمعى كلامى أنتى وكل اللى زيك:
    ليس كل من يخطأ مرة فهو بالضرورة قاصد أو مصر على خطأه,قد يقع فى مشكلة من دون قصد او عمد,وقد يضعف مرة بس المهم انه لا يستمر فى غلطه وطالما انه احس بغلطه فهذا قد يكون انذار لكى كى ترجعى الى نفسك وتفكرى كثيرا قبل ان تتخذى اى قرار يتعلق بحياتك كلها
    انا ارى انك لابد ان تبعدى عنه لفترة وتختبرى مشاعرك جيدا ثم تقررى ما ستفعلينه بعد ذلك
    حاولى ان تقنعى اهلك بان السفر معه ليس نهاية المطاف وكلها بلاد الله
    اتمنى من الله ان يوفقك الى ما يحبه ويرضاه وعليك بالاستخارة والمشاورة “مع التوفيــــــــق”

  9. ايمان
    06/12/2010 at 23:14

    بصى يااختى طالما تقدم باهله لخطبته تبقى نيته سليمة نحيتك المهم انك تحاولى تشرحى لوالدتك الىحصل بينكو وهى هتدعم موقفه عند بقية اهللك واتمنى من الله عز وجل ان محدش غيره يتجوزك ياررررب

  10. البغدادى
    06/12/2010 at 23:05

    اذا كان يحبك فعلا ما كان غلط معاكى
    وكان حافظ عليكى

  11. بنت الاسلام
    06/12/2010 at 23:02

    الاالاخت الفاضله لقدبدأت بعلاقه شيطانيه فماذا كنت تنتظرين لابدوان تعقدهكذاالاييسرالله فيها وهذا اختى لايحبك فانت له مجردنزوه يرى ورائها وصدقينى هذا زواج محكوم عليه بالفشل قبل ان يبدألذلك اطلب منم\ك اختى الفاضله ان تنسيه اعرف انه صعب عليك ولكن بتر العضو اهون من آلامه كل حين فسوف يظل خطأـك معه حجر عسر فى حياتكم وخصوصا انه رجل صعيدى كما قلتاستغفرى ربك وحاولى ان تبداى مع غيره سيكون الامر صعب فى البدايه ولكن الايام كفيله ان تداوى كل الجوح لك منى خالص الدعاء بالتوفيق

  12. هوبة
    06/12/2010 at 20:26

    استغفرى ربنا يا اختى واياكى والانسياق وراء كلام الحب -كنتى حتعملى ايه لو لا قدر الله مبقتيش بنت وهو مكنش من نصيبك
    محدش حيخاف عليكى اكتر من اهلك -حافظى على دينك وكرامتك وشرفك واصبرى ولو ليكى نصيب فى الزواج منه لن يسطيع بشر النفريق بينكم-اهم شىء حافظى على تدينك وعفتك خصوصا امام بمن تحلمين يكون زوجك-حتى يستطيع ان يثق بكى بعد الزواج وميقلش زى ما فرطتى فى نفسك من وراء اهلك سوف تفرطى فى نفسك من وراء زوجك

  13. Figo
    06/12/2010 at 18:53

    بسم الله الرحمن الرحيم قل لن يصيبنا الا ما كتب الله لنا…صدق الله العظيم
    اولا مش هقولك تانى انكوا وقعتوا فى الغلط عشان اكيد انتى عارفه كده كويس بس هى النفس اماره بالسوء ودايما الشيطان بيزين لينا طريق الخطا حتى ولو كان ظاهره حق وخير وجمال وعموما اغلب الشباب بيحصل بينهم الكلام ده دلوقتى الا من رحم ربى وكتير منهم بينفصل عشان خلاص مفيش ثقه بين الطرفين لكن يبدو ان حبيبك متمسك بيكى جدا وبيحبك اوى واتمنى ميكونش بيحبك لمجرد اشباع رغبه او شهوه معينه…
    شوفى يا بنت الناس انى دلوقتى لازم فى الاول تستغفرى ربنا وتطلبى منه الرحمه والهدايه وتدعى ان ربنا يزيل عنك الغمه ويفك كربك وتطلبى حبيبك من ربنا سبحانه وتعالى وتسيبى الموضوع يمشى كده واذا كان ربنا كاتبلك الراجل ده من نصيبك يا بنتى يبقى انتوا لبعض غصب عن التخين فى عيلتك او عيلته ولو ملكوش نصيب فى بعض يبقى خلاص لازم ترضى بامر الله سبحانه وتعالى وتسلمى امرك للذى لا يغفل ولا ينام عشان اكيد ربنا سبحانه وتعالى مبيعملش اى حاجه تضرنا ودايما الخير بييجى لما بنمشى فى طريقه طريق الخير والهدايه والحق…
    صلى واقراى القران الكريم وادعى ربنا قوى ده ربك رب قلوب…وفى الختام السلام عليكم ورحمه الله وبركاته……..

  14. صديق شوبير لكنه نساني
    06/12/2010 at 13:35

    يا خساره على بنات الناس لما تفرط في نفسها سهل كدا
    وكلام الأخت إنانة صح ميه في المية ن وأضيف عليه وأقول للأخت حافظي على نفسك واحمدي ربك إنها جت على كده وربنا يحفظك إنت وكل البنات

  15. رافت الشوشي
    06/12/2010 at 13:09

    لاحول ولا قوة الا بالله يعني ايه هوا عايش في اسيوط وانتي في الدلتا مش عارف الناس ديه بتفكر ازاي هوا حياخدك الصين كلها بلاد ربنا واحنا كلنا ولاد بلد هوا اللي يعطي بنته لواحد خلاص حياكلها وما فيش حد بياكل مراتة كما يقولون الكبار وانما طالما انتي سردي الموضوع بالطريقة ديه يبقا بيحبك بناءا على شرحك وخليكي على تواصل معاه بدون اخطاء ولا استسلام وتخلي بالك من لحظة الضعف جدا لانه بعدها بتحتقري نفسك وتهدمي اسرة او عائلة او بلد بحالها وركزي عالجمل اللي ذكرتها كويس بتهدمي تاريخ في لحظة شيطانية لاتتعدى 3 دقائق خلي بالك من نفسك وربنا يسهل لكم الامور وانا حاسس انه اهلك باذن الله حيوافقوا

  16. أبو حفص
    06/12/2010 at 12:16

    يا أختي العزيزة أما تعرفين أنك الآن في حكم الدين ” زانية ” ، أنا آسف لهذه اللفظة بس هي حقيقة ، ابتعدي عنه وتوبي إلى الله لكي يغفر لك خطيئتك ، وحاولي اختيار من يتق الله فيك ممن يتقدم لك ، فهذا الشخص لا يخاف عليك بدليل ما فعله معك من خطيئة معك ، وهو يريد العودة إليك لكي يكرر ذلك مرارً وتكراراً ، والمرة دي جات سليمة ولم تفقدي عذريتك ، المرة الجاية الله أعلم …………

  17. ماهي الشرقاوية
    06/12/2010 at 11:49

    انا عايزة اعرف انا اغلطت معابس لسة بنت عايزة اقواللك الي بيغلط مرة بيغلط عشرات المرات اطلبي من ربنا انا مش يبعد عنك خالص وانا يقربك لية وصدقيني لو بيحبك ماكنش لمسك وكان حافظ عليكي واتمني من ربنا انا يحل ليكي المشكلة وانا يهديكي ويهدي جميع المسلمين يارب

  18. mohsen
    06/12/2010 at 11:37

    احب افيدك بان اى شاب سمحتله الظروف انه يغلط مع من تكون زوجته مستقبلا لا ينظر اليها مهما كانت لان ببساطه يتخيل سوف تقوم بنفس الشيى مع غيره وده غريزه داخل الانسان لا يد له فيها نصيحه منى انسى الماضى وابتدى حياتك مع شخص يحبك ويحترمك وحاولى تكونى انسانه جاده ولا تضعفى امام اى شهوة لكى تعيشى حياه سعيده

  19. عمرو زعيه
    06/12/2010 at 04:53

    والله انا مصدوم لكلام الناس دى حلولكم خساره انا كنت فاكر هشوف كلام غير كده والله لما وحده تقول انها غلطت مع واحد بس هيه لسه بنت يافرحتى خساره 0 ارجعى احسن لربنا واستغفريه 00اللهم اهدى شباب المسلمين والمسلمات 00 اللهم امين

  20. كوكو
    06/12/2010 at 03:51

    اصبرى عشان بتحبيه وهو بيحبك عشان تعيشوا عيشه جميله تمتد لاخر عمركوا ربنا يوفقك باى

  21. محمد
    06/12/2010 at 03:07

    الصبر مفتاح الفرج وأوعي تتخلي عنه وأسئلي عليه بأستمرار وخلي في بنكم كلام أحسن ما ييئس وخليكي معه متسبيهوش يحاول لوحده لان يد لوحدها لا تصفق والحب اذا جاء امسك فيه وربنا يوفق أنشاء الله

  22. Mora_monem
    06/12/2010 at 02:15

    و الله انا شايف انك تحاولى تقفلى تليفوناتك و تدوسى شويه على قلبك و تصبرى فتره معينه
    فى خلال الفتره دى تشوفى هتقدرى تعيشى من غيره و لا لأ و تحاولى تنسيه
    فى خلال الفتره دى لازم تحاولى تستغفرى ربنا كتير و تتقربى لربنا اكتر و تتوبى و تندمى على اى حاجه غلط عملتيها فى حياتك علشان ربنا يهديكى للصح بإذن الله و متنسيش تصلى صلاه استخاره و تشوفى ربنا هيهيديكى لإيه
    و متنسيش ان اهلك اكيد خايفين على مصلحتك و اكيد شايفين حاجات انتى مش شايفاها
    عمر

  23. صاصا
    06/12/2010 at 00:33

    انا كنت في جامعة اسيوط وانا من الدلتا اسيوط جميلة جدا حاولي تقنعي اهللك ينزلوها ويشوفوها زيها زي الدلتابس بعد المسافة بس ودا عادي زي ماتكوني مسافرة برة مصر وربنا معاكو

  24. androw
    06/12/2010 at 00:20

    لازم تستنى معاه علشان هو كده بيحبك بجد ولو حد تانى كان ممكن ياخد الى هو عايزه منك ويسيبك
    لكن ما دام هو كده لازم تبقى معاه وتحبيه زى ما هو بيحبك

  25. هدورة
    06/12/2010 at 00:04

    قولى يارب وربنا اكيد هيقف معاكى علشان نيتكم صافية واصبرى معاه ومتضضعفيش وتستسلمى لكلام اهلك
    اكيد هيوفقوا لما يعرفوا انك متمسكة بيه انا اقعدت مع خطيبى سنة قبل مانتخطب واهلى مكنوش موافقين علشان هقعد ف القاهرة بس لما عرفه انه بيحبنى وبيخاف عليا الحمد لله وافقة بس انتى خليكى مصرة على موقفك

  26. مونتى
    05/12/2010 at 23:54

    او اولا انا متعطفه معاكى جدا ثانيا مدام شريكى وبيحبك استنيه حتى ولوالعمركله ومفيش حاجه بعيده عن ربنا وانا هدعيلك من كل قلبى ربنايوفقك ويسعدك وتكونوا من نصيب بعض يارب وربنامعاكى بس بجداوعى تسبيه صعب فى الزمن دا تلقى حدبيحب حدبجدومن قلبه

  27. اللوزة
    05/12/2010 at 23:39

    حاولى تتكلمى مع والدتك بهدوء وفهميها انك بتحبيه جدا وان الجواز قسمة ونصيب كمان هو شاب كويس وانك ممكن
    تتجوزى جارك ومتبقيش مرتاحة طول حياتك

  28. إنـسـآنـة
    05/12/2010 at 23:33

    اا السلام عليكم ورحمه الله يسعدني إني أرد علي مشكلتك وبدون أى سخريه أو استهزاء بس عاوزة أفهمك شئ في الاول وهو المعني الحقيقي للعذرية العذريه حبيبتي مش مجرد غشاء العذريه عذرية احاسيسنا ومشاعرنا الانثويه اللي المفروض متكنش الا لأزواجنا مجرد لمسه إيد فيها شهوة كفيله بأنها تضيع عذريتنا وإلا مكناش صنفنا الرجال بالرجل العذري والغير عذري برغم عدم وجود اى غشاء طولت عليكي بس معلش من هن كلامي ده بستنبط رأيي وردي في مشكلتك وأقولك إنك فعلا غلطتي برغم احتفاظك بعذريتك لانك غلطتي اولا في حق ربنا وحق اهلك ونفسك واللي غلط لازم يصلح غلطه مهما كان التمن والحمد لله ان ربنا رزقك بشخص كويس وعاقل ومش أتهرب منك بعد ماكان بينكم اى شاب غيره كان ممكن يخاف انك تكوني زوجته واللي هاتشيل اسمه لكن الحمد لله علي كل شئ تمسكي بيه لاقصي حد حاولي علي قد ماتقدري تقنعي اهلك بيه مهما كلفك الامر ولو لقدر الله مافيه نصيب يبئا تحمدي ربنا ان الامر وصل لهذا الحد وتستغفري ربنا وتتوبي اليه وربنا بيتقبل توبتك ان شاء الله ربنا يوفقك ويكتب ليكي اللي فيه الخير

  29. عميد كلية الاحزان
    05/12/2010 at 23:15

    بسمــــــــــــــاللـــــــــــــه الرحمــــــــــــــن الرحيمـــــــــــ الاول انتي يا اختي العزيزة اني غلطتي في انك وافقتي انة يفعل معاكي كدة او انك سلمتيلة بس هوة لو بيحبك ما كنشي يعمل كدة بس هي طبعا في ساعت الشطان مش بيملك الانسان نفسة المهم انا عندي نفسي المشكلة مع حببتي بس ان مغلطتش معا ها ولا هي كمان عارفة انا من سوهاج بلد جنب اسيوط بلد حبيبك مفيش ساعة بنا وبنها وهي من مصر الجديدة بنحب بعض جدا فعلشان كدة بقولك اوعي تسيبي الي بيحبك خالص واهلك لما هيلاقوا اسرارك علية لانك بتحبية هما لازم هيوافقوا علية لاني مفيش اب او ام في الدنيا يكرة السعادة لاولادة مهما ان كان واكيد هوة لازم هيسال علي الولد دة ويعرف اصلة وفصلة وقولية كمان هوة ما يسأسش ويحاول تاني مع ببابكي وبباباكي لما هيلاقي هوة كمان مثر عليكي اكيد لازم هيوافق واروجي اول ما تشوفي كلامي ياريت تدعيلي يحنن قلب حببتي علية يارب لاني انا كمان بحبها موت ومش قادر استغني عنها انا عرفتها عن طريق النت

  30. الامل
    05/12/2010 at 23:15

    استنيه
    وربنا قادر على كل شئ
    بس بعدك عن اهلك غلط
    لانهم عزوتك وناسك
    ومش هاتعرفى تستغنى عنهم
    وهو صعيدى
    مش هايسيبك تتنططى كل شويه عليهم
    على فكره انا بلدياته
    واعرف طباع اهل اسيوط

  31. حل
    05/12/2010 at 22:18

    الاولو شرط اخره نور …………
    انتي تقبلي تعيشي مقطوعة من شجرة …. ما اظنش ، وده اللي مخوف اهلك ، المسافة البعيدة
    ريحيهم بانك لن تكلفيهم عناء السفر ، وان مجاملات الفرح والعزاء للاصول فقط (اب ام اخ اخت )
    انما فرح الخال والعم واولاد العم واولاد الخال لا يلزم احد بالحضور..
    اهلك ناس اصول ..
    و لو تقدري تقنعيهم بالشرط ده ان شاء الله الموضوع حا يتم
    عمتي كان عندها نفس مشكلة الزواج من شخص يسكن اهله بعيدا وكان جدي رافض جدا …
    لكن باصرار الراجل وافق علي ان يلزم جدي فقط فرح و عزاء الاصل والبقية يشارك فيها ابناءه، والنتيجة اتجوزوا و خلفوا …
    ربما ينفع معك هذا الحل
    ربنا يوفقكم ويديم ستره عليكم

  32. loza
    05/12/2010 at 22:08

    دوقتى انتى بتقولى مش قادره تستغنى عنه ولا تبعدى وشايفه سعادتك معاه يبقى ازاى هتستسلمى بقى وبعدين لو ليكى نصيب معاه هتخديه حاولى تقنعى اهلك لاما هو يحاول يجيب شقه عندكم وطالما هو عنده الاصرار ده كله هتنسبيه ليه طيب لو هو استسلم وقال هعملك ايه يعنى يبقى هو بايعك ماظنش انه يستحق منك انك تسبيه او انك تبعيه او ماترديش عليه هو ذنبه ايه ؟؟؟ ربنا يوفقك يارب

  33. فاعل خير
    05/12/2010 at 21:15

    بسم الله …رأى باخلاصان تصبرى عليه ولا تقاطعيه كما فعلتى وان تساعديه فى اقناع اهلك لان الحب لابد ان يواجه بعض الصعوبات والمشاكل فقفى معه لحل هذه المشاكل ………….والله المستعان

  34. ابو الجاسر
    05/12/2010 at 21:07

    بداية اختي العزيزه لقد أخطأتي فيما حدث بينكم فلا تعاودي الرجوع الي هذا الفعل الذي يغضب الله…واعلمي ان حل مشكلتك يتوقف علي إيمانك وقربك من الله فهو بيده كل شيئ وقادر علي كل شيئ فالقلوب بين يدي الله وعساه ان يضع القبول في قلوب أهلك….فاستعيني بالله وانصحك بالإستخاره حتي يظهر الله ما فيه الخير لكي….وادعو الله ان ييسر لكي كل خير

  35. أركان حرب
    05/12/2010 at 20:40

    يا اختى المفروض لو بتحبيه وعاوزاه جوزك ما كنتوش تغلطوا اما بقى موضوع أهلك ده فى ايديك انتى حاولى تقولي ليهم انك ان انتى اللى هتتجوزى مش هما وانك عاوزة تعيشى فى اسيوط واوعديهم انك مش هتقاطعيهم وكده ان شاء الله هيوافقوا

  36. ملوكة
    05/12/2010 at 20:10

    لازم تقولى لاهلك لان دى حاجة متنفعش تستخبا واكيد بعدها هتلاقى حل بس خلى بالك انك لو ارتبطى باى حد تانى لازم يعرف اللى حصل

  37. ابو احمد
    05/12/2010 at 19:44

    والله يا اختى لو انتى فعلا عاوزاه وبتحبيه وهتقدرى تتحملى كل العواقب المترتبه على الزواج انتظريه وقاتلى معاه

  38. yuyo
    05/12/2010 at 19:31

    بصى بغض النظر عن اللى حصل هقولك حاجة يعنى لو انتى عايزة تتجوزى حد متتجوزيهوش عشان بتحبيه او عشان الشهوة ليه؟ عشان الحب دا مشاعر والمشاعر بتتغير يعنى مثلا تكونى بتحبى لون معين وبعدين تزهقى منه ومتبقيش تحبيه وتحبى لون تانى وهكذا اما بالنسبة للشهوة ف برضه الانسان بعد فترة بيزهق يعنى مثلا لو انتى نفسك ف الديك الرومى او الحمام فانتى اما هتاكليه هتبقى مبسوطة جدا ولكن بعد اسبوع او 10 ايام خلاص هتزهقى ومش هتاكليه تانى الا بعدين وبكدا شهر العسل هيخلص ف 10 ايام بس وتبدا المشاكل فاما تيجى تختارى شريك حياتك اختاريه بالعقل وانه يكون قد المسئولية وعلى خلق مش بالقلب وافتكرى جملة رجاء الجداوى ف فيلم السلم والتعبان اما تيجى تتجوزى اختارى واحد تقدرى تعيشى معاه مش واحد متقدريش تعيشى من غيره وربنا يوفقك

  39. دربكة
    05/12/2010 at 19:04

    سيبك منة علشان اللي بيغلط مع واحدة عمرة مابيفكر فيها انها تبقي مراتة
    ويبتدي يفكر فيها انها دي بتع وقت الفراغ وبس
    لكن مراتي لالالالالالالالالالالالالالالالالالالالالا
    وشفي حياتك ماشية ازاي
    ومتغلطيش تاني مع حد
    عيب كدة هتبوزو الشباب الغلبانة التعبانة

  40. مدرس ثانوي
    05/12/2010 at 18:43

    السلام عليكم . أختى العزيزة أولا للقد أخطأتي في حق نفسك عندما استسلمتي لهذا الشاب . ومن حسن حظك أنه ما زال مصرا على الزواج منك . نادرا ما تحدث وانا انصحك طالما أهلك معارضين لهذا الزواج وبتقولي انك بترفضي كتير عشانه . لالالالا من رأيي تسمعي كلام أهلك لاسباب منها : الغلطة بتاعتك معاه هتكون مصدر مشاكل كتيره جدا بعد الزواج وخاصة انك بتقولي انه غيور يعني الغيره غالبا بتتحول لشك . الحاجة التانية انتي من الدلتا وهو من الصعيد هتروحي مجتمع مختلف جدا في كل حاجة وهتكوني بعيد عن اهلك واصحابك وناسك وهتحسي بغربه شدية جدا . ولو حصل لاقدر الله مشكلة وحبيتي تروحي لاهلك هرتوحي فين ولا هتيجي منين . انصحك اسمعي كلام اهلك والحب ممكن التغلب عليه بالصبر . لكن الزواج صعب الهروب منه وصعب تحمل المشاق الناتجة عنه. استخيري ربنا واختاري زوج كويس من اللي بيتقدمو واوعي تقولي لاي مخلوق على غلطتك معاه حتى لاقرب الناس ولو حبيتي زوجك بعد كده اياك تفضحي نفسك . احذرك احذرك من هذا . وتقربي إلى الله وربنا هيبت قلبك ان شاء الله . مدرس ودكتوراه في علم النفس وناصح امين لاخت مثلك . ربنا يهديكي ويثبت قلبك ويرشدك الطريق المستقيم . والسلام عليكم

  41. حبية الرحمن
    05/12/2010 at 18:33

    حاولي حبيتي انتي تقفي جمبه وخصوصا انه بيحبك وانتي كمان بتحبيه اصبري وحاولي تقنعي اهلك بس ارجوكي خدي بالك من نفسك وقولي ليه حد الله بيني وبينك لحد ماتشوفي امورك هاترسي علي ايه وماتفرتيش في حالك ونفسك بسهوله ونصيحه ماتاخديش عريس حد ماتكونيش مقتنعه بيه لانه لو اخدتيه علي ماله المال بيزول ولو اخديه علي جماله الجمال مش كله حاجه اهم شي الحب والموده والاحترام

  42. درش الشقى
    05/12/2010 at 18:17

    ازاى غلطى معاه ولسة بنت المهم ايلى يخاف ربنا انسان كويس وانتى تقررى ان كان كويس ولا مش كويس

  43. حزينة
    05/12/2010 at 18:16

    اوعى تسبيه صدقينى الحب والحد الكويس بتلاقيه مره وحده بس غير كده انتى عمرك مهتبقى سعيده مع حد غيره وكمان لو بقى فى حد غيره هتحسى بذنب طول عمرك علشان كنتى مع حد غيره اتمسكى بحبك واقنعى اهلك

  44. osamaalmsry
    05/12/2010 at 18:02

    الصبر جميل جدأ وكويس ان اهلة وفقو عفبال اهلك انتى كمان بس مع الصبر والالحاح ولاكن اكبر غلط لحظة الضعف دى

  45. سوزى سالم
    05/12/2010 at 17:57

    اختى العزيزة يجب ان تتحلى بالصبر وتدافعى عن حبك وسعادتك حتى لو طال انتظارك وفى النهاية سوف يخضع اهلك لسعادتك ورغبتك ولا تستسلمى طالما تحبيه ويحبك ولم يتخلى عنك وفى النهاية لن يصيبنا الا ما كتب الله لنا فقط تحلى بالصبر والايمان بالله واستعينى بالصلاة والاستغفار وربنا يوفقك للخير ان شاء الله

  46. اسيوطي
    05/12/2010 at 17:51

    انا بقول تصبري عليه
    و مش هقولك عشان انا صعيدي و اسيوطي كمان
    بس الصعايدة كلمتهم واحدة
    ان شاء الله ربنا يقدم اللي فيه الخير

  47. حكمة العقل
    05/12/2010 at 17:13

    بصي اولا انتي غلطتي غلطة كبيرة المفروض ماكنتيش تستسلميله مهما كانت الظروف ويمكن الموضع بيحصل فيه عقبات كعقاب من ربنا والله اعلم كتري من الاستغفار والتوبة طول مانتي قاعدة عشان ربنا يسامحك ويسهلكوا ان شاء الله
    ثانيا نصيحتي ليكي استنيه مادام انتوا بتحبوا بعض كده واوعي غلطي تاني او فكري تعملي اي خطوة غلط وحاولي تقنعي اهلك وماتتنازليش عن تمسكك بيه عشان اعتراضهم علي موضوع خروجك من البلد مش صح ماحدش يعرف نصيبه فين وراعي ربنا وان شاء الله ربنا حايراعيكي

  48. سندباد دمياط
    05/12/2010 at 17:12

    اولا الى حصل مابنكم ده ربنا يسمحطم عنه وثانين انا بقلت استنيه لانه جدير انه يقنع اهلك زى ما اقنع اهلو ” بصى يا بنتى الحب الحقيقى مش بيجى الى مره وحده ف العمر ” انا كانت مشكلتى زيه بس هيه اتجوزت بلعفيه ودلواتى عشتها مرار ومش ادره تكمل من غيرى ونا كمان مش ادر اتجوز وحده تنيه بلاش تكررم الى انا فيه

اترك رداً أو حلاً لهذه المشكلة