السلام عليكم ارجو الرد ويكون رد يريحني بالله عليكم .. انا عندي22 سنة بحب واحد اوي كل حاجة في حياتي وكل حاجة دي شوية اوي اوي عليه لانه قدر يغيرني في كل حاجة احنا بنحب بعض من سنة ونص في بداية تعارفنا كان في شوية مشاكل تخصني وقف معايا واستحملني كتير خصوصا اني مريضة وعندي ضيق تنفس وكنت في مصحة نفسية مش مجنونة بس كنت تعبانة نفسيا اتعالجت الحمد لله وماشية بالعلاج وهو عارف اني مريضة بكل ده وقالي مش مهم تعبك قولت له طيب واهلك قالي انا هتجوزك ولا اهلي بدات اتعلق بيه كان بيكلمني في اليوم ميت مرة ورسمنا مع بعض حياتنا المهم خلص دراسته وقدم في الجيش جاله سنة جيش وكان زعلان اوي وخايف لحسن حد يجي يتقدم ليا رديت عليه وقولت له انا مستعدية ادخل المصحة تاني واستناك لحد ما تخلص شوفوا لدرجة اية المهم دخل الجيش وكان اول 45يوم حبه زاد ليا اوي بعد ما جه اجازة اتغير اوي وكل شوية مع اصحابه ومش سائل فيا قولت يعيش له يومين ماهوبرضو محروم منهم كلمني اخر يوم في الاجازة باسلوب وحش واتغير معايا 180%رجع الجيش تاني تليفوناته قلت خالص وكلامه كمان وبقي يقفل معايا المهم انا قولت له انا عاوزة اشتغل قالي ماشي روحت عملت انترفيو واستلمت الشغل تاني يوم بس ماقولتش ليه اني عملت انترفيو نزل هو في اول يوم ليا في الشغل واتصل بيا وقالي انتي فين قولت له انا في الشغل بس عرف اني عملت انتر فيو من وراه واتخانق معايا وقالي انتي كدبتي ليه عليا قولت له والله كنت هقولك وفعلا وا لله كنت هقوله بس هو عرف قبل ماقوله المهم من ساعاتها وهو ماسكها ليا زلة ومش مصدق اي حا جة اقولها ليه المهم معملته اتغيرت وكل ما قوله انت اتغيرت يقولي انتي مش عارفة يعني اية جيش ومش حاسة انا في اية انتي رايقة المهم من حوالي اسبوعين حصلت مشكلة في البيت بسبب ان اهلي جابولي عريس وانا طبعا اتعصبت عليهم وكانت النتيجة انهم اخدوا الموبايل مني فكلمت واحدة صحبتي وقولتها قوليله انك مرات اخويا واحكيله علي الحصل واني مش عرف اكلمه اليومين دول خالص كلمته وبعديها بكام يوم اتصلت بيه وحكيت له اللي حصل وبعديها اتخانقنا مع بعض كانت ساعاتها مرا ت اخويا في البيت سمعت الخناقة اضطريت احكلها لحسن تقول لخويا اخدت الموبايل مني وكلمته وقبل ماتكلمه قولتها ان في واحدة صحبتي كلمته وقالت له انها انتي كلمته وقالت له انا كلمتك المرة اللي فاتت وقالت له استحملها وانت بتحبها ولا لا قا لها بحبها وعاوزها المهم نزل اجازة وكانت المصيبة الكبري لما صحبتي كلمته الاول سجل رقمها عنده ومسك موبايلي وشاف الاسم مش هو ا سم مرات اخويا وعرف اني كدبت عليه وكانت خناقة لرب السما وقالي مش هصدقك تاني في حاجة هتقوليها لانك بتلعبي انتي واصحابك عليا وانا مش طرطور بس والله العظيم والله العظيم والله العظيم ماكنت بحور عليه ولا بحكي اصلا حا جة لاصحابي عنه وكان عاوز يسبني بس طبعا اهنت كرامتي كتير اوي عملت كل حاجة تهين كرامتي ممكن تتخيلوها قالي انتي عاوزة تكلميني ماشي كلميني بس مش هصدقكك في اي حاجة هتقوليها حتي لو صح اقسم بالله من ساعة اللي حصل مانمتش يوم واحد وخايفة لحسن ارجع تاني المصحة والمرة دي مش هبقي سليمة لاني اول مرة احب في حياتي اوي كدة ارجوكم ساعدوني بردك انا عا رفة ا لاغلبية هيقولوا اية بس ارجوك نفسي حد يسا عدني انا مريضة اوي والزعل غلط عليا اوي
مشاكل البنات مع الشباب
كدبت علي حبيبي ومش عاوز يسامحني
اضيف بتاريخ: Thursday, June 9th, 2011 في 13:56
كلمات مشاكل وحلول: مشاكل البنات, مشاكل البنات مع الشباب
انا كلمت حبيبي علي اساس اني وحده صحبتي فضلتنا نتكلم وقت طويل هو كان بيطمن عليا وبيسأل علياا ومعملش اي حاجه تزعلني وكان عالطول يقول انا حاسس انك هي بس انا انا كنت بنكر وبقوله لا انا صحبتها وهو عرف ودلوقتي مش عارفه اعمل اي اكلمو ولا اعمل اي مش عارفه
كدبت علي حبيبي هو سالني انتي كنتي مرتبطه قبل كدا وانا قولت لا معرفش كدبت
لي اني كنت مرتبطه بس لما رجع سالني تاني بعدها بفتره جوابت وقولت الصراحه هو زعل اني كدبت عليه ومقبقيش يثق فيها بس انا حبته بجد ومش عارفه اعيش من غيره وهو مش عاوز نرجع تاني اعمل اي
اولاً اختي العزيزة هذه ليست مشكلتك بل مشكلته هو لأنه مش واثق فيكي من الأول وإذا كان هو واثق فيكي كان تقبل كل حاجه في حدود العلاقة اللي بينكم وللأسف زاد عن حقه أولا هو مش خطيبك علشان تقولي ليه على أي حاجه اللهم إلا إنه حبيب فقط وكل شيء له حدود والعشم اللي يوصل لكده برضه له حدود وده دليل على أنه إنسان إكتسب غريزة الكبرياء العاطفي وما عندوش خيط ممكن يوصله الى الاعتذار ، أنا عن نفسي لا اعتبره خطأ ولكن أعتبره سوء تفاهم ممكن تقليله عن وجهة نظرك إذا كان بيحبك وبيقدرك وكمان بيثق فيكي إعتبريه كل حاجه ليكي بس برضه في حدود لغاية ما يكون فيه ارتباط حقيقي وانصحك أن لا تندفعي في عواطفك أكثر من اللازم لأن الحب الحقيقي بيكون فيه تقبل من الطرفين واذا كانت فيه مشكله يجب حلها بإقتناع وكمان انتي سليمه من كل مكروه والحمد لله رب العاملين واذا كان بيحبك ممكن يسمعلك واذا كان بيحبك اكتر هيقدر موقفك واذا كان بيحبك موت ده يبقى كفايه كده تفتحو صفحه جديده وربنا يهنيكم ويسعدكم
hi awel chy ana bra2yy itasely by i3tazery inek kedebty ma3 ino mesh 7aga sa3ba inek kedbt f 7aga tafha zay dy l mohem i3tazery w ba3den olelo ana ba7tarem ra2yak w mawkefak bas fteker iny ba7ebak awy w 3omry ma7ansakw sa3et ma t7es inak same7tny ana mawgoda teb2a tkalmnyw law ayza nas7tny matkalmy siby yehda w howa 7ay7is b imtek lama teb3edy w 7ay7is inek kount bet3mly keda ashan te7fzy ala 7obekw law by7ibek howa 7ayatasel w ysem7ek w rabena ma3aky good luck
حبيت قلبي الف سلامة عليكي يارب وربنا معاكي ويشفيكي اهم من كل حاجة في الدنيا بصي ياروحي الحب دة بيروح وبيجي اهم حاجة صحتك انتي وان شاء الله خير متزعليش نفسك بصي هو معليش ادايق بس انك كدبتي علية بس انا شايفة ان الموضوع دة ميستهالش كل الزعل دة منة بس برضوة تقدري تقولي انة علشان بيحبك كان واثق فيكي جدا والثقة دي اتهزت وبعدين لازم تعرفي وتتاكدي لو هو بيحبك هيصدقك وهيسامحك لان اي حد بيحي لازم يصدق اللي بيحبة حتي لو كان بيخاف علية وبعدين انتي لسة صغيرة والعمر لسة قدامك فخدي بالك من نفسك اوي ومن صحتك وربنا يشفيكي يارب ويشفي مرضي المسلمين جميعا وان شاء الله تنولي اللي انتي عايزاة يارب ويوفقكم وتتجوزوا بس انتي كمان لازم تستحميلية علشان الجيش وظروفة وربنا يهدينا جميعا
خذى الحل ده وان شاء الله تحققى ما تتمنيه اول شئ صلى واستغفرى ربك وتوبى اليه والتقرب من الله بيكون مرتاح نفسيا تانى حاجه لازم تعملى مقابله مع اللى انتى بتحبيه ده بينك وبينه بس طبعا فى مكان عام المهم تقوليله او تحكيله على اللى حصل ده فى موضوع الكذب وتفهميه انه كان غصب عنك وتوعديه بالصراحه بعد كده بعديها شوفيه لو حسيتى انه مش مصدقك ومش واثق فيكى يبقى ده كرم من عند الله وسيبيه
اولاً اختي العزيزة هذه ليست مشكلتك بل مشكلته هو لأنه مش واثق فيكي من الأول وإذا كان هو واثق فيكي كان تقبل كل حاجه في حدود العلاقة اللي بينكم وللأسف زاد عن حقه أولا هو مش خطيبك علشان تقولي ليه على أي حاجه اللهم إلا إنه حبيب فقط وكل شيء له حدود والعشم اللي يوصل لكده برضه له حدود وده دليل على أنه إنسان إكتسب غريزة الكبرياء العاطفي وما عندوش خيط ممكن يوصله الى الاعتذار ، أنا عن نفسي لا اعتبره خطأ ولكن أعتبره سوء تفاهم ممكن تقليله عن وجهة نظرك إذا كان بيحبك وبيقدرك وكمان بيثق فيكي إعتبريه كل حاجه ليكي بس برضه في حدود لغاية ما يكون فيه ارتباط حقيقي وانصحك أن لا تندفعي في عواطفك أكثر من اللازم لأن الحب الحقيقي بيكون فيه تقبل من الطرفين واذا كانت فيه مشكله يجب حلها بإقتناع وكمان انتي سليمه من كل مكروه والحمد لله رب العاملين واذا كان بيحبك ممكن يسمعلك واذا كان بيحبك اكتر هيقدر موقفك واذا كان بيحبك موت ده يبقى كفايه كده تفتحو صفحه جديده وربنا يهنيكم ويسعدكم
يا حببتى ربنا يشفيكى يا رب انتى حاولى متذعليش نفسك و اعذريه الجيش عذاب و هو ان شاء الله اول ما السنه تخلص و يرجع هيبقى احسن من الاول معاكى . بس ادعى ربنا انتى وصلى
توبي الي الله وصلي الفروض وبلاش تكذبي تاني انا مريت بتجربه مماثله
وفي النهايه سبنا بعض بعد خطبه دامت ثلاث ثنوات واخذت القرار ده علشان خانت ثقتي فيها
السلام عليكم ورحمه الله وبركاته
خلاصه الى انتى قولتيه دا لو بيحبك فعلا هايسمحك والى بيحب حد لازم يصدقه حتى لو كان بيكدب عليه وهو كده عاوز يعمل فيها اسى السيد الى الست بتاعه تسمع كلامه فى كل حاجه وتخاف منه بس انتى مش غلطانه هو الى غلطان وحل الموضوع دا ابقى كلميه وفهميه الموضوع بالراحه والف مليون سلامه عليكى
ربنا يحميكى ويشفيكى يارب بصى ياحبيبتى اولا الا عملتى غلط من ناحيه مرات اخوكى وصحبتك وكمان
قبلها الشغل يعنى من المفروض انك كنتى لما تعملى اى خطوه يعرفها بس سيبك من الا عدا من دلوقتى
حاولى اولا تخدى باليك من نفسك ومن صحتك ثانيا هاتى معاه من الاخر عشان تعرفى حياتك ماشيه ازى
اول مكلمه هتجى الايام الجايه اعرفى منه هيكمل ولا لا ولو هيكمل قوليله بجد هاخد بالى من اى حاجه
وهقولك عليها قبل ما اعملها وهفتح صفحه جديده معاك لانى ما اقدرش انك تزعل من ده انا بموت فيك
وبعد كده تحاولى ترضيه وتكونى راضيه بالا بتعمليه مش تعملى حاجه غصب عنك وانا شاب وبجد احب
البنت الا تكون جده بكلمها وما تعملش حاجه غصب عنها وتقربى من ربنا وتصلى استخاره بس اهم
حاجه كرمتك اوعى تنزل ابدا مهما حصل وربنا يسعدك
بصى انتى غلطتى اما كدبتى عليه وهو صراحة يعنى لازم يعمل فيكي كدا لانك كدبتى ف خلاص بقى اعتبريه صفحة ف حياتك وطويتيها وروحى للدكتور واتعالجى وابدئى صفحة جديدة ف حياتك عشان تحبي بعد كدا وحبيبك القادم يكون زوجك واوعى تكدبي عليه عشان متضيعيهوش منك ……….وصدقيني محدش بيموت م الحب هو بس بيخلينا متعلقين بين الحياة وبين الموت تقدرى تقولى انصاف اموات بس ايه المشكلة يعنى فترة وهتعدى وهتبقى كويسة بس اهم حاجة تتابعى مع الدكتور
الف مليون سلامه علي القمر يارب عدوينك انتي احلفي ليه علي كتاب الله انك مش هاتخبي عليه اي حاجه تاني ابدا واشرحي ليه وفهميه مش بتكدبي عليه بس انتي كنتي خايفه اني مراة اخوكي تعرف اخوك شي واني كلمتي صحبتك وهي حابة تسعدك مش اكتر وربنا يكرمك ويسعدك فيه بحق جاه النبي وخليه يخطبك وهو في الجيش
انا من رايى ان هو بيتحجج وخلاص لان الى بيحب حد بجد لازم يسامحة فحاولى معاه واصبرى وشوفى ربنا كتبلك اية
اغلب الرجال ممكن يدحكي عليه بمعني اصح بالكلام الحلو الناعم انتوا اكثر ناس تستخدمون الكلامات الجميله فان لم يكن
ان كنتم تتقابلون ممكن ان تكون هديه مع كلمات جميله فان لم يكن
فتحدثي معه بكل عقلانيه عن السبب الذي دعاكي لهذه الكذبه وليكون الكلام يخرج من القلب بكل صدق ومن الاحسن ان يكون( امامك ) ولو كنتي من من يعتحكمون في دمعتهم فليكن دمعه خفيفه مع كلمات صادقه بانكي لن يتكرر ثانية ….اكثر انواع الرجال يضعفون اما دموع المراه بشرط ان يشعر انها صادقه …..فان لم يكن
ف اجعلي الايام واليالي هي من ستثبت له انكي فلا قد تغيرتي من داخلك وهذه هو من سيشعر بها من معاملتك له اما عن تغير معاملته لكي من الممكن ان تكون مما يراه في الجيش هذه الايام لان الجيش اصبح اصعب بكثيييييير مما كان عليه في الماضي بسب ما في البلاد من تغيرات تاكدي اولا انه يحبكي ولا يحمل لكي شئ غير ذالك
اولا الف سلامه عليكى وان شاء الله تبقى كويسه على طول
ثانيا انا ملاحظه من كلامك انه بيتلكك من الاول
وبعدين الكدبتين اللى انتى عملتيهم ملهمش اى داعى خالص
كدبتى ليه ولي صاحبتك متتصلش بيه وتحكيله على اللى حصل على اساس انها صاحبتك
مشكله الراجل انه من اى حاجه بيفقد الثقه على طول
وانا شايفه انه مش بيحبك اووى بدليل انه بيتلكك
قوليله عاوزنى تعالى كلم اهلى وهما هيقدرو ظروفك لحد ماتخلص جيش
انما انتى كده بتأذى نفسك خايفه يكون حبه ليكى شفقه من الاول متزعليش من صراحتى ياحبيتى
المهم و لو بيحبك هيفضل معاكى لانك معملتيش حاجه تستاهل كل دا
اتمنالك التوفيق ياروحى