السلام عليكم
كنت بحب واحد ومكنش في حد عارف من صحابنا الا 4 بس، وبعدين لما كان عايز يتقدملي ماما رفضته
المهم دخلت في مرحلة صعبة في الوقت دا لاني كنت بحبه وبعدين هو بعد شوية عننا وانشغل بشوية حاجات خلته يختفي شوية عننا
لما والدتي رفضته كان واخد موقف جامد واعتبرها اهانة ليه وقالي ان حتى لو غيرت رأيها ووافقت هو مش هيوافق، وبعد كدا سحب كلامه وقالي انه هيسيب الموضوع لربنا
المهم حصلت مشاكل كبيرة اوي بيني وبين والدتي لانها كانت عايزانا حتى منبقاش صحاب وكانت عايزاها نقطع علاقتنا ببعض، وانا بعد الكلام دا بفترة قررت اسمع كلامها وانهي علاقتي بيه تماما عشان ارضيها وكمان في حاجة .. انا حسيت ان مشاعره ومشاعري اتغيرت لما اختفى شوية عننا
بس هو لسة مختفي وانا مستنية اول ما يرجع اكلمه في الموضوع دا في اننا ننهي علاقتنا دي خالص واني مش هرجع افاتح ماما او اي حد في موضوعنا لان كفاية اوي لحد كدا مشاكل وشدة اعصاب وكمان والدتي حالفة عليا انها هتبقى غضبانة عليا طول منا عارفاه
بس خلال الفترة اللي فاتت دي كان في واحد من صحابنا بيلمحلي باعجاب وهو مكنش من الـ 4 اللي عارفين علاقتي بالاولاني، وبعدين انا كنت قررت اني معملش اي خطوة في حياتي من غير موافقة مامتي
فالمهم اول ما الشخص التاني اللي هو من صحابنا ابدى اعجاب قلت لماما وحصل موقف كدا بالصدفة خلت ماما تشوفه وتتكلم معاه واعجبت بيه وكانت متقبلاه جدآ انه يتقدملي، بس هو لسة مقاليش حاجة صريحة لحد دلوقتي، بصراحة يجماعة انا معنديش اي سبب يخليني ارفضه، احنا الاتنين متوافقين جدآ ولو حصل وربنا تمم على خير انا هوافق عليه لو اتقدملي
بس المشكلة انني حاسة باحساس وحش لان الاتنين دول صحاب وانا مستحيل اقوله اني كنت بحب صاحبك بس ممكن اقوله انه اتقدملي وكدا بس محصلش نصيب وخلاص بدون اي تفاصيل دا لو سألني يعني
استشرت صاحبتي ومامتي كمان قالتلي ان اللي بيحصل مفيهوش اي غلط ولا عيب، محصلش نصيب بينكم وواحد تاني اتقدملك فيها ايه؟.. بس انا حاسة يجماعة ان كل ما التاني يحاول يتقرب اخاف اوي جوايا حاسة اني مخبية عليه حاجة كبيرة وانه اول ميعرف ان كان في علاقة بيني وبين صاحبه اللي مسافر دا يبعد عني
انا مش انانية انا اتحطيت في الموقف بدون مختارو مش انا اللي اتقربت هو اللي كان بيقرب من زمان وانا كنت بنفض عشان كنت لسه على علاقة بالاولاني وكنت مخلصة جدا في علاقتي دي
بس بصراحة دلوقتي انا متقبلاه جدا ومتاكده اني هوافق عليه لو اتقدملي.. بس شكلي قدام نفسي ايه؟ اعمل ايه تنصحوني بايه؟ هل الموضوع دا طبيعي ؟
افضل ان تحكى لة كل حاجة بس مش لازم بالتفصيل الممل يعنى قليلوا انة كان معاكى فى الدراسة واعجل لبكى واتقدملك ولكن مافيش نصيب واترفض . لا اكثر ولا اقل . ولازم تكونى صريحة مع خطيبك على اعتبار ماسيكون فيما بعد خطيبك .
طبعا قليلو كل حاجا حصلت بينك وبين الاولاني دا عشان هو كدا كدا لو حصل نصيب واتخطبتو اكيد الاولاني هايعرف او ممكن خطيبك يعزمو علي الخطوبه وممكن يتغاز منك ويروح يقولو موضوعكو دا انا كانت ليا واحده صحبتي نفسك موضوعك دا وحكيتلو كل حاجا عشان كدا كدا هايعرف لو بعد اى احسلك قليلو كل حاجا بظبط حتى عشان تكوني مرتاحه وضمريك مرتاح
مستحيل اي حد ينسي الحب الاول دا اذا كان حب بجد
المصارحه ثم المصارحه ثم المصارحه….ده أفضل شئ لأنه عاجلا أم آجلا هيعرف فيعرف منك أفضل وأحسن..
من الواضح ان الحب عندك سهل اوى دة منفعش انساة بسهولة وكمان اروح اعجب بصحبو وكمان اقعد اتخيل مع نفسى لما يتقدملى اكيد هوافق اولا انتى كدة مشتتة يحببتى انتى انهى علاقتك بالاولانى خالص وادى لنفسك مهلة مينفعش تكونى خارجة من حكاية حب تدخلى فى التانية علطول ولو التانى فاتحك فى الموضوع بقى الجواز يعنى قولى لة من باب الذوق والاحترام لة عشان دة صاحبو بدال معملتيش حاجة غلط وربنا يوفقك
وانصحك بصلاة الاستخارة والتوكل على الله
انا مش شايفة مشكلة اصلا قاعدة تلفي ودوري على ايه عادي يا ما البنات بيتقدملها عرسان وياما توافق او لا يا بنتي المهم يتقدم مش أمايتقدم الاول تبقي تتكلمي على راي المثل ما تزغرطوش الا لما تتنصفواخليكي رزينة كده ومش كل اللي جواكي تقوليه حاجات جو الانسان كده ما تتحاكاش كانك عندك علاقات وحاجات واضح انك مؤدبة اتركي نصيبك لربنا وربنا يبارك فيكي بتشوري مامتك في كل حاجة ربنا يختارك الخير
ممكن تحكيله على كل حاجه طالما مافيش حاجه غلط حصلت انتم كنتم بتحبوا بعض وطلب يخطبك وماحصلش نصيب شئ عادى بيحصل كتير وممكن لما تحكيله يعجب بصراحتك وربنا يوفقك
ايوه طبعا قليلو كل حاجا حصلت بينك وبين الاولاني دا عشان هو كدا كدا لو حصل نصيب واتخطبتو اكيد الاولاني هايعرف او ممكن خطيبك يعزمو علي الخطوبه وممكن يتغاز منك ويروح يقولو موضوعكو دا انا كانت ليا واحده صحبتي نفسك موضوعك دا وحكيتلو كل حاجا عشان كدا كدا هايعرف لو بعد اى احسلك قليلو كل حاجا بظبط حتى عشان تكوني مرتاحه وضمريك مرتاح