انا متزوجة والحمد لله بحب زوجى بس اشتركت فى احدى النوادى بالقاهرة وعندم ذهبت انا واولادى رايت موظف بالنادى يعرف عنه بسوء الخلق يمشى ورايا وعاوز يكلمنى ويعطينى رقم موبيله اشتكيت لادارة النادى ومفيش اى استجابة علما بانى منتقبة وبيحاول يمشى ورايا الشباب عشان اخضع له دلونى اعمل اية مع هذا القذرلانه له نفوذ بالنادى وممكن يسوء صورتى فماذا افعل
التحرش الجنسي
انا متزوجة وواحد يتحرش بي مع اني منتقبة
اضيف بتاريخ: Tuesday, December 21st, 2010 في 23:41
كلمات مشاكل وحلول: التحرش الجنسي, متزوجة, منتقبة, نادي
للاسف بعض النساء يتخذن من النقاب اوالحجاب غطاء يتسترن به وماخفى كان اعظم في مرة كنت اسير بسيارتي الخاصة واوقفتنى امراة منقبة وعليها اثار التدين والصلاح وخلال الطريق لم تكف عن الاسئلة هل انت متزوج واين تسكن وايش عملك وبعدمااوصلتها للمكان اللي تبغاه قالت لي بكل وقاحة وسفالة ماكنت اتوقعها ممكن تطلع معي الشقة نشرب شاي سوا وقبل ماتخرج من السيارة افتكت العباية السوداء وكان صدرها باين ولبسها الداخلي شفاف وتركتها وذهبت في طريقي
دام انك امراة منقبة وتعرف الدين كويس بلاش تروح النادي من الاساس والغي اشتراكك ومافيش احسن للمراة من بيتها حنا في زمان كثرت فيه الفتن والمصايب والواحد يحرص على الابتعادعن مثل الامور ويصون دينه وشرفه واخلاقه عن مواقع الفتن والشبهات والله يهديك ويصلح حالك
وايه اللي جابرك تروحي النادي من اصله مافيش احلى ولااكرم للمراة من بيتها اذاكنت تخاف الله عزوجل ومتدينة مثلماحضرتك بتقولي واحيانا يكون نقاب المراة فتنة اذا كان شفاف او معطر او به زينة وغيرساتر للوجه وخصوصا العينين فهي محل فتنة والافضل انك تضعي الحجاب الشرعي الكامل فهذا هو حجاب المراة المسلمة واللي امر به الله ورسوله اتمنى لك الهداية والستروالعفاف وتجنب الاختلاط المحرم والمحافظة على دينك واخلاقك وشرفك والله الهادي
بسم الله الرحمن الرحيم :
* “وَإِذَا رَأَيْتَ الَّذِينَ يَخُوضُونَ فِي آَيَاتِنَا فَأَعْرِضْ عَنْهُمْ حَتَّى يَخُوضُوا فِي حَدِيثٍ غَيْرِهِ وَإِمَّا يُنْسِيَنَّكَ الشَّيْطَانُ فَلَا تَقْعُدْ بَعْدَ الذِّكْرَى مَعَ الْقَوْمِ الظَّالِمِينَ “.
* “وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آَيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذًا مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا “.
* الأخت الفاضلة : الحل بسيط جدا ؛ سيبي المكان ده فورا . هي صحتك و لهوك و لعبك أحب ليكي من دينك ؟ لو فضلتي هناك ، هيغويكي بالكلام و ممكن بالفعل(ستركِ الله) ، و هيفتنك عن دينك .
* استعيني بالله من كل شياطين الإنس و الجن .
* أسأل الله لك الستر الجميل ، و أسأله لنا جميعا العفاف و التقى .
سيبى النادى خالص انتى ايه الى يجبرك تقعدى فيه وده بيحص وقولى لزوجك
السلام عليكم ورحمة الله وبركاته
انا لما قرئت الموضوع ده دمى اتحرق اتقى الله يا اختى ايده كل ده وزوجك ما يعرفش
ليه
الست اضعف من انها تقاوم رجل من اجل ذالك امرها الله ان تقر في بيتك
نادى و قرف ايه
وعملها مرة تانية ورحتى النادى تانى ليه معذرة ليه اقسم بالله لا اقصد شىء بس دى خطوات شيطانية
تروحى ليه اصلا وهو ساب كل الخلاعة الا بالنادى وجاء وراكى بيبقى القصد مش انتى القصد النيل من اى منتقية وتشويه سمعتها
انا لا اعرف شكل او نوع النقاب الذى ترتدينه لاكن من يتقى الله يجعل له مخرج
ولا يسلط الله احد على احد إلا بذنوبه
اتقى الله الاصل ان الست تكون فى البيت مش نادى النوادى دى معذرة الشر فيها اكبر وانا لم اود ان اقول شىء اشد من ذالك
انا اسمك نفسى من الانفعال اعوذا بالله ما هذا اتقى الله اتقى الله
هذا اصلا لو ان تلك المشكلة حقيقة
الحل بسيط جدا ماتروحيش النادى وريحى دماغك
انا راي تروحي النادي بس تبقي لابسه حذاء سهل الخلع … وحاولي ان يقرب لكي … وانزلي بهذا الحذاء فوق راسه ضربا … كي لايفكر ان يفعل اي شئ مره اخري مع اي احد في النادي …. واين هو مدير النادي كي يترك هذا الحيوان الهائج …………………..
انا من رأيى مش تروحى النادى ده خاص ومش علشان انتى منتقبه دا فى منتقبات العن من الى مش لابسين حاجه خلى بالك على نفسك وعلى بيتك وربنا يستر
بصي يا حبيبتي لازم تعملي حد للحقير ده و لازم يكون عبرة لكل الرجالة اللي بيعملوا زيو، أنا كمان تعرضت لمشكلة زي دي في النادي كمان،بس أنا حكيت لجوزي كل حاجة و راحلو و ندمو عاليوم اللي تولد فيه بس بعيد عن عيون الناس عشان منظري، بعديها هو اللي ساب النادي مش أنا، لازم تكوني قوية عشان زي مابنحترمهم يحترمونا بالزوء أو بالعافية ، خلي راسك دايما لفوق و اللي حاول يمس كرامتك ندميه بالعقل و الحيلة ، و خلي جوزك حبيبك على علم بأي حاجة وقعت ليكي عشان هم سندنا فالحياة ، يا رب يخلي لك جوزك و وفقك على كل ظالم
أنا رأيى يا أختى أن تذهبى إلى النادى فى مرة و يكون معكى زوجك و اخواتك الرجال و أخوالك و أعمامك و أولاد اخوالك و اولاد اعمامك و أولادهم الكبار و كل من تعرفين قوته و قوة شخصيته فى عائلتك و لكن دون ان تخبريهم بأى شىء ثم قفى معهم عند هذا الموظف القذر لكى يعرفك و يعرف قوة عائلتك و عندها سيرتعش هذا الجبان و يعتقد انك ابلغتيهم بامره و يعتقد انك تهدديه انك لست وحيدة فى هذه الدنيا
و لكن قفى امامه مع عائلتك باى حجة مثل شراء اشياء او غيره او عند الموظف اللى جنبه بس خليه يعرف انك انتى و انهم عائلتك حتى يخاف
و كما افضل بعد كده انك متروحيش الا مع زوجك او تغيرى النادى كله
و اتمنى لكى السلامة
انا بصراحه معلش مش مقتنع بانك تروحى النادى ده تانى او اى نادى اصلا من غير زوجك احنا فى هذا الزمان محدش يضمن اى حاجه
اختى المسلمة انصاحك لا تصارحى زواجك بهذا رابما يقتلة ولكن ارعرفى هذا الشخص الواقح ماذا يلفت نظرة لاكى واذا لم تستاطيعى هناك حال لا بديل عنه جماعى احد اصدقائك واضربوة على مارئى وماسمع من الجميع الشبشب فلن يكون هناك اى احتكك بياكى او باحد يعنى بالبلدى عاوز تهزاء رجل صلت علية انثى فكونى شجاعة وتوكلى على الله
الى اسلام عايزه اقوللك ان ردك على المشكله ديه استفزنى اوى لانك اتكلمت باسلوب مش محترم ونيابه عن الاخت صاحبه المشكله حسبى الله ونعم الوكيل فيك بالى حق تظلم الناس وتقولها الكلام ده روح صلح من نفسك الاول وربنا يديك على قد نيتك
مش انتى اللى المفروض تعملى حاليا … زوجك هو اللى المفروض يتحرك ويدافع عنك لانك بتقولى انك اشتكيتي لادارة النادي ومحدش اتخذ اى اجراء ضده
اشتكي لزوجك واكيد مش هيسيب حقك
شوفى حضرتك لازم تتوقعى انك ممكن يصادفك تحرش او اذى من حد فى حياتك ولازم تواجهى حفاظا على بيتك واسرتك وكرامة زوجك انصحك استعينى بوالدك او اخوكى والا واجهى انتى وصحباتك يعنى مش ينفع تتعرضى لضغط كدة ومش عارفة تصرفى
اختى راح تكسبي ثواب لو تكون نهاية الرجل دة على ايدك انتى ,,, لانك راح تنقذى بنات كتير ونساء كتير من واحد زى كدةوانتى سمعتى عنة كلام كتير مش كويس معنى كلامك انه محل اهتمام كثير من السيدات اللى يحبون يحكون عن تجاربة مع النساء وربنا يعينكم علية ,,, لو تقدرين انتى ومجموعة من السيدات المحترمات تتعاونون على ازاحتة والقضاء علية حتى لو تعلمون رئيس النادى ,, لان السكوت علية راح يخلية يتمادى ويفكر كيف يوصللك وكمان مش راح يسلم منه ستات تانى غيرك المهم الواجهة هى السلاح الاقوى ولكن الانسحاب والرضوخ سلاح الضعيف قليل الحيلة واستعينى بالله وربنا يستركم
لا تذهبى للنادى بس
مهما كانت قيمة اشتراكك بالنادى لازم تسبيه
انا ضد اى واحد قالك مش تسيبى النادى عشان الاشتراك والكلام دا
سمعتك بالدنيا كلها
مش محتاج تسالى على الحل , لانه واضح .
سيبى النادى ده و اشتركى فى نادى غيره او بلاش خالص .
الغى اشتراكك فى النادى ده
او غيرى النادى
أختي الفاضلة:
1- اعلم مدى اهمية الاشتراك في نادي رياضي أو اجتماعي خاصة في تنشئة الاولاد وكذلك اعلم صعوبة وتكلفة الاشتراك في تادي بالقاهرة وبالتالي لا انصح بترك النادي ولا باستبداله اذا كان في ذلك مصلحة لاولادك.
2- إخبار زوجك يتوقف على مدى ما يتمتع به من حكمة وقدرة على تفهم الامر الفهم الصحيح والقدرة على علاجه والا ربما يأتي ذلك بنتيجة عكسية.
3-كوني قوية وجادة في علاج الاهر فلا تستجيبي لهذا التافه ولاتظهري له أي ضعف أو أي استجابة واستمري في صدك له وفي تجاهله حتى يصيبه الملل واليأس وينصرف عنك
4- استعيني بزميلاتك المحترمات من عضوات النادي وتواجدي دائما في مجموعة من الاعضاء واجعلى مواجهتك له جماعية
5- استعيني بالله وادعي دائما ان يحفظك من شروره وشرور امثاله.
الغى الاشتراك من النادى ده ومش لازم نادى يعنى
اخى الفاضل هو كل واحدة تقعد على النت تبقا مش محترمة او تتجوز حد الادب ابشرك بانى استعمل النت بكل احترام وادب وعمرى ما بدخل شات ولا كلام من دا انا بس بدخل منتدى اشوف حاجات صالحة لبيتى لانى انا مش بحتك باى جارة لى ةلا ليا اصحاب وفى نفس الوقت نقابى محترم جدا بس انا سمعت عن الشخص دا فى النادى بلاوى سودة يعنى انا مش اول واحدة ولا هكون اخر واحد وارجو منك اخى الفاضل تحاسب على كلامك من التجريح والنقاب اكبر شرف للى تلبسه واتقى الله ولا تظلم النقاب اما اخواتى اللى ساهمو برايهم اشكرهم من كل قلبى واوعدهم انى هعمل بنصحتهم الغالية وشكرا
المشكلة مش فى الغاء الاشتراك بالنادى طيب الموظف ده هيعمل كده مع ناس تانى طي ما انا ممكن اقولك الغى الاشتراك واشتركى فى نادى اخر يا جماعه ظاهرة التحرش اصبحت منتشرة فى كل مكان احنا بنشوف مشاكل صعبة جدا على هذا الموقع اب بيتحرش مع بنتة واخ مع اخته وخال مع ابنتة اخته
دى ظاهرة حقيرة اصابت معظم الشعب المصرى
يبقى نعمل ايه نقتصر على زيارات الاهل وان خرجتى اخرجى مع زوجك فقط وهو هيحميكى مش موجود يبقى اخوكى محدش موجود يبقى فليسعك بيتك
وارحمى نفسك طالما انكى انسانه محترمة وبتخافى على نفسك
على رأي عادل امام كل واحد يسكن تحتيه راقصة يسيب البيت والناس كلها هتنام في الشارع .. يعني ايه تسيبي النادي زي رأي الزملاء الأفاضل المفروض زوج حضرتك يعمله محضر بالشرطه أو يروح يأدبه في النادي قدام الناس كلها والكل هيكون في صف زوجك
كلمى زوجك واشرحيله الامر بدقة وبكافة تفاصيله وهو يتصرف
يا ريت تعمليله محضر فى القسم وهناك ياخدو عليه اقرار بعدم التعرض وبالمحضر ده تقدرى تفضحيه فى النادى
وربنا يوفقك
والله الناس بقت فاضية اوى اليومين دول
خلااص كل الفدنيا خلص هنحل للى مشتكرة فالنادى مشكلتها
عشان واحد بيعاكسها متلمى نفسك ومعنتيش تروحى او روحى مع جوزك بس
ولما تروحى يا مدام مفيش داعى انك تتمشى علشان محدش يشوفك
لما تعوزى طلب ابعتى اولادك يجبوة وانتى اعدة مكانك ومتهيقلى كدة محدش هيمشى وراكى ولا يدايقك
واساسا ملهوش ادنى ضرورة مرواح النادى دة (الباب اليجيلك منة الريح سدة واستريح)
فى الحالات الى زي حالتك إلتزمى بيتك
محبكش النادى يا أختى والنوادى كتير جدا ؟
وعدين زوجك يعرف إنك بتتعرضى للتحرش؟
زوجك يعرف إنك بتقعدى على النت وإنك ممكن تتكلمى مع حد على النت؟
بصراحه أنا مش مقتنع بإنك ملتزمه منتقبه آه ملتزمه لأ.
سامحينى لصراحتى ولرأيي حتى لو خطأ
وقرن فى بيوتكن ولا تبرجن تبرج الجاهلية الأولى
وبعدين ممكن يكون نقابك ده مش نقاب شرعى بمعنى إنك ممكن تكونى بتلبسى ضيق وعليه نقاب أو ألوان وعليها نقاب لأن النقاب النهارده بأه موضه.
أنا شخصيا كنت حابب ألبس الإنسانه الى هتكون زوجتى النقاب بس دلوقتى لأ.
حضرتك أولا : حفاظا على حضرتك من الفتنة و الأذى متروحيش النادي لغاية ما المشكلة دي تنتهي
ثانيا : المفروض تخلي زوج حضرتك يتاعمل مع إدارة النادي و يفضح هذا الرجل و لو يعمل كمان بلاغ ضده في القسم بتهمة التحرش بزوجته
و يحاول يعمل حوليهم أكبر قدر من الشوشرة فبالتالي هيخافوا من الفضيحة و هيتم ايقاف الرجل عند حده
اول شي تعمليه هو انك تبلغي الشرطة وتقوليلهم على الي حصل وتروحي النادي ويمسكوه متلبس حتى يبعد عن طريقك وما يضايقك وما يضايق غيرك وشكرا
ichtrki f nadi tani wa bta3idi mn nadi il inty fih di lwaaty
بقولك ايه حاجة بسيطة جدا ممكن تعمليها خلى بيعكسك وصوتى ولمى عليكى الناس وامسكى فى ومتسبيهوش ويا سلام لو مد ايده عليكى وضربك يبقا هو كدا باى باى راح فى الحديد او روحى اعملى محضر فى القسم او اتصحبى على الاعضاء المحترمين واتفقو مع بعض عليه انكم تبهدلو والاتحاد قوة برضه ولا ايه
الذى يستطيع ان يتدخل ف الموضوع وينهيه مع هذا الشخص هو زوجك ويجب عليكى ان يعلم زوجك ذلك او ترك هذا النادى بسبب ما يحدث فيه
اتركى هذا النادى نهائيا واشتركى فى نادى اخر
سيدتى الفاضله 00حل مشكلتك بسيط جداإما ان تقولى لزوجك وهو صاحب التصرف مع هذاالحقير او بما إنك فى نادى واكيد طبعا عندك اصدقاءمن العضوات وسيدات محترمات فلمالاتتحدواوتجتمعواعلى هذاالحقيروتلقنوه درسا قاسيا بنعالكم فى مقر عمله امام الناس ليكون عبره واتحداكى ان يفعلها مع اى سيده هره ثانيه0لاحول ولاقوه إلا بالله0
سيبي النادي
انا راى انك ترمى بلاكى عليه وتوديه فى ستين داهيه او تاجرى بلطجية يطلعوا عينه
متروحيش النادى تانى
هقولك مثال صغنون اوي
البااااااااب اللي يجيلك منة الريح سدة واستريح
انسي الناااااااااادي يغور النادي باللي فية في مقابل واحد ممكن يشهوة صورتي وسمعتي قدام الناس
ال نادي ال روحي نادي غيرة هية محبكتش ياعني
وربنا يهديكي للصح
إعملي محضر في قسم الشرطة
لو محتاجه رااى روحى نادى اخر وريحى نفسك طالما اداره النادى مش قادرين عليه
اكيد الشخص ده بيحاول يتقرب بسبب شيىء,,, اعرفى ايه السبب و كونى جد جدا معه ومع غيره ممكن ابتسامة كنوع من رد التحية او سكوت فى غير محله او او واذا كان النادى ده سبب وجع القلب بلاش منه,,, اى نادى تانى او روحى النادى ديما مع زوجك وربنا يهديه ويرحم بنات الناس