مشاكل التعليم الاعدادي

كرهى للانجليزي كرهنى فى المدرسة

انا طالبة بالصف الثالث الاعدادى مشكلتى الوحيدة اللغة الانجليزية عندى عقدة منها منذ الابتدائى ومش عيزة تتحل ووقعت فى الانجليزى بسبب كرهى ليها علشان مش عرفة اذاكرها علشان بكرها مدرسة الابتدائى هية الى كرهتنى فيها طول حياتى لدرجة انى كرهت اروح المدرسة ايام حصص الانجليزىوعيزة حل لمشكلتى اتوسل اليكم علشان انجح فيها واحبها

مشاكل وحلول ذات صلة

اضيف بتاريخ: Saturday, February 19th, 2011 في 17:23

كلمات مشاكل وحلول: , , , ,

21 رد to “كرهى للانجليزي كرهنى فى المدرسة”

  1. علاء الدين
    26/11/2013 at 21:53

    انا زيك في مرحلة الشهداء وانا كمان بكره الانجليزي بس مانقدرش نعمل حاجة علشان مدة مهمة في الحياة وانا مش عارف شني ندير في الامتحان الانجليزي بس ربي انشاء الله بساعد كل محتاج يارب نجح كل الي مابيعرفوش الانجليزي زي انا

  2. Nothing
    14/06/2013 at 16:11

    السلام عليكم ورحمة الله وبركاتة
    أختي الكريمة
    أنتي تدرسين بمدرسة وهذي الدراسة تحدد مستقبلك
    لذا يجب عليكي الاعتقاد بأنه لولا الانكليزي لن يحصل لكي ماتتمنين بالمستقبل
    ولن تخلصي هذي السنة الدراسية إذا لم تجتازي الانجليزي
    فعندما تعتقدين ذلك وتسعين لحب ودراسة الانجليزي
    فأعدك بأن النجاح سيكون من حليفك
    وأسأل الله لكي التوفيق

  3. محبة رسول الله
    24/01/2013 at 20:47

    انتى لازم تحطى هدف قدامك علشان توصلى له لازم تذاكرى ومتصعبيهاش على نفسك هى كلمات وقواعد وملخص وهتنجحى اناكمان شاطرة فى المدرسة وبطلع من الاوائل بس السنادى خايفة خالص من النتيجة وحاسة ان مستوايا هيقل

  4. sd
    14/06/2012 at 08:17

    انا كمان كنت بكره الانجليزى بس اختى الكبيره فى الاجازة اعدت معايا وعلمتنى يعنى حاولى طول الوقت تتكلمى انجليزى فى البيت و من الكلام صدقينى هتعرفى تجيبى القاعدة حتة من غير مدرس انا دلوقتى دايما اجيب الدرجة النهائية الحمد لله

  5. ندى
    14/04/2012 at 21:04

    انا زيك والله مش بحب مادة الانجليزى

  6. اشة
    18/10/2011 at 12:01

    هو لايه ما بندرس لغة غير اللغة الانجليزية وتكون سهلة

  7. انوش
    28/09/2011 at 18:42

    لازم تحبى المادة اولا دى اهم شى حطى حافز لنفسك انك تكونى اشطر واحدة فى المادة دى على فكرة انا ممتازة جدا فى الانجليزى والفضل يرجع بعد الله سبحانة وتعالى الى مستر عماد اعطار ومستر عاطف سالم
    من نوب طريف مركز السنبلاوين محافظة القهلية

  8. سلمى
    07/06/2011 at 13:45

    وانتى لما بتكرهة الانجليزى مش هتعرفى تفهمى منة حاجة خالص لزم نحب الانجليزى اوى ونزكرة يوم بيوم

  9. mr.mohamed eissa
    03/05/2011 at 02:49

    مشكلة بيقعوا فيها معظم مدرسين الانجليزى فى المرحلة الابتدائية انهم بيعودوا الطفل على التلقين والحفظ مع العلم ان المفروض يكون المدرس مرن ويخلى التلاميذ تعمل حوار ويشجعهم يتكلموا انجليزى
    و الانجليزى سلسلة متصلة ببعض . فعليك ان تنسى الماضى وتشوفى حد يخيليكى تحبى الانجليزى يعنى ممكن تحفظى الكلمات بالورقة والقلم وتشوفى مدرس او حد يفهملك القواعد ويربطها بالقواعد الماضية لان القواعد عايزة فهم وتطبيق على امتحانات.

  10. ورد المنى
    01/04/2011 at 22:55

    يا اخ مصطفى متدعيش على حد مهما كانت دى كانت مدرستك وكمان انا عذراك بصراحة لان اخويا بصراحة عنده نفس المشكلة ومش عارفة اعمل ايه على فكرة اناوردالمنى اللى كتبت الحل فوق دودى

  11. مصطفى محروس
    27/03/2011 at 01:34

    الإنجليزي ماده رخمه يعني الأمريكان والأنجليز بيدرسوا عربي

  12. مصطفى محروس
    27/03/2011 at 01:32

    انابكره الإنجليزي أكتر منك انا إللي كرهني في الإنجليزي مدرستي في الصف الأول والثاني الأعدادي انا بكرهها كره العما يارب تموت ms راندا

  13. سما
    13/03/2011 at 18:57

    الانجليزة ممكتع ربنا يوفقق

  14. اسمي ايه ؟
    02/03/2011 at 21:39

    بصي اساسا الانجليزي ممتع اوي وانتي بس حاولي و حتنجحي باذن الله لو انتي فعلا شاطرة فحاولي وفكري طول الوقت ولو عايزة اتفرجي على الافلام الاجنبية الي بتحبيها و تكون مترجمة و حتشوفي نقسك اتقويتي بيه و

  15. نوسه الاموره
    28/02/2011 at 02:06

    بصى انا نفس الكلام بس فى الرياضه وحساب المثلتات والله انى بكره الماده دى جدا ودايما تنقص مجموعى فى كل سنه بس انا مش بعرف افقد الامل فى حاجه والحمدلله كل سنه بنجح فيها حاولى تذاكرى فيها اكتر شويه بس مش تديها كل وقتك وكمان اقرى قرأن قبل ماتذاكرى واختارى مدرس كويس وخدى معاه درس وربنا يوفقنا جميعا

  16. NoOour
    26/02/2011 at 00:08

    بصى انا برده كنت زيك كده انا فى الصف الثالث الاعدادى مثلك وكنت بكره اللغة الانجليزيه جدا

    بسبب انى مش بحب الحفظ ومدرس الابتدائى كان كل همة الحفظ مش الفهم فأنا كنت زيك مبحبش حصتة

    بس لما عديت مرحلتة كان فيه برده اثر لعقدتى دى بس انا الحمد لله رب العالمين عرفت اواجهها

    كنت بقنع نفسى ان الى جاى اسهل ومادة اللغة الانجليزيه اغلبيتها عايز فهم وتطبيق ع

    امتحانات ومتبصيش للى فات بصى للى جى انتى الحمد لله عديتى مرحلة الابتدائى بمدرسينها فانتى

    لازم تحبى المادة دى لانها هتفضل معاكى ان شاء الله بقيت مشوارك الدراسى وانها مهمه جدا بصى

    للركن الساهل فيها وحبية وهتلاقى نفسك بتدخلى فى الصعب وبتقدرىا عليه وربنا يوفقك اللهم امين ويوفقنا جيمعا

  17. جودى
    25/02/2011 at 16:07

    السلام عليكم انا حاليا فى تمهيدى ماجيستير كليه تربيه قسم مناهج وطرق تدريس لغه انجليزية . الانجليزى دا ماده ممتعه لو قدرتى تعرفى ازاى تذاكريه بصى يمكن يكون عندك حق ان مدرسه الابتدائى هى سبب العقده الى عندك لان المدرس بيكون عليه عامل كبير بالنسبالك أهم حاجه حفظ الكلمات احفظى الكلمات فى سياق عشان متنسيهاش وبالنسبه للقواعد افهميها وطبقى عليها مش تحفظيها . لو فى جزء صعب عليكى سواء فى الحفظ أو فى الفهم حاولى تربطيه وتفهميه لنفسك من خلال شئ انتى بتحبيه وانتى بتذاكرى اربطى كل الاجزاء ببعضها راجعى على القواعد القديمه والكلمات القديمةبعد متذاكرى الجديد اعملى مقارنات بين القواعد وببعضها فى استخدامها وكيفيه تطبيقها ممكن كمان تستعينى بالانترنت ابحثى عن القواعد المقرره عليكى وشوفى طريقه شرحها ممكن كمان تدخلى فى بحث متقدم على جوجل وتحددى البيانات وتعملى سيرش هيظهرلك القاعده فى شكل power point , animation. flash cards, wordودى بتقدم شرح للماده العلميه بطريقه ممتعه. وربنا يوفقك

  18. دودى
    24/02/2011 at 02:49

    انا برده الانجليزى هو مشكلتى وهو اللى نقص درجاتى وهو اقل درجاتى جبت 21من30 طبعا وحش بس انا ناويه التيرم التانى اجتهد اكتر فيه عشان معنديش الا هو مشكلتى بس شيلى موضوع كرهك ده عشان طول ماانتى شايفه انو صعب ورخم مش هتعرفى تحبيه وتذاكريه خالص و حفظ القواعد والكلمات اهم حاجه وربنا يوفقنا جميعا

  19. ورد المنى
    21/02/2011 at 23:44

    اختى العزيزة الحكاية كلها انك حاطة فى دماغك العقدة بتاعة زمان من المفروض انك تنسيها خالص عشان متأثرش فيكى وفى مستقبلك فكرى فى السهل ومتفكريش فى الصعب فكرى فى التفوق مش بس النجاح خى عندك تفاؤل وامل فى ربنا لان الرسول صلى الله عليه وسلم قال(تفاءلوا بالخير تجدوه)ولازم تقنعى نفسك انك تقدرى تواجهى المشكلة دى وربنا يوفقك

  20. زائر
    20/02/2011 at 01:08

    أولا لازم تنسى العقده القديمه لأن طول ما انتى حطاها قدامك مش هتتقدمى وخليكى فى النهارده واقنعى نفسك ان أكتر ماده بتحبيها هى الانجليزى وغيرى الطاقه السلبيه الى طاقه ايجابيه. طول ما فكرة المدرسه ادامك مش هينفع زى ما قلت لكى

  21. أبو الآمال
    19/02/2011 at 19:43

    التركيز وحفظ الكلمات وتشتري ملخص وتحلى امتحانات ولو عندك أحد من إخوتك الكبار يساعدك وتحاولي تتصاحبي على مدرسة الانجليزي وتسأليها عن الشيء ال مش فاهماه وتشوفي زميلة لك شاطرة في الانجليزي تسأليها بتذاكر كيف وتقبلي نصيحتها وتحاولي تطبقيها أو تاخدي درس ومش لازم دا يكون كله مع بعضه تجربي الحل الأول فالثاني وهكذا ولا تتركي الحل الول للثاني الا اذا عجزت عن الول متمنيا لك التوفيق والسداد

اترك رداً أو حلاً لهذه المشكلة