انا كنت فى ثانوية عامة عادى بس سنة 2008 السنة الفقر اللى كانت فيها اكبر نسبة انتحارات وامتحانات زى الفل المهم مااتوفقتش وماجبتش مجموع وجالى كلية اداب فحولت منها برغم ان مجموعى كان كبير بس كان مايدخلش الكلية اللى انا عايزاها حولت على معهد فنى صناعى سنتين والحمد لله انوفقت فيه وكنت من الاوائل كمان ودخلت هندسة اول سنة سقطت عشان كان السفر بيضيع ايامى كلها عشان الكلية ماكانتش فى بلدى وتانى سنة سقطت برضو وفصلونى من الكلية عشان سقطت اول سنة مرتين وكانوا طبقوا قانون ع الدفعة اللى قبلى ان تبقى من 3سنين عادى ولما روحت سألت قالوا ان ده كان استثناء وقالوا انهم رفعوا قضية روحت لنفس المحامى اللى رفع القضية مارضيش يقبل بالقضية قال انها هتبقى خسرانة السنة دى المشكلة بقى انى عايزة ارجع والمشكلة الاكبر ان ممكن اللى يقرا المشكلة هيشوف ان العيب فيا او انى مش اد التعليم مثلا بس والله ابدا بس انا بقى مش عارفة اعمل ايه دلونى
مشاكل التعليم الجامعي
قوانين الدراسة في مصر ضيعتني
اضيف بتاريخ: Saturday, April 27th, 2013 في 05:37
كلمات مشاكل وحلول: الثانوية, الثانوية العامة, مشاكل
شوفي ممكن تعيدي اللي راح منك وتخشي كليةخاصةتدرسي فيهاوتاخدالشهادةوتتوظفي في الوظيفةالملايمةلك ولتخصصك وربنايوفقك ويسرامورك
كان اللة في عونك وعوننا جميعا
انا نفس تجربتك كنت فى صنايع خمس سنين وجبت هندسة وفشلت فى اول سنة ثم نجحت ثم فشلت فى تانى سنة ثن نجحت .يعنى باخد السنة بإتنين .عشان بشتغل وانا فى الدراسة
بصى انا من رأيى انك تنسى اللى فات ولو عايزة تكملى وظروفك تسمح كلية خاصة ممكن فنون تطبيقية وديه كلية ممتازة جدا