انا فى كلية حاسبات ومعلومات جامعة القاهرة المفروض انها من كليات القمة زى هندسة كده . المشكلة انى بقالى 8 سنين فى الكلية ولسه مخلصتهاش.من اول سنة فى الكلية وانا مش مرتاحة بمعنى اصح مش بحب المجال ده.هتقولى ليه ودخلتيها ليه .هقول عشان التنسيق ومكنش عندى هدف معين يخلينى ادخل كلية تانية وفى نفس الوقت أمى نفسها انى ادخل كلية زيها.حاولت فيها بس من غير نفس يعنى بقضى واجب وخلاص بس للاسف ده مش كافى لان الكلية صعبة ومحتاجة شغل كتير ومجهود اكتر بس انا مكنتش ببذل مجهود كافى لانى مش بحبها .حاولت بعد 3 سنين انى احول لكلية تانية واغير مجال دراستى وادور على هدف اكون بحبه .بس لللاسف أمى منعتنى وعملت معايا مشكلة فاتراجعت عن الفكرة بس النهارده وانا عندى 25 سنة و لسه معملتش اى حاجة فى حياتى ده شى كارثى .من ناحية كل صحباتى خلصه دراستهم واللى بتشتغل واللى بتحضر ماجيستير .حتى اختى اللى اصغر منى ب 3 سنين خلصت دراستها وانا محلك سر.
عارفة انى اتكلمت كتير بس كان لازم اشرح كل التفاصيل والافكار اللى بتدور فى راسى.
المشكلة انى محتاجة اخد قرار ومحتاجة مساعدة .عاوزة اسيب الكلية وابتدى ادور على مجال تانى ادرسه مع العلم انى مش بكره الدراسة بس مش بحب ادرس شى انا مش بحبه.
مشاكل التعليم الجامعي
مش عايزة اكمل فى الكلية
اضيف بتاريخ: Thursday, February 16th, 2017 في 00:13
كلمات مشاكل وحلول: الدراسة, القاهرة, بنت, جامعة القاهرة
لو سمحتى انا عندى نفس مشكلتك بس انا لسة فى سنة اولى
بعد اذنك ياريت تفيدينى
اطلع من الكلية دلوقتى ولا اكمل فيها (كلية علوم )
حاولي تحبي الكليه و تفهمي منها علي قد ما تقدري و تتخرجي منها علشان كده انتي لو هتبدائي تاني من جديد هضيعي عمرك كله ف التعليم