السلام عليكم انا طالبة جامعية انا كنت طول عمرى متفوقة ف الدراسه وبطلع من الاوائل كل سنة وطول عمرى حلمى هو التفوق والنجاح ولما دخلت ثانوية عامة كان حلمى ادخل صيدلة وبذلت كل مجهودى وعملت كل اللى اقدر عليه عشان احقق الحلم ده كان اغلى واهم حلم ف حياتى ولمل اتحقق مكنتش مصدقة نفسى من الفرحة الحمد لله جبت مجموع عالى ودخلت صيدلة بس للاسف الحلم اتحول لكابوس وحسيت بالمعانة الشديدة وبدا مستوايا الدراسى ينزل وكنت حاسة باحباط شديد الترم الاول مكنتش فاهمة حاجة خالص ولا عارفة اذاكر بالانجليزى ولا عارفة اعمل ايه لغاية معرفت ف نتيجة الترم الاول انى شلت مادتين طبعا وقتها جالى اكتئاب ودقت طعام الفشل لاول مرة ف حياتى وده اثر ع حالتى النفسية والصحية وبقيت رفضة الواقع ومش قادرة اتعايش معه المهم ف الترم التانى كنت فاكرة ان ده هيتحسن ولكن للاسف شلت مادة تانية وبقيوا 3 مواد وطبعا هعيد السنة مش عارفة اوصف احساسى والصدمة اللى انا حاسة بيها خاصة ان تقديراتى الترم التانى عالية وكنت متوقعة انجح لكن قدر الله وماشاء فعل وناس كتير حلوا اقل منى ونجحوا عادى لكن خلاص مفيش فايدة اللى حصل حصل لكن انا بجد مش عارفة هكمل ازاى كل حاجة بالنسبة لى ضاعت حاسة انى مش هقدر اروح الكلية تانى بعد اللى حصل ده كل اصحابى نجحوا الا انا اد ايه الاحساس اللى انا حاسة بيه صعب وقاتل احساس الفشل والمرارة ياريت تفدونى ازاى اقدر اكمل حياتى بعد اللى حصل
مشاكل التعليم الجامعي
احباط شديد هعيد السنة ومحرجة اروح الجامعة
اضيف بتاريخ: Thursday, July 13th, 2017 في 12:43
كلمات مشاكل وحلول: الثانوية, الثانوية العامة, الدراسة
ممكن تسالي روحك ليه اصحابك نجحوا في الامتحانات وانت لا اكيد في اسباب وعليك معالجتها ان اردت النجاح وتحقيق الطموح الفرصة لازالت امامك ماضاعت دعي عنك الاحباط اللي انت فيه وجدي واجتهدي من ثاني وخليك واثقة من ربنا ومن نفسك وبالارادة والعزيمة والاصرار تصل الى تحقيق طموحك في هذة الحياة وتدخل الفرحة على نفسك وعلى اهلك وربي يوفقك ويسهل امرك ويكرمك ان شاء الله