هى المشكله ممكن تكون مشكلة ناس كتير بس هى تعبانى نفسيا قوى ومش بنسى خالص احنا اسره مسارفة فى احدى دول الخليج وابنى كان ثانوية عامة ونزلنا مصر وكان املنا كبير فى الكلية الحربية وقدم ابنى فى الكلية الحربية ودخل كل الاختبارات و نجح فيها كلها حتى التحريات نجح وكان عندى امل كبير قوى قوى انه ينج ويبقى ظابط ومعلق النجوم على كتفة وافرح به وانتظرنا النتيجة طويلا وسافرنا وتركته فى مصر ينظر النتيجة وانا اعتصر الما كان نفسى اعرف النتيجة ولكن بعد فتر طلعت النتيجة وللاسف لم ينجح كان همى كله فى هذه اللحظة انى مجعلش ابنى يفكر طويلا وطلبتة الى الرجوع بسرعة الى البلد الى احنا فيها عشان يكمل دراسته هناك لكن انا مش قدره انسى خالص الحلم طول الوقت بفكر نفسى انسى بس مش عارفة نفسى حد يقولى حاجة تريحنى وانسى وانظر الى المستقبل افضل
مشاكل التعليم
كان نفسى ابنى يدخل الكلية الحربية ويبقى ظابط
اضيف بتاريخ: Wednesday, October 20th, 2010 في 19:39
كلمات مشاكل وحلول: النتيجة, ثانوية عامة, دول الخليج, مشاكل التعليم, مصر, نتيجة
تقربي الي اللة واقراي القران كثيرافي كل وقت
مشكلة ابنك زي مشاكل أجيال كتير سبقته واللجي هيكون نفس الشيئ طول مافيه كوسة ووسطاط في البلد أنا دفعة ٨٩ ومريت بنفس اللي مر به ابنك بس أنا انطلب مني ١٠٠٠٠ ج للوسطة بعد نجاحي في كل الاختبارات وسبت وسعتها مفكرتش غير في الحياة العملية والحمد لله ربنا عوضني خير وربنا يعوض ابنك لأحسن شيئ في الحياة
لا توجد مشكلة باذن الله
فبعد ان ينهي ابنك دراسته في الكلية التي سينتسب اليها
ويحصل على البكالريوس او الليسانس فمن حقه ان يتقدم الى
اكاديمية الشرطه او الاكاديميه الحربية او الاكاديمية البحرية ويصبح
ولدك ضابطا اما في الشرطه او الحربيه او البحريه فيختار كيفما يشاء
بشرط ان يجتاز الاختبارات باي طريقة كانت والحدق يفهم
واذا لم ينجح في الاختبارات بكل الطرق الممكنه فيستطيع ان يكون ضابطا
عند التجنيد ويقدم طلب الى قائده يطلب فيه الاستمرار في الخدمة العسكرية
حتى سن المعاش وبالتالي قائده سيرفعه للجهات الاعلى وياخذ الموافقة باذن الله
وبالتوفيق يارب وادعوا الله ان يفرحك بكل اولادك وان يصلوا الى ماتصبوا اليه
انفسكم وتقبلي تحياتي
السلام عليكم ….ربنا معاكى أفضل من أشئ ووالخيره فيما إختاره الله لكى ولإبنك ولا احد يعلم الغيب إلا الله…..حاولى تقفى بجانب إبنك ولا تحسيسه إنه مظلوم وعرفيه ان ده نصيبك
ويمكن يكون مستقبله فى شئ أفضل من الحربيه وأن شاء الله ربنا يوفقه ويهديه لكى…تحياتى