مشاكل الثانوية العامة

كنت من الاوائل ودلوقتي ضايعة في الثانوية

أنا طالبة فى ثالثة ثانوى أنا كنت متفوقة ع الأخر فى مرحلة الابتدائى والاعدادى وكنت دايما بطلع من الاوائل ودايما بيكرمونى بس لما رحت الثانوية فشلت خااص يعنى بقيت مش بذاكر خالص مستواى بقى يقل بالتدريج يعنى كل سنة أقل عن السنة اللى قبليها من أول أولى ثانوى وانا فشلت خالص ولا بقيت اطلع من الاوائل ولا حاجة وبجيب مجموع زفت والله العظيم لدرجة انى كنت بخاف اجيب ملاحق شفتوا الفشل وصل لغاية فين حتى كلهم مش مصدقين المجموع اللى بقيت اجيبوا رحت ثانية ثانوى ودخلت علمى ومذكرش ولا حاجة غير قبل الامتحانات بس وربنا ستر وجات الامتحانات سهلة بس برده كنت خايفة من الملاحق وأنا دلوقتى فى ثالثة ثانوى ومن أول السنة مذكرتش ولا حاجة وخايفة ع الاخر ونفسى أروح الكلية أوى قايمة نايمة بفكر فيها مش قادرة أزاكر أول ما بفتح الكتاب أقعد سرحانة يعنى مستعدة أقعد سرحانة اليوم كله بقيت مش عارفة أركز خالص خايفة مجيبش مجموع كلية مضايقة ع الاخر فى حاجات كتير مضايقانى وشاغلة بالى لو عنديكم أى حل لمشكلتى قلولى وريحونى نفسى أرتاح وأنا أسفة عشان طولت عليكم .

مشاكل وحلول ذات صلة

اضيف بتاريخ: Saturday, November 18th, 2017 في 01:39

كلمات مشاكل وحلول: , ,

اترك رداً أو حلاً لهذه المشكلة