السلام عليكم انا طالبة فى 3 ثانوى ( علمى رياضة ) عندى مشاكل كتيرة اوى اولها انى بمارس العاده السيئة و ادمنتها انا كنت فى الاول مش مدركة انا بعمل ايه و بعد فترة كبيرة عرفت انى بمارسها و عرفت اضرارها و قولت خلاص هبطل بس مش عارفة بحس انى مش قادرة اسيطر ع نفسى و بندم جدا و بقول انا ازاى عملت كدا و برجع اكررها تانى …. ثانيا انا عايشة فى شقة لوحدى بعيدة عن اهلى و انطوائية جدا معنديش اصدقاء كتير هى واحده بس حتى الدراسه ابعدتنا عن بعض و طول الوقت صامته و نفسيتى تعبت جدا لدرجه انى بحس انى خلاص اتجننت و بعدت عن ربنا مبقتش اصلى و لو صليت بيبقى من غير خشوع . . . ثالثا مشكلتى فى الدراسه انا امتحاناتى فى شهر 6 و معنديش اى استعداد انى افتح اى كتاب و مش جاهزة باى ماده انا خلاص كرهت نفسى و بقيت اقصد انى اضر نفسى مش عارفه انا بعمل كدا ليه ضميرى كل يوم بيأنبنى ع كل ثانيه ضاعت من غير ما استفيد بيها و بقول بكره هعمل كذا كذا و يجيى بكره و مش بعمل حاجه غير انى بضر نفسى اكتر لدرجه انى فكرت بالانتحار انا بتهرب من المسؤليات حتى الدروس مبقتش اروحها . . حاسه انى مش عايشة اصلا عقلى و قلبى و حيائى ماتو و لو سقطت السنادى لقدر الله متعرفوش اهلى هيحصلهم ايه عشان انا معنديش غير اخ واحد و ظروفه مساعدتهوش انه يتعلم زيى و ده غصب عنه انا الامل الوحيد لاهلى دلوقتى
و انا بجد بشكر الموقع ده جدا ع انه وفر جزء للمشاكل و اتمنى انكم تنشرو مشكلتى لانى خلاص قربت انتهى و اتمنى الاقى حل لمشاكلى و شكرا ليكم
مشاكل الثانوية العامة
امتحانات الثانوية قربت وفكرت بالانتحار
اضيف بتاريخ: Wednesday, April 4th, 2018 في 01:46
كلمات مشاكل وحلول: الانتحار, الثانوية, الثانوية العامة, العادة السرية, مشاكل
ما هى دى مشكلة الوحدة للاسف انتى عندك اكتءاب وبتحاولى تتهربي من ضغط المذاكرة بالعادة السرية الحل انك تخرجى من الوحدة دى روحى ذاكرى فى مكتبة المدرسة او اى مكان عام وفى اماكن بتبقى مخصصة لكده وحاولى تنامى بدرى وتصحى الفجر تصلى وتبداى مذاكرة وربنا يريح قلبك ويشرح صدرك يا باشمهندسة باذن الله