انا بنت عندى 17 سنة فى ثانوية عامة علمى علوم والحمدلله متفوقه ف دراستى وبطلع من الاوائل كل عام حسيت ان السنادى عدت بسرعه اووى وانى مش هقدر احقق حلمى وادخل الكلية اللى عوزاها واليأس خلاص سيطر عليا ومحبطة جدا ومعنديش اى امل بس كل شويه بفضل اقول انى عملت اللى عليا وهسيب الباقى على ربنا ومتوكلة عليه وثقتى فيه كبيره انه مش هيضيع تعبى بس برضو الافكار السلبيه هى اللى مسيطره عليا بفضل ادعى لربنا وانا بصلى واعيط من كتر ما نفسى احقق حلمى بس خايفه اوى من الامتحانات وكل حاجه وخايفه معرفش اركز واضيع حلمى على درجات بسيطة ونفسى افرح اهلى وخصوصا انى البنت الكبيرة وعاوزة اخواتى يكونوا شاطرين زى وياخدونى قدوه ليهم عشان ربنا يوفقهم انا بس حبيت اعرض عليكوا مشكلتى عسى الله ان تحل ونفسى بس ف دعوة ليااااااااا وجزاكم الله خيراا ووفقكم لما يحبه ويرضاه
مشاكل الثانوية العامة
اليأس يسيطر عليا لقرب امتحانات الثانوية العامة
اضيف بتاريخ: Friday, May 15th, 2015 في 10:45
كلمات مشاكل وحلول: الثانوية, الثانوية العامة, امتحانات, بنت
بصى انتى لازم تكونى وثقه ان ربنا مش هيضيع تعبك خالص لان ربنا ده الوحيد اللى عالم بينا
كل اللى مطلوب منك ان انتى تثقى فى نفسك شويه و ركزى وربنا هيقف معاكى اكيد على قد تعبك هتاخدى عليه
ربنا معاكى
متخافيش والله 3 ثانوي دي سهله جدا بس الضغط فيها هو اوحش حاجه زاكري بس ومتسيبيش اي حاجه وهتتحقي حلمك انا كنت زيك كده السنة اللي فاتت والحمد لله جبت مجموع كويس