انا في 1 ثانوي ومن القاهرة انا مش عارفة عاوزة اخش كلية ايه وقدراتي تتناسب مع ايه انا الحمد لله شاطرة بس مشكلتي بتقف مع كل مادة يعني انا شاطرة في كل فروع العربي الا النحو ولما بذاكره واجي احل بخاف اكتب الاجابة لتبقي غلط … الصراحة انا نفسي ادخل صيدلية بس مستوايا ميجبش لصيدلة مع اني شاطرة بس بخاف اتكلم عن طموحي قدام حد بحس انه بيحبطني او بيتريق عليا وغير ان انا ساعات كتير مبيبقاش ليا نفس للمذاكرة خالص وافضل قرفانة من المذاكرة انا مبقتش عارفة انا عاوزة ايه وبقيت راضية بأي كليه وانا نفسي ادخل علمي بس حاسه اني مش هنفع فيه ياريت حد يجاوبني علي مشكلتي واسفة اني طولت عليكم
والله عندي نفس مشكلتك وانا في نفس السن زيك بالضبط
بس الحمدلله بحاول اتغلب عليها
بصي شوفي قدراتك متسمعيش كلام اللي يحبطك ويقولك دا اللي بيجيب 95 ف المية مبيلحقش كليات قمة في العلمي والكلام دا ! لا خلي عندك ثقة في نفسك انك تقدري وان اللي بيجيبوا الدرجات دي مش احسن منك دي ناس تعبت وربنا اداها وانتي من كلامك بسم الله ما شاء الله شاطرة لكن حلمك التفوق وخايفة انك متحققيش حلمك .. اسعي لتحقيق حلمك
هقولك حاجة ابذلي اقصي طاقة عندك وربنا اكيد اكيد مش هيضيع حلمك علي الاقل لو مدخلتيش الكلية اللي كنتي عايزها هيكون عندك رضا وقناعة انك تعبتي وان ربنا هيعوضك بأحسن منها باذن الله