انا طالبه ثانويه عامه وانا الحمدلله مستوايا حلو بغض النظر عن النظام الجديد بس الحمدلله دماغي مسعداني واهي ماشيه مشكلتي انا في الماديات انا ف الشهر دروسي
ب١٢٥٠ ابويا اتكلمت معاه قبل ما ابدأ دروس وقولتله يبابا مصاريفي هتزيد فقولتله انت اخرك معايا عشان اكون عارفه من الاول قالي ملكيش دعوه خدي اللي عايزاه انا هحسبك ف الاخر لما تجيبي المجموع قولت كده تمام اوي بعدين اجي اقوله عايزه فلوس يقولي لا استني ادفع الكهربا اجيب طلبات البيت وبعدين يقولي احنا اخر الشهر خليها لما اقبض وف الاخر لما بيديني ٦٠٠ بالعافيه مع انه بيقبض كويس يعني بس هو كده بابا بخيل معانا كلنا
باخد الباقي ياما من امي او اختي بس هما مش معاهم ومش ذنبهم اني كل شويه اخد منهم وانا والله تعبت من كده ده حتي هو مش بيديني مصاريفي خالص غير كده انا معايا ضغط المذاكره نفس يجي كمان ضغط الفلوس وافكر اجيب من فين ولا اعمل ايه انا بس وصلت لحل اني اشتغل ولو حتي ب٥٠٠ جنيه ف الشهر انا راضيه والله حتي عشان ادفع فلوس دروس كامله ومتحجرش مع المدرسين ووسط صحابي وان شاء الله ربنا يقدرني وانظم وقتي بين المذاكره والشغل نفسي. بس الاقي اي حاجه اونلاين تتناسب معايا
هموم البنات
مصاريف دروس الثانوية العامة وبخل بابا
اضيف بتاريخ: Wednesday, January 5th, 2022 في 00:45
كلمات مشاكل وحلول: البخل, الثانوية, الثانوية العامة, المذاكرة
بصي انت مش لازم تاخدي دروس في كل المواد يعني اللي مش بتفهميها خالص او الصعبا دي بس خدي فيهاا وحاولي تتكلمي مع ابوكي وتقلبلو ان انت عايزه فلوس اكتر ولو مجبتش مجموع كويس ابقا حاسبني او خلي امك تتكلم معاه وربنا يسعدك ويوفقك ان شاءلله