انا في تانية ثانوي علمي ، انا المذاكرة ملغبطة معايا جداا وده من زمان تقريبا بس أنا بحب المواد العلمي والرياضة ببقي فاهمة الدرس من المستر وهو بيشرح بس برجع البيت بركن و بأجل المذاكرة واتركمت عليا مذاكرة كتير ، خو المفورض اني اتأهل لتالتة ثانوي من تانية والفكره ده رعباني اني مش هنفع فتالته باللي أنا فيه ده ، أنا بحاول والله انتظم فالصلي و أقري قرءان و ادعي ربنا قبل ما أفتح ماده ده لو عرفت اقعد عالكتاب ربع ساعة علي بعض
اهملت العربي و الانجليزي والفرنساوي اللهي هما المفروض مواد اضمنهم فتالتة ، ده غير باقي المواد العلمي مبذكرهمش مش عارفة اذاكر انا عندي إكتءاب بجد ، ونفسيتي زفت تحت الصفر بجد فيه مشاكل و ظروف حصلت حوليا مأثرة عليا وعلي مذكرتي انا مش عارفج اتخطاها ، المسؤلية والضغط تعبني جداا ، انا مش عارفة اساعد نفسي ولا اخرج من اللي انا غيه ده ولا اشوف دراستي وخايفة جداا ، نفسي ادخل طب و احقق لوالدي ووالدتي امنيتهم يشوفوني دكتورة عايزة ابقي راضية عن نفسي قدام ربنا
ممكن لو سماحتوا حد يساعدني اعمل ايه
مشاكل الثانوية العامة
في تانية ثانوي علمي والمذاكرة ملغبطة معايا
اضيف بتاريخ: Monday, October 15th, 2018 في 17:36
كلمات مشاكل وحلول: الثانوية, الثانوية العامة, المذاكرة
السلام عليكم
كويس انك عندك طموح و ادراك بالتقصير و ده شئ ايجابي يبقي اللي ناقص الرغبة و التصميم علي الانجاز و السر هو التخطيط و التنظيم و المثابرة. كبداية لازم تنظيم الوقت ووضع خطة للمذاكرة و كذلك تحفيز نفسك ووضع مكافاة على الانجاز لنفسك بشئ بتحبيه (شيكولاته مثلا او هاسمع اغنية او هاخرج الاسبوع ده لو خلصت مراجعة الانجليزي) . و ممكن تطلبي من حد اكبر انه يتابع معاكي خطتك و يشوف مدى التزامك بها. و لا تدعى اي شئ يحبطك و ضعي الهدف امامك و احلمي بيه دائما نامي و اصحي و انت ناوية تنجزي النهارده ها ذاكر عربي 3 ساعات و مش لازم علي بعض نص ساعة و ريحي 10 دقايق او قومي صلي و ارجعى كملي نص ساعة و بكده خلصنا اول ساعة و كمان خللي عنكد مفكرة بتسجلي فيها ايام و ساعات المذاكرة و انتي ذاكرتي ايه عسان اخر كل اسبوع تعرفي مدي انجازك و ده هيحفزك اكتر اما تلاقي نفسك بتنجزي و دايما اعرفي ان القليل المستمر خير من الكثير المنقطع يعني لو ذاكرتي ساعة كل يوم احسن 3 ساعات بس مرة واحدة في الاسبوع. و استعيني باللع و ادركي انك بتصنعي مستقبلك. ربنا يوفقك
الحل يابنتي العزيزة في متناول يديك انت لازم تذاكري دروسك جيدا وتحرصي على عدم ضياع الوقت وعدم الانشغال عن دراستك المواد التي تجدي نفسك مش فاهمتها استعيني بمدرس خصوصي لاجل يساعدك في مذاكرة تلك المواد ولاتوجل عمل اليوم لغد بشئ من المثابرة والاهتمام والعزيمة والاصرار سوف تجدي نفسك متوفقة في تلك المواد وناجحة اخر السنة فيها وتحقق طموحك في ان تكوني طبيبة وربنا يؤفقك ويسهل عليك ويكرمك بالنجاح في دراستك