الحب الاول

قصة الحب الاول في حياتي

انا شاب عندي 24 سنة خريج كلية الحقوق
قصتي بدأت لما حبيت اخت مرات اخويا في البداية صارحتها بحبي وهي كان عندها يوميها 16 سنة واستمرينا نكلم بعض في الموبايل ونحب في بعض لمدة 5 شهور وبعدها اخوها الكبير عرف انها بتكلمني في الموبايل وهددها انه هايقول لابوها – وهي خافت طبعا – راحت هي قالتلي خلينا اصحاب واخوات احسن – انا قلتلها ماينفعش بعد ما حبيتك نبقى اصحاب – وبدأت تتهرب مني وكنت اتصل عليها ماتردش وبعدين تقفل الموبايل – قعدت على الحال ده اكتر من 6 شهور احاول اكلمها – وفي يوم كلمتها وقولتلها انتي بتحبيني وللا لا قالتلي مش عارفه – انا اخدت قرار بيني وبين نفسي اني انساها خلاص بس المشكلة كل اما اشوفها احنلها تاني لانها بنت كويسة وفعلا انا كنت اول حب في حياتها – وهي اول حب في حياتي – انا كان بيجيلي احساس ان انا استحاله احب تاني او اعرف بنات تاني وانها كل حاجه في حياتي – بعد كدة حاولت المم اي حاجة من كرامتي اللي اتبعترت معاها – واتصلت بيها وقولتلها انا موافق ان احنا نكون اخوات ومافيش اي حاجة – طبعا الكلام ده كان من ورا قلبي – وانا لسة بحبها ومش عارف اعمل ايه – يا ترى انساها طب اعمل ايه لما اشوفها – ياترى هي بتحبني وللا لا – ممكن تدلوني اعمل ايه لاني بصراحة تعبان ومش عارف اركز في شغلي ولا في حياتي وطول النهار والليل بافكر فيها ونفسي ارجع ليها – وهل انا لما كنت باتصل بيها وهي تقفل الموبايل في وشي معناه ان كرامتي اتبهدلت

مشاكل وحلول ذات صلة

اضيف بتاريخ: Monday, September 27th, 2010 في 21:14

كلمات مشاكل وحلول: , , , , , , , , ,

12 رد to “قصة الحب الاول في حياتي”

  1. ابواميرة
    13/12/2013 at 22:07

    اخي الافضل انك تتقدم لهاوتخطبها رسمي قبل ان تضيع من يديك خليك راجل البنت تحبك بس عازيك تتحرك خطوة للامام وتخطبها من اهلها وربي يسعدكماويوفقابينكما

  2. سوسية
    19/07/2011 at 23:07

    إذا إنت بتحبها اتقدملها رسمي لإنك زكرت إنو أخوها هددهاإنو يقول لأبوهايعني ممكن تكون خايفة تصارك بمشاعرها و بتقدمك إلها بتعرف إذا هي بتحبك و لا لاء

  3. ammar
    23/11/2010 at 19:52

    أحسن شى انت تروح لعند أبوها وتفتح معو الموضوع ويكون معك أخوك أو أحد من العائله

  4. سما
    21/11/2010 at 20:43

    لو فعلا بتحبها يبقى احسن حل ترتبط بيها ع الاقل تثبت ليها ولاخوها حبك وهو دا الدليل وهى اكيد بتحبك وع فكرة كرامتك محفوظه بالنسبالى لو كان حصل معايا الموقف دا والحد دا مش اتصل اكيد لو كنت بحبه حبه عندى هيقل لانى هاقول انى مش ف باله وانه كان بيتسل وانا بنت زيها اكيد هى خايفه من اخوها ولو ظروفك الماديه مش تسمح انك تتقدملها خلاص صارح اخوك واخوك يقول لمراته او لو ليك كلام معها قولها وهى اكيد هتقدر وع الاقل هتقول لاهلها وممكن تستناك

  5. القلب المجروح
    03/10/2010 at 13:48

    احسن حل لك هو
    انك تتكلم مع مرات اخوك اللى هى اختها وهى هتفيدك بمعلومات قويسه عنها وعن البيت
    وبدون كسوف ولا احراج الاحراج اخف بكتير من العذاب اللى انت فيه
    وبعد كده روح اتقدم لها رسمى وهى لو بتحبك هتوافق عليك وتعيشوا حياه سعيده بس المهم ان ده حصل تحافظ عليها وصدقنى هو ده الحل الصح ولو جربته ونفع تبقى عرفنى وربنا معاك

  6. الحب الضائع
    29/09/2010 at 10:07

    صدقني انها بتحبك بس يمكن البنت خايفه فاحس حاجة تروح لبيت اهلها وتتقدملها

  7. جرح القلوب
    28/09/2010 at 22:21

    شوف يا متر أنا هجيبلك من الاخر :
    مادام هي أول حب في حياتك وانت واثق انها ملهاش تجارب قبل كده وانت استريحتلها في ال 5 شهور دول يبقى مفيش مانع انك تاخد خطوة جريئة وتتقدم رسمي ومادام انت اتخرجت وبتشتغل كمان يبقى مفيش حاجة(دراسة أو كلية) مثلا هتعطلك عن الارتباط والخطوبة باذن الله . وربنا يقدملك اللي فيه الخير .

  8. السيد الشاذلى
    28/09/2010 at 09:02

    الاخ الفاضل
    الحب هو الارتباط
    ولو كنت تحبها بجد
    تقدم لها رسميا
    فيكفيك انها احترمت اخيها واهلها وانها تخاف من الخطأ
    فسوف تصون بيتك

  9. إسماعيل بلحسان
    28/09/2010 at 00:33

    إنت لازم تلح عليها ده لو إنت فعلا بتحبها إوعى تكون نزوة أو شيئ من هذا لأنه قلت التجربة الأولى بالنسبة لك تأكد من مشاعرك وألح عليها إن الله يحب العبد الملحاح بس حاول أن يكون في ذلك نوع من الرسميةلأنه زي ما قلت خافت من أخوها وده عمايل بنات أصول البنت كويسة فلا تفلتها فتندم اكثر من كده رسمي شيئا ما.

  10. الاميرة الحزينة
    28/09/2010 at 00:24

    السلام عليكم يا اخي الكريم. انا بنصحك ما تنساها و بتروح و تتقدم لها على طول و انا متأكدة انها لسا بتحبك و عملت كده عشان اخوها هددها و ضغط عليها. الحب شيئ جميل و بيكون اجمل لما بيكون في النور و في الحلال و يا رب يجمعكم ببعض في الحلال و تتهنو.
    اختكم في الله اميرة

  11. صاحب المشكلة
    28/09/2010 at 00:17

    عهلى فكرة هي كانت بتقوللي انها بتحبني ومش هاتقدر تستغنى عني بس مش عارف هي ليه عملت كدة ياترى خايفة من اخوها وللا كانت معجبة بيا مش اكتر وللا ايه انا واقع في حيرة كبيرة

  12. صاحب المشكلة
    27/09/2010 at 23:27

    يا جماعة بجد انا مش عارف اعمل ايه
    واللي حصل بينا ده مش لاقيله تفسير
    ياريت تفيدوني بسرعة
    واللي مر بتجربة زي دي سواء هو او حد يعرفة يقوللي هو عمل ايه

اترك رداً أو حلاً لهذه المشكلة