جماعة انا عايز اخد رايك انا شاب من الارياف لكن خريج كلية قمة واهلي اسرة محترمة اتعرفت علي بنت من النت فيها كل حاجه احترام واخلاق ودين وجمال وبعد فترة 3 سنوات شفتها فيهم مرة واحدة حبيتها وقررت ارتبط بيها لكن اهلها رفضوا علشان هيا من القاهرة ومش ينفع تعيش في الارياف وكمان انا طبعا رفضت اعيش في القاهرة علشان شغلي وانا اكبر اخواتي واهلي
المهم انهم ضغطوا عليها واتجوزت وفي خلال سنه كان معاها بنت بعد كدا حصل مشاكل واطلقت ودلوقتي احنا بنتكلم مش بانتظام اوي لكن لسه احساس الحب بيني وبينها اوي وبرغم اتفقنا علي انه ارتباطنا صعب جدا لكن مش قادرين نبعد ولا انا قادر ارتبط بحد تاني
السوال في رايكم ينفع ترتبط بواحدة مطلقة ومعاها بنت ؟ لو اه اعمل ايه ولو لا اعمل ايه؟
أولاً لازم طبعاً موافقة أهلك دي حاجه مقدسه . تاني حاجه هي من مصر ورفضت تيجي أرياف من الأول من عند النقطه دي انتوا موضوعكوا منتهي أما ارتباطك بانسانه مطلقه صعب جداً ياريت تنظر انك هتقتل فرحة مامتك بيك وهي شايفاك مع انك انسان مثقف وصاحب مؤهل ترتبط بانسانه مطلقه وعندهاطفل وبعدين هو الحب جواك لو متغيرش أكيد جواها اتغير بدليل ارتباطها وبدليل طفل مراحل تقتل حبك من زمان ياريت تبص للتوافق الإجتماعي عشان ده اللي بيخلق مشاكل بعد كده.والله الموفق وكمان صلي استخاره وربنا يقدم مافيه الخير
التوافق الاجتماعي من عوامله التوافق في العوامل البيئة والاجتماعية ،
انصحك بأن تختار بنت من نفس بيئتك على مستوى تعليمي يوافق مستوى تعليمك وربنا يوفقك
والله لو معاها عفريت لو بتحبها هتتجوزها دالا لو بتحبها فعلا مكنتش تسأل سؤلاك دا انت بتحبها اه بس مش حب سماوى يعنى مش حب اللى تسمع عنه فاهمنى لذلك اقولك ينفع طبعا الا الحب ملوش كبير بلاء من ربنا لو غضبان عليك ونعمه منه لو راضى عنك اسمعنى اللى يحب الواحده يحب كل اهلها وتراب رجلها
اخى elkingahmed انا اعرضك قصاد..لو الحب حقيقي فلا مانع ولكن رضا اهلك قبل رضا قلبك
كل واحد يختار شركت حياته اللى بتحبه وترحيه ويعيشوا فى تبات ونبات عشان هتكون فهماه وفهمها وبيحبوا بعض ….لاكن اعرض اى اب او ام ان تدى لى ابنهم بنت غصب عنه كدة هيكون مش سعيد خالص ..مممكن يحسسها انوا بيحبها لاكن قلبه الاصل مش بيحبها
تحياتى ضياء .. قنا- المحروسة
انا مطلقه ومعايا ولد وان شاء الله هتجوز مره اخرى من انسان فعلا بيحبني وانا كمان بحبه جدا وابني مش ممثل اي مشكله لاي حد وبعدين مطلقه دي مش وصمة عار ولا خطيئه يمكن تكون احسن من بنت ماتجوزتش واذا ربنا احل الطلاق يبقى اكيد فيه الخير وربنا برضو هو اللي احل الزواج للمرأه المطلقه فا مش الأنسان هو اللي هيحرم الحلال اللي ربنا احله توكل على الله وتزوجها واذا احسنت تربية ابنة زوجتك ستدخلك الجنه كأنها ابنتك وربنا يهيألك اللي فيه الخير.
والله مفيش مشكله بس انت هتقدر ع مسؤلية بنتها؟؟؟؟وخصوصا انك هتتجوزها يعنى ايام جوازكم الولى هتعمل ايه فبنتها انت ؟؟؟؟ وخصوصا ان بتقول عندك مسؤليات ؟؟؟وأهلها اللى مش وافقوا فالأول هيوافقوا دلوقتى بعد بنتهم ما اتجوزت واطلقت ؟؟؟؟
فكر شويه وصلى صلاة استخاره وربنا يهديك للى فيه الخير ان شاء الله .
عيش الواقع واتجوز واحدة من قريتك او القرى المجاورة علشان البيئة غلابة دى مش هتقدر تعيش خارج القاهرة ولو اتجوزتها ممكن تطلق تانى وتبقى المصيبة اكبر وربنا معاك
لو الحب حقيقي فلا مانع ولكن رضا اهلك قبل رضا قلبك
لا تكن انانيا وتمسد بوافقه اهلك
فمن غيرها لن تموت وافتح قلبك للدنيا وتقرب من ربك لعل الله يجعل لك خيرا منها ويرزقك الزوجه الصالحه التي تعينك علي دينك مش بنت النت
فما ادراك باحترامها وتدينها لعله كلام نت
اسيقظ اخي قبل ان يسحبك الشيطان
وربنا معاك
انا من الارياف زيك ومتزوج والحمدلله عاوز اعرفك ان اساس التفاهم التكافؤ وهي مش هتقدر تعيش معاك وانت واضح ان عندك مسؤليات ومش هتقدر تعيشها في المستوى اللي هي عايشة فيه زائد وده الاهم هلا بكر تداعبها وتداعبك وتلا عبها وتلاعبك كما نصح المصطفى صلى الله عليه وسلم واستعن بالله وان شاء الله لما ترتبط بغيرها هتنساها,
mish 7aynfa3,seebak mnha
انك تتجوز واحده مطلقه ده مش عيب ولاحرام بس ياتري هتقدر تتحمل مسئولية بنتها وماتفرقش بنها وبين اولادك في المستقبل وياترى اهلك مش هيتعبوك انهم يوفقوا بلاش نحسبها بالعواطف بس احسبها بالعقل ولو لقيت انه ماينفعش ترتبط بيها ابعد عنها وحاول تنساها وربنا ان شاء الله هيكرمك باحسن منها
مفيش مشكلة انها مطلقة ومعاها بنتها بس لو فعلا بتحبك لازم تقدر ظروفك وزي ما انت هتتنازل وتأخد مطلقة علشان بتحبها لازم هي كمان تتنازل ولاتكون انانية وتعيش ببلدك
واللله يا اخوي ا ما عندك مشكلة بس ترى اذا حبك مو طالع من القلب مو حب اذا هي تحبك من جد وانت تحبها من جد نو بروبلم اتزوجهاا ترى الحب شي نادر
اكيد انت كنت احدي اسباب طلاقها لانها لم تقدر تحب زوجها لابد من اقناع الاهل وارتبطوا بدل ما انت كمان تتجوز وتفشل مع زوجتك بسبب حبك لها بس البنت هي المشكله انت وضميرك ان كنت هتقدر علي تربيتها فتوكل علي الله اما ان كنت لاتريدها اتركها للابيها
وربنا يصبر امها
اكيد ليس هناك مشكلة طالما انك تحبها المشكلة هده تجدها بكترة عند العرب انا من فرنسا وهنا ليس عندهم هده المشكلة ويعتبرون اولاد الزوجة متل اولادهم والعكس ربما اطلقت لتكون من نصيبك
انا رائى ان مفيش مشكله ابدا انك تتجوز وحده مطلقه لان كل شىء نصيب وهى مش اجرمت انها نصيبها انها اطلقت المهم انها تتقى ربنا فيك وف شرفك وهتكسب ثواب لتربيتك لبنتها ان شاء الله حاول اقنع اهلك وبالتوفيق