انا اتعرفت علي واحد زميلي اول ما دخلت الجامعة وحبيته اوي اوي وكنت واثقه فيه اكتر من نفسي
انا اللي حد ما كنت كتيييييييير متدينه وعارفه ربنا عنه …بس للاسف مكنتش اعرف انه مش جد اوي في علاقتي معاه …فضلت معاه تقريبا سنه بس محدش كان يعرف وكنا ممكن نتقابل في اي مطعم او كافيه برا الجامعة…من كتر ما كنت واثقه فيه اضطريت اتنازل عن مبادئ كتير ..في الاول مسك ايدي ووصل الموضوع لانه قرب مني حضني او كده
كل مره كنت بقول هسيبه وافضل اصلي واستغفر ربنا بس انا كنت متعلقه بيه جدا جدا كنت بحبه الحب المرضي وهو كان بيضغط عليا (لو معملتيش كذا ممكن الاسبوع كله يقلب غم :لو معملتيش كده ممكن اخونك :لو معمتلتيش كده مش هينفع نكمل مع بعض)
البني ادم ده بعد ما قضي عليا نفسيا لقي واحده احلي واحسن مني سابني وراحلها ولما جيت اتكلم قاللي انتي لسه بنت وانا مجتش ناحيتك دول كانو كام بوسه وحضن …اخدت منه وعد انه يفضل بنا سر
انا عارفه اني كنت غلطانه وكنت مريضه وبعدها تعبت اوي وتبت لربنا سبحانه وتعالي واخدت وعد علي نفسي اني هحافظ علي نفسي والحمد لله انها جت علي اد كده …بس فضلت طول الوقت خايفه من الفضيحه والسر
المشكله اني بعد ما كنت نسيت ومرت سنين ربنا رزقني بشاب متدين وعلي خلق ومحترم وملهوش في اللعب وبيحبني جدا …انسان انا ياما اتمنيته انسان يا ما كنت بحلم بيه …المشكله ان البني ادم ده اتعرفت عليه كزماله لحد ما اتعلقنا ببعض وجه قالي انه عاوز يتقدملي ….الانسان ده ولنسميه احمد كان صديق مقرب لاول شخص عرفته في حياتي وانا صارحته قلتله انا كنت اعرف فلان وكنا بنحب بعض وكده بس طبعا مقتدرش اقوله انه قرب مني …اكتشفت انه احمد عارف ان الشخص الاول شخصيه مش كويسه وكان بيعمل مع بنات الناس حاجات وحشه طبعا مرضيش يفسر ..اكتشفت ان الشخص الاول حاكي لاحمد كل حاجه كانت بتحصل بنا بس من غير ما يقوله مين هي البنت اللي كان بيقرب منها ومن كتر ما احمد واثق فيا وفي اخلاقي لقيته بيقولي انتي ضحيه ده كان بيعمل مع بنات تانيه مش كويسين حاجات مش كويسه واستبعد خالص فكره ان البنات دي اللي مش كويسن هما انا
انا مش عارفه هعمل ايه انا تعبانه وحاسه اني بخدعه وبخليه يقرب من انسانه هو شايفاها قمه في الاخلاق …بس انا مش قمه في الاخلاق انا غلطت قبل كده حاسه اني بضحك عليه
ممكن اوي الشخص الاول يحكيله دي هي دي البنت اللي كنت وكنت ويمكن مش يصدقه …بس برضو يمكن يصدقه واخسره للابد
انا تبت وربنا عالم وتعبت اد ايه واستغفرت ربنا كتير وندمانه علي اللي عملته ومن بعده عمري ما غلطت ورجعت زي قبل ما اعرفه ويمكن احسن
طيب اعمل ايه اروح اعترفله انا علي كل حاجه ؟؟احسن ما تيجي من حد تاني ؟؟بس كده انا هخسره وفي نفس الوقت مش هقدر اسكت مرضالوش يرتبط بواحده غلطت حتي لو ربنا سبحانه وتعالي غفر ليا
انا بحلم بكوابيس طول الوقت ان انا بتفضح
بجد انا تعبانه اوي ..انا مبقتش عارفه اعيش حياتي ومش هقدر اخسره بعد ما لقيته
ياريت فعلا لو حد يساعدني لان انا نفسيتي مدمره
اسفه علي الاطاله
شكرا جزيللا
السلام عليكم ورحمة الله
انا من نصيحتي اختي الفاضلة خير الخطائون الثائبون
اختي الفاضلة الاهم انك مقدمة في الجواز مع هد الشخص ففكري في حاضرك ومستقبلك معاه مش تخافي من اخطاء الماضئ ادا كنت توبتي لله قبل من انه يتقدم لك او تعرفيه وأفرغتي نفسك لاستقبال شريك حياتك
اول الاهم انك عرفتي داك الشخص الاولاني مصدر تهديد لمستقبلك وهدا مبادرة جيدة لنسيانه
ثانيا انك اليوم مع هدا الشخص انسي انه يقوله ولا مايقولوش فانه الشخص الحالي عارف
نوع الشخص لي يعرفوه الرجل يعرف الرجل والمراءة تعرف المراءة
يعني يعرف شنو كان مخلف هدا المريض
ماعليكي الا المبادرة في نسيانه كما انك لم تعرفيه ولاتعلمتي منه شئ ولاكلمة سمعتها منه
وتخلي عن اي شئ منه ولو حصئ فانه هو هدا التهديد لاتخفيها ابعديها عنك ولاتهتمي بأخباره وحالته او كيف اصبح او تاب او صلح كلها امور احدري منها .
عزت النفس اختي الفاضلة وحب المستقبل واختيار الانسان الخلوق لي يشاركك حياتك
هده اشياء تغنيك من التفكير في شخص كنت فريسة له حتي لو كان الحب الاول
هدا يرجع لي قناعتك انتي كيف تقضئ عليه
اي حبك للخير بشدة كما كنت حبك للخير من قبل, فحبك للحب يكون جوزا لك ,فهو جوزك الدي سيشاركك حياتك في عش الجوزية هو من يدق دلك القلب
بمعني لاتجعلي هده الكلمةالعظيمة كلمة شائبة او عادية , فأحفظيها كما كنت تخافي عليها من قبل ونظفيها من الشوائب الماضئ وأفرغيها تماما وقدميها لجوزك طاهرة ليملائها وليكون الحب الاول والاخير صدقيني فأنها تستاهل هده الكلمة البركة وليس العلاقة الباطلة التي انسان هو فيها مخير وليس مسير مش معقولة اختي الفاضلة توهبي حبك لشئ باطل والله ساهل انك تنسي فان الشيطان لايريد لكي البركة يريدك ان ترجعي لشخص الاولاني ولو بتخويفك بالوسواس بأنه سيقول له او لايقول له يجعلك ترجعي له عشان تقنعيه مايقوله شئ لي صار بينكم ليستغل دالك الشخص الموقف ويعرف نقطة ضعفك ويتظهر لك انه تاب لله ويصبح شخص نظيف من جديد في نفسك وترجع ثقتك فيه حتي يستغلك ويستغل صاحبه لتستمر العلاقة الباطلة المخفية من جديد ومن هنا تبداء الخيانة
اوعي اختي الفاضلة تتكلمي معاه حتي ولو بكامل ثقتك النفسية انك كرهتي اوعي اوعي اوعي
عشان حبيبك الجديد لتقنعيه حتي لا يقول لحبيبك الجديد شو لي صار معكم او يجيب سيرتك معه سيبيه لله فان هدا خطاء كبير اقوي من انك كنت متعلقة بيه ولو مرة تأكد من هدا الامر مهما صار ولا تبعتيلوه احد في بدالك يقنعو احدري احدري احدري فأن هدا قمت الخيانة
فهدا الشئ الدي سيخرب لك مع حبيبك الجديد ويجعل لك احباط نفسي من الجواز
فانه هو هدا الشك الدي سيراوده لاتوقضئ النار من جديد لانك متقربة لله ومحترمة احدري احدري احدري تسمعي صوته وانت مع هدا الشخص ولاتفكري فيه سلبا او ايجابيا لانك انت واثقة من نفسك ان متقدمة لي شخص انشاء الله يكون شريك حياتك خلي امرك عند الله
صدقيني لو نسيتي هدا الامر انه يقوله ولا ميقولاش او ماحركتي فيه شئ ولااهتميتي بي هدا الامر وجعلتيه في نفسك انه الشيطان يريد ان يبعد عنك حبيبك الخلوق الاهم ماتكوني كلمتيه الشخص الاولاني ولا ابعتيله شخص صدقيني سيكدبه ويصدقك او سيقول انها ليس مهتمة بيه وليس خائفة منه بدون اخباره بانك ليس خائفه منه هده اشياء من نفسك وليس بالكلام صدقيني لن يصدقه حتي ولو صدقه حي يحس انك عارفه انه شخص وسخ بكامل احسيسك بالصدق وانتي كمان حتحبي مشاعره اتجاهك وحتحبي انه يحب الشئ هدا فيك اقبلي على هدا من اعمقك حبا للخير وبلدة الحب بالقناعة والصدق بدون مجاملة فهدا سيمسح كثير شكوك من دهنه
توكلي على الله اختي الفاضلة شريك الحياة مسير وليس مخير مكتوب مند الولادة
والعلاقة الغير شرعية مخير وليس مسير لانها من خيارك طريق الشر او طريق الخير
فلا تخافي من هدا الشئ ولا تتأثري بتلك العلاقة الباطلة الشيطانية ولاتجعلي لها قيمة بكل نواحيها لانها كانت من اغرأءات الشيطان وزائفة وزائلة من الماضئ فان كيد الشيطان كان ضعيفا فمن الخيبة التفكير فيها او التخوف منها
كبري عقلك اختي الفاضلة لانك محترمة وبنت عائلة وتائبة لله
انشاء الله اني افدة
بصى ال حصل حصل ومحدش بيتعلم ببلاش وكويس انو سابك وربنا تاب عليكى يحببتى باين من كلامك خالص انك محترمة وبنت ناس وربنا بيحبك ومتخافيش من حاجة احنا بشر وبنغلط بس الاهم اننا نفوق ونتعلم من اخطائنا بس اوعى تغلطى نفس الغلط مع الانسان ال انتى معاة ولو الاولانى دة قالو حاجة قولى لة انو بيكدب علية وهو عارف كويس انو مش محترم وبيعمل اية مع بنات الناس واذاكان ربنا بيسامح هو مش هيسامح ومتهيالى هو لية الحاضر والمستقبل بس اوعى تغلطى تانى وانتى احسن من غيرك وربنا يوفقك يارب ويفك كربك لانك حد محترم
انتي اوعي تقوليلو طبعا كدا هيستحقرك اوى حتى لو قالك انا مسمحك بس عمره ماهاينسا صدقيني انا بنت زيى زيك وماتخفيش من الاولاني دا ولو حصل واتكلم عليكي قولي محصلش واثبت عليا كدا وكدبيه يابنتي ماتعمليش في نفسك كدا انتي مغلطيش انتي الحمد لله باين عليكي محترمه واضح من كلامك انا مريت بموقف زى دا كنت بحب واحد وكان بيموت فيا وفي شب كان متغاز مني راح اتكلم عليا معاه وقال عليا كلام في حقي وحش ولمه اللي كنت بحبو دا وجهني قولتلو محلصش وانا اللي سيبتو عشان شك فيا وجه سألني ومينعفش حبيب يشك في حبيبتو صح
انا صاحبه المشكله
اولا انا بشكر اوي كل اللي رد وبجد انا مش عارفه اشكركو اد ايه انكو ساعدتوني
انا فعلا حاولت اصارحو وحاولت المحلو وكل مره بقول خلاص هبدا المحلو واقوله يا تكمل يا متكملش وان الاختيار بايدك بس يفضل سر …كل مره اجي اتكلم مقدرش مش عارفه اتخيل انه ممكن يعرف او اني ممكن اقف قدامه وهو شايفني ومتخيل ان ممكن مثلا يكون في حد مسك ايدي قبل كده ابسط حاجه
المشكله اني كل يوم بحس انه بيحبني اكتر وبتعلق بيه اكتر واكتر …انا عمري ما كنت اتخيل ان احمد ده ممكن يوم يبصلي دلوقت بقي بيبصلي وبيشوفني حاجه كبييييره اوي ….فعلا حاولت اقوله بس مش قادره
انا متشكره جدا علي نصايحكو كلكو بجد انتو ناس محترمه وذوق جدا .وانا هاخد نصيحتكوونصيحه الاخ همسات حب والاخ 9ari2a وهصلي باذن الله صلاه استخاره
انا فعلا حاولت انساه وحاولت ابعد عن البيئه دي كلها بس مش قدرت انا غصب عني انا وهو اتعلقنا ببعض واتعلقنا ببعض عشان احنا متفقين في حاجات كويسه اوي انا لقيت فيه الانسان المتدين اللي نفسه يحب بس مش يغضب ربنا الانسان اللي يخاف عليا من نفسه الانسان اللي عاوز الاستقرار والامان …حاجات دورت عليها في اللي قبله وعمري ما لقيتها
بكرر شكري مره تانيه وجزاك الله كل خير واسفه علي الاطاله
السلام عليكم *على مااظن انتى قلتى له انكى كنتى تعرفى ذالك الشخص يعنى اكتفى بذالك واذا تكررى الكلام ممكن يهرب منكى* مع انكى قلتى عملتى غلطات صغيرة وليست بالكبيرة * يعنى الله سترك وانتى استرى نفسك * مشاكل تعملها البنات من غير تحمل المسؤولية قالت حب وحب حب واخرتها مشاكل ** على العموم انتى اخبرتينه مرة واحدة فقط ويبدوا ان الرجل متقبلكى فى حياته يعنى اكتفى بذالك ** هو انتى لازم تحكى له كل شئ يعنى بالتفصيل هاذى الامور لما تكررها المرأة تهرب الرجل مثل وحدة مطلقة وتعرفت على شخص كل يوم تقول له طليقها كان كذا وكذا وكذا ترى الواحد مايحبش المرأة تذكر له رجال اخرين **
الكل يغلط ولكل مشكله اكيد ليه حل والغلط ما بيدك ولا بيد غيرك كل قدر وكنوب علينا وعليك ولاندري بخطنا الي نغلط والحب الاول بصرحا يصتطيع يتحكم فيك من غير ما شعر بي وكل راجل يقول لي :أه من أوجاعي كم تثير أحزاني
كنتِ طيفآ جميلآ يزورني كل مساء
استمع الي صوتك ,
إلى ضحكتك كموسيقى كلاسيكية
ندنوا من بعضنا بخجل وعلى استحياء
انشد يديك اضمهما إلى صدري
تطئطئين وجهك الوردي بخفاء
أشعر بدفء كفيك المرتجفان
كنتِ تعتقدين أني سأنساكِ
أنا بداخلي كم من ألأحزان
بداخل إنسان حيران
لا أحب دموع الرجال أن تظهر
انا رجل من أولئك الرجال
أعشق بقلبي
أخلص بحبي
لكنى لست خاليآ من الأحزان ولذم نعرف انها الحياه احتمها ان لا تحترم الحب وع العموم انا بتمنا من كل العاشقين ان لا يكذبو ع بعضهم ولا يجرح حد الاخر ولكم الشكر واسف لا استطع مساعدتك والله لوكان بيدي احلها وافرح معاكم وخلاص بس ما عرف بس ادعو ليك بحياه سعيده وافضل من الاول سلام
يا اختي ربنا سترك فيما مضي انت تفضحي نفسك ليه – اذا صاحبنا القديم خف عقله ودينه وحكي لخطيبك اي شئ سواء بعد زواجكما او قبله فانت تستري علي نفسك وتكذبي هذا الرجل السئ مستغلة معرفة احمد بسوء خلقه وانه ممكن ان يدعي عليك او علي غيرك اما اعترافك لاحمد فلن يغفر لك فلا تعترفي له وانسي هذا الموضوع ولا تفكري فيه والله يستر عليك
انا اعتقد ان تتاكدي في الاول من عقلية وشخصية الشخص دة هل هو متفتح غقلانيا ويستطيع ان ينسى ما حصل وان اللي فات مات وان ثقته فيكي جيدة ويجب ان تخبرية بكل شيئ بعد ان تتاكدي انه اهل للثقة وان يكون كاتم اسرارك وانصحك ايضا ان لا تضعفي مرة اخرى وتكرري تلك التجربة وان لا تخوني ثقة اهلك فيكي لكي لا تقعي في ازمات اخرى ولكن تذكري ان تختاري الوقت المناسب لاخبارة الحقيقة ويجب ان تحلفية على مصحف ان يحفظ سرك معاة سواء كان سوف يتخذك شريكة لحياتة ام لا المهم ان تتاكدي ان يحفظ سرك ويجب ان تكون ثقتك في نفسك جيدة جدااااااا غير مهزوزة والله ولي التوفيق
الاخت العزيزة واضح انك ندمامة من اللى عدى وربنا يتقبل توبتك, انا انصحك انك ما تجيبيش سيرة لخطيبك عن اى حاجة وربنا يستر عليكى
salam,awalan o7ayik okhti 3ala kholo9ik,raghma innik ghalatti bass khayro lkhata2ina tawaboun,winti tobti w rabbina ysam7ik b idn llah,bass mochkiltik ana chayfa innik mat2oliloch 7aga,3achan madonnich inno hayirda yirtibit bi wa7da 3amilit kida ma3a l7a2ir li konti ma3ah,saddi2ini mafich wad 7ayirda,raghma innina kollina khata2in,w law ridi 7atinzili min 3ino chwaya,ya3ni min wijhat nadari mat2olich 7aga,w staghfiri rabbina,w b kida hatkoni satarti nafsak,w law allo 7aga olilo howa bi yzawidha ma3miltich ma3ah 7aga ghalat w inno hadafo yfara2 binkom,w atmana inno may2olch 7aga w rabbina y2addim li fiha khir,w zay ma2allak l akh”hamasat 7ob” salli salat stikhara t2arrabi min rabbina w chofi hati7lami ih,atmana sa3ada li koll lmoslimin,rabbina yis3idkom ya okhti,salama
السلام عليكم انا من رايي انك تحب الشخص التاني ده زي مابيحبك ولا تفكريش في اللي عدي ومضي وانسي ولا تتكلميش في الموضوع ده تاني ولا حتي مع نفسك وما تفكريش انك تقوليلوا حاجه لان دي هتبقي صدمه ليه بجد وفرضنا ان التاني قال له انا عملت وسويت فيها كذا وانتي نكرتي الموضوع انتهي وربنا يتمم ليكي علي خير واعلمي ان من تاب الي الله واناب واقلع عن الذنب ولم يفضح نفسه فلن يفضحه الله ابدا ارجعي الي ربك وادعي له ان يتمم لكي هذه الزيجه علي خير والله اعلي ةاعلم
الاخت العزيزة نصيحتي ان تقولي الحقيقة للانسان الذي تحبيه لأنك لو خبيت عليه وتم موضوع الزواج من الممكن ان يستغل هذا الحقير ما حدث بينكما سابقا ويطلب منك ما هو اكبر مما ذكرت لانك في هذه المرحلة سوف تكوني زوجة وممارسة الرزيلة من الممكن الوصول بها الي نهايتها فأنت لس بنت كالسابق وسوف يستخدم ضدك كل ما فعله معك فهو انسان حقيرسوف يهددك ان يقول لزوجك وانت سوف تخضعي لهوتنفذي ما يقول – اجلسي مع الانسان الذي تحبيه واحكي له كل شئ وصارحيه ان كان انسان كويس سوف يظهر هذا وان كان فليس لك فيه نصيب والافضل الابتعاد عن البيئة السابقة نهائيا والله سوف يعوضك وكوني واثقة في الله
الأخت العزيزة والكريمة أنا بجد مش برد على اي مشكلة غير المشكلة اللي تستفذني وتخليني أكتب غصب عني في البداية واضح اوي من كلامك ومن اسلوبك انك انت فعلاً بنت كويسة وبنت حلال وندمتي على اللي حصل منك مع الأنسان الندل التافة اللي قابلتية ايام دراستك وللأسف كتير جداً زي الشاب الندل دة اللي انت بتحيكية علية بصراحة أنا لا اعفيكي من الخطأ انت فعلاً أخطأتي خطأ كبير اولاً في حق نفسك وفي حق كرامتك ومبادئك وكمان خونتي ثقة اهلك فيكي على العموم الحمد لله أنها جات لغايت كدة زي ما انت قولتي ونصيحيتي ليكي ولاي بنت تاني انها ما تضعفش ابدا قدام مهما كان ومهما حصل حتى لو هتموت علية اي شاب مهما كان لأنة للأسف انا اعرف شباب اصحابي كتير هي دي شغلانتهم ومتعتهم في الحياة انهم يشاغلوا بنات الناس ويضحكوا عليهم في الأخر وبجد انت في معضلة ومشكلة لا تحسدي عليها اعملي صلاة استخارة ما بين تصارحي حبيبك دة ولا لاء لأني بصراحة انا مش لاقي ليها حل سواء تقوليلوا ولو كان عقلة ضيق ممكن مش يتقبل الموضوع او يكون صاحبة الندل دة كان يحكيلة حاجات كتيرة غلط وخاصة انة عارفة انسان مش كويس وكمان خايف اقولك متقوليش حاجة لية يبقي حرام وخداع لأنسان مالهوش اي ذنب في الحياة غير انة بيحبك وكمان ممكن تيجي من الاخ الندل التاني ويوقولة عنك كلام كتير مغلوط ومش كويس بس عايز اقولك على حاجة أخيرة من الصعب جداً أحداث التوازن في عالمنا ودنيتنا دي أنا كمان أخدت قلم في حياتي من أنسانة كنت معتقد أنها كل حاجة ليا في الحياة الأم والأخت والصديقة والحبيبة بس في الأخر طلعت ولا حاجة طلعت أكبر خائنة عرفتها في حياتي على العموم ربنا يكرمك ويوفقك ويسعدك انت بجد واضح أوي انك بنت محترمة وبنت ناس وندمانة على اللي حصل منك وأنا اسف جداً على الاطالة واتمني لو كلامي يفيدك أو يفيد أي بنت تاني تشوف الموضوع