يا جماعه أنا شاب عندى 23 سنه خاطب بنت بحبها آوى وبعد الخطوبة جاتلى عقده نفسيه من الخطوبة والحب والجواز ومن البنات كلها بسبب الحب الاول فى حياة الانسان حيث ان خطيبتى كانت بتحب واحد قبل كده لاكثر من سنتين ولم يكن لهما نصيب فى الارتباط ببعضهما وبعدما تقدمت لها ووافقت بدات اعانى من حبها الاول لانها لا تستطيع ان تنساه تمامآ على الرغم انى حاولت وعملت المستحيل انى انسيها لكن مفيش فايده__ وظهرت فى عيونها انسان كويس جدآ فى كل حياتى حتى وصفتنى بانى فتى احلامها وانى زوج مثالى لها ولكن لم تستطع ان تنساه _ويا ويلى لما تفتكره بتخنقنى وتضايقنى وتخلى ايامى سوده وبعدين ترجع تبقى كويسه ميه ميه حب ورومانسيه__
أنا كنت دايمآ بضحك على نفسى واقول انها هتنساه تمامآ مع مرور الايام والسنين لكن أنا قرات وسمعت كتير ان الحب الاول عمره ما بيتنسى فاتخنقت اكتر وكمان أنا جاتلى عقده نفسيه من الموضوع ده لانى اكتشفت انه مرض مزمن بيفضل مع الانسان طول عمره أنا قرات كتير من المشاكل هنا وعرفت ان الحب الاول بيضيع الانسان__ اللى بتكون مخطوبه بتخنق خطيبها بسبب الماضى وتبقى عايزه تسيبه ولو جاتلها فرصه ترجع لحبيبها بتسيب خطيبها وترجعله واللى بتتجوز ما بتكونش سعيده مع جوزها بسبب الحب الاول وابسط حاجه ممكن تعملها انها تبقى لسه بتفكر فى حبيبها وتخون جوزها وممكن ترجع من تانى تكلم حبيبها وتقابله وممكن توصل للوقوع فى الخطآ مع هذا الحبيب الاولانى وممكن كمان تكره جوزها وتطلب منه الطلاق لما تلاقى حبيبها رجعلها والاسخم واضل انها ممكن تتخيله معاها وهى وجوزها فى اللحظات الجنسية __ وطبعآ انتوا قرآتوا مشاكل كتير تتضمن معنى كلامى ده عشان كده أنا اتخنقت خلاص وواثق ان البنت او الولد عمره ما بينسى حبه الاولانى حتى خطيبتى قالتلى بنفسها قالت أنا مهما عملت عمرى ما هقدر انساه ميه فى الميه لازم هتحصل مواقف او اى حاجه تفكرنى بيه وعلى الرغم من ذلك هى بتحبنى ومش عايزه تسيبنى
مش عايز حد يقولى سيبها لانى ما اقدرش اسيبها لسببين السبب الاول انى بحبها اوى وارتباطى بيها كان حلم مستحيل وربنا حققهولى وانا لو سبتها هقع فى نفس المشكله اللى بتحصل لكل واحد او وحده بيسيب حبيبه يعنى عمرى ما هقدر احب غيرها زى ما بحبها وان خطبت او اتجوزت غيرها هظلم غيرها لانى مش هقدر اديلها كل حبى وهبقى بخونها وانا بفكر فى حبيبتى ومش هحس معاها بالمتعه والسعاده الكافيه
السبب الثانى انى خايف عليها اوى وحاسس ان اى حد تانى هيعذبها ومش هيخاف عليها ويسعدها قد مانا هسعدها وانا مقدرش اسيبها خصوصآ انها عايزانى واهلها متمسكين بيا ومش مشترطين عليا حاجه وان كان على ماضيها دى حاجه بتحصل لكثير من البنات فى الزمن ده وهى طيبه وغلبانه وكويسه فى كل حاجه بس نصيبها هو اللى خلاها كده
اعمل ايه أنا ادمنت قراءة المشاكل اللى من النوع ده وبتخنق من اللى بفهمه منها أنا محتار ودماغى هتموتنى من التفكير ياريت تفيدونى فى حل هذا الكابوس وتفيدوا غيرى ممن عنده نفس المشكله__ وجزاكم الله كل خير
شوف يااخي كل انسان له ماضي في الحياةحتى انت لك ماضي مايعلمه الاالله ودي لابدمن نسيانهاواحناولادالنهاردة واستحالةتلاقي بنت وتحبهاوتغرم بهابلاماضي مش قصدي توقع في الحرام مامعناه ان تكون مخطوبةلواحد تاني وماحصل نصيب اوانهاحبت زميلهااوابن الجيران وبرضواماحصل نصيب قصدي كدا وانت ماتبني حياتك عل الاوهام والتفكير في هذاتوكل عل الله وتزوج من اختاره قلبك واحسن الظن بالله وتفال بالخيرتجده امامك واياك من كثرةالظن والشك ان بعض الظن اثم ربي يهديك ويوفقك مع الزوجةالصالحة اللي تستاهلك
انا زيك بالظبط بس هى مبتحكيش قدامى لانى مش مديها فرصة خالص وهى كتومة فى نفسها ومبتحبش تحكى خالص عن اى حاجة حصلت ليها وكل ما اسلها صوتك متغير لية مفيش والحوارات بتاعت البنات بس هى قالتى من الاول انها كانت بتحبو حب كانها نفسها لانها كانت مخطوبة لية فطرة وبعدين محصلش نصيب انا كل ميحصل مشكلة ما بنا بحس انها بتفكر فية واصلا موضوع الحب الاول دة فعلا مبيتنسيش وانا هى لى اول حب ومع انها عارف ومتاكدة انى بحبها بس تقل بنات بقا الى الواحد مصبرة عليها
بص انا هقولك فكره حلوه جدا اهي منها هاتحبك اوى وتحس بقيمتك بص ياسيدى انا كنت بحب واحد جدا تمام وسبني ومحلصش نصيب طبعا انا اتقهرت جدا وحسيت بقيتمو لمه بعد مع اني لمه كنت معاه كنت ببهدلو تعرف ليه انا حسيت بعد بعضو لان الممنوع مرغوب وحط تحت كلمة الممنوع مرغوب دى ميت خط وبعديها قولت عمرى ماهحب تاني واعدت سنه وجه بعضها واحد ومكنتش بحبه وكنت بعملو وحش بس كنت نفس الشيء بتاع حبيبتك كنت متمسكه بيه عشان هو بيحبني ودايما اللي بيحب وبيتجرح بعض كدا بيمشي بمثل اخد اللي بيحبني ومش اللي بحبه المهم اللي كان بيحبني دا كنت واثقه فيه مليون فالميه انه عمره ماهايبعد عني عشان كدا كنت بعملو كدا وكنت دايما بفكره بحبيبي برضو وجه في مره زهق مني وسيبني قولت عادى هايرجعلي تاني مرجعش وبقيت اشوفو مع بنات بصراحه اخننت لدرجه اني حسيت ان دا الحب الاول والاخير وبرضو مرجعش بص انا مش هقول اعمل زيه في الوحش لاء لان دا انسان عيل وتافه بس عرف يلفني كويس المهم انا عايزاك تبعد عنها فتره وتحسسها انك خلاص مشيت بس ماتغيزهاش مع بنت انا عارفه انك اكبر من كدا المهم هيا في الفتره دى هاتحس بقيمتك اوى وهتموت فيك صدقني وهترجع احسن ميلون مره من الاول وبعدين هيا هاتعد مع نفسها وتقول دلوقتي مافيش جوز وواحد اهو بيحبني وهايضيع من ايدى يبقي انا هاندم ندمين مش ندم واحد فلازم ترجعلك وبكل اشتياق وحب وتقدر قيمتك لان فعلا اللي زيك يستاهل يتحب واحد يعرف عن خطيبتو كدا ومابتحبهوش ورغم كل دا بتحبها ومتمسك بيها بصراحه يابختها بيك ربنا يسعدكم ويبارلك يارب هاستني منك رد علي رايى
لو هي بتحبك زي ما انت بتقول وانت بتحبها ازاي تفكر انك تسبها وتتسببلها في جرح تاني وهي اكيد نسين ولو مش نسيت انت بحنيتك حتنسيها انا كنت بحب واحد بجنون لكن خطيبي نساني بحنيتة واهتمامة بيا وارجع واقولك سبها فترة بس مش طويلة وهي حتعرف قمتك لوحسيت انها زي الاول مش اتغيرت للاحسن في حالة دي اقولك صلي استخارة وشوف ربنا رايد اية
كل ما ذكرتَه سيجري معك إذا لم تسمع النصيحة، أنصحك: كن رجلا حازماً ورومانسيّا، كن حازما وانقطع عنها فترة طويلة واتركها تبحث عنك وتعرف أنك رجل تغار أكثر من غيرة الأسد، ثانيا: بعد هذه المرحلة كن رومانسيا جدا مع المحافظة على الحزم والرجولة، كرر هذا لمدة سنة أو ستة أشهر على الأقل ثم أرسل صديقتها أو أختك مثلا لتسألها عن حبها الأول وعنك، فإذا كان حبها الأول ما يزال في نفسها فعليك أن تختار أحد أمرين: إمَّا الاستمرار مع الرضا بكل ما ستراه مما ذكرت أنت بعضا منه في رسالتك وإما أن تتركها وتكون رجلا غيوراً يستحيل أن يرضى بالدياثة
أنا لا أعرف ماذا أقول لك أخي.
فأنت وضعت العقدة في المنشار..
ولكن يمكنني أن أصف لك شخصية خطيبتك
بأنها شخصية غاية في السذاجة مثل غالبية بناتنا
ولي تنويه،، ما هو سبب تركها لخطيبها الأول..
لو كان سببا في غير يدها ويده فمن الصعب أن تنساه خطيبتك
أما إن كان السبب راجعا إلى هذا الشاب بأنه تخلى عنها فإنها ستنساه بسهولة..
أنا لن أطلب منك تركها
ولكن حاول أن تكون أكثر عملية
فقل لها أنك تنزعج من ذكرها له أمامك
وقل لها أن تختار بينك وبينه
وقل لها أنك ستفكر في واحدة مثلها إن لم تقلع عن التفكير فيه
ونصيحة على جنب/// التدين يقضي على مثل هذه الأوهام جميعها
أنصحك بالقراءة للفقه والسيرة النبوية وزيادة معلوماتك الدينية وهي أيضا،، فإذا علمت أنها تخون الله بذكرها لخطيبها الأول أمامك فإنها لن تذكره مطلقا..
وفقك الله وأتم عليكما بخير..
على فكره هيا بتحبك اوى ومع العشره والزواج باذن الله هتنسى حتى اهلها معاك
والى هيا فيه ده فتره بس وهتعدى علشان انا كنت فى نفس المشكله وفى النهايه اكتشفت انى كنت غلطانه ورجعت لله ولنصيبى الى ربنا قسمو ليه واكتشفت ان لو الشخص الاولانى ده ليه ناصيب معايا كان من المستحيل نسيب بعض لاكن ربنا عايز كدا وانا خلاص رضيت بناصيبى وبعدين لازم اصون الى يصونى
السلام عليكم ورحمة الله
اخي الكريم هده التجربة عشتها نفس القصة مدة الخطوبة سنتين ونصف لحين بقى شهر على الجواز وايضا انا قلت لن اتجوز غيرها واتحملها وفي النهاية انتهت بقطعت خبز اكلت بالحرام من فم احد وتخرج من فمه بلعابه وتعطي لك في صحن هل تقدر تأكله وتتحمل ادا كنت تتحمل تبلعه هده القطعة وتتحمل عواقبها توكل على الله معاها أو سيب هده القطعة في الشمس لحين تتطهر من الفيروسات والجراثيم المخلفة من فمه وفي النهاية الله المستعان (أظفر بدات الدين تربت يداك) بس هنا انت ناوي ترتاح باقي عمرك تريد الاطمأنان وجوازك تريده بالبركة طبعاوتريد تفكر في تحسين وضعك وحياتك وتربيت اطفالك .
اخي الكريم اعدرني انقولك المفروض تحسن الاختيار من الاول او تتعلم من تجربتك هده وتعرف تختار الفتاة بمراقبتها من بعيد وتسأل عنها قبل ان تتقدم ليها ولا تعرفك .
بالنسبة لي خطيبتك انشاء الله ربي يهديها .
كيف عليها تجيب سيرة حب كان مدعوما من الشيطان في يوم طاهر فيه تسعي الي البركة والجواز لتحط شوائبها فيه ادا كانت تعرف شنو معني كلمة جواز
ثانيا كيف عليها ان تفكر فيه وهي الله سبحانه وتعالي رزقها بأبن حلال ساعيا سترها
ثالثا كيف عليها تستغلك و تستفزك بي شخص كانت علاقتها بيه محرمة والله اعلم كيف تامادي في الدي لايمنع مانع منه بأي حجة منها لها الحق فيها لتشتريك بي هدا الاستفزاز هده جريمة.
يأخي انت اتعبت نفسك وشقيت لي تبني عشك لترتاح وتستر بنت الناس ومزال يتتعب عشان تحسن من وضعك وحالك ومزال بتتعب عشان ابنائك وفي الاخر مزال بتراعي حبيبها لي كانت بتحبه احيه او تتغاضي عن ألمك معاها والغيرة عشان ترضيها يعني ايه اين قيمتك وزئد هدا لوحده مشقة وتعب واهتمام مش في محله ويباخد وقت عشان تراعي شعورها بسبب شئ باطل يعني هده الفتاة مش هامها مستقبلها ولا مؤهلة له ومش ناوية احد احسن منه فانها كارهة لي نفسهاويائسة والله المستعان الله اعلم انها مشركة بيه في مبالغة حبها ليه انت بالنسبة ليها ضمانه فقط ضمنتها عشان نفسها ماتقعدش عانس بس يعني انت زائد ناقص صدقني حتي ولو كنت حالتك قوية ولا قوة الا بالله فأنك تحرث معاها في مكان مملوء بالماء والطين لن ينفع الحرث فيه لازم تراجي هده الارض وتجف وتتأكد شنو كان مزروع فيها وتوكل على الجواد الكريم فأنك اخي مظلوم فا من الاساس الموقف واضح حسب قصتك يعني تتأكد من توبتها الي الله انسئ حبها ليك فان قلبها مسروق بالباطل اوعي فأنه مشقة ليك لتعيد حبها وقلبها سنوات وسنوات لحين تصبح عجوز والنتيجة استعدت القليل من قلبها ليك منه واعلم هي معاك في هده المدة كلها تتصنع فقط وبتكذب على نفسها .
لو بتجئ لقوة الشخصية ياعمي فشخصيتك بكرامتك وراحتك النفسية واهتمامك بالواقع والتوازن في مسالك بالمنطق الصحيح واصرارك في الحق وليس قوة الشخصية معناها انك تأتي بالمتاعب لي نفسك وترضئ به أين عقلك الدي بنيت به شخصيتك لثثق فيها جريمة ياخي لو احد وصفك بعدم الثقة بالنفس ليدخلك للمتاعب صدقني هنا ستصبح فعلا ماعندك شخصية فكر بعقلك يارجل وليس بعواطفك ليستغلها البؤساء واليأسين لي حياتهم لينصرو الباطل بسبب حبهم ليه اثق الله فيها.
اصبر على توبتها قبل الجواز وتأكد منها اوعي تخليها تتصنع بتوبتها قدامك
واجمع بينك وبينها الله ورسوله وليس كلمة الحب فالحب ظلمها وهي لا تريده مرة اخره واجله بعد الجواز فأقنعها بأنها قلبها حرمة من حرمات الله فليس لدي الحق فيه الا بعد الجواز والله الاحق في ان تحب وقل في نفسك ادا كان حرمة من حرمات الله بما اني خطيبها فما بالك علي انه كانت محرومة عليه انه بتحبوه وكان اساسه باطل اخي لايدلنك بالباطل احدر فان الجواز عمر وبناء اجيال واستقرار وليس الصبر لي هموم ماضئ التي تشاركك حياتك وخاصتا كانت بعلاقة حب باطلة مهما كانت صدقهاهده العلاقة ونقائها فهي باطلة لاحجة فيها لي تعطي لها الفضيلة مادنبك مادنبك مادنبك لتفكر كيف تنسيها فيه فانك انت محتاج لحب صادق لي تزيد ثقتك في نفسك عند الجواز ومحتاج لقلب يرعاك بصدق لي تبادله بصدق مش يراعي غيرك او ينافق فيك يعني نصفه في مكان والنصف الاخر في مكان ليخفف علي نفسه الدنب بالمقابل تحت شعار لن انساه لانه كان عند المجرمين حب صادق وخرافيات الجهل لدرجة انها تفكر انها خانت هدا الحب الدي يسمي صادق وفي الحقيقة هي خانت عهود واغراءات الشيطان وزرعه لضحاياه ليصبحو جنوده ليقتل بيها ويخرب بيوت البشر ولللاسف المراءة العربية هي اول ضحياه واول جنوده وفي الصدارة بسبب جهلها عند استعمال عواطفها .على قول المثل فاقد الشئ لايعطيه .
اخي ادا كان واجبك ستر بنت الناس وتراعيها وتبني لها عشهاوتتحمل عشان دفئها وتهتم بيها فهي ايضا عليها واجب عليك تؤهل نفسها للجواز .
فهدا هو الانطلاق الي الجواز الحب الاول ولاخير الصادق وبشرع الله ورضائه .
الله يعينك
العلاقة الباطلة حتي بصدقها وحبها النقئ لو فيها الخير وتستهل حب والتفكير فيها وفي المعشوق ماكان يتعب ويخرب بيتها و مستقبلهاويجرح قلب نصيبها الدي رزقه الله لها والدي مكتوب من حين ولادتها فلانه لي فلان وفلان ولي فلانة, هده العلاقة الغير شرعية التي خارج رحمت الله وهم يجلب لها الفقر والامراض واحيانا يؤدئ الي الطلاق والضحية اطفال ابرياء محرمون من حنان الاب والام مجتمعين مع بعضهم ماقباحت هدا الشئ وما الفرق بينه وبين الجرائم .
فبادر اخي في الاصلاح الخطيبة والصبر لله وليس عشان حبك ليها وانس حبك ليها فحب خالقك هو اولا منها او فكر بتمعن وبمنطق وبعقل معاها وليس بالعواطف وسيب امرك لله فهو مقلب القلوب وفكر في قوة يمانك بالله .
ازاى قادر تعرف انها بتفكر فى واحد تانى وساكت لازم تعمل حاجة تخليها تعرف قيمتك وانت تتاكد اذا كانت بتحبك ولا لا وبعدين انت عرفت منين انها لسة بتفكر فيه هى اللى قالتلك ولا انت حاسس
بسم لله
لابد ان تعرف شى وهو ان اصبعك ليست زى بعض ربنا يرزقك بالزوجه الصالحه خير متاع الدنيا الزوجه الصالحه
انا ست واعرف ان الست تحب الرجل القوى مش الضعيف احنا الستات نحب الراجل صاحب الكلمه والشخصيه واللى يحبنا قوى ذياده يعنى بنتمرع عليه وبنقوى عليه كل الستات كده حتى لو كان ليهم جناحين بس للاسف فيه رجال مش فاهمه كده خالص وبيعتبروا اننا ملايكه احنا طبعا ملايكه بس مع الرجل القوى اللى يحبنا بس ما يندلقش علينا يسمعنا كلام حلو كثير بس برده بالمعقول لو غلطنا يزعل ويوجهنا كل الستات كده بس مين يفهم اكيد خطيبتك كان حبها الاول مبهدلها ومطلع عينيها والدليل على كده انه لم يتزوجها بعد حبها ده كله وللاسف انت ضعيف الشخصيه عاوز ترضيها وبس والدليل على ضعفك انها بتذكر امامك حبيبها الاول ومش خايفه على مشاعرك خالص وهى كمان بتحاول تغيرك هى نفسها تقولها انا احسن منه اذاى تقارنى بين واحد ذيه وواحد ذيى على الاقل انا قدرتك وخطبتك لكن هو سابك لغيره بسهوله بس انا نفسى تجرب نصيحتى الاولى ولما تذكرة امامك اعمل نفسك مش مهتم ولا غيران بل بالعكس انت كمان غيرها عليك وقول لها انا كمان كنت بحب واحده ولكن ظروفى منعتنى انى اجوزها ودايما باتذكرها لكن خطبتك علشان انساها صدقنى حتموت فيك وهى اللى حتعى لرضاك
شوف اخى خد كلامى بمحمل الجد حتى تظفر بالثقه بنفسك اولا البنت لا تحب الراجل ضعيف الشخصيه وانت ىضعيف الشخصيه جدا امام حبيبتك لدرجه انك بتهدر كرامتك والى فهمتو من حبها الاول ان حبيبها كان قوي الشخصيه غيرك وفيه مميزات كتير اقوى منك مما جعلها ترتبط ذهنيا بيه مع انو تركها انا مش هقولك ابعد عنها لاكن هقولك ابنى لنفسك شخصيه تقدر تتعامل بيها مع حبيبتك لو اتجوزتو تخيل انها بتجيب سيره حبيبها كل مره قدامك ولا تبالى بمشاعرك لو انت بتحبها بجد خليها تفكر فيك مش انت الى تفكر فيها وخدها نصيحه قويه جدا جدا جدا انت لو حسست البنت انك بتحبها وتعشقها وتموت فيها جعلت الحب ده سلاح تتعامل بيه كيف ما تحب لاكن الصح انك تخليها تحبك لو قدرت تخليها تحبك ومتشوفش غيرك اعرف انك هتعيش اسعد مخلوق بالكون اما لو انت الى بتحبها ومستعد اتضحى باى شي حتى لو بالكرامه من اجلها اعرف انها هتكون اسود ايام حياتك لانو حاليا بتذكر خطيها دايما وقدامك تخيل بعد الزواج هتعمل ايه الله اعلم مهما ذكرت من صفات لحبيبتك انها طيبه ومحترمه ومتربيه فده منيغفرش لها انها تتعلق بسراب وابتدى بنصيحتى اولا *** ابتدى حياه جديه من النهارده واتقابل انت وخطيبتك والول متذكر الحب الماضى اترك المكان فورا وخليها هيه بقى الى تسئل عنك لانو وقتها هتحس بالفراغ واول الفراغ ده ضياع حبيبها الاول والتانى انت وقتها هتفكر الف مره انها متخسركش والله لو ندمت واتاسفت اسف حااااااااااااااااااار وعاهدتك انها متجيبش سيرتو تانى يبقى اتوكل على الله وارجع بس بحذر لو عاملتك عادى والامر ميهمهاش سواء زعلت او مزعلت اعرف انك هتكون فريسه لاهواء حبيبتك فى المستقبل وشكرا
شكرآ للاخوه اللى ردوا عليا
واحب اقول للاستاذ فاعل خير
ان انا يعتبر عملت كل اللى انت قلته ده واكتر شويه وزى ماانا قلت فى مشكلتى انها وصفتنى ان انا فتى احلامها وزوج مثالى وكمان هى قالتلى ان انا بالنسبالها حلم جميل ربنا حققهولها لكن على الرغم من ذلك هى قالتهالى صريحه انا عمرى ما هنساه ميه فى الميه
hالسلام عليك اخى الكريم نا خطبت اكتر من 15 مرة وذالك بسبب الحب الاولانى كنت كل اما اخطب واحدة مقدرش اكمل معاه واظلمها معاية كلهم كويسين بس العيب منى انا وكل دة عشان كنت بحب خطيبتى الاولى ولكن عندما جلست مع احد المثقفين والمقربين منى قال لى اتقى الله فى كل واحدة وتقرب الا الله وفعلا ربنا رزقنا بزوجة صالحة وولدين واعيش والحمد لله مرتاح البال واحب زوجتى حبا كثيرا فلا تدع الحب الاول يقضى على مستقبلك اسال مجرب ولاتسال طبيب وعيش حياتك الحياة مش هتقف عند خطبتك الاولى وتلاقيها والله بتفكر فى اى جوازة والسلامعيش حياتك بقى الحياة جميلة والجواز اجمل والحب الحقيقى بعد الزواج عندما تحترمك زوجتك وعندماتربى اولادك تربية صالحة وعدما تقضى لك كل متطلباتك
ممكن نتكلم بهدوء شوية
صلى على النبي
انا مش ممكن ابدا هقولك كل اللي انت بتقوله غلط واتجاهل كل حاجة وعيش حياتك مع حب عمرك لالا لا
انا هقولك على الحل السحري والامثل وحصل مع صاحبي زمان والحمد لله على النتيجة الهايلة ،،،،
1- اوعى ابدا تتنازل عن حبك حب عمرك واهتم بيه وكل يوم اسقية علشان يدنوا دايما اخضر
2- تعامل مع الواقع اللي بقول ايه ( حب خطبتك القديم بقى ماضي وانتهى ، وفي نفس الوقت انت خاطب واحده هي حب عمرك وحلمك )
3- ركز كويس جدا جدا جدا ( اوعى ابدا تسمح لنفسك تعيش لحظة زعل او قلق او تعب لما تيجي سيرته او يمر قدامك او يمر قدامها وركز واتعود من دلوقتي على كده وفي البداية هتكون صعبة لكن مع الوقت هتدعيلي )
4- خلي كيانك عالي جدا مع حب عمرك واتعب قوي واصبر قوي وقوي علاقتك بربنا وصلي ودايما خليك افضل واحسن واكبر وامثل حد قدام حب عمرك
5- خليك مركز في عملك واثبتلها انك بإذن الله قادر بهمتك وبقدرتك وصبرك وكفاحك انك في يوم تقدر تمسك نجوم السما وتحقق لها كل اللي تحلم بيها
6- خليها دايما متحيره من امرك ومن خلقك ومن ادبك ومن حبك
7- عارف بقولك كل ده ليه لانك بتعمل لنفسك اصل انت خاطب حب عمرك
8- اوعى ابدا تتنازل عن انك تكون انسان انسان بجد مش عارف غير انه يكون انسان
9- ولما توصل كده وتنفذ كلامي ادعيلي من قلبك اصل والله العظيم هتكون حبها وهتندم خطبتك دي لو فاتت لحظة مفكرتش فيك
10- وخد مني بيت شعر ( اتعب شوية واصبر قوي ،،، دي هي حلمك وحبك قوي
( خليك كبير واكبر قوي ،،، ركز في حلمك دا الحب قوي
( قرب لربك واعبدله قوي ،،، دا هلو سندك دا هو القوي
( واوعى تتنازل عن حلم عمرك ،،، دا حبك الاول وفي قلبك قوي )
ولا تنساني من دعاءك
أعمل زي أنا واقلع عن الجواز رغم انة مش حل بس انا مقتنع بية جداً علشان اريح دماغي
تقبل تحياتي بدون اي ضيق أو ضجر
انا حقولك الحل ويا ريت تجربه لما خطيبتك تذكر امامك حبها الاول باى شكل من الاشكال حاول تظهر امامها انك مش مهتم خالص حتلقيها حتذيد كلام عنه فى الاول علشان تغير عليها اعمل نفسك ولا هنا صدقنى مرة على مرة مش حتجيبلك سيرته خالص الموضوع كله ان حبيبتك لاحظت عليك الغيرة لما بتكلمك عن حبها الاول ولاحظت انك بتهتم بيها اكثر وبتتعلق بيها اكثر وبتحاول تبذل جهدك علشان تنسيها وهى استحلت اللعبه دى وحسيت ان هذا المفتاح اللى خيليك تتمنى ليها الرضا دايما احسن تفكر فى حبيبها على فكرة انت طيب قوى وبنات اليومين دول مش سهلين ذى ما انت فاكر ماشى خطيبتك طيبه وغلبانا لكن ان كيدهن عظيم جرب نصيحتى مش حتخسر حاجه واتاكد ان خطيبتك بتحبك ومابتفكرش خالص فى غيرك صدقنى الستات يفهموا بعض ده شغل ستات ميعرفهوش الرجاله خصوصا الطيبين منهم
حاولمعاها تاني وشوف ايه الي بتحبة واعملهولها ….ولومنفعش سيبها كفترة اختبار ليها علشان في الفترة دي تحس بيك وتفهم فعلا انها ملهاش غيرك……. وربنا يوفقك
اصبر عليها شويه مادام بتحبها كده وهيه كويسه خليك جمبها بس لوشايف انها ممكن فى يوم تضعف وترجعله حتى لومتجوزين يبقى تسيبها دلوقت احسن عشان متتعبش بعدين اكتر بعد ماتكون مراتك وشريكة حياتك