انا كنت بحب شخص وهو المفروض انه بيحبني لكن اكتشفت بعد فتره ان انا بالنسب اله مكنتش اكتر من حاجه بيسلي بيها وقته وعرفت كمان انه كان علي علاقه ببنت تانيه ولما وجهته سبني بمنتهي الوقاحه وقالها انا معرفهاش غير اكتر من شهر ونصف وهي كانت نزوه مش اكتر واخترها هي بس هي رفضت ترجعله
فات 8 شهور بس اتعرفت علي شخص تاني بس هو صحبه قالي انه عايز يرتبط بيا انا حاسه اني بحبه بس في نفس الوقت بفكر في الاولاني كتيراوووووي وكتير بساله عليه انا بشوف الشخص الاولاني ده كتير
قولولي ايه الحل بليزززززززز
لا الاولاني ينفع ولا التاني ينفع الاولاني ده ميستهلش والتاني ده مش معقول واحد عارف اللي كان بينك وبين صاحبه ويجي يقولك بيحبك وتصدقي وحتي لو كان التاني حبك بجد بس بردو ضعيف وهتكتشفي بعدين انه مينفعش انسي الاتنين ومفيش حاجة اسمها مستحيل وربنا هيعوضك
ياتوتا ياحبيبتي لا تكلميه لا بهزار ولا بجد انت كده فعلا بتضحكي علي نفسك وانا بقولك كده لاني عملت زيك كتير وكانت حركات وكلام بقوله لكن ال في القلب في القلب وفي الاخر برده هتتجرحي من نفس الشخص وبكذا طريقه وترجع تاني وتالت بحجة انه كلام وبس وانه مش فارق معاكي لأ انتي غلط وبجد علشان عهلي الاقل تكسبي نفسك ابعدي عنه تماما انتي عارفه اصعب حاجه علي الشخص ال بيلعب عليكي لما يحس بجد انك فعلا هتقدري تبعد وابعدي بجد ولا كلام بهزار ولا بجد ولا رسايل ولا تليفونات ولا اي حاجه وهو لو حبك اصلا هيرجعلك من نفسه لو العكس واكيد طبعا هو مش بيحبك بس انا بقولك كده علشان لما تتعاملي مع شخص تاني تعرفي تعامليه ازاي ولو مارجعش انتي الكسبانه علي الاقل هتكسبي نفسك واكيد ربنا هيرزقك بال احسن منه وال يقدرك ويحترمك اكتر مابيحبك مش كل حاجه الحب وياما هتقابلي في حياتك الدنيا فعلا مش بتقف عند حد معين وربنا يوفقك………
ياريت تسيبى الاتنين عشان متخرجيش من حاجة تدخلى فى حاجة اصعب ادى لنفسك فرصة ترتاحى وكل حاجة هتيجى فى ميعدها ربنا معاكى
ياهبله الشاب من دوله بيختبر البنت لو كلمتيه ولغتيه وكلام وخروج يبقه عمره ماحبك ولا هايرتبط بيكي لاني الشاب بياخد البنت اللي ماعندهاش تجارب يازكيه خالي بالك من نفسك وعززي نفسك علي شان لما يرتبط فيكي تبقي غاليه في عينه مش رخيصه ده نصيحه
انا بتكلم معاه ساعات علي الميل وبهظر عادي خالص ولا اكن في حاجه حصلت بس ده مش عشان ارجعله ولا حاجه لاخالص ولا اصلا بحبه زي الاول
لكن بعمل كده عشان ابينله انك مأثرتش فيا عادي واني مش فكراه اصلا عشان كده بتعمد اني اتكلم معاه بطريقه عاديه واهظر في كلامي
هل كده الي بعملفه صح ولا ايه؟
الحل انك ماتفضليش تضحكي علي نفسك انا عارفه ان طبيعتي وقلبنا بيروح لل بيجرحنا دايما لكن ده ياحبيبتي مايستاهلش حاجه ولا السؤال عليه ولا انك تفتكريه اصلا وحاولي عيشي حياتك مع شخص يحترمك ويحبك بجد وشيله من دماغك وانت متهيألك انك مش هتقدري تنسيه وبعدين احنا كبنات المفروض بعقلنا ننسي ال بيجرحنا في اقل من لحظه ومانفكرش فيه تاني علشان كده اقدر اقولك ان احنا ال بنجيب لنفسنا وجع القلب عارف العيب فين والوحش مين وبرده بنروحله وبندور عليا لكن انا انصحك تبدأى تفكري بعقلك اولا وبعدين قلبك ثانيا ووالله هتحبي تاني وهتنسيه بس يكون حب بجد مش تجارب وتسليه وربنا يوجهك للطريق السليم …………..
يا اختى انا مش كم عمرك بالظبط بس انتى اهتمى بنفسك شوية مش تحبى واحد النهاردة وبعدين تحبى واحد تانى بعد شوية انت كدة ماشية غلط وبعدين التانى دة لو عاوز يرتبط بيكى وصادق معاكى وانتى شيفاها الراجل المناسب ليكى يبقا اتوكلى على الله وسيبك من الاولانى دة خالص اللى اهانك وجرحك ولا ترخصى نفسك ابدا وربنا يوفقك