السلام عليكم ورحمة الله وبركاته
طول الوقت مكنتش احب اكتب مشاكلى او اخليها علنا كدة .. بس لاقيت نفسى بضيع .. انا بحب واحد اووى ادى فى السن .. كان معايا من الحضانة لحد ما دخلنا الكلية وبقينا فى سنة تانية كمان .. زى ما تقولوا فتحت عينى لاقيته ومشوفتش غيره
هو بيحبنى جدا جدا .. وكل افعاله بتدل ع حبه ده .. وانا كمان بحبه جدا .. طلبنى من والدتى .. بس والدتى رفضت لأنه مش جاهز .. وقالتله انه ادامه مهلة سنتين يجهز نفسه ويتقدملى
السنتين دول المفروض يشتغل فيهم ويحوش بجانب دراسته بكلية علوم
بيحاول ومش عارف .. وانا عاذراه … هو يتيم وحالتهم المادية بسيطة جدا
وماما بتضغط عليه جامد .. وبفضل اقولها واقنعها انه بيحبنى بس الظروف غصب عننا لكن هى رافضة خالص
بإمكانه يجيب شقة ايجار جديد .. بس ماما رافضة المبدأ ده جدا ..وده اللى معقد الموضوع اكتر
واخويا الكبير وبابا .. مبيقدروش يزعلوها .. من كتر خنقته وخنقتى بقينا نعمل كل حاجة ممكن تتخيلوها
مسك ايدين .. وكلام حب .. وحاجات كتير غلط .. غلط اوى كمان .. وحرام .. واحنا عارفين انها حرام .. بس مبنقدرش نتحكم فى اللى جوانا .. لأنه كان عاوزنى بالحلال وماما هى اللى موقفة الجوازة
ودلوقتى انا مبقتش عارفة اعمل ايه
انا لسة محافظة ع نفسى ولسة بنت
بس بجد هو ادامى بينهار يوم بعد يوم .. وانا بنهار معاه
ومش عاوزة اعمل حاجة غلط اكتر من اللى اتعمل
قولولى اعمل ايه بجد
السلام عليكم
أنا أقف وقفة تقدير كبيرة لك, لأنك لسه مقدرة حبك للشخص الذي أحببتيه من زمان, وبصراحة ده شيء صار قليل جدا ونادر. واللي خلاني أقدرك إنك مصممة على هذا الحب رغم معارضة الوالدة التي تفكر بشكل مادي محض, لا يمكنه بناء أسرة سعيدة مهما كانت الظروف.
أنا حبيت وحدة, وكنت لسه طالب بالجامعة, وكنت اظن غنها بتحبني, لكن أفكار والدها المادية جعلتها تتزوج فجأة بدون حتى أن تخبرني بذلك, لأنني كنت على الحديدة. (أنا كشخص).
بكن ربنا كبير جدا, أنا لقيت والدتها لكي أستفسز ولكنها بطريقة غير مباشرة أهانتني لفقري. ولم تقدر أي شيء من تعليمي ولا حتى ثقافتي ولا حتى إرادتي أني كنت ناوي أسعد بنتها آخر سعادة.
ولكن الله يفعل ما يشاء. وأنا إنسان مؤمن بالله, طيلة 8 سنوات قضيناها مع بعض, لم ألمس منها ظفر واحد. والحمد لله. الشيطان حاول يندمني إني معملتش لها أي حاجة, لكن الله لطف بي, وسخر لي ما لم اكن اتوقع. بصدفة التقبت شخص أجنبي (كندا) في قريتنا التي لا يحسن اغلب سكانها اللغة الإنجليزية, ونادالي أحد الجيران حتى اتخاطب معهم. وبعد هذه القصة, سافرت كندا, وعملت شركة, واليوم الحمد لله, صرت ملياردير تقريبا, وعمري لا يتجاوز 30 سنة (شركة تركيب كمبيوترات).
تصدقوا إن البنت اللي كنت بحبها وتزوجت علشان المادة, زوجها تم القبض عليه بسبب تجارة مخدرات. وهو في السجن منذ حوالي 2 سنة.
الحب الصادق والخالص هو سر الإنسانية والوجود. حافظي عليه بنزاهة
اختى الكريمه امك عندها حق لان الحب يختلف بعد الجواز
ارحمى نفسك وارجعى لربك وتوبى قبل فوات الاوان اصحابك ماتو فى سن الزهور وبردو مصممه على المعصيه ارجعى لحضن امك وسيبك من انسان كل همه حضنك لانه لو بيحبك عمره ما يفكر يمسك الا بالحلال
ربنا يهدينا واياكى
كل ام او اب بيكونو عوزين غريس متريش عشان يعرف يسعد بنتهم وبينسو الحب الى بيتبنى عليه كل حاجه بيفكرو فى الفلوس الى بتهدم السعاده؟ اصبرو وحولى انك تفضلى بنت
اختى الغاليه مشكلتك محلوله ومحلوله بكل الصور كمان مامتك عايزه الشخص ده ورايداه جدا وعارفه ومتاكده انو مفيش بديل عنو لانها كمان بتحترمو وبتقدملو هدايا بس تعرفى فين المشكله انو امامتك خايفه عليكى انتى من كتر كلامك عن الحبيب خايفه متكمليش الكليه ودى امنيه مامتك انك تاخدى الكليه لانهااكيد بتتمناكى باحسن مستوى وتكملى كليتك الشي الثانى انها عايزه تضمنلك مستقبل كويس مع انسان يعرف قيمتك كل الحكايه انها بس بتحثو على انو يجتهد فى تاسيس منزل يعرف يعيشك فيه بمستوى يليق بيكى كبنت جامعيه وعلى فكره مامتك موافقه ومش معترضه نهائيا وبكره اثبتلك صحه كلامى مامتك كبقيه الامهات الى نفسها تحقق كل امنيات ابنائها بس بحرص زايد عن اللزوم ثقى تماما بوالدتك وانتى قلتى انها تحبو جدا وبتحترمو جدا وكمان بتقدملو هدايا يبقى انتى بنفسك لازم تقرى افكار مامتك انها عايزه الشخص الى انتى تحبيه ده بس بتحثو دايما على انو يقدملك الحب ده بصوره بتليق ببنتها الى بتحبها اوى واكيد بتعزك اوى اوى اوى ومعتدتيش تعملى الغلط بحجه انو مامتك بترفض لا مامتك موافقه بس قبل موافقتها هيه نفسها تشوفك عروسه وانتى متخرجه من الجامعه ومبتبقيش ضحيه للحب الى بنسمع عنو كل يوم وشكرا
معلش أنا بجد متعاطف أوي مع مشكلتك بس أنا من وجهة نظري الشخصية والمتواضعة جدا وسبق وقولت الموضوع دة هنا كتير أن الحب الحقيقي واللي بجد ماينفعش ابدا انة يحصل معاة زي ما انت قولتي يعني لما الواحد يحب بجد مينفعش ابدا انة يعمل علاقة فيها جنس او اي حاجة غلط قبل ما يتجوزوا هو دة وجهة نظري وياريت متزعليش من رأي كل واحد بيحب وبيشوف الحب بمنظورة هو وبوجهة نظرة الخاصة أنا لما بحب بنت بجد حتى كلمة بحبك مش باقولها ولا حتى بمسك ايدها مش ابوسها وانام معاها متهيقلي ومن وجهة نظري ان دة مش حب الحب بينقينا ويطهرنا وينزهنا عن اي ذنب او اي حاجة غلط تقبلي تحياتي بدون اي ضيق أو ضجر أخيكي في الله
يا بنت الاجاويد الاشياء الحلوة لن تتوقف عند رحيل هذا الشخص ولن تتوقف الاشياء المحزنه عند بقاءه لكن دامه يسوي الغلط معاكي فلا ترتبطي بيه لان الثقه ستنعدم بينكم وسينفلب البيت إلا جحيم فأنتي لن تثقي فيه لانه غلط معاكي قبل الزواج وهو لن يق فيكي لانك غلطي معاه قبل الزواج توبي إلى الله واتركيه فغيرة الكثير الكثير
السلام عليكم ورحمة الله وبركاته
انا متشكرة اوى بجد لدعواتكوا ولكلامكوا
وانا عارفة ان الغلط مالوش مبرر
وانه مينفعش يتعمل
بس والله كان بيتعمل غصب عنى وعنه . انا مببررش ليا وله الغلط
هو يمكن اللى تاعبنى بجد .. انى فقدت اكتر ناس انا بحبهم فى حياتى .. صحبتى الانتيم توفت وانا فى 2 اعدادى
وصحبتى التانية توفت وانا فى 2 ثانوى
وجدتى توفت السنة اللى فاتت
يعنى كل اللى كنت بحبهم وعايشة معاهم ماتوا
فمش عاوزة اللى بحبه ده كمان يروح منى
ومجرد التفكير اننا ممكن نبعد عن بعض بيخلينى احس انى بموت
وهو كما من وقت ما والده توفى وهو حاسس انى كل حاجة حلوة بتعوضه عن اللى شافه
بجد عاوزاكوا كلكوا تدعولى .. وتفكروا معايا
لأننا تعبنا اوى من كتر الحلول اللى بنحاول نقدمها لماما وهى رافضة .. رغم ان تعاملها مع الإنسان اللى بحبه حلو اوووى .. واوقات كتير بتكلمه تطمن عليه وتجيبله هدايا .. بس معرفش ليه رافضة الجواز
بجد ادعولى لأنى تعبت جدا
اعلمى ياحبيبتى مع انى زعلانة منك جدا على سوء تصرفاتك ان كل شىء بقدر الله ولو ليكى نصيب فى هذا الزواج ربنا هيسبب الاسباب ويسهل الامور بس اهم حاجة تتقى الله فى كل تصرفاتك وتندمى على تصرفاتك عايزة ربنايحقق لك امالك ارجعى اليه واستغفريه كثيراواهم حاجة رضاوالديكى
صى انا مقدرش اقولك غير انك لازم تقنعى والدتك وربنا يوفقك ويهديها ليكى
حبيبتي خافي علي نفسك ماشي اجلسي مع امك واقنعيها بالراحه وشوفي اهلك امك او خالك ويقنعموها وبالراحه وشوفه حد كبير وهو ربي يكرمه ويكرمه وسعده بعضيكم بس اتمني منك انك تحفظي علي نفسك
لسة محافظة على نفسك كبنت وكان البنت مسموح لها تعمل كل حاجة مع اللى بتحبة الا البكارة بتاعتها لازم تحافظ عليها محافظة على عذريتك ولكنك مش محافظة على نفسك ودة غلط وحرام ولا يجوز ان البنت تفرط حتى فى ظفرها اللى بتطيره من اصبعها وبعدين فتحتى عينك لقتية دة كلام فارغ يعنى من الحضانة وانتى عارفة الحب كلام مش مقنع الحسنة الوحيدة انه اتقدم لكى ومامتك رفضته عارفة مامتك رفضته ليه عشان انتى غالية عندها ومعتزية بيكى عارفة انك انتى ممكن تخليها توافق على اى واحدة وترميكى كدة عشان انتى هتكونى فرطى فى نفسك ومش غالية زى ما كنتى الاتخافين على اخوكى الكبير ولا ابوكى الستى انتى شرفهم اللى ممكن يقتلوا عشان يحافظوا عليه لا تداوى الغلط بالغلط لا تعملى حاجة غلط مع الانسان دة وحافظى على نفسك كى تكونى غالية الى ان يعطوكى اهلك للى يستحقك وربنا يوفقك
ياحبيبتي مااعرف كيف احل مشكلتك بالضبط لانها معصلكه بس الي اقولو انك تكلمي ماما وتصارحيها بانك عاوزاه على حالو وانتي الي حتتحملي العواقب بس لازم تعرفي شي واتذكري كلامي الحب مو اهم شي بالزواج لازم يكول جاهز حتى ماتتعبي معاه انتي الان بتفكري بس بالحب بس بعد الزواج ياتي الجد وماما تفكر كده لانها كبيره وفاهمه المهم انتبي لا تغضبي الله لان ربنا مش حيبارك بزواجك واوعي تغلطي معاه وفكري بربنا الي شايفك وبشرفك كبنت مهما ايحبك حيحتقرك استري على نفسك والخوف من الله مفتاح النجاه في كتير بيحبو بعض اسنين محدا لمس الثاني اتقي الله في نفسك واهلك ارضيهم الحب يتعوض بس الام ماتتعوض
بس الله والحمدلله والصلاة والسلام على رسول الله ….أجمل شء فى الوجود هو الحب والأجمل أن نجد بجانبنا من نحب ونتمنى فى هذه الحياة ..نضحى من اجله ويضحى من اجلنا …ولكن… الحب ليس مرسى للأخطاء حتى تتعلق عليه هموم الأخرين وهذا ماأود قوله وهو الخطأ الذى حدث بينكم وهذا الذى لايسمح به الحب أو الشرع والدين وتذكرى الـــدين جيدآ .. ثم انكم صغارالسن وأمامكم الوقت الذى يسمح بتكوين أنفسكم حتى تسطتيعوا أن تحظو بـحياة كريمة مثل الأخرين ونصيحه من أخ كبير لإخوته لا تكررواهذه الأخطاء مرة أخرى ولا تتمادو فيهالإنها من الفواحش التى نهانا الله عنها وانتظروا السنتين عسى ان يفرجهاويفتحها عليكم ربنا وعلى شباب المسلــمين
اتجوزيه على سنه الله ورسوله وسيبيك من امك
السلام عليكم
كلامك اثر فى اوى وبالذات لما قلتى انكوا عملتوا حاجات غلط المفروض المفروض يعنى ما كنتوش عملتوا حاجة غلط انما اللى عملتيه مش صح خالص وارجوكى ما تعمليش حاجة غلط اكتر من كده انا زى اخوكى والله انا خايف عليكى انتى ما تعرفيش الايام مخبية ايه ولو ربنا كاتبلك انك تتجوزيه هتتجوزيه غصب عن اى حد ……………
وموضوعك ده متعقد اوى و خصوصا انه فى كليه يعنى هيذاكر ولا هيشتغل فحاولى تقنعى امك لانها هى اللى فى ايديها الحل
مبدئيا هو اكيد عارف انك بتعملى كده من نابع حبك وواثق فيكى لانك من يوم مكنتو صغيريين مع بعض يعنى ادام عينو من وانتى طفله بس ارجوكى متوصليش الغلط ثانيه سامحينى والدتك مش هى اللى هتعيش وهى مش هتعشلك العمر كله لما تخسرى حب عمرك وتلاقى نفسك لوحدك ومعاكى راجل مبتحبيهوش انتو فضلكو سنتين استحملوهم لحد متشتغلو وتقفو على رجليكو وكمان هو فى كليه محترمه وليها مسقبل قوى وهو بجد انسان رائع انو قدر يواصل لوحدو ويوصل لكده وانا بجد بهنيكو على اختياركو لبعض وبجد لو صبرتو ربنا هيكافئكو صبركم واحتمالكم لبعض وبكره هتفتكرى كلامى
اختي الكريمة،، في البداية انا هعلق على اخر حاجة قلتيها وارجع اكلمك عن الموضوع…
موضوع انك تعملي حاجة حرام وغلط زي ما قلتي دي مش هتحل الموضوع العكس بتزيده سوء،، ده بدل ماتدعي ربنا انه يجمعكوا على خير..
بالنسبة للموضوع بتاعك وطبعا من وجهة نظري المتواضعة،،
لازم حد من اهلك يقف معاكي وفي صفك ومعناها ايه ان اخوكي وباباكي مش عايزين يزعلوها؟؟ هوا حد قال انهم لازم يزعلوها,, فين الكلمة الحلوة فين انهم يتدخلوا ف الموضوع وهما شايفين اقرب حد ليهم متمسك بشخص،، هل لانهم مش عاجبهم الشخص ده مثلا ولا انهم عنصر محايد،،
لو كانت الاولى،، تقدري تتناقشي معاهم عنه والحلو والوحش اللي فيه بس من غير ما تخسري اهلك ولاهما يخسروكي,,
اما اذا كانت التانية فانتي لازم تفهميهم ان ده مستقبلك وان قلبك اختار الشخص ده وانتي رضيتي بيه وانتي عارفه ظروفه كويس قوي،،
اختي الكريمة،، اي حاجه ف الدنيا صدقيني بتيجي بالاقناع لو عندك سبب قوي وطريقة اقناع قوية هتقدري تسيطري على مامتك فياريت تقعدي مع مامتك وتناقشي معاها الموضوع،، صدقيني من وجهة نظري مامتك مش غلط وانتي برده مش غلط،، ليه بقى ؟؟
اي ام ف الدنيا بتتمنى ان تكون بنتها احسن حد ف الدنيا ويتقدملها احسن واحد ف الدنيا واكيد هيا كانت تتمنى ان اللي يتقدملك يكون مستواه المادي كويس بلاش نقول غني ومريش ،، وزي ما انتي قلتي حبيبك يتيم وحالة المادية عادية جداً،، طبعا ده مش عيب خالص ،، وانتي صح لانك اختارتي حد بتحبيه وفضلتيه على غيره كتير كفاية انك حبيتيه عشانه هوا مش عشان فلوسه زي ما اغلب الناس بتعمل،،
ده كلو يتوقف على مناقشتك انتي ومامتك
دعواتي الحارة ان انتوا تكملوا مع بعض وتبقوا احلى عريسين ف الدنيا وتكملوا مع بعض العمر كله
ادعي ربك واستخيري قبل اي خطوة تقدمي عليها،،
ونصيحة من اخ ليكي ابعدي عن اي حاجه تحسي انها غلط او حرام،،
اجمل واخلص تحياتي ،،،
اولا يا أختي الفاضله لازم تبطلي تعملي الغلط اللي بتقولي عليه يعني انتوا لسي مجوزتوش علشان تعملوا اي حاجه وممكن تحصل حاجه انتي في غنا عنها ثانيا حاولي تاني وتالت و100 مع والدتك يمكن ربنا يهديها عليكوا وتوافق وحاولي كمان تخلي الوالد يدخل اعتقد ان الموضوع برضوا يخصه لانه والدك وربنا يوفقك في اللي جاي واوعي تعملي حاجه غلط ممكن تندمي عليها بقية حياتك
هوالحل انك تقنعى ولدتك باى شكل الفهمته ان ولدك واخوكى موفقين يعنى سهل ان تبقو يد واحده وتقنعوا ولدتك هى اكيد بتعمل كده عشان خايفه عليكى مش اكتر اى ام بتتمنى سعادة بنتها وانت اكيد شايفه الحياه وردى اوى بس بعد الزواج ولماتبدا مشاكل الحياه والمشاكل الماديه هتحسى بكلام ولدتك وهتعرفى انها على حق لان كتير الم بتبقى شايفه الامور بشكل مختلف شويه بحكم خبرتها فالحياة وفرق السن هى غلطانه بس فان ادته مهله سنتين صعب جدا شاب يكون نفسه فسنتين وكمان بيدرس حاولى تقنعيها تذود المهله شويه ولحد الزواج ارجوا الابتعاد عن اى حرام حتى تنالى كل ماتتمنيه واكثرى من الصلاه والدعاء ربنا يقدم لكى الى فيه الخير
اختي انتي وجدي عذرا لتبرري اخطائك مع حبيبك لا انكر ان امك ارتكبت خطأ حينما رفضت ان تزوجكي اياه لاسباب مادية لكن امك من المؤكد انها لا تريد إلا مصلحتك اختي لا ترتكبي اخطاء معه فأنتي سوف تنزلين من عينه ولن يجد فيكي تلك البنت التي كان يحبها
اختى العزيزه اولا الله يسامحكم واستغفرو الله العظيم يغفر لكم زنوبكم
ثانيا ازا انتو اتميتو السن القانونى وواثقه فيه جدا جدا مثل ما بتقولى اتجوزيه على سنه الله ورسوله بس تعملى حسابك انك انتى وهو هتتحاربو من والدتك
وهتتحملى تكونى بعيد عن اهللك لمده سنتين على الاقل والله ولى التوفيق
إعملوا زي الأفلام العربي لكن إتفقي مع أخوكي وببكاي وحبيبك إنك تفهمي ممتك أنك حامل أو مش بنت خلاص وانهم لازم يلموا الموضوع
طبعاًً هتتفقعي علقة موت منهم بالاتفاق طبعاًً أما منها فبصراحة هههههه مش قادر أتخيل اللي هيحصل فيكي ممكن حبيبك ما يقدرش يتعرف عليكي بعد العلقة التانية من ممتك بس دي احد ضرائب الحب
ملحوظه هامه
ده إنتي هتكلي ضرب “” لحد لما تقولي آآآآآآآآآآآمين “”