انا فتاة عندى 21 سنه حبيت شخص كان زميل لى فى الشغل كان اكبر منى ب 6 سنين هو كمان حبنى يعنى حبيت واتحبيت بس لما فاتحهم فى البيت انه عايز يتقدملى مامته رفضتت من غير ماتشوفنى ولا تعرفنى ولا حتى اتكلمت معاياوالسبب انى مش معايا كليه كان الكلام ده من سنتين وبعدنا عن بعض بس مقدرتش اتخيل ان اكون لحد تانى غيره لانى حبيته بجد وفعلا اشتغلت فى مكان احسن وحاولت اقدم فى الجامعه المفتوحه فى بنها فى المنوفيه فى مصركل الجامعات دى اطبق فيها نظام شرط مرور5 سنين على سنه التخرج يعنى لازم استنى لحد2012عشان اقدم طب اعمل ايه حاولت وتعبت وسعيت بس ربنا مش رايد انامقنعه باراده ربنا بس الحب حتى حب بجد وبعد عن حبيبه وقدر ينساه ويحب غيره تفتكروا سهل الموضوع ده ادعولى انساه مع ان انا بدعى ربنا ان حبه يزيد جوايا يوم عن يوم تتخيلو انى بروح عند بيته بس عشان اشم ريحته او اشوفه صدفه مش قادره اوافق على اى عريس تانى بيتقدملى لحد دلوقتى على امل ان ممكن ربنا يكرمنى وابقى ليه مش لغيره
الحب الاول
مش قادره احب غيره
اضيف بتاريخ: Monday, September 27th, 2010 في 10:58
كلمات مشاكل وحلول: الجامعة المفتوحة, الحب, الحب الاول, الحب الاول, حب, شغل, عريس, فتاة, مشاكل الحب
انا مشكلتى زى مشكلتك بلظبط وكان بردو بسبب التعليم واهلو ومش هقولك بحبه انا بعشقه وروحى فيه .بس انا مش بقا اجدع منك اخدت قرار انى هبدا من تانى ومش هفكر فى حد باع او حد ما اتحدش الدنيا عشانى ازاى هتبقى مطمنه معا وانت السبب الوحيد الى خلاكى عاوزه تكملى تعليم عشلنه هو ومش هو كمان لا عشان امه معنى كده اى حاجه بقا تعمليها تكون بموافقه امه اولا يبنتى فكرى فى اللى جى وصدقينى كل حاجه ليها وقتها بس انتى خدى قرار ووجهى نفسك وفكرى هو حتى محاولش يعمل اى حاجه عشانك وانا والله حاسه بيكى جدا لانى عايشه اللى انتى عشتيه بس انا لازم اكون قويه ومش هضيع حياتى وعمرى عشان حد انا حبيته وهو يمكن اه حبنى بس عمل ايه عشان الحب ده ؟حطى السوال ده قدماك فى كل خطوه هتلاقى نفسك بتبعدى وهتبطلى تفكير فيه واحده واحده هو عمل ايه عشان الحب ده يعيش ؟
ده عيل زبالة سورى بقى ده مش راجل سيبك منه والله انتى الكسبانة كويس انك عرفتى كده قبل ماتتجوزوا ده مش هيقدر يدافع عنك قدام حد طالما الاعتراض مش على اخلاقك يبقى كان وقف قدام العالم كله بس هو ضعيف ومش هيبقى امين عليكى وانتى حرة
اسالى صاحبة هو بيكلمك عنى ولا لا هو ناسينى ولا فاكرنى
تانى حاجة صاحبة لو قالك بيحبك وفاكرك خلا ص اتحدى الصعاب اما ان كان بيقولك مش للدرجة والكلمات دى خلاص انسية وانا بنصحك انا ولد ودخلت في حب قبل كدة
هو لو بيحبك بجد وبيتعذب زيك هيقف قدام امه ويتحدى العالم عشانك لان ده دوره هو لكن هو كده كانه باعك واستسلم انا انصحك انك تبعتيله مع حد انك لسه بتحبيه وعايزاه وهو لو عايزك هيجيلك ويخطبك ولو ما جاش او رفض يرجعلل فانا انصحك تسيبيه وتنسيه وربنا يرزقك باللى احسن منه
صحيح أن الحب الأول يأثر في الشخص مدة قد تطول أو تقصر انما هو من يقرر ذلك.أي أنه يمتلك القدرة علي تسيير حياته العاطفية كما يشتهي فقت صديقتي احتكي بالأخرين فستأتيك الفرص لأن تلقي أفضل منه خلقا و اهتماما
اناسألت فى عين شمس ولقيت نفس القرار موجود مع انك عشمتنى وكبرت امل جوايا تانى بعد ما كنت اخدت الموضوع انه نصيب وخلاص انا مليش نصيب كان نفسى اوى ادخل لو حتى معهد عالى بس مفيش نصيب على فكره هو كمان لحد دلوقتى مدخلش فى علاقه ولا حب حد تانى غيرى لانى بعرف اخباره من صاحبه و انسان محترم جدا وحنين وبيتمنالى الخير حتى لو على حساب المه ووجعه ياريت لو حد يعرف اى فرصه ليا فى اى معهد عالى معتمد و جامعه مفيهاش شرط ال5سنين على سنه التخرج ياريت تقولولى انا زى اختكو برضه
ياختي العزيزه انت انسانه جميله بس الحب لايكفي في الزوج ازي تقدري تتجوزي حد وماماتوا حطا في دمغها انك اققل من ابنها دي مين اللي انت عايزتتجوزهادي شفلك واحد من مستواك ليه دي هتبقيحماتك وجدت ولادك مينفعش تكوني مدنيه في عنيها لازم تفكري ليه ربنا مش مسهل في حكايه الجامعه دلوقتي وشوفي اللي بيتقدمولك يمكن تلقي نصيبك فيه ويبقي احلي اصل الوحد سعات بيبص للحاجه القريبه ويتخيل ان مفيش احسن ده ممكن تتخوزي وبعدين تقبليه بصدفه تقولي يا دانا كنت مش بشوف مدام مقلش لمامتوا لا انسيها ده مش باقي عليكي
انصحك انك تبعدى لانة ابن امة و حتى لو اتجوزتية هيبقا فية مشاكل كتير لان امة هتكون معاكوا ليل نهار و دا لو كان بيحبك اصلا حب حقيقى كان وقف ادام امة وقفة صح زى الرجالة —–بطلى تعملى الكلام الفاضى بتاعك دة و استنى راجل يقدرك فعلا و بجد
الحب اعظم حاجه فالدنيا بس هتعملى ايه هوا بعد نفذ كلام اهله انتى كمان لازم تبعدى انتى كدا بتعزبى نفسك حرام عليكى نفسك انا عازرك ان الانسان لما بحب بجد من الصعب انو ينسى انتى كدا اسبتيلى انك انسانه جميلة ومخلصه فى حبك وانا باحترم الانسانه اللى كدا عشان كدا انصحك من صديق خبرة ابعدى عنه حاولى تنسيه صدقينى مع الوقت والزمن هتنسيه بس بشرط انتى دلوقتى عندك فراغ كبير الفراغ هادا بيخليكى تقعدى تفكرى فيه عشان كدا انا بطلب منك انك تنتبهى لشغللك ولمستقبلك وحاولى تملى هذا الفراغ صدقينى ساعتها بس هتقدرى تنسية الحل الوحيد انك تبدأى حياتك من تانى وتصادفى حب جديد 0بالنسبة لو نتى عايزا تكملى تعليمك فالتعليم المفتوح جامعة عين شمس لغت نظام الخمس سنين يعنى لو عايزا تقدمى فيها دلوقتى ممكن مش لازم تصبرى خمس سنوات انا كنت بدرس فيها وسالت لقيت النظام الخمس سنين يفوتو على الدبلوم اتلغى صار عادى
لو بيحبك كان اتسك بيكى انسيه وبلاش تعذبى نفسك
وبعدين لو حتى اتزوجتيه هتكون مشكله الجامعه هذة دائما امامك
ربنا يوفقك ويرزقك بانسان احسن منه ان شاء الله
واللهم استر اعراضنا واعراض جميع المسلمين قولو امين
أنا كل اللى عايز أعرفه هل هو بيفكر فيكى كمان وللا بتعذبى لوحدك لو بيحبك هيقاوم أى حد عشانك اسألى مجرب ولو نصيبك هتشوفيه وكل ماترفضى عريس كل ماتندمى أكتر حاولى تلمى جرحك وتحصريه عشان ميوسعش وده إيميلى لو بدك تستفسرىأكتر
قلبى معك