السلامة عليكم انا مشكلتي بصراحة محتارة فيها جدا اولا انا مخطوبة من حوالي شهرين وخطيبي دا بيحبني جدا فوق ماتتخيلوا مع العلم ان خطيبي دة كان رافض فكرة الجواز خالص وسبحان الله لما شفني غير الفكرة دي خالص انا ساعت بصراحة بستهتر بمشاعرة واقعد اقولة ياحرام وكدة انا عارفة ان كدة بجرحة وع فكرة خطيبي دة مستواة كويس وتعليمة عالي وانا تعليمي متوسط بس انا قبل مااتخطب لية كنت بحب واحد اتعرفت علية من النت من حوالي سنة ونص وبحبة جدا وهو كمان بيحبني بس مقدرش يجي يتقدم ليا لان ظروفة وحشة ووالدتي كانت عارفة بالموضوع دة مكنتش حابة الحكاية دي اصلا وكانت تكرهني فية وهو كلمها مرة وقلها انا بحب بنتك وهجي اتقدم وحصلت ظروف ومجاش ومع العلم ان حبيبي دة ظروفة مش قد كدة يعني بس والله دي حاجة مش بفر فيها خالص لكن والدتي تقعد تقولي الحب بيروح مع الظروف الوحشة دي وفكري في مستفبلك وكدةوهي كانت كرهتة اكتر مع العلم ان في نفس محافظتي بس بعيد شوية عن بلدي وكانت والدتي تقعد تقولي حتي لو جة مش هنوافق دا حد منعرفش عنة حاجة وحتي لو سئلنا محدش هيقول الحقيقة وكدة وانا الوقتي اتخطبت بس لسة بكلمة فون وكل مرة اقول معتش هكلمة لان حرام وحاسة بالذمب جدا ارجع احن لية مع العلم بردو ان كلمنا لبعض باحترام عمرة ماتعدا حدودة معايا بحس ع طول انة محتاجلي يتكلم معايا بيفضفض معايا بس وانا بكلمة بفكر في ربنا وخطيبي عارفة ان كدة حرام وخطيبي ملهوش زمب بس والله غصب عني كل مرة اقول لا معتش هكلمة خلاص اخر مرة وقولتلو فعلا معتش تكلمني لان انا الوقتي مخطوبة قالي حاضر وقعد اسبوع ولقيتة بيرن عليا بيقول انة بيطمن عليا وبيقولي الله يخليكي اعتبرني حتي صديقك اعتبرني اي حاجة في حياتي المهم ابقي اطمن عليكي بس انا ع طول حزينة بسبب الذمب دة وضميري ع طول بيوجعني وخطيبي فاكرني ملاك ودة اللي مزعلني اكتر انا الحمدلله كويسة ومودبة والناس كلها تشهد بكدة بس خطيبي بيقولي بحس فيكي براءة الاطفال وانا من جوا نفسي زعلانة اقولة مش لدجدي انا بردو بشر وبغلط محدش كامل يقولي واخر كلام بيبني وبين حبيبي الاولني لما قولتلة هتجوز راح اقسملي بالله لو حصل كدة لا يخطفني وخطيبي ع طول يئسلني بتحبني بس انا مبكبش علية واقولة لا عاوزني انفقك واقولك اة ابقي كدابة بس كل حاجة بتحتاج فترة انا صريحة معاة ومع نفسي بس حكاية حبيبي دي محيرني ومعذبني نفسي انام مرتاحة البال انا مشكلتي ان لما بعمل اي حاجة غلط بحس بذمبها ع طول واحس بضيق في نفسي والله وزعلانة ع اللي انا بعملة بس غصب عني بحبة ومش شايفة حد غيرة هتقوليلي كنتي استنية هقولك استنية كتير لكن اهلي زهقوا ومكنش ينفع اقولك سبب الرفض لان مفيش حاجة نفسي تقولولي حل يريحني ويريح ضميري لان والله والله نفسي ارتاح وربنا يكرم اي حد يرد عليا يارب
الحب الاول
مخطوبة و لسه متعلقة بالحب الاول
اضيف بتاريخ: Sunday, February 6th, 2011 في 03:46
كلمات مشاكل وحلول: الجواز, الحب الاول, الحب الاول, مخطوبة, مشاكل الحب
بسم الله الرحمن الرحيم
انا شاب وقصتي نفس الاخت ولكن نختلف بالادوار فانا الشاب الذي يحبها وتحبني وخطبت غيري
وشاء القدر بان اتمكن من زواجها وبلحظه تقدمي رفضت واختارت الشاب متقدم
والان تندم وتريد رجوع وماعليه الا توصيتها بالحفاظ علي خطيبها لانه لاذنب له
مع اني داخليا بركان واتعذب ولا امل من رجوعنا لبعضنا مع العلم ان حالي هي افضل من حاله ولله الحمد ولكن من سبق اكل النبأ وكما انه لايدخل الجنه الا ان تحب لاخيك كما تحب لنفسك
ولحمدولله واسال الله لها ان تحب خطيبها اكثر مني وتنساني لانه لا فائده من حبها لي الا عذاب وندم
وندم لا يرجع شيء ونكرر ونقول عسي ان تكرهو شيئا وهو خير لكم وعسي ان تحبو شيئا وهو شر لكم والله يلعم وانتم لاتعلمون ….. ع.ج
مادام حاسه انك غلطانه يبقى احساسك صح خليكى مع الى بيحبك مشاكل الحياه صعبه جدا وخطيبك الى بيحبك هو الى هيعينك على الحياه دى على فكره انا حاسه بيكى قوى وعشان كده بقولك اوى تسيبى خطيبك عشان مشاعر و احاسيس هتتنسى مع الوقت وربنا يوفقك
حبيبتى ادامك طريقين
طريق السعاده وطريق الندامه
السعاده مع خطيبك
الندامه مع الواد ايلى بتوهمى نفسك انك بتحبيه
اى شاب لما يلاقى بنت بيحاول انها متروحش من ايده
مش عشان بيحبها
لاه عشان حسيسته انه راجل
سيبك منه وخليكى مع خطيبك
الوهم الاول ده عامل زى متكونى بتمصى عود قصب
بس من اخره الى اوله
اخره مسكر واوله علقم
بصى لنفسك وشرفك وسمعتك وتوكلى على الله
وكملى مع خطيبك
وغيرى اميلك ورقم تليفونك
وقربى من خطيبك اكتر
وبالتوفيق
يا جماعه الموضوع مش بسيط برده بس هوه محتاج شويه عقل وبعيدا بقى عن الصح والمفروض والاعراف والعادات والتقاليد لأن ده معدش يجيب نتيجه .. احنا نشوف الموضوع من ناحية العقل
اولا : الحب فى الزمن ده اصبح شيء يساعد على استمرار اجواز او العيشه الاسريه ومش العكس
ثانيا : الحب الاول او فى السنيين الاولى بيكون حلو بس لسه منصدمش بالواقع ميعرفش يعني ايه شقه ووظيفه وفلوس وبلاوي سوده يعني طفل صغير بيلعب مش داري بالدنيا وبيكون حلو لأنه معندوش صعاب لكن الواقع ان الصعاب ومشاكل الحياه بتموته شويه شويه واللى يقول غير كده يبقى واااااااهم
ثالثا :- انت عندك فرصه زي العسل انك تحبي على نضيف بمعنى حب شرعي مكتوب له الاستمراريه والبقاء لو انت عايزه ده يبقى تسيبيه ليه وتروحي للعب عيال بجد لعب عيال عارفه ليه لأن اللى انت بتحبيه ده ظروفه مش حلوه ولسه لما يتصدم بمتطلبات جواز هيقولك لأ انا اقعد على القهوه احسن
رابعا : الجواز اللى بيبدأ بحب بيستمر اكتر من الحب اللى نهايته جواز عارفه ليه ؟ لأن اللى بيبحو بعض وبعدين يتجوزو بتخنقو من بعض لما يقابلو اول مشاكل الحياه الزوجيه لأنهم كانو رسمين جنه ومش متوقعين ان الواقع مش سهل بمعني منحنى الحب بيكون تنازلى لأكن اللى بيتجوزو وبعدين يحبو بعض بيبدأو يكتشفو فى بعض حجات تخليهم يحبو بعض وبيكون المنحنى تصاعدي
خليكي مع خطيبك الزمن ده عايز الواقعي مع شويه خيال مش الخيال مع شويه واقع
من الاخر لو هو فقير خالص بس بيحبك هيدخل من الباب ويخطبك انا بنت زيك بس صحابي مروا بتجارب وانا كمان .انا عرفه انه صعب عليكي بس والله لو هو بيحبك هيتصرف ويخطبك انا عوزاكي تستهدي بالله وتستخيري ربنا وان شاء الله يسعدك مع خطيبك ومضيعيش الفرصه عشان متندميش .انا والله ضيعت من ايدي امتر من عريس وكلهم احسن من بعض عشان واحد وانا الحمد لله محترمه وبنت ناس ومعرفه اهلي بس فالاخر …قال انه هيسافر ويكون مستقبله حسبي الله ونعم الوكيل .فكري صح الدنيا ملهاش لزمه وبعدين خطيبك دخل من الباب وباحترامه قدام اهلك يعني احسن حاجه فالدنيا غير التاني ممكن يشك فيكي ويقول بتكلمي غيري وفعلا بيقولوا كده.
انا عاوزة اقوللك حاجةانك الوحيدة المتضررة فى الموضوع ده لازم تحددى موقفك وتختارى بين الاثنين لانك بكدة بتعذبى نفسك وهتتعبى جداا لدرجة انك مش هتقدرى تحبى الاثنين ولا هتعرفى تحبى غيرهم وقبل ده كله حرام تكلمى حد وانتى مرتبطة بحد تانى صدقينى خدى قرار سريع امام تسيبى خطيبك او متكلميش الولد التانى والافضل انك تكملى مع خطيبك لانك بتقولى انه بيحبك فابتالى هتستريحى معاه جداا وهتحبي صدقينى ديه حقيقة لانى مجربة موضوعك بالضبط وحاسة بيكى وكملت غ=فعلا مع خطيبى
لا يصح الا الصحيح خطيبك اولى بهتمامك ظروف حبيبك صعبه ماشى بس الفقر ابن عم الكفر وليعوذ بالله خليكى فى اللى فى ايدك ربنا معاك
انا مش عارفه انصحك عشان انا زيك بس مش من علي النت مش هتفرق كتييير بس اللي انتي بتعملي ده غلط والله كبير تعرف ديه تعتبر خيانه لخطيبك غير كل وسائل الاتصال بينك وبين حبيبك الاولني وخاليكي مع خطيبك شويه وحبيه لانه بجد يستاهل حبك واوعي تظلمي عشان الظلم وحش وترجعي تقولي ليه عملت كدهوربنا يوفقك ان شاء الله في حياتك
نسيت اقولك انى مريت بظروفك من فترة وكنت ضعيف وانى جربت الحب ده وانا الحمد لله دلوقتى خاطب وبصراحة الحب فى الحلال وفى النور احلى واحسن مليون مرة من الحب ده
مستحيل بنت مؤدبة تتخطب لشاب وتكلم غيره سواء تليفون او شات او رسايل موبايل
أنا نفسى الكلام ده ينطبع جواكى وتحفظيه وتعملى بيه ولو اقدر اقلهولك تانى وتالت وعاشر هقولهولك عشان مصلحتك انتى واى بنت كمان غيرك
اتعودت ان لو حد اضايق من اسلوبى اعتذرله بس بصراحة انا متغاظ اوى منك ومن خيانتك واحساسك ان طالما انتى مقولتيش لخطيبك انك بتحبيه يبئا عادى
وفعلا انتى محتاجة الشدة دى ومحتاجة انك متعشيش الدور وتفهمى الكلام ده
محتاجة تكونى بنت زى البنات الخجولة اللى تخاف بس حد يكلمها
محتاجة تتغيرى 180 درجة
الاحترام مش شعارات مزيفة ودينك مش لعبة
دينك اللى قالك غضى بصرك مش هيقولك كلمى شاب غير خطيبك
وطبعا احنا بنعمل كل حاجة عشان ربنا بس كمان كونك انك تسيبى الشيطان ده بتاع النت عشان انتى انسانة مؤدبة ومحترمة ومينفعش تعملى كده ومينفعش تفكرى اساسا فى كده
بلاش تخلى شيطانك يتجرأ عليكى متديلوش فرصة
بس عموما كونك خدتى خطوة وكون ان جواكى عذاب ضمير ده يدل ان اصلك كويس وانك اتربيتى صح بس الشيطان لعب بيكى شوية والحمد لله انك رجعتى
وانا اسلوبى كده معاكى عشان اوصلك رأيى انى عاوز يبئا مستحيييييييييييييل تعملى كده تانى
ربنا يوفقك ويجمع بينك وبين خطيبك على خير وقريب ان شاء الله وتاخدو بايد بعض للجنة
ld مشكورا جدا لكل اللي رد عليا وحس بيا وانا فعلا اخد قرار ان هسيب اللي بحبة عشان ربنا مش عشان اي حاجة تانية وربنا اكيد هيعوضني عن الحب دة ويالاف يلا رديت عليا بلاسلوب دا انا بنت محترمة والكل يشهد بكدة وبردو رائك يحترم بس انتا لو كنت حبيبت بجد كنت عرفت احساس وانا اولا مكدبتش ع خطيبي وقولتلة ان بحبة بالعكس انا صريحة معاة جدا وانا بشكركم مرة تانية ع اي حد رد عليا وجزاكم الله خير يارب
عاوز اضيفلك حاجة انتى لسة مدتيش لخطيبك فرصة انك تحبيه
حاولى تبادليه كلامه حتى لو مش حاسة بيه دلوقتى لأن صدقينى مع التكرار هتلاقى روحك حبتيه واتعلقتيه بيه اكتر وكلميه واتصلى بيه وانصرى الحلال على الشيطان عشان ربنا يباركلك
مستحيل بنت مؤدبة تتخطب لشاب وتكلم غيره سواء تليفون او شات او رسايل موبايل
لان الشاب ده اداها اسمه وسمعته وكرامته وهى لازم تحافظ عليهم
انتى ازاى مش خايفة ان خطيبك يعرف او يشوف موبايلك صدفة وساعتها متضمنيش رد فعله ومتلوميش وقتها الا نفسك ده انتى ممكن وقتها سمعتك ومستقبلك يضيعوا..طب ما انتى مش خايفة من ربنا؟؟؟توبى واقطعى علاقتك ببتاع النت ده او غيره فورااااااا وقطع نهائى مدام عاوزة ترتاحى
وبعدين انتى فين اهلك ومراقبتهم ليكى ؟؟؟؟فين الأدب اللى اتربيتى عليه ولا عاوزة يتقال عليكى بنت قليلة الادب؟؟؟؟؟
والله بجد دى حاجة محزنة ان شبابنا يبئا كده ومنه لله اللى دخلنا الافلام البايظة والمسلسلات التركى
ياجماعة متستقلوش بالغلط حتى لو صغير واتقى الله يا اختى وبقولك تانى انهى فورا علاقتك ببتاع النت وغيره وركزى مع خطيبك علشان تنهى عذابك
والله منا مصدق ان فى بنات كده ده الواحد بئا يخلى باله من تصرفات خطيبته لحسن تطلع زيك
عندما تقدم خطيبك لطلب يدك، هل كنت راضية به، ثم تغيرت نظرتك اتجاهه بعد ذلك؟ وهل كانت لديك علاقة مع الشاب الآخر قبل الخطبة، أم أنك سمحت لقلبك بالميل له رغم أنك مخطوبة.. على كل حال ما نرجوه هو أن تحكمي عقلك قبل اتخاذ اي قرار، فلعل فسخ الخطبة لن يحقق لك السعادة التي تحلمين بها، المهم أن تفكري جيدا، وتعرفي أن الحب الحقيقي لن يظهر إلا بعد الزواج وتحمل المسؤولية، فالحب ليس مجرد مشاعر جميلة وإعجاب وانجذاب، وإنما هو أيضا مسؤولية وعطاء وتضحية من أجل الآخر.
ما نخشاه هو أن تخسري الأول ولا تحصلي على الشاب الثاني، الذي ربما لا يريد الزواج، وأنه ليس شابا مثاليا يستطيع أن يحقق السعادة لك ويحفظ كرامتك ويملئ حياتك راحة وهناء، ويبني معك أسرة تنعم بالتفاهم والانسجام.
ولكن هذا لا يعني القبول بخطيبك إذا لم يكن بينكما انسجام كاف، لأن عدم لانسجام قد يكبر في المستقبل، ويقود إلى الطلاق، المهم مصارحته والتفاهم معه حول كل الأمور، ولا ننسى أن على البنت المخطوبة الإخلاص لخطيبها، لأن عدم ذلك يعد نوعا من أنواع الخيانة.
بصى يا حبيبتى اولا انتى عرفتى منين ان ظروفة وحشة اللى هو بتاع النت دة ممكن يكون بيكدب ومفهمك كدة هتقوليلى لا انا واثقة فية هقولك واثقة منين الكلام مفيش ارخص منة هو الكلام واللة كللا كلام النت دة بيبقى نصة كدب ومامتك معهاة الحق مية فى المية لان فعلا لو سالتى علية محدش هيقول علية حاجة وحشة يبقى تمسحىة رقمة خالص من عندك وتغيرى خطك وتحفظى على الراجل المحترم اللى مامنك على اسمة انتى تقبلى انة يكلمة واحدة كان بيحبها وهة خطيبك طبعا كنتى فسختى الخطوبة على طول اتقى اللة فى خطيبك عشان ربنا يباركلك تعالى على نفسك شوية ومتتكملميش ولو ضعفتى ومسكتى التليفون ترنى علية رنى فورا على خطيبك وكلمية عشان خاطر ربنا يباركلك فى حياتك وفى جوزاك
يا حببتى انتى دلوقتى لو انتى مش عايزة اللى انتى مخطوبه لى قولى بصراحه لى اهلك واى عريس بعد طبعا ما انتى تقولى لهلك الصراحه ولو اهلك رفضوا هدديهم انك هتسيبى البيت وهتروحى تتجوزى وهم هيفقوا وسيبك من اللى انتى مخطوباله طلما انتى مش بتحبيه وربنا يعينك وياعدك يارب
انااعرف واحدة اتخطبت لواحد عرفته علي النت ثم اصبح شخص اخر بعد الخطوبة حتي اصبحت في اكبر ازمة في حياتها الشخص بيتعرف لما بيدخل البيت من بابه ولما تشوفيه انت واهلك ومعاملته ليكي اما النت فهو بيبقي بيظهر بس الجانب الكويس فيه او حتي يألف القصص عنه حتي تبقي متعلقة بيه وهو وهم كبير انتي فيه هتخسري نفسك واللي بيحبك بجد واللي دخل البيت من بابه مش مشكلة ظروف مادية المشكلة في الطريقة نفسها وخاصة انه لم بحاول حتي ان يتقدم ليكي حتي لو ظروفه سيئة هو لم يحارب الدنيا لتكوني معه واكتفي بكلام عن احتياجه لكي عشان يوصلك وانتي شكلك تجاربك قليلة لانهم بيقووا كدة بس الانسان الملتزم بيبان اما اللي بيتسلي فهو اللي بيكتفي بكلام غيري خط الموبايل واي حاجة ممكن يوصل بيها لكي وتقربي من خطيبيك حتي تعرفيه اكتر وتحبيه تنسي الاخر
بصي يا محتارة الشيطان مزينلك بتاع النت دة لان دي وظيفة الشيطان واضح انك عاقلة اقفي مع نفسك وقفة واجتهدي في ضبط نفسك خطيبك راجل محترم ما تفقدهوش غيري رقمك وايميلك واي حاجة يعرف يوصلك بيها بتاع النت دةوركزي ازاي تحبي خطيبك وتتمتعي بفترة الخطوبة لانها ما بتتعوضش اعرفي ان بتاع النت اخرة نت بس .لو بيحبك صح كان عمل حاجة وكونه ماعملش حاجة يبقى سيبك منهوعلى فكرة انتي مابتحبهوش ولا حاجة انتي اتعودتي علية واسألي نفسك كدة؟ اجتهدي وربنا حيوفقك
حبيبتي الواحد اللي بيحب البنت وشرييها بيدخل من الباب مش من شاشه الجهاز ومافيش حاجه اسمها حب من علي النت وانتي ربك كرمك بانسان ربي يسعدك فيه واتقربي منه وشيلي فكرة حب النت من دماغك لانه والله مابيدخل غير الخراب علي البنات وانتي عسوله ومودبه وبنت ناس يبقه ماتوحشيش نفسك فكري في ربنا وخطيبك وامك لو كانت شايفه بتاع النت ده كويس مكانتش رفضته ولو دورتي مش هاتلاقي حد يخاف عليكي اكتر من امك ربنا يسعدك ويتم فرحتك علي خير اعقلي وخليكي راسيه وفكري صح بعقلك مش بقلبك
ربنا يعزك يا اختى
ويكرمك علطول بنفسك اللوامة دى
بصى يا اختى بالنسبة لخطيبك واضح فعلا من كلامك انه بيحبك
وانتى لو سبتى الأخ اللى عرفتيه ع النت ده هتقدرى تحبى خطيبك فعلا وربنا يكرمك للخير
والأخ ده قوليلى اللى بيحب حد يتمناله السعادة وانا مش هاقدر اكمل معاك
وحاولى تقطعى معاه تماما
غيرى رقم موبايلك والإيميل بحيث ما يقدرش يوصلك
لكن لو انتى متمسة بيه وانا مش بأيد ده
خلاص سيبى خطيبك واستنيه
بس انا رأيي ان معنى ان خطيبك بيحبك يبقى ربنا عاوز يكرمك بحب يكون فى رضاه
ليه ترفضى شئ نقى؟؟
وزى ما قالت والدتك انتى تعرفى عنه حاجة؟؟
يا عالم
انتى اولا التزمى بالصلاة وادعى ربنا يكرمك للخير
هتلاقى قلبك ارتاح وقدرتى تاخدى قرار وربنا يفتح قلبك للإنسان ده
وربنا يكرمك للخير
وانا بصراحة اتمنالك خطيبك ده
بجد بلاش تخسريه وترجعى تدمى تانى
ربنا يرضيكى ويرضى عنك
مفيش حل غير انك تبعدي عن حبيبك دة وتخليكي مع خطيبك وتتقي الله فيه
وفكري لو خطيبك كان بيكلم واحدة من وراكي كنتي هتحسي بأيه ؟؟
ماتضيعيش النعمة دي من ايديكي واحمدي ربنا
بصى بقا دا حصلى قبل كدا وانا عاوز اقولك على حاجة يا بنت الحلال اى بنى ادم عاقل وراكز هيقولك كل دا غلط ومعلش يعنى انتى اما تبداى اول خطوة فى حياتك الى هيا الخطوبة وتخونى خطيبك دا يبقى اية ومتقوليش انا مبخونوش وكمان الى بيحبك دا المفروض عشان بيحبك مكنش يوافق انو يكلمك اونتى مخطوبة ويبعد عنك خالص وانو وافق يكلمك وانتى مخطوبة يبقى انسان مش كويس بس دا ميمنعش بردو انى واخد بالى انك بتحبية والى بيحرك فيكى كل دا احساسك لية بس فكرى ف نفسك وفى خطيبك المحترم الى انتى ظلمتية ومعلش يعنى انتى الغلطانة لانك لو بتحبية اوى كدا مكنتيش تتخطبى ابدا لو هيقتلوكى عشان تتجوزى واخيرا عاوز اقولك حاجة لاما تفسخى خطوبتك والباشا الى بيحبك دا يبقى اد المسؤلية وياجى يخطبك لاما تفضلى مع خطيبك وتنسى البنى ادم دا خالص وانا من وجهة نظرى فكرى بعقلك يا بنتى وبلاش الحورات دى لانها هتاجى فوق دماغك انتى