الحب الاول

هل ارفض الخطوبة وارجع الحب الاول

انا كنت بحب واحد من وانا عندى 16 سنه كنت بحبوا اوى اوى ومازلت وهو كان بيقول انو بيحبنى وانا دلوقتى عندى 18 سنة وساعتها اتقدملى عرسان كتير وانا ماكنتش عايزه حد غير حبيبي فا كنت برفض بس بابا عرف انى انا بكلم حبيبي وحصلت مشاكل كتير وانا حبيبي وعدنى كذا مره انوا هايتقدملى بس كل مره بعدها بيقولى مش هاينفع اتقدملك علشان كذا وعلى فكره احنا مغتربين يعنى مسافرين في الخارج اللي بيضايقنى انو بيوعدنى انو هايكلم بابا بعدها بيرجع في كلاموا فا اتقدملى واحد مرتين وانا كنت برفضوا بس بعد ما بابا عرف انى بكلم حبيبي اصر انوا يخطبنى للانسان اللى متقادملى قالى اتعرفى عليه اكتر وانتى هاتحبيه وانسي التانى انا ساعتها قولت لحبيبي علشان يتقدملى قبل ما اتخطب هو مش عمل حاجه وقالى ماتوفقيش وانا هاخطبك لما ننزل مصر بس انا ماكنتش مصدقاه فا قولتلوا خلاص احنا مش هانكلم بعض لغايه لما ننزل مصر وانت تخطبنى من اهلى فا هو وافق وبعدها انا اتخطبت بس انا ماكنتش موافقه وقبل الخطوبه بيومين كنت عيزه الغيها وقلت لخطيبي كده انى مش عيزاة اتخطب دلوقتى فا كلم بابا وبابا كلمنى وقلى الخطوبه كمان يومين مش هاينف تلغيها علشان كلام الناس وعلشان سمعتك( قولولى يا جماعه هل كلام بابا صح وفيها اية لو لغيتها ش احسن ما اتخط وتتحسب عليا خطوبه) بعدين وافقت واتخطبت بصراحه هو مش بيحرمنى من اي حاجه وكل حاجه انا عيزاها بيجبهالى وهو انسان محترم بس انا بحب المظاهر شويه يعنى من صفات فارس احلامى انو يبقي وسيم وخطيبي مش وسيم خالص خالص وانا مش طيقاه فا في يوم من الايام حبيبي شافنى مع خطيبي وقعد يتصل بيا قولتلوا انا مخطوبه قاعد يلومنى ودار بنا حوار طويل بعدها قلي سيبي خاطيبك وانا هاتقدملك حقيقي بقيت خطيبي بطريقه كتير وحشه علشان يسبنى باردو متمسك بيا انا قولت لباب يفسخ الخطبه ومابقتش اكلم خطيبي بس بابا لسه ماقلوش انى مش عيزاه وحقيقي حبيبي اتقدملى وانا هاموووووت عليه وبحبوا اوى بس بابا مش مقتنع بيه علشان عرف ان هو ده اللى انا كنت بكلمه بس انا عايزه حبيبي وخطيبي ده انا مش طيقاه بس بابا قلي انا مش هافك الخطبه اللى لما اوف اللى متقدملك وجها لوجه علشان حبيبي كلم بابا في التلفون علشان ياخد معاه معاد للمقابله وبابا بيقول ان ممكن ميوفقش عليه وانا دلوقتى مش طايقه خطيبي قولولى اعمل ايه ومعلش على الاطاله

مشاكل وحلول ذات صلة

اضيف بتاريخ: Thursday, September 15th, 2011 في 14:52

كلمات مشاكل وحلول: , , ,

18 رد to “هل ارفض الخطوبة وارجع الحب الاول”

  1. الحل الامثل
    11/09/2012 at 23:28

    انتي شكلك حلوه صح وعايزه واحد شكله حلوا طيب الراجل المتوسط الجمال +محترم+ذو اخلاق
    + ان هو هيريحك هو ده الاختيار الاصح & ابعدي عن ذو مظهر خداع بيشغلك عن خطيبك ومش هيوفي بالعهداختاري الصح في الزواج وحسبي من الغشاش اول ما هيشوف وحده اجمل منك هيسيبك
    تحياتي

  2. خالد ماندو
    14/06/2012 at 00:52

    لا طبعا انتي هتكوني غلطانة غلط كبير جدا جدا لو مااتخطبطيش ورحتي للحب الاول

  3. خوخة
    19/02/2012 at 16:26

    اسمعي…. لو فعلا اتقدم لك حبيبك و عايزين بعض بشدة و هو كمان وفى بوعده و اتقدم ساعتها اختاريه…………..بس لو شفتي اي تلاعب فانا باقولك اختاري اللي اختراه ليك ربنااا و اقبلي بنصيبك

  4. محمدابوالوفا
    28/01/2012 at 09:52

    ازااردت شئيابشدةفاطلق صراحةفان عاداليك فهوملك لك وان لم يعدفهولم يكن لك من البداية الحقيقي قديستمرويعيش بين الطرفين والحبايب ويتحقق ولوبعدحين وطوال العمر\اماالوهم\قديكون خيالاوتفكيرالشباب ولن يتحقق طوال حياة الانسان ولوبعدحين\شكرا

  5. محمدابوالوفا
    28/01/2012 at 09:47

    كلام جميل جدا الحب هواهم شئ في الدنيا والانسان لن يستطيع ان يعيش بدون حب كمالن يستطيع بدون ماءفالحب نصف الحياة \ازااردت شئيابشدةفاطلق صراحة فان عاداليك فهوملك لك وان لم يعدفهولم يكن لك من البداية الفرق بين الحب الحقيقي والوهم\الحب الحقيقي يستمرحتي طوال حياة الطرفين اي الرجل والمراة والوهم هوتفكيرالشباب وعقلية الشباب ولن يتحقق في حياة الطرفين ولو بعدحين \محمدابوالوفا\شكرا

  6. ياسمين
    24/11/2011 at 09:47

    علي فكرة الشكل مش كل حاجه وخليكي مع خطيبك واللي نصيبك فيه هتخد يه سواء كان خطيبك او حبيبك لو ليكي نصيب في حبيبك لو انتي في الكوشة وفي ليلة فرحك هتتجوزيه غصب عن انف الكل فخليكي مع خطيبك وربنا يهديكي ويقدملك ما فيه الخير واللي في نصيبك هتشوفيه

  7. نونه
    12/10/2011 at 20:57

    انا شايفه انك تسيبه وهو لو بيحبك هيعمل المستحيل عشان يرجعلك

  8. lola
    28/09/2011 at 21:55

    بصراحة انا شايفة ان كلام انا مين ده مظبوط جدا انا كنت في نفس المشكلة بس عرفت اخد قرار مظبوط انتي كمان فكري صح ومتنسيش الحب لوحده مش يكفي وكمان من طرف واحد وبالذات لما يتهرب ده كله لازم تحسبيه صح

  9. SoUmA
    25/09/2011 at 16:16

    ربنا معاكي واكيد لو اتكلمتي مع باباكي ومع حبيبك مع بعض هيفهم وهيشوف انو بنتو هتهنى وهتبقى مبسوطة يبقى مافيش سبب علشان يرفضوو.. باباكي بيعمل معاكي كده علشان عاوز مصلحتك . ربنا يوفقك يااااااااااارب ويحققلك كل حاجة بتتمنيها

  10. زمااااان
    19/09/2011 at 12:27

    وانا اضم صوتي لصوت الاخ انا مين
    بجد يا اختنا افهمي كلامو كويس
    وربنا يسترك ويستر كل بنات المسلمين

  11. حنان اليبية
    18/09/2011 at 02:37

    مش رح نكتبلك نصيحة , لأني قريت النصايح كلهم أو الشخص الي اسمه ….أنا مين؟؟…. أفضل اقتراح ومش اتفكري اسمعي كلامه بجديات , او المظاهلر من وراها مش حتحصلي شيء , رجاااااااااااااااء خاااااااااااااص اسمعي كلام أنا مين؟ وربنا معاك أختك حنان من ليبيا

  12. المراهقة الطائشة
    17/09/2011 at 03:33

    حبيبك الاولاني دة بيضحك عليكي انسيه خالص واتعرفي على واحد غيره اللي انتي مخطوباله مثلا حاولي تحبيه وانسي الاولاني دة من حياتك خااااالص

  13. ايمان
    16/09/2011 at 21:25

    المقياس اللى انتى بتقيسى بية شريك حياتك وهو الوسامة مش مظبوط
    صحيح الشكل مهم ولازم تكونى متقبلاة لكن مش هو كل حاجة
    انا شايفة ان الشخص اللى انتى بتقولى علية حبيبك متحركش وجة طلبك للجواز غير بعد ما اتخطبتى قبل كدة كان بيتهرب .
    من رايى تفكرى بعقلك واوزنى ايجابات وسلبيات كل واحد فيهم وانتى اللى تقررى

  14. salma
    16/09/2011 at 11:32

    انا عندى نفس مشكلتك بس انا لسة معملتش خطوبة ارضى بنصيبك وقولى الحمدلله عشان ربنا يكرمك معاه وطالما خطيبك شريكى متسبهوش عشان كدا انت بتجرحى وكما تدين تدان وممكن يجيلك يوم حد يعمل فيكى كدا ومش بعيد يبقى حبيبك

  15. ريم
    15/09/2011 at 22:20

    بصراحة الواحد مش بيحس بقيمة البنى ادم الا لما يضيع منو متخديش حد غصبن عنك دة جواز مش لعبة

  16. روزا
    15/09/2011 at 19:04

    من اخت الي اخت بصي اتمسكي بحبيبك بس المهم ان يكون في ثقة في يعني يجي البيت ويتقدم رسمي علشان بابكي يتقبل انوة يخطوبك وبعد ين هيحصل باذن الله اللي انتي عايزة

  17. ريري من العراق
    15/09/2011 at 17:22

    والله ياحبيبتي الي في الخير بيقددمو ربنا وبصراحه السبب منك ليه وافقتي على خطيبك الي بيموت فيكي ودلوقتي عايزه ترجعيلو بس بصراحه الناس مش بالمظاهر الانسان بقلبو وبجوهرو وبصراحه اسألي مجرب ولاتسألي حكيم واني الي مجربه ده كان واحد بيموت فيا واي حاجه عايزاهه بيجيبها ليا بدون اي تردد لكني سبتو ومحبيته ابد لان مش وسيم واقصر مني وانه حلوه وطويله وجسمي حلو ومن عيله كويسه جدا ومعروفين والحمد لله اماهو فقصير ومش وسيم والبنات الي قالولي سيبس انتي احله ومااعرف ايه وسبتو للاسف حبيت انسان وسيم جدا وصديق بابا ووثقت فيه اوي وبعديها خاني وبيقولي عن الي عملو مع الي خاني معاهه وعيطت علي وسبتو وتندمت لاني سبت الانسان الي بيمووت فيا وحسيت اد ايه المظاهر بتخدع صلي استخاره واستفادي من تجربه غيرك والله يوفقك

  18. انا مين؟؟
    15/09/2011 at 15:14

    انا عاوز اقولك حاجه واحده
    انت بجد عارفه مين اللي بيحبك في الاتنين؟؟؟
    حبيبك الاولاني اللي مفكرش يتقدملك مره واحده!!
    اللي سابك وانتي بتقوليله انك هتتخطبي وما اهتمش انه يحارب علشانك برغم معاملتك الحلوه دايما معاه!!

    ولا خطيبك اللي اتقدملك ورفضتيه ومن حبه فيكي اتقدم تاني
    اللي مستحمل معاملتك الوحشه معاه ومش راضي يتخلي عنك ومتمسك انك تكوني له
    اللي اثبتلك انه راجل واتقدم علطول مش كل شويه يتهرب

    هو مين اللي بيحبك فيهم؟؟

    وبخصوص ان خطيبك مش وسيم
    للاسف انا مش عاوز اجرحك بس انتي انسانه تافهه لو سبتيه علشان حاجه زي دي
    ممكن تقوليلي هو شكل الست مش بيتغير بعد الجواز؟؟
    انت مش ممكن تاخدي اجمل انسان في الكون ويكون فيه صفات زي الزفت كده انتي مبسوطه؟؟
    هو مع الوقت ايه اللي بيفضل الشكل ولا المعامله؟؟
    الشكل هيروح في يوم من الايام سواء بمرور الزمن او بحادثه لاقدر الله لكن اللي هتفضل هي المعامله سواء حلوه او وحشه
    وخلي بالك الجزاء من جنس العمل ممكن تاخدي الوسيم الامور وبعد ما يتغير شكلك انتي يروح يدور ع الحلوه الاموره ي ما انتي كنتي بتدوري

    انا نفسي بجد تفكري بالعقل ايه المهم عندك في شريك عمرك الجاي؟؟
    السوال ده اهم سوال تساليه لنفسك قبل ما توافقي تتجوزي حد لانك لو عرفتي اجابته هتعيشي بقيت عمرك في سعاده

    انا اسف لو كلامي كان شديد
    اعتبريني اخوك الكبير وبنصحك
    وربنا يتمملك بخير مع اللي يسعدك ويتقي الله فيكي

اترك رداً أو حلاً لهذه المشكلة