السلام عليكم مشكلتى انى حبيت بنت جدا وهيا الحمد لله كويسه تعرفت عليها وانا فى اخر سنة فى الثانوية العامة ولكن لم اصارحها بحبى الا لما دخلت الكلية وهيا كمان حبتنى جدا وقعدنا فترة نكلم بعض على التليفون من غير ما اهلنا يعرفوا شيىء فى الفترة دى كنا كويسين جدا وجت بعد فترة تقلى احنا مننفعش لبعض كلام كتير وتتعصب عليا كتير وصوتها يعلى عليا وانا فضلت اهديها واشوف فى ايه كل شويه تقلى هو كده من غير سبب بعد كده قعدنا شهرين هيا فضلت على الحالة دى وانا كل شويه اتصل بيها واطمن عليها وهيا تكلمنى وحش وانا اصبر عليها بعد كده بعد ثلاث شهور كلمتها فهيا حنت واتكلمنا كويس تانى واتفقت انى اروح لاهلها واخطبها وفعلا ذهبت انا واهلى لاهلها والحمد لله اهلها رحبوا جدا وحبونى جدا والحمد لله اتخطبنا وبعد الخطوبة الحمد لله كل شيىء تمام بنتكلم كل يوم ونهزر وحب وكل حجاة وهيا فعلا طيبة وكويسه وبعد الخطوبة بشهر رجعت لعادتها تانى تعصب عليا وتتلكك لاى حاجة يعنى انا كنت متفق معاها اننا نخلص كليه بعد كده نتجوز باذن الله يعنى سنتين وهيا واهلها موافقين وكل شيىء تمام جت تقلى لا ده كده فترة الخطوبة هتزيد قوى وهنمل من بعض والمشاكل هتزيد ومينفعش كده وراحت جايه قيلالى تانى يوم عى فكرة انا بتلكك ان الى مخلينى كده انى من ساعة ماعرفتك وانا بيجلى ايام احس انى مش عايزة اشوفك قدامى ولا عايزاك وده الى كان بيخلينى اتعصب عليك وجاية تقلى هو انا قلتلك قبل كده انى بحبك لا مقلتش بقلها يعنى مبتحبنيش تقلى معرفش وانا الحمد لله انسان كويس جدا وطيب ومحترم الحمد لله واهلها واخواتها بيحبونى جدا زى اخوهم بالضبط وانا كمان بحبهم جدا وكل شويه يقولولى استحملها معلش عشان خاطرنا هيا عصبية بس شويه وجاية تقلى بقى دلوقتى بعد شهر من الخطوبة انا مش طليقاك مش طايقى اسمع صوتك وخلاص زهقت ولازم نسيب بعض وانا فعلا ببحبها جداا بالله عليكوا قوليلى اعمل ايه مش عارف اعمل ايه اقف جنبها واستحملها واخدها واحدة واحدة واجى على نفسى ولا اسيبها ولا اعمل ايه
مشاكل الشباب مع البنات
كيف اتعامل مع خطيبتي العصبية
اضيف بتاريخ: Thursday, January 26th, 2012 في 02:02
كلمات مشاكل وحلول: الثانوية العامة, الحب الاول, الخطوبة, مشاكل الحب, مشاكل الشباب
يا جماعه هو الواحد ليبه لما بيعترف لحبيبته بغلطه وهيا ليه مش بتعترف انا بدخل الهزار فى الجد اه وممكن اكون غلطان اوى
بس هل من الممكن اى اختلافات تحصل بسيطه تخلىة الحبيبه المخطوبة تقفل فى وشك السكه او تسيبك على التليفون ومتكلمكش وهل دا يصح وانت معترف بغلطك ارجو الرد بسرعه وشكرا لكم جزيلا
اخوكم محمد سيد
ربنا بعتلك التانية حافظ عليها .. البنت الاولى ربنا يوفقها مع حد تانى بس مترجعلهاش هى مش بتحبك .. اللى بيحب حد مش بيعرف يبعد عنه و بيخاف انه يتجرح
بص اولا طالما قالت الجمله دي قدامك ومقدرتش مشاعرك ولا حد قدرت زعلك يبقه هي اساسا مش باقيه عليك هي عايزه تحت مزاجها وكلمتها يوم لما تبقه عايزه تكلمك تبقه موجود ويوم لما ميكونش ليها مزاج متكلمكش صدقيني دي فيها حب سيطره وانانيه متكررش نفسي غلطتي لانك هتندم صدقني ابعد عنها وخد اللي تحبك متخدش اللي انت تحبها صدقني الجمله دي طلعت صح ف الزمن ده
السلام عليكم
اناصاحب المشكلة ياجماعة ومتشكر جدا على اهتمامكم وردكم بس ياريت تلحقونى انا عايز رايكم انا فعلا سيبت خطيبتى وبعد فترة اعجبت ببنت كويسه جدا واتخطبنا وبقالنا سنة مع بعض والبنت كويسه جدا معايا وشيلانى فوق دماغها بس انا مش قادر انسى حبيبتى بحبها قوى المهم ان حبيبتى رجعتلى تانى وفضلت تعتذر جدا وعرفت غلطها وانا مش قادر استحمل افضل بعيد عنها رجعتلى بطريقة مش ممكت تتخيلوها تعبانة جدا ورفضت كل الناس الى اتقدمولها عشانى والى كانت بتعمله ده كله كان غصب عنها لانها كانت تعبانة ومش قادرة تعيش من غيرى ولا انا قادر بجد اعيش من غيرها وعايز افك خطوبتى مع خطيبتى وارجعلها بس مش صعبان عليا قوى البنت الى خاطبها بتبنى قوى وشيلانى هيا واهلها فوق دماغهم مش عايز اظلمها وخايف لو سبتها يحصلها حاجة بقول اكمل معاها واتجوزها بس خايف افضل احب حبيبتى حتى بعد الجواز ويبىق دمرت نفسى وخايف اسيب البنت دى واظلمها بجد مش عارف اعمل ايه الحقوونى
مينفعش انك تحب واحدة كده هي ممكن اه تكون بتتدلع شوية لاكن مش كده واكيد اكيد في انسان بيحبك اوووي وبيدور عليك دور انت كمان عليه وفي مثل يقولك حب الي يحبك ومتحبش الي انت بتحبيه وعلي فكرة بعد الجواز انت هتتخنق هتيجي بطريقة سلبية وهيبقي في مشاكل وبلاش تخلفوا عشان هتبهدلوه.
انتة بتحبها تمام بس ف الحقيقة هيا مش بتحبك ولازم تقتنع بدة لازم تكون كرامتك اغلى واكبر من حبك لان كرامتك هيا اغلى شئ عندك انا عارف انة مش بأيدك وانك بتحبها وانة مش بأيدك بس حاول متبقاش معاها ان طلبت تفسخ الخطوبة وافقها داري حبك ف قلبك ومتظهروش لحد لان احيانا فية بنات بتستخدم شده حب الراجل باسلوب غلط وبيفتكروا ان الراجل هيموت لو متكلمتش معاه تبقاش من النوع دة لان دا هيموت قلبك وبعدين اعقلها كدة ازاى هتعيش مع واحدة مبتحبكش
لو بتحبها سيبها عشان تلاقي حد تحبة هيا وتكون سعيدة وف كلتا الحالتين هتكون كسبان لانك اسعدتها
واسعدت نفسك لانك هتقابل احلى منها وهتحب مرة تانية
السلام عليكم
نصيحتي ان تتركها من الان وانا استنتجت انها ما بتحبك لو بتحبك مستحيل هي الي تنقلب عليك كل شويه وصدقني ما رح ترتاح معها ويمكن بعد الزواج تزيد اكتر
اهم شي الكرامه
صدقني انت لو سبتها هتبقي خسران بس هي شكلها نفسيا محتاجه دكتور وحاول تصبر عليها ورينا معاكوا يارب انت شكلك بتحبها وهي كمان خليك واثق انك بتحبها ومتسبهاش وخليك جمبها لان اكيد هيا لما تحسك متمسك بيها ومش عاوز تسيبها صدقني بعد ماتتحسن هتشيلك جواة عيناها العصبيه مش عيب دة احيانا بيكون مرض وانت كمان لو اتعصبت ادامك امتص غضبها وخدها براحه هتلاقيها جت واعتذرت كمان وهتحس انك انت بتستحملها وبتيجي علي نفسك علشانها وهيا من نفسها مش هتحب تزعلك تاني واوعي تسمع كلام اللي يقولك كرامه والكلام دة لانهم اكيد محبوش اللي بيحب دة كرامته من كرامه حبيبه مافيش فرق وحاول دايما معاها بالكلام الناعم والمرن دي بنت واكيد لها مشاعر وانت كمان ربنا معاك يارب اكون قدرت افيدك
السلام عليكم راى من البداية انك تتركها فورا واحب اوضح لتصحيح المفاهيم : 1- ببساطة لتجنب الفشل فى الزواج ففترة الخطوبة وظيفتها فهم الطرفين لبعض , يجب اختيار الشريك بناء على عيوبة وليست مميزاتة فقط !! لأن الصدام بين الطرفين بيكون بسبب اصطدام عيوب كل واحد بالتانى ومافيش صدام بيكون بسبب المميزات لأنها حاجة حلوة 2- لابد تعرف ان الطباع لا تتغير يعنى لو عصبى مش حاتغير وحايفضل كدة وماتحاولش تغيرة لو عاجبك كدا وعندك القدرة تتحملة على طوول وانت طويل البال وتتحمل اى عصبية ومايهمك يبقى عالبركة اما لو بتعشم نفسك يتغير تبقى بتحلم (وقراية القران والعبادة مالهاش دعوة بالطباع انما لها علاقة بالسلوووووك – الصلاة تنهى عن الفحشاء والمنكر – وليست تنهى عن العصبية والعند فالفحشاء سلوك والعصبية طباع واااضح ) ولاحظ ان اهلاها عارفنها كويس انها عصبية ويقولوا لك تحملهاااا أفهم كويس هما محتاجين عريس يتحمل عيب بنتهم من العصبية وهما متحملنها لحين ما حد يجيى يستلم منهم , فأعرف الواقع كما هو
في العادة لو كانت بنت بتقول خطيبي عصبي، كنت نصحتها تسيبه
إن الرجل أقوى ويقدر يتحمل وفي إيده القرار أي وقت، ويقدر يتزوج أي وقت سواء فشل في الزواج الأول أو نجح
لكن أنا شخصيا شايف إنك تطلب من أهلها يعرضوها على طبيب نفسي
وتابع معاها وحاول تتحملها ومفيش مانع من بعض الإهمال لها علشان تعلمها تلتزم في الكلام شوية
يا جماعه هوة كويس وهيا كويسه وهيا بتحبه والا اذا مكنتش وفقت على الخطوبه يعني مثلا نقول بتكلم حد من وراه لا لو بتكلم مكنتش وفقت على الخطوبه كل الحكايه زى ما قال وحد هنا تروح بيها لشيخ هقول فى يوم اخرجوا يوم من اول كلو بره واشربوا وعيشوا مع اتفاق مع اهلها وروح بيها لشيخ بلاش تروح لو فى بيتها انت وبتزورها دخلت عليها ب شيخين يقعدوا ساعه قران وقالولك فى ايه هتطمن وهيا كويسه خليك معاها ربنا يهديها عليك ويهديكم على بعض يارب
بص اللي فهمتو من كلامك يتلخص في ان خطيبتك لزم تخدها لحد يقراء عليها قراءن او الرقيه الشرعيه يمكن كلامي ميعجبش بعض الناس اللي هنا بس قلتو واجري علي الله
خليها تصلي وتقراء قراءن وتابعها وصبر عليها البنت بتحبك بس فيها حاجه ممكن تكون اتحسدت وده سبب يخليها تعمل كده او شيئ تاني هيبان اما تخليها تصلي كتير وتقراء قراءن كتير
والله الموفق
صاحبي
هقولك ع حاجه صغيره
تعرف لما بيكون حد بيحب حد اوى
1 _ بيبقي نفسه ينام ويصحي ع صوت حبيبه
2 ، بيكون محرص جدا في كلامه لحسن يجرحه بكلمه مش بفعل
3 . كل مناه انهم يكونوا سعداء في الحياه حتى لو كانت حياه بسيطه ع اد الحال
4 . مستحيل مستحيل حد يكون بيبحك ويقولك مش طايق اسمع صوتك
الانسانه دي جرحت مشاعرك وكرامتك وانت عارف ان مفيش حاجه عندنا احنا الرجاله اهم من كرامتنا ..
اقولك على حاجه يا صاحبي بس استحمل كلامى
لو لقيت حد بيهين كرامتك كدا { انسحب من حياته بكل هدوء }
هي مش طايقه تسمع صوتك في الخطوبه .. في الجواز هتبقي خيانه بنسه كبيرررره جدا والله اعلى واعلم بقلوب الناس مش بتهم حد بالباطل طبعا
خد شبكتك وقولها انا هريحك خالص منى لا هتشوفيني ولا هتسمعى صوتى تانى
بس اعرفي وافتكرى امى كنت بحبك بجد وعمرك ما هتلاقي انسان يحبك ادي
ربنا هيكرمها بواحد لازم يكون سئ معاها عشان { كما تدين تدان }
انت هتتعب شويا في البدايه .. وهتفكر غصب عنك في الذكريات .. ده صحيح لان التفكير شئ غير ارادي في الانسان بس بعد كدا هتبدا تتعود جدا ع فراق شخص كان عزيز عليك
استنا كام شهر اعمل فيهم صيانه لقلبك الكبير ده وبعدين اخطب بنت تكون محترمه وتصونك
واسال ع اصلها وفصلها صدقنى جواز الصالونات دلوقتى هو اللى بيدوم وربنا بيبارك فيه لانك داخله من اوله حلال
ربنا يكرمك
هو فى كد ده انت بجدااا عظيم انت عارف اكيد وحده صاحبتها شفتك لم لقيتك قويس عايزه تخليكم تسيب بعض انا بهزار اصل حصلت معايا المهم انا مش عارفه اقولك ايه اصل مش فى حد بيحب حد كد بس انت اتكلم معاها قولها انتى مش عايزنى ليه قولها انتى بتحبى حد تانى يمكن تكون من النوع الممروط يعنى لم تعرف حد بحبها تحس انها مالك تتقل عليه وانت اتقل عليها
شوفت البنت اللي بتتلكك بالشكل ده تبقه مش بتحبك والله اعلم يمكن تكون علي حلاقه حب مع واحد تاني بتحبه ومش عيزاك انت وبعدين هيه في الخطوبه بتعمل كده امال بعد الجواز هتعملك فيك ايه انصحك انك تسيبها فتره وترقبها وبعدين هتشوف النتيجه بوضوح
سيبها بدون تردد و ربنا يكرمك بانسانه تقدرك وتحبك -لان ممكن بعد الجواز يحصل طلاق بسرعه و تندم
تيجي على نفسك ليه ماتسيبها وبتقولك مش طايقاك وانت متمسك بيها
سيبها ربنا يسهلها ياابني دي هتجننك ايه ده