انا فتاة حبيت شخص واتخطبت ليه وبعد الخطوبة اكتشفت انه بيكذب في اشياء كتير وكان يقولي ان السبب خايف اضيع منه فقدت الثقة فيه حتي اني بدأت اتصيد له الاخطاء وتكلمت معه لانهي الموضوع ولم يتحدث تاني من بعدها بناء علي رغبتي باننا نترك بعض ولكن انا من لحظة ما افترقنا وانا حزينة ومكتئبة ومش عارفة اعيش لانه كان في كل شيء في حياتي يشاركني فيه فاصبحت كل حاجة بتفكرني بيه
الندم والتردد اصبح مسيطرين عليا عقلي يقول انه قراري صحيح بالبعد عنه لانه كذب كتير والغاية عنده تبرر الوسيلة ولكن قلبي ما زال يتألم من فراقه والمشكلة اني لم اتعود ان اكون ضعيفة امام الناس والموضوع دة جعلني باين حزني امام الناس وبقت مشكلة عندي مش عايزة ابقي ضعيفة في حبه اللي خايفة يكون وهم في الحقيقة ولكن مش قادرة ارجع مثل الاول وانساه
فكرت اكلمه او اعمل اي حاجة ترجعه وكرامتي منعتني ومازال قلبي يتألم ساعدوني هل اكلمه واسامحه ولا اجاهد نفسي واستحمل ألمي وحزني واحاول انساه
الحب الاول
مترددة ارجع ليه ولا انساه
اضيف بتاريخ: Monday, February 7th, 2011 في 19:18
كلمات مشاكل وحلول: الحب الاول, الخطوبة, فتاة, فترة الخطوبة, مشاكل, مشاكل الخطوبة
شوفي يااختي قال الرسول عليه الصلاةوالسلام قالوايارسول الله هل المومن يزني قال نعم قالوا هل يسرق قال نعم قالواهل يكذب قال لا المومن لايكذب فمن علامات المنافق ثلاث اذاحدث كذب واذاوعداخلف واذااتومن خان وهذالشاب كاذب ولاخيرفيه لك اطلاقا افسخي خطوبتك منه وردي له شبكته وارميه وراءظهرك نهايا وربك بيعوضك خيرمنه وبيكرمك بابن الحلال الصادق اللي يخاف الله فيك ويستاهلك ويقدريسعدك في حياتك
ابنتي انت لومتاكدةانويحبك وانت تحبيه ومش قادرة تستغنى عنه اعطيه فرصة اخيرة واطلبي منه يكن صادق معاك في كل حاجة ولايخبي عنك شي وان لايرجع للكدب تاني لانك مش حتسامحيه وخليه يحلف عل هذا الشي واتمنى لكما السعادة والهناء
انا بشكركم علي ارائكم وعايزة اقولكم انا قدرت انساه وكمان هو رجع ندمان وعايز يرجع وحاول كثيرا وانا قررت ان لا ارجع ليه لان حسيت في كلامه انه لسة هيكذب هو فعلا بيحبني بس هو كذبه كتير ودة هيأثر عليا دايما
اولا اتمني ربنا يخرجك من هذه التجربة القاسية ولازم تعرفي ان الحب الحقيقي لازم يتبني علي الصراحة وهو كدب عليكي كتير وفقدتي الثقة فيه يعني لو قالك انه بيحبك مش هتصدقيه لان الانطباعات الاولي تدوم وشخص كداب زي ده لازم تبعدي عنه وتشوفي مستقبلك وربنا يكرمك بإنسان صادق يقدرك ويداوي جرحك
انا قررت ان افوض امري لله وان كان لي نصيب فيه هيرجع لي بدون تدخل مني اما غير كدة لو الهوا اللي بتنفسه افضل ان لا اتنفس هذا الهوا لان معه هفقد احترامي لنفسي وبكدة هكون فعلا ضعت ورغم مرور الزمن قلبي ما زال يتالم ولكن كرامة البنت اغلي عندها من الحب وقلبها انا علي يقين ان ربنا هيعوضني بالخير
ادعولي بالخروج من هذه الازمة
بيصى انا هقوللك على حاجة انا مر معاية نفس الظروف بتاعتك بس مش كدة خالص انا حبيت وحدة عندها 15 سنة وانا عندى 17 سنة حبينا بعض اوي لدرجة محدش يتخيلها لان جالها اكثر من عريس وانا مش بايدى اى حاجة دلوقتى اقدر اعملها لان انا لسة فى مرحلة التعليم وجالها واحد واهلها غصبوهة علية وانا قلت لآبى انا عايز اتكلم عليها يعنى نفضل نحب بعض حتى ان الله نتخطب بس لآسف انا محتار جداا وانا عن نفسى وعلشان انا بحبها قولتلها اتخطبيو علشان متزعلش اهلها منها وانا كان بايدى اتصرف بطريقة وحشة اوى بس انا بحبها وماقدرش افعل حاجة زى كدة وفى الاخر انا بقول ك شئ قسمة ونصيب وان كان ليا نصيب فيها هخدها وانا هقوللك على الرد بتاعك بصى اا كان بيحبك وانا متأكد انو لسة بيحبك انا مقدرش اقوللك ارجعيلو ولالا انا محتار يصراحة بس دا اسمة اول حب حبيتة واول احساس حسيتة واخر احساس بس لو قاللك انا اسف دا كان مجرد هزار او الشيطان ضحك علية ارجعيلة وانا بتمنالك السعادة اذا رجعتيلة وربنا يوفقوا وشكــــــــــــراا ومع تحياتى لكى بالسعادة والتوفيق كان معكى محمد فتحى
يااختى العزيزة انتى بتقولى ده بيكدب كتير اوعى تأمنى لاى راجل بيكدب كتير لان حاتفضلى تشكى فى كل كلمة يقولها يعنى مش حايبقى محل ثقة وبعدين هو لو بيحبك مش حايسيبك بالسهولة دى حتى لو انتى اللى طلبتى حايحاول انك ترجعى له باى طريقة لكن غير كدة يبقى مش بيحبك احسن حاجة انك ما تفكريش فيه ابدا واتا كدى ان ربنا حايبعتلك اللى احسن منه
هو لو متمسك بيكى اوى كان رجع وكلمك تانى وحاول يرجعلك لاكن دة سكت وبعد وبعدين انتى بتقولى انة بيكدب كتير يعنى مش محل ثقةانتنى اللى تقدرى تاخدى القرار هتقدرى تعيشى مع واحد بيكدب على طول وتعيشى فى قلق طول حياتك وفى شك بينكم ولا مش هتقدرى لو ردك اة يبقى ارجعيلة وةاستحملى لو ردك لا يبقى احسن وانتى الكسبانة مش هتخسرى
يعنى هو بصراحة لو كدب عليكى تلوقت هيكدب عليكى بعد الجواز والكداب هيفضل طول عمره كداب مهما تعملى فيه
صلى صلاة استخارة وان شاء الله خير
انا من راى انك تحاولى تكلميه واديلوا فرصه تانيه ويمكن يتغير ليه تعيشى فى الالم وانتى بتقوالى انوا بيحبك سمحى ورجعى ولو متغيرش ابعدى عنوا بس اديلوا فرصه تانيه
لو بيكذب كتير فـ حاجات حاسه انها مكنش لازم يكذب فيها
يبقى الأفضل الـ انتى عملتيه دا
لأن الـ بيكذب بيفضل يكذب طول عمره الا لو بجد حاول يغير من نفسه
انما لو حاسه انه كان فعلاً بيكذب كمضطر يبقى خلاص مفيش مشكله ” مع انى شايف برده ان الـ بيحب بجد مش محتاج يكذب اساساً مهما كانت الأسباب ”
عامةً انتى احسن واحده تقدر تحكم عليه ومن افعاله
بس لو هو ع الحال دا مضايقك يبقى بجد دوسى على قلبك عشان الحاله الـ انتى فيها دى افضل من انك تعيشى مع حد كذاب
وحاولى تنسيه وتشغلى بالك بأى حاجه عشان تعرفى تكملى حياتك
اقنعى نفسك انك احسن منه وان هو بيكذب ودا حرام شرعاً وكمان عيب فـ حقه و حقك انتى
حاولى بالله عليكى تعملى كدا وتقربى من ربنا
اكلمى مع اخواتك او صحباتك او اى حد وخلى حياتك ماشيه
وربنا كلنا زيك ومخنوقين وحاسين ان الـ حبناه فـ يوم كان واخد مكان كبير وفاجأه بقى مش فى حاجه منه
لكن طالما الحد الـ حبناه مكنش كويس يبقى مش يستاهل اننا نفكر فيه او ندمر حياتنا عشانه
اجمدى كدا وزى ماقلتلك كلنا زيك بس بندوس على قلبنا عشان نعرف نعيش وساعات كتير بنعيط بس هنعمل ايه
الجاى احسن ان شاء الله
انتى عملتى الصح واهنيئك على هالخطوة
ولا تندمى ولا تكتئبىء
اكيد الله كتيبلك الاحسن منه
اجلسي وقت بسيط وفكرى بهدؤ وارجع للورا بشو كان بيسوي من الحلو ومن الوحش واكيد بتلاقي البيريحك صدقينى
وجربي وماراح تندمى طول عمرك
الله يصلح حالك وحالنا جميعا يارب
لازم تنسيه لانك لو كملتي معاه هتتعذبي من كتر الكذب بتاعه فنصحه هتتعذبي شويه وانتي بعيدة عنه لكن هترتاحي بعدين
فى الحاله دى شوفى المكسب والخساره أكبرأو أقل فى الحالتين
أنك ترجعيلو وترضى بكذبو الى عمره مش هيغره عشان خترك
أو تستحملى شوية أيام لغاية لما تنسيييييييييييييييييه
وأنا بنصحك أنك تسبييييه
وشكرا
القيصر
الى يكدب مرا فى اول حياتوا الزوجيا استحالا يكون صادق فى اى حاجا بعد كدا وهل انتى بعد كدا هتسدئية الاحسن لنسية
صدقينى بصى على المزايا اللى فيه وحاولى تنميها ولو كان بيكدب عليكى دا عشان بيخاف لو انتى تسبيه لكن طمنيه انك هتكملى عمرك كله معاه بس لازم يعملك حساب واعتبار ومايكدبش عليكى لانه لو كدب يبقى بيعمل حاجه غلط ومش محترمك لكن كلمه البعد دى يعنى العذاب للحبيبين وطمنينا عليكى لما ترجعوا لبعض وربنا يوفقكم ويهديه ليكى
أختاه بعدما اكتشفتى بعض من اكاذيبه ..هل كان يصلح من نفسه في هذه الاكاذيب…أم يستمر بأكاذيبه؟ فمحتمل أنه معتاد على الكذب ولكنه قرر أن يغير من نفسه معكى وكنت أنت عاملا رئيسيا يساعده على ذلك !!! وبهذا لكى ثوابا عظيما…أما إن كان يضرب بكلامك عرض الحائط
فلا تبك عليه لأنه لن يبك عليكي …وإن كان يغير من نفسه فعلا فتستطيعى مخاطبته ولو برساله على أنه رجل سيقدرك ويحترمك مع إبلاغه انك ستبتعدي عنه إن ظهر منه أى اعوجاج أو إلم يكن جادا …أعلم ان في هذا استضعاف لكى…ولكن ربما تستعيدي شريك العمر الذي سيحافظ عليكي من كل قلبه …أو انه سيظهرعلى حقيقته وفي هذا ستتركيه غير مأسوف عليه…. والله يخير لكى
السلام عليكم…اسمحى لى يا ابنتى الحبيبه ان اقول ما اراه صائبه اعاننى الله واياكى…الموضوع ليس التنازل عن الكرامه من اجل الحب… المقصود بالمقوله هو عدم الكبر ومحاوله التفاهم بصدر رحب وقلب وعقل مفتوح.. اما عن مشكلتك فمن وجههه نظرى ان خطيبك مصاب بمرض الكذب.. والعذر اقبح من الذنب.. معنى انه يكذب حتى لا تضيعى منه انه يرى نفسه غير مناسب لك بمعنى انه يشعر بصغر حجمه.. وهذا الاحساس بالدونيه والنقص سيظل ملازمه طول فتره حياته معاك وسيسبب لكم مشاكل كثيره وستظلى تتنازلى الى مالا نهايه ولن يرضى هو ابدا… حاولى اعطائه فرصه اخيره ولكن تحت ملاحظه شديده لا مانع من ان تتصلى به وتعرضى عوده العلاقه ولكن بشرط ان يتقى الله فيكى ولا يكذب فى اى صغيره ولا كبيره وبعد فتره قررى قرارك النهائى ولا تظلمى نفسك او تظلميه .. اقبلى تحياتى
السلام عليكم اولا يا اختى العزيزة اوعى تكلميه جاهدى واصبرى وان شاء الله بعد فترة هتنسيه وصلى وقربى من ربنا لانك اخدتى القرار الصحيح لانك لو كنتى اتجوزتيه كان ممكن يكدب عليكى فى اقل حاجة لان الجواز لازم يقوم على الصراحة عشان الكدب مش بينفع اصحابه وربنا يوفقك وتلاقى اللى يستاهلك بجد
والله يات حبيبتى كل اللى اقدر اقوله ليكى صلى صلاة الاستخاره وربنا اكيد هيفيدك اكتر من اى بنى ادم وربنا يوافق (نهله طلعت)
اذا كان هذا الانسان ممن يتقون الله وكان كذبه في الاشياء البسيطة التي يمكن تداركها فلا بأس به ولا بأس بالعودة اليه اما لو كان الكذب في الامور الكبيرة فلاشك ان ان هذا الكذب سيكون طريقا للفجور لقوله (ص) وان الكذب يهدي الى الفجور
وهذا ليس وقت العواطف وانما وقت العقل وانا اعلم تماما ان هذا الامر عليك صعب فالنسيان ليس امرا سهلا فعليكي ان تستخيري الله تعالى وتعقدي مقارنة بين مساوئه ومميزاته فات غلبت المميزات فسامحيه والا فليس هناك من يستحق ان ننكسر من اجله بداعي ما يسمى بالحب وتفائلي خيرا فما اصابك من شيء ماكان ليخطئك وما اخطأك ماكان ليصيبك وأسأل الله لك التوفيق والزوج الصالح الذي يعينك على طاعته عزوجل
لو انتي متاكده ان هو بيحبك سميحه لان ممكن كان بيكدب عليك عشان بيحبك ومش عايز تروحي منه انا تقربيا نفس موضعك خطبيتي عملت بس انا مش عارف ليه بس هي ممكن تكون هي بتحبني وبقول لها ارجع واتجوز بتقول لاء ارجعي ليه وسمحيه دا الله الي خلقك وخلقني بيسمح يبقي احنا البشر مش هنسمح بعضنا
اتكلمى وصرحية
الحب مفش فى كرامة انا ممكن اعمل اى حاجة علشان خاطر الانسانة لى بحبة علشان اوصلة ممكن اعمل اى حاجة علشان خاطرة بس على شرط انة تكون زى كدة ممكن تعلمى اى حاجة علشان تواصل ليا ولو كل واحد او واحدة فكرت فى الحب على اساس الكرمة يبى مفش حب علشان الحب اصلن بيخال الانسان يتنزلى عن حاجات كتير يعنى انتى عارفة انا عندى كلمت حب بحط يساوى دى معنة اية اقوالك معنة اية عندى الحب =الموت يعنى الكوت ولى فية كرامة ولى فية شخصية ولى اى حاجة يبى الحب = الموت