عندي 18 سنه وبحب واحد عنده 20 سنه بنحب بعض من 3 سنين كان اللي بينا سر لكن لما ماما عرفت اللي بيني وبينه حصلت مشكله كبيره وكان تصرفه معها بجرأه كبيره جدا واستمرت المشكله مده كبيره وانتهت بانه باعني وكنت رخيصه عنده لكن بعد مرور وقت طويل استمر 6 شهور وانا بعيده عنه تماما عرفت ان كل اللي حصل منه أيام المشكله كان هو غايب عن الوعي ومكنش مدرك ايه اللي بيقوله وده لانه مدمن سجاير وغيرها لكن ببعدي عنه عرف قيمتي وحس انه خسرني ولكن كلامه مع اصحابه كان بيقول انه ندمان عالحصل ونفسه اني اسامحه وارجعله تاني وهو حاول كتير وبما اني كنت بحبه وبموت فيه ومازلت بحبه سامحته بس بجد كانت فتره صعبه عليا قوي وكنت فعلا مصدومه لكن رجعنا لبعض تاني وبقيت دلوقت كل حياته وميقدرش يعيش من غيري وبجد انا كمان روحي فيه واجمل ايام حياتنا واحنا مع بعض واحنا طبعا متفقين علي الخطوبه بس للاسف كل خوفنا من امي لترفض الموضوع لانها بتكرهه وبتكره عائلته وهي علي اعتقاد انه بيتسلي بيا لكن من ناحية بابا هو بيحبه قوي ومن ناحية حبيبي هو بيحب ماما وبابا مع العلم ان بابا ميعرفش حاجه عن اللي بيني وبينه بالله عليكوا تقولولي اعمل ايه وهل مسامحتي له كانت غلط وللا فعلا اللي بيحب بيسامح انا موقفي ايه دلوقت ولو ماما رفضته انا اتصرف ازاي
الحب الاول
امي تكره حبيبي وعائلته
اضيف بتاريخ: Sunday, April 24th, 2011 في 07:25
كلمات مشاكل وحلول: الام, الحب الاول, مشاكل الحبيب
لو بيحبك خليه يبطل الحاجات اللى بيشربها ولو بطلها يبقى بيحبك ويستاهل انك تضحى بأى حاجة عشانه ولو معملش كده يبقى مش بيحبك
اعتقد ان المشكلة سهلة انا بنصحك انك متربيطيش بواحد زى دة حتى لو بتحبية ومتقدريش تعيش من غيرة كل حاجة بتتنسا مش صعبة لكن انا عن نفسى استحالة ارتبط بواحد بيشربق سجاير وحاجات تانية غلط بمجرد انك سمحتية اوك بس يا حبيبتى كل شوية هيسيبك ويرجع يقولك سامحينى فلية كل دة ابعد عنة من دلوقتى واسمعى كلام مامتك لانها عارفة مصلحتك اكتر من اى حد
بدل بتحبيه وهو بيحبك ويقدر انو يتحدى العالم كله علشانك سبيكى من الناس دى كلها وخليكى معاه
الى بيحب بيسامح لازم تسامحيه ولازم تقنعى مامتك لكن متعمليش حاجه من وراها ابدا انا لما صارحتها اختلف الموضوع تماما وربنا يوفقك يا قمر
لا اللى انتى عمليته صح على فكره انا فى نفس موقفك ده بس هو جيه قابل مامتى ومامتى عجبجها واقتنعت بانه كويس وعايزنى بجد انا بحبه موت ومقدرناش نبعد ابدا
السلام عليكم الحب كويس وبيسهل كل حاجه بس مادام باباكي بيحبه احكي لباباكي على كل حاجة وهو اكيد بخبرته هيرسملك افضل طريق وخصوصا اني حبيبك سابك قبل كده وكمان مدمن
ووالله انا بحكيلك هيك كل الاميات وطنش تعش تنتعش .. واعملي يلي بدك اياه بس كمان انتي بتقدري تقنعي امك وازا هيي بتكرهو وبتكره عيلتو ف ذنبها على جمبها ازا انتي عنجد بتحبي لااااااااازم لاااااااااااااازم تتحدي كل العاااااالم وازا انتو لبعض والله ما حدا بيقدر يوقف بطريقكو … تحياتي
يجب أن تنسي أمره أتعرفي على واحد اخلاقي وطيب لكي الكل يرضى به, أهم حاجة كملي الدراسة, ربنا يوفقك أنشاءالله تحصلي على واحد أفضل منه واسلام عليكم ورحمت الله وبركاته.
على فكرة المشكلة دى انا مريت بيها بردة بس مش بالظبط هى ظروف مينفعش انا اققولها بس السن تقريبا هو هو بس سايب الامر لربنا والله اذا كان فى نصيب تبقى حببتى دى لية وهو دة اللى انا بتمناة لية وليها واذا محصلش فاكيد ربنا عاوز كدة علشان انا عملت اللى علية وزيادة بس بردة انا واسق انى لا يمكن انساها
انت بتقولى انة مدمن سجاير ماشى مصر كلها بتشرب سجاير والحاجة التانى الا بتقولى عليها دة اية ما علينا لو والدك موافق خلية يكلم مامتك وياثر عليها بكلامة وربنا يقدم الا فى الخير
بصراحة هى غلط بالنسبة للحب لا اما لماماتك اه ماماتك شيفاه بنظرة تانية ماشى طب ليه مش بتحولى تفهميها الصح حولى تقنعيها وصاحبيها وقولى لبابكى كده وربنا يوفقك
السلام عليكم
غلطتك من البدايه انك اتعرفتى ع واحد زى ده وكمان خربتيها اكتر اما سامحتيه المفروض كنتى تردى كرامتك زى ماهو باعك تبعيه ولو طلب منك السماح ولا تعبريه وبكده انتى رديتى كرامتك .
والمفروض اللى يبيعك تبعيه وعمرك ماتشتريه ابدااااااااااااا .
وماتقوليش بحبه وهموت من غيره الكلام ده بقى موضه قديمه خلاص اتنسى وشغل مراهقات .
وكمان مامتك بتكرهه وباباكى لو عرف اللى حصل هو كمان هيكرهه .
ومن البدايه وانتوا لسه ع البر وبيعمل كده (سجاير وغايب عن الوعى واتصرف بجرأه مع ماماتك وباعك ) اومال لو اتزوجتوا هيعمل ايه ؟
الحل دلوقت انك ولا تعبريه وتذاكرى وتقربى من ربنا .
وربنا يهديكى ويحميكى .
الاخت الفاضله ….. كل حاجه وليها سبب شوفى رفض مامتك ليه سببه ايه بس بالراحه وان كان كلامها صح واتاكدتى من كلامها فاسمعى كلام مامتك لانها امتر واحدة تخافعليكى دة بتخاف عليكى اكتر من نفسها وبلاش اسطوانه هاموت من غيره او هوا هايموت من غيرك محدش بيموت من الحب ولو كل واحد حب وفشل ومات ما كنتيش هتلاقى حد فى الدنيا دى اصلا …. حكمى عقلك وقلبك بلاش قلبك بس عشان انتو داخلين بعد كده على جواز وعيشه طويله بلاش تخسرى امك وانا شايف من كلامك انه انسان بيشرب وباعك قبل كدة نصيحه من اخ اللى يبيع مرة سهل يبيع الف مرة دة مالوش امان وكونك رجعتيله دة طبعا غلط الانسان معندوش غير كرامته انا عندى مقوله حلوة جدا ملعون اى حب يذل صاحبة اقعدى كدة بالهداوة مع مامتك وشوفى رافضه ليه وفكرى بعقلك احسن ماتندمى بعد كدة عمرك كله ….. وربنا يوفقك
شوفى يابت الناس لو كان حبيبك عنده القدره على الجواز فمرحب بيه ولو كان لا يستطيع فشيلى الموضوع ده من دماغك خالص انا حاسس من كلامك انه بلا هدف مدمن سجاير وصحاب دا ضياع على الفاضى البنت الشاطره هى اللى متسلمش نفسها للحب ومتدلهوش فرصه يقتحم حياتها وترجع تقول بحبه ومقدرش اعيش من غيره والكلام دا اصبح ميأكلش عيش الزمن تغير وكلنا لازم نتغير وننسى اللى فات لانه كان زى الزفت والعمر بيجرى وياعالم.