انا بنت عندى 25 سنة بحب واحد جدا وهو بيحبنى وجه كلم اهلى بس المشكلة ان اهله رافضنى عشان مستوايا اقل منهم من الطبقة الى بنقول عليها مستورين والحمد لله لكن اهله ناس متكبرين جدا ومش عاوزنى عاوزين حد فالمستوى بتاعهم مع العلم بانى معايا شهادة جماعية ومثقفة جدا والحمد لله ملتزمة دينيا واخلاقيا وهو متمسك بيه جدا واحنا مش عاوزين غير حلال ربنا وانا مستوايا عادى جدابس هما الى متكبرين وفنفس الوقت مايقدرش يجى من غير موافقتهم لان فلوسه كلها معاهم وهما رافضين يرودهاله وكمان اهلى مش هيرضوا بيه من غير اهله فيدونى انا الدنيا اسودت فوشى
مشاكل الحب والزواج
يارب إذا كان الموت خير لى فاميتنى
اضيف بتاريخ: Tuesday, November 9th, 2010 في 03:43
كلمات مشاكل وحلول: الاهل, الحب, الزواج, بنت, مشاكل الحب, مشاكل الزواج
صباح الخير/اقول لكى ان المستوى الاجتماعى ده شىء بتاع ربنا اما هو فممكن ان يحاول بشتى الطرق اقناعهم بيكى وكل شاب يعرف نقطة ضعف اهله كويس وتاكدى مادام انتوا مش طالبين من ربنا غير الحلال لو فى نصيب هتلاقى ربنا وقف بجانبكم وتم الزواج بسهولةوبسرعة
اختى الغاليه البنت المهذبه الجامعيه لابد ان يكون ثقتها بنفسها اقوى الف مره من الاسلوب الى تتكلمى بيه ده ثانيا هو مصر عليكى واهلو رافضين لانهم ميسورين فكرك خطا لانو اختيار البنت مش بالمال بل بالعفه والطهاره والثبات و والادب والاخلاق فلو انتى بتتحلى بكل الصفات دى يبقى اجلسى بالبيت وهيجيلك الانسان الى يستاهلك ويقدرك وثقى تماما ان الراجل الى ميضحيش من اجل الانسانه الى يحبها يبقى انسان ميعرفش معنى التضحيه واخيرا ثقى تماما لو اهلو رافضينك واجبرهم هو على الزواج اعرفى كويس جدا انو هتكون المشاكل سبب فى جحيم علاقتك الزوجيه بالمستقبل واحياننا تصل للطلاق اصبرى حتى يقضى الله امرا كان مفعولا وشكرا
اختى المشكله ديه حتى لو تم الارتباط هتعيشى فى جحيم طول العمر لبدا من وضع نقطه للنهايه الان وخدى بالك ان لو باع اهله هيبيعك فى يوم من الايام لان الرسول قال خيركم خيركم لاهله ولو اقنعهم يبقى كويس بس انصحك انك تبعدى لو كان فى خير هيقنع اهله ويتقدم احسن ما الامور تطور اكبر من كده انتى حالك انك تسبيه وصلى لله واستخيرى ربنا والله الموفق
تكبر اهله حتى في حالة موافقتهم على الزواج هيكون نقطة ضدك
لانهم ساعتها هيحيلوا حياتكم لجحيم مش هتقدروا تتحملوه
وعواقب الانفصال ساعتها هتكون اكبر واخطر واصعب
الكرة الان في ملعب الشخص الذي تحبيه
اما ان يكون رجلا ويقنع اهله بالزواج منك واحترامك وتقديرك
او يبتعد عنك ويتركك تشوفي نصيبك مع شخص يكون محترم ويدافع عن حبه لكي
السلام عليكم انا بشكركم جميعا على ردودركم المفيدة اكيد ويارب يهدينى للخير ويهديكم جميعا انا بس عاوزة اوضح ان المستوى بينا مش شاسع فرق عادى يعنى مش كبير جدا ولا حتى كبير كل الموضوع انه اهله كان عندهم ميراث كويس ده الى خلى نفوسهم تتغر ومن غير الفلوس دى هما عاديين جدا بس الى مستغرباله انهم نسيوا ان زى مافى دنيا فيه اخرة وكلنا فالاخر هندفن فالتراب مافيش فرق بين رئيس جمهورية وشحات وهو متمسك بيه جدا وبيحاول معاهم وبيتكلم معاهم ديما وانا كمان اتقدملى كذا حد مستوياتهم اعلىا من مستواه على فكره بكتير جدا وراضيين بيه ومرتاحين لى لكن انا كل لما اصلى استخارة اتمسك بيه اكتر من الاول وأدينا بنحاول ادعولى وجزاكم الله خيرا
بصى هو لو الفارق كبير اوى يعنى دى مشكلة ليكى و ليه اصلا قبل الاهل,لان ممكن دلوقتى واخداكم العاطفة لكن بعد الجواز شىء تانى ,ولو هو متعود على اسلوب حياة معين و ملقهوش معاكى احتمال يدور على واحدة من نفس المستوى مع احترامى ليكى طبعا.
اما لو الفارق مش كبير ,فعليكو بالصبر و المحاولة ,واعلمى انه احتياجه لاهله مش مادى بس,ده شرط اساسى فى الزواج ,لان عيالك مش حيكبروا يلاقوا نفسهم من غير عيلة ولما يسألوا يعرفوا ان اهل ابوهم متبرئين منهم,ده غير ان مفيش واحد محترم يتجوز غصب عن اهله
وموقف اهلك سليم ,ليه تقللى من نفسك و تاخدى واحد اهله رافضينك وانتى ممكن تقابلى واحد تانى يحطك هو واهله فوق دماغهم ؟انتى كدة اللى بتظلمى نفسك
وفى النهاية كل شىء نصيب
الموضوع دلوقتى مش فاديكى خالص الموضوع فى ايديه هو والله لو عاوزك حيقدر يقنع اهله باى طريقه لانه مش بنت مغلوب على امرة ده رجل ولا انصحك انك تتزوجيه بدون رغبه اهله يعنى لازو يقنع اهله انهم يجوا معاه ويخطبوكى غير كده لا لا لازم يكون لكى كرامه قدام اهله لانه لو تزوجك بدون رغبتهم ستعيشين طول عمرك منبوذه وغير سعيده واى مشكله ستواجه حياتك الزوجيه ستدمر البيت حتى لو تزوجك سيشعر بعد ذلك انه اخطا فى حق اهله وسيشعر بالندم علشان كده سيبى الموضوع ده ليه والله قدر يقنعهم خير وبركه مقدرشى تبقى انسيه خالص وربنا يوفقك لاحسن منه
السلام عليكم.
اختيار الله للعبد ام اختيار العبد لنفسه.؟
الله سبحانه وتعالى اختار لكى ان لا تتزوجى من هذا الشاب فهو يعلم وانت لا تعلمين , ولو تزوجتى من هذا الشاب ربما اصابكى الاذى والضرر من قبل اهل هذا الشاب , فهم ناس متكبرين غشيت ابصارهم عن الحق والهدى وامتلأت قلوبهم بالظلم والغل فزادهم الله غلاً فوق غلهم.
هذا بالاضافة ان هذا الشاب شخص ضعيف, والدليل على ذلك انه غير قادر على اخذ قرار بالزواج منك الا بموافقة اهله, فبالتالى لن يستطع ان يؤمنك من اهله. ونا انصحك ان تبتعدى عن هذا الشاب الضعيف, والخير فى غيره باذن الله.
شهانة الحوينى.
طالبة فى السنة الاخيرة/كلية الطب
السعودية_____مدينة الرياض
بعين الله خليكم ع رايكم هوه يحكي اهلو انو ما راح ياخد غيرك وانو ما راح يتزوج غيرك خليه مسر على رايه وذا الكم نصيب في بعض بتاخدو بعض كل اشي قسمه ونصب في هادي ادنيا اذا على الحياه كلها قرف في قرف
عزيزتى لا تيأسى من رحمة الله حضرتك بتقولى ان مستواكى جامعى ومثقفة ومتدينة ارادة الله فوق كل شىء
وما تشاون الا ان يشاء الله رب العالمين
الانسان لازم يفكر بالعقل قبل القلب الحياة مش عواطف وبس
ارجو ان تكونى متزنه فى تصرفاتك ولا تيأسى من رحمة الله.
وعلى محبوبك الذى يريد خطبتك هو علية التصرف وعمل المستحيل لخطبتك
وانصحكى اذا تقدم لكى من فى مستواكى لا تترددى وعلى الله القبول .لان دواء الكبرياء كبريا وعائلته ليس افضل منكى اطلبى الحوائج بالعزة لان الله عزيز..
وفقكى الله لما فيه الخير
بصلا اولا .. *اتمنى لكى التوفيق *اعتقد انه مش هيسيب اهله مهما كان حبه ليكى بس خليه يحاول