السلام عليكم و رحمة الله و بركاته اولا انا بنت عندي ١9 سنة و بدرس ف كلية و اتعرفت ع شخص قدي يعني نفس السن و بجد هو مش بيحبني دة بيعشفني اوي و انا كمان نفس الموضوع المهم ان هو معرف اهله كلهم عليا بس مش عارف ان هو يجي يخطبني حاليا علشان هو لسه يعتبر ف عين اهلي شاب و كدة لسة مش كون نفسة و انا بجد نفسي نتخطب اوي علشان ابقي حاسه اني مش بعمل حاجة غلط معاه و كدة من ناحية الكلام يعني بس دلوقتي انا علشان عارفة ان هو ليا انا و بس هو وعدني انة هيتجوزني و انا كمان وعدته اني مش هكون غير ليه و دة كان ع المصحف و قلتله كمان زوجتك نفسي و هو كمان قالي كدة بس مفيش طبعاااا اي حاجة حصلت بينا خالص من ناحية يعني اسفة جماع و كدة و مش هيحصل غير لما نتجوز طبيعي قدام العالم كله بس عندي سؤال هو كدة يعني فعلا اتجوزنا خلاص و كلامي معاه دة مش حرام و لا حاجة و كدة هو عمرة فعلا ما هيكون غير ليا و لو لقدر الله و حصل بينا اي حاجة و سيبنا بعض لازم هو يطلقني و لا ايه و كل دة غلط و احنا فاهمين غلط ؟ ؟ بجد ممكن رد ع سؤالي و اسفه لو كنت طولت شكرا
اعجبني رد الاخ -الاستاد – واتفق معه في ما قاله لصاحبة المشكلة ده هو الراي الصحيح والصايب والله الهادي لسوا السبيل
بصراحة هذا شكله لعب عيال , الزواج يكمل نص الدين والحياة ومستقبلك ومستقبل اولادك ,
ولازم ما يكون مبني على باطل او حتى على شبهة ,
اذا انتي مسلمة فحسب معلوماتي , انه يوجد نص شرعي يقول لا زواج بدون ولي امر وشاهدي عدل ,
◘◘◘ بسم الله الرحمن الرحيم :
♦ شروط الزواج الصحيح :
– فيشترط لصحة النكاح خمسة شروط:
الأول: تعيين الزوجين، فلا يصح للولي أن يقول: زوجتك بنتي وله بنات غيرها، بل لابد من تمييز كل من الزوج والزوجة باسمه كفاطمة ، أو صفته التي لا يشاركه فيها غيره من إخوانه، كقوله: الكبرى أو الصغرى.
الثاني: رضا الزوجين.
الثالث: وجود الولي، لقول النبي صلى الله عليه وسلم: “لا نكاح إلا بولي” [رواه أحمد وأبو داود] وللحديث: “أيما امرأة نكحت بغير إذن وليها فنكاحها باطل. فنكاحها باطل. فنكاحها باطل” [رواه أحمد وأبو داود وصححه السيوطي والألباني]. وأحق الأولياء بتزويج المرأة أبوها ثم جدها ثم ابنها، فالأخ الشقيق فالأخ لأب، ثم الأقرب فالأقرب، على تفصيل معروف عند الفقهاء ومنهم من قدم ابنها البالغ على أبيها.
الرابع: الشهادة عليه. لحديث عمران بن حصين مرفوعا: “لا نكاح إلا بولي وشاهدي عدل” [رواه ابن حبان والبيهقي وصححه الذهبي].
الخامس: خلو الزوجين من موانع النكاح، بأن لا يكون بالزوجين أو بأحدهما ما يمنع من التزويج، من نسب أو سبب كرضاع ومصاهرة أو اختلاف دين بأن يكون مسلماً وهي وثنية، أو كونها مسلمة وهو غير مسلم أو في عدة، أو أحدهما محرماً، ويستثنى من الاختلاف في الدين جواز زواج المسلم بالكتابية بشرط أن تكون عفيفة.
♦ مماسبق يتبيَّنُ لنا أن ما فعلتموه ليس زواجا شرعيا لأنه يفتقد للوليّ و الشهود . و لا يعتبر إلا لغوا لا يترتب عليه آثار الزواج من نسب و نفقة و ميراث و غير ذلك.
♦ اعلمي – هداكِ الله – أن الإثمَ ما حاكَ في صدرك و كرهت أن يطَّلِعَ عليه الناس ” ، فلو كنت تحبين أن يعلم الناس ما بينكما و لا تخجلين منه و لا تجدين ألم المعصية في صدرك فهو حلال .و إن كنتِ تخافين أن يعلم الناس ما بينكما من كلام و غرام فهو حرام ، و أحسبك مسلمةً بالغةً رشيدة تتبع الحق و لا تتبع الهوى فيضُلَّها عن سبيل الله .
♠♠ اعلمي فقه الزواج و أمور دينك – غفر الله لكما و فقهكما في دينه .
♥♥♥ و الله أعلم ♥♥♥
تكملة (2) خلي بالك هو هيستني الفرصة لما تبقوا لوحدكوا وشوية كلام معسول ولمسة ايد وقبلة وحضن وضمة ويقولك احنا زوجين ادام ربنا ومش هتقدري عليه ومحدش هينجدك وهياخد متعته ولذته وهيفقدك شرفك واعز ماتملكين هيفقدك عذريتك اللي هو ختم ربنا لكل بنت شريفة وهو مش هيخسر حاجة هيسيبك للندم يوم لاينفع الندم كل البنات انخدعوا بالحب بالطريقة دي وندموا – والله والله – واحدة اخبرتني بأنها انبهرت بالعربيات والشقق وفقدت عذريتها في الشقق وقالت ده كان باسم الحب – انتي لسة صغيرة ومش فاهمة بيقولوا في المثل الست سبع يعني اسد والراجل معذرة واحترامي لكل الرجال ( كلب ) يعني بيجري ورا شهوته – خلي بالك – الاخت اللي اسمها مادونا عبرت عن كل الاراء في كلمتين عبرت وأوجزت – وخير الكلام ماقل ودل – صدقيني بفكر في مشكلتك – وشايف ان ادامك حفرة هتقعي فيها مهما قاومتي الحفرة ادامك خلي بالك – وواحدة كتبت ليا علي اميلي انها من الصعيد وكان فيه واحد سيء السمعة كان متقدم لها واعمامها رفضوه وابوها متوفي – عمل حيلة قال لها كل شيء قمسة ونصيب وكان عنده محل موبايلات طلب اخوها يشتغل معاه وراحت مع اخوها وفي غفلة من اخوها افقدها عذريتها – وبتدور وبتسألني عن غشاء بكارة صناعي وبيتقدم لها عرسان زي الفل وبترفضهم بدون سبب وامها قالت لها ضيعتي مني فرحتي ان اشوفك عروسة زي كل البنات – بحكي ليكي كل ده علشان تاخدي بالك من نفسلك – لكن اكيد الحب اللي انتي عايشة فيه عمل علي عنيكي غشاوة – ربنا يهدينا ويهديكي – انتي ونصيبك – ربنا بيمهل كتير وبعدين بياخد اخذ عزيز مقتدر – خلي بالك من نفسك وشكرا .
للاسف وحدةفي سنك ده 19سنة ومتعلمةفي كلية ومش عارفةعن شروط الزواج في الشرع ولاهي تعرف الحلال من الحرام اذاايش فايدةالتعليم من اصله اذاكنتي ماتعرفيش اموردينك فلاخيرفيك ولافي تعلم باقي المراحل في دراستك والخلل يكمن في تربيةالاهل من البداية تاركينك على هواك دون رقيب ولاحسيب وداخلاكي توقعي في الغلط من البداية وتماديت فيه للاخر اولاعليك بقطع العلاقة فورا من الشاب المنحط السافل اللي عاوز يغويك ويتسلا فيك ثانيا استغفري الله عزوجل وتوبي ليه من كل ماقلتيه للشاب اوفعلتي معاه من امور محرمة وغيراخلاقية واي امراة نكحت نفسها من غيرولي فهي زانية وزواجها باطل ومحرم شرعا اتقي الله في نفسك وفي اهلك وشرفك وكرامتك ولاتجلبي العاروالفضيحة لك واهلك بتصرفاتك المراهقة المحرمة
الزواج الشرعي سواء كان رسمي أو عرفي له اركان وشروط ، وعلي فرض اكتمال اركانه في هذه الحالة فإنه افتقد لأهم شرط من شروط صحته وهو وجود الشهود حال انعقاد العقد ، ولا شك انكما حاليا في هذه السن تكون العواطف ملتهبة والحب في أوجه فأحذري ان تنزلقي معه الي مستنقع لا تستطيعي الخروج منه آنفا ولا تحاولي ان تتطور العلاقة بينكما الي اكثر من ذلك وخلي بالك ان نظرة الشباب وامزجتهم خاضعة للتغيير في تلك الفترة فلا تضمني شيء إطلاقا واخشي عليكي من تجربة تؤثر علي حياتك أو حتي تجعلكي تفقدي معني الحب بعدها
تكملة : خلي بالك كلامك معاه غير شرعي يعني حرام – حرام – حرام – والله سبحانه وتعالي قال في محكم اياته ولا تتبعوا خطوات الشيطان يعني من البداية يكون حذرك بمنع اي كلام معاه لغاية لما يدخل البيت من بابه ويخطبك ويكتب الكتاب والدخلة امام كل الناس وتبقي زوجته حلاله.
الأخت الفاضلة صاحبة السؤال -أولا : ربنا يتمم بخير وتتجوزوا وتخلفوا بنين وبنات – ثانيا : انتي صغيرة وهو صغير ولسة امامه فترة يكون نفسه ثالثا : انتي وهو لسة مراهقين وقلتي له زوجتك نفسي وقالك زوجتك نفسي يعني ده بصراحة لعب عيال له ناحية شرعية وناحية قانونية – من الناحية الشرعية عن رسول الله صلي الله عليه وسلم لازواج الا بولي يعني لازم ابوكي يوافق علي الزواج – وأركان الزواج الاشهار يعني كل الناس يعرفوا بزواجكم والشرطين دول مش موجودين يعني محصلش زواج شرعي واذا حصل بينكم جماع هيبقي زنا ويمكن يحصل حمل وبطنك تكبر ويحصل فضايح ربنا يكفينا ويكفيكي شر الفضايح – اما من الناحية القانونية اذا كتبتوا ورقة عرفية هتكون في ايده سيف علي رقبتك العمر كله لو اتجوزتي غيره تبقي جمعتي بين الازواج ده حصل مع غيرك وقريناه في الجرايد – خلي بالك من نفسك لسة محصلش بينكوا حاجة لكن صدقيني هيحصل هيقولك انتي مراتي قدام ربنا وهياخد اللي هو عاوزه والشيطان شاطر وبعدين يعرف انك رخيصة ويسيبك ويسيب لكي الفضيحة – خلي بالك من نفسك ويدخل البيت من بابه واحذري ان يختلي بيكي وحدك – عن رسول الله صلي الله عليه وسلم أنه قال : ما اختلي رجل وامرأة الا والشيطان ثالثهما صدق رسول الله صلي الله عليه وسلم – خلي بالك الرسول صلي الله عليه وسلم لاينطق عن الهوي ان هو الا وحي يوحي علمه شديد القوي – صدقيني اذا انجرفتي وراء عواطفك فالنهاية المحتومة زي ماقلت لك هياخد مزاجه منك وبعدين يسيبك – عقلك في راسك اعرفي خلاصك – اللهم اني قد بلغت اللهم فاشهد – اتمني ليكي التوفيق وكل عام وانتم بخير
يالا ي بت بلا هبل بيكي
ايه اللي بتقوليه ده انتي اكيد عبيطه
هو فى اختلاف ف اراء العلماء ف كده ناس بتقول الجواز فى الشرع هبه انك توهبيلو نفسك وناس بتقول ان لازم اركان الجواز تتحقق بس اللى انتو عملتوه دا غلط لانكو تلاعبتو بالدين والشريعه والاضمن انه يرمى عليكى يمين طلاق 3 وربنا يهديكو