مشاكل الحب والزواج

فسخ خطوبتى بسبب عادات وتقاليد الصعيد

تقدم لى عريس من المعهد اللى بدرس فيه هو مقيم بالخارج ونزل مصر ايام ورشحة زميل ليا واول لقاء طلب ايدى وامام زميلاتى ابهرتى برجولته وقال لى انه متزوج ولكن بغصب من ابوه هم صعايدة والعادات والتقاليد يتجوز بنت عمته اللى ما فى توافق بينه وبيها ف اى شىء هو بيحضر ما جيستير وهى مش متعلمة اطلاقا غير ان مافى توافق روحى وعاطفى وغير انه مش متقبلة تماما وهى مقسمة فى الصعيد وهو مقيم دايما ف الخارج ده كلامه عنها اوبرضه كلام عمه لما جه زارنا هو سافر والمفروض هيجى بعد 5 شهور وطلب منه اوعده انى استناه بعد ما سافر بعت لى فلوس اشترى دبلة وخاتم وبعت عمه يطلبنى من اهلى واهلى وافقوا لما عرفوا ظروفه مر تقريبا شهر ونص خلالها عمه كل شويةيكلمنى ويقولى عايز اقولك كلام عنه يخصك فهمت انه كلام ذم وانا كنت بفوت واعدى وندمت انى ما قلتش لخطيبى ع كلام عمه وطلب منى اقابله عشان يكلمنى عن خطيبى من غير ما اقول لخطيبى ع الكلام اللى اقوله انا ما قابلته واهلى بوخوه وقالوه ازاى تقابلها من غير الاذن من راجل البيت عايز حاجة قول امامنا جه البيت وحاول بكل الطرق يشوه سمعة ابن اخيه زى مثلا هو هوائى كان خاطب قبل كده هو خاين ضربه ف ظهره بيظهر انه عايز يتمم الزواج وهو بيعمل العكس بالاتفاق مع ابو خطيبى كان رد فعل اهلى كل شاب بيتعرف ع كذا بنت وف الاخر النصيب بيحكم بعدها بيوم خطيبى اتصل بيا وقالى ابوه مش موافق ع الزواج رغم انه كان عارف انه خاطب وامه واخته عارفين واخته بس االلى باركت لى خطيبى ارسل لى فلوس من قبل لتأجير شقة لثقته فيا بعتلى لى فلوس ابوه وبخه وقالوه هتضحك عليك وازاى تبعت لوحدها ما تعرفها ابوه كان بيقوله اتجوز براحتك بس بفلوسك لكن لما لقى الموضوع دخل ف الجد هدده بحرمانه من الميراث والترحيل لمصر وكلمنى وقال انه مضطر يفسخ الخطوبة وبقى كل اللى شاغله الفلوس كلمنى وكلم اهلى رغم انى وعده خلال ايام انه ارجعها لانها مش كلها متوفرة وانا نفسيتى تعابة اوى لانى اتعلقت بيه وكنت بجهز للزواج وكنت فرحانة وانكسرت وكرهت الحياة علما بانى مطلقة بعد شهرين زواج عذاب مع طليقى واهله واخذت لقب مطلقة وانا اصلا ما اتجوزت ولا ذوقت طعم الزواج وسنى مش صغير ونفسى ابقى ام محتاجة لنصائحكم

مشاكل وحلول ذات صلة

اضيف بتاريخ: Wednesday, March 2nd, 2016 في 16:01

كلمات مشاكل وحلول: , , , ,

2 رد to “فسخ خطوبتى بسبب عادات وتقاليد الصعيد”

  1. الفهدالاسود
    03/03/2016 at 09:57

    اختي العزيزة الزواج قسمةونصيب مثل مابيقولوا احمدي الله انك عرفتي حقيقته هوواهله وتاكدي انه مش هوالعريس المناسب لك من كل النواحي ومن قال انه اصلا تزوجك عشان تبقى مطلقة ايه التخاريف دية هوكلواحد يخطب واحده اويديها فلوس تشتري خاتم ودبلة يبقى خلاص تزوجها انتما في فترة الخطوبة وماحصلش كتب كتاب او زواج من اصله افهمي الحياة ومسالة ماقاله عمه عن الشاب فدي تعطيك اكبر دليل على سفالة دول الناس وانعدام الاخلاق والقيم عندهم وايه لك بوجع الراس والمشاكل يابنت الناس من اصله صدقينى لو تزوجتيه عمرك ماتبقى سعيدة ولامتهنية في حياتك معه ولامع اهله الصعايدة لهم عادات وتقاليد تختلف عن اهل القاهرة والمحافظات الاخرى الابن ياخذبنت عمه وبنت العم ماياخدها الاابن عمها وماحدش يقدر يكسر العادات دي او يخرج عنها ابدا صدقني الشاب عمره ماهيقدر يخالف اهله اويخرج عن شورهم لاسباب اللي ذكرتهالك غير حكاية الميراث والامورالاخرى ولو على موضوع الفلوس اللي اعطاكم هي عشان تشتري دبلة وخاتم رجعي له فلوسه وياخدهاعلى جزمتك هوايه فاكرانه اشتراكك بفلوسه يغور في داهية هو والفلوس اللي معاه انت الف من يتمناكي ياقمر البنات ماتزعليش او تقلق ابدا ربنا بيكرمك ويعوضك بخيرمنه هتلاقي ابن الحلال اللي بجد شاريك ومقدرك وقادريسعدك ويصونك في حياتك القادمة

  2. فاعل خير
    03/03/2016 at 04:59

    فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

اترك رداً أو حلاً لهذه المشكلة