خايفة علاقتنا تنتهي بسبب تفكيره بامه

انا وخطيبى اد بعض فى السن بابا فى الاول كان رافض عشان كده ومع محاولات كتير منى ومن والدتى و رفضى لاي حد يتقدم مهما كان غنى ومحترم وجاهز وافق عشان ميبقاش بيفرض عليا حاجه وعشان هو بيحبنى جدا واتنازل عن ان فترة الخطوبه هتطول وانه لسه بادىء حياته وعنده حاجات كتير وجيش وكده … المشكله ان خطيبى مامته منفصله من زمان وشالت المسئوليه الكبيره بتاعته هو واخوه كتير اوي لحد ماكبروا واتخرجوا وكمان هتساعده فى جوازه ربنا يجازيها . خطيبى بقى خايف عليها بعد الجواز تبقى لوحدها فى البيت . وانا عايزة اعيش فى بيت مستقل لان انا مقدرش اعيش غير كده وفى نفس الوقت هنزورها ع طول ونودها وهعينه على برها والله فى نيتى كده بس يبقى بيتى لوحدى مسيبوش وابقى عندها على طول .. بس هو على طول قلقان وشايل هم الموضوع ده وانا مقدرش اوعده بحاجه من دى لانى مش هقدر اعملها . وخايف تزعل vلو بقت لوحدها ويجرالها حاجه لا قدر الله واكون انا السبب مع ان ليا صحابى البنات ظروفهم للى مخطوبين ليهم كده ومحدش بيفكر زيه . هو الاتفاق بينهم وبين بابا انه هبقى مستقله اما كان الموضوع اترفض اصلا وانا مبحكيش الكلام والنقاش اللى بيحصل ده بينى وبينه لاهلى عشان مبحبش اطلع مشاكلى بره اصلا حتى هنا واخاف الموضوع يتفركش وانا بحبه ومقدرش اعيش مع غيره وهو كمان بيحبنى جدا بس حاسه سهل يضحى بيا لو الموضوع اتعلق بمامته . بقيت خايفه انا وكتب كتابى قرب وخايفه بعد الجواز يقولى مفيش غير كده ويخون الاتفاق ده ويبقى انا اجلت نهاية حكايتنا مش اكتر لانى اكيد مش هعرف اعيش كده … قولولى اقوله ايه واعمل ايه بالله عليكم عشان انا بعيط من التفكيرماهو مش معقول استحمل واصبر كده واعيش مش مستريحه .

مشاكل وحلول ذات صلة

• هل فقدت القدرة على الحب
• خايفة اسيبه يجيلى الاسوأ منه او اعنس
• بحبها وشاريها حتى بعد رفضها الارتباط بيا
• هل أفسخ الخطوبه وأخطب البنت الأخرى
• محتار في فسخ خطوبتي .. خاطب من شهرين
• ام زوجي واخته مستقصديني وانا لسه عروسة
• خطيبتي كانت تحبني اما الآن لا