مشاكل الحب والزواج

مسلمة وبحب شاب مسيحي ويريد الزواج مني

انا مسلمة بحب ديني وربي وسيدنا محمد
ومتمسكه اكيد بديني جدا الحمد لله 🙂
انا اتصاحبت علي واحد مسيحي من فتره كويس جداا وشاطر جدا وفيه كل حاجة حلوه
اعجبت بيه غصب عني وحاولت ابعد معرفتش قررت اني هقوله وهبعد فقولتله اني بحس بحاجه ناحيته وبحبه وهبعد.
قالي انه كمان حبني وكل مايحس حاجه ناحيتي يحاول يبعد عني وميعرفش، بس وقتها قررنا اننا نبعد
بعدنا حوالي اسبوع واتكلمنا تاني وحاولنا ننسى كدا وبقينا نتكلم اصحاب عادي واوقات كتير كان يقسي عليا قعدنا كده حوالي سنه
ومن حوالي شهر في يوم قالي انه لسه بيحبني وانه مش عارف يبطل كده وانا كماان
قالي انه عايز يتجوزني ومش عايز غيري
قولتله كان نفسي نكون زي بعض قالي ياريت كنت هقولك قدام اي حد اني بحبك
ومش عارف اي حاجه غير اني هتجوزك
انا بحبه اويي مش عارفه اتخيل حياتي من غيره بجد نفسي اكمل حياتي معااه
لحد الوقتي مش عارفه افتح حوار الاسلام معاه
يعني ادخل في الموضوع ازاي
وهو ذكي جدا وبيقرأ كتير معرفش اذا كان قرا عن الاسلام قبل كده بس اعتقد ان اكيد الموضوع لفت نظره وقرا عنه
وخايفه لو اتناقشت معاه يغلبني في الكلام انا معنديش معلومات لدرجة الكفايه
خصوصا اني بدعي وبتمني انه ياأسلم. عن اقتناع مش عشاني بس
ولما بقوله ليه مش هنكون لبعض ليه حبينا بعض ودا مينفعش
كان يتهرب مني ويقفل بحس انه بيخاف مني أاثر عليه
مش عارفه
دعواتكوا بالله عليكوا
وفيدوني

مشاكل وحلول ذات صلة

اضيف بتاريخ: Wednesday, February 22nd, 2017 في 06:34

كلمات مشاكل وحلول: , , , , ,

4 رد to “مسلمة وبحب شاب مسيحي ويريد الزواج مني”

  1. Sdeek
    05/10/2021 at 21:37

    رأس المشكله علاقه حرام صداقه بين مسلمه و مسيحي او البنت و الرجل عموما

  2. علي
    19/03/2017 at 09:01

    اذ كانت تحب ادين الاسلامي اتركيه لله والله يعويضك عنه برجل افضل منه وتقي الله الطريق التي تمشي فيه دودي الي اشرك يعني الي النار اخلده فيه اقطعاه فوران الان لله فقط لا غير ذالك وحغظ ع دينك وصلي لله فلا تتركه الصلاه فانه تعاني ع التقوه

  3. محمود
    02/03/2017 at 18:20

    السلام عليكم اختي الكريمة
    أولا لا يجوز زواج المسلمة من غير المسلم. وهو عارف كده كويس
    حاولي تقطعي علاقتك بالشاب ده نهائي لا حب ولا صداقه
    انتظري نصيبك. التكافؤ مطلوب في الزواج من كل النواحي
    لكن حضرتك بتتكلمي في مسألة عقدية لا تقبل نقاش .عشان ترتاحي خالص اقطعي كل وسيلة تواصل مع الشاب ده
    وربنا يوفقك ويبعتلك حد يستاهلك
    ولو عايزه تتأكدي من صحة كلامى اسأليه (لو اختك حبت شاب مسلم ايه شعورك )
    هيجيلك الرد من كلامه أو من ملامح وجهه
    تحياتي لكي

  4. المنياوي
    28/02/2017 at 09:45

    لما كل شباب المسلميين مش ماليين عينك وحبيتي من غير دينك اعرضي عليه الاسلام شوفي رد فعلك
    ومن خلال كلامك انتي اللي بتحبيه وانتي اللي عرضتي عليه حبك
    ربنا يهدي بنات واعراض المسلمين يارب العالمين

اترك رداً أو حلاً لهذه المشكلة