مشاكل الحب والزواج

حبى الاول والاخير ظروفه تعيق زواجنا

انا حبيت شخص يعتبر حبى الاول والاخير وحاسه انى هموت لو مكملتش معاه وهو كمان نفس الشئ وهو مريض بالقلب وعانى فى حياته من هو 4سنين لحد الان 31سنه الدنيا والحمد لله ماخده منه كل حاجه اللهم لا اعتراض نفسه يكون معاه بيت علشان يقدر يتقدملى اى بيت لانه من غير بيت اهلى هيرفضوه وهو لا بيت ولا فلوس وكل اللى بيشتغل بيه جهز اخته بيه وللاسف شغله فى السعوديه مع حد عديم الضمير الله يسامحه بيديله ملاليم ياما يسكت او يرحله مصر وعو مش عايز ينزل لانه عارف مش هيلاقى شغل اصلا ومن كتر الحزن وضغط الحياه والفقر والتفكير والتعب غلط مرة بحسافاتورة كلفته غرامه يدفعها 20الف جنيه نفسى اساعده باى حاجه لكن مش بايدى لا امل له الا الدعاء ارجو من كل حد يقرا رسالتى يدعيله بالشفاء وان ربنا يفك كربه ويوسع رزقه بالله عليكم ادعوله ربنا يكرمكم جميعا يارب ومحد يشوف الضيق ولا الكرب اللى عاناه من صغيره للعلم هو علم نفسه وصرف على نفسه من صغره لحد مخلص كليه التجاره كان يدرس ويشتغل والله العظيم ده حقيقى وشكرا ليكم واسفه على الاطاله

مشاكل وحلول ذات صلة

اضيف بتاريخ: Thursday, March 23rd, 2017 في 07:42

كلمات مشاكل وحلول: , , , ,

3 رد to “حبى الاول والاخير ظروفه تعيق زواجنا”

  1. الانسان الطيب
    25/03/2017 at 01:33

    أختي العزيزة ……
    مفيش تطويل ولا حاجة انتي تؤمرينا ، شفاه الله وعفاه يارب ، ألف سلامة عليه ، كل ده ابتلاءات من ربنا سبحانه وتعالى له وان شاء الله سيكون من الصابرين ، حسيت فيكي في نبرة كلامك وانتي بتحكي صفة الاخلاص وديه صفة مهمة أوي لبداية أى علاقة جادة ، عايز أقولك اللي هيهون كل ده تمسكك بيه وتمسكه بيكي ، لازم ميزعلش لأن ده شئ غالي أوي اذا توفر ، عالعموم انتي صح والنظرة الجادة بالنسبة للزواج والنية الصافية اتجاه الطرف الاخر مش طمع في الانسان اللي أودامك ، خليه يتقدم ويحكي قصته ويحكي ظروفه ويعرف الأهل بظروفه ايه وهيعمل ايه ، وأد ايه بيحاول ، وانا بأكدلك اذا فيه نصيب ربك هييسر الأمر ، ومع كل ده خصوصا انه لم يقصر !!! ، ربنا يروقلك الحال يارب ويروقله الحال ويجمع بينكم في خير ان كان هو الخير

  2. zahret eleslam
    24/03/2017 at 01:02

    بسم الله الرحمن الرحمين . وبعد الصلاة على الحبيب المصطفى .ربنا يشفيه ويشفى جميع مرضى المسلمين ويرزقه ويكرمه . اكثرى من الدعاء وخاصة فى السجود والاوقات المستحبة . واوعى تنسى ان هو بردو مش حلالك يعنى حاولى ماتعرفيش عنه حاجة عشان ماتتعلقيش بيه اكتر .لان قلبك ربنا بيغير عليه . علقى قلبك بحب الله ورسوله فقط . وان شاء الله لو ربنا اراد انكوا تكونوا لبعض محدش هيقدر يعمل حاجة وحتى الظروف مش هتمنعكوا . بس اتنى اتقى الله فى نفسك وقلبك وفيه هو كمان . ربنا يرزقنا حبه وحب نبيه ورسوله وحب عمل يقربنا له .اكثرى من الدعاء ده . انا حبيت افكرك بس .والله اعلى واعلم .

  3. zahret eleslam
    24/03/2017 at 00:56

    بسم الله الرحمن الرحمين . وبعد الصلاة على الحبيب المصطفى .ربنا يشفيه ويشفى جميع مرضى المسلمين ويرزقه ويكرمه . ا

اترك رداً أو حلاً لهذه المشكلة