انا شاب في كليه طب اسنان متدين الحمدلله معايا بنت قدي محترمه جدا وعمرى ماشفتها بتتكلم مع ولد ومتدينه وملامحها هاديه جدا وانا بحبها اوى وانا اصلا بتكسف من البنات ومبعرفش اتكلم معاهم وعايز اعترفلها راح صاحبي قالى انا هروح اقولها انك عايزها فكلمتين وانا وافقت ولما راح وقالها هي كانت مع صاحبتها ولما قالها انى عايز اكلمها قالتله خليه يكلمنى هنا مع صاحبتي مش هنقف لوحدنا قالها دقيقتين بس قالتله نفس الكلام وقالتله انا مبخبيش على صحبتي حاجه اللى هيقوله واحنا لوحدنا يقوله وهي معايا اتنرفز وقالها هو هياكلك احنا مش في ثانوي قالتله لا قالها متعمليش فيها شيخه انا متربي في السعوديه وعارف دين ربنا كويس قامت ماشيه وسايباهم وانا رحت مسكت صاحبي من ايده ورحت اعتذرتلها ومن ساعتها مش عارف حتى ابص فوشها وعايز اعترفلها لان بجد الموقف اللى حصل متعرفوش كبرها فعيني قد ايه صحيح حز فنفسي الاول انها مش عايزه تكلمنى بعدين لما هديت حسيت ان تصرفي انا كان غلط من الاول وان ده بيدل على انها بنت ناس ومتربيه وعايز اخطبها بس عايز اعرف الاول هي بتحبني وهتوافق بيا ولا لا وفي حد فدماغها .. بجد مش عارف اتصرف فكرت ابعتلها رساله بس خفت لا تفكرني بحاول اوقعها مثلا .. انا طولت عليكم بس محتاج مساعدتكم
لاشك ان تصرفك انت وصاحبك مع البنت تصرف خاطئ جدا والبنت فعلا محترمة ومتربية كويس لوفعلا عاوزها اطرق الباب حسب الاصول وتقدم لااهلها واخطبها ده هو عين العقل والصواب واياك ومحاولة الكلام معها او ارسال رسائل لها البنت المحترمة والمتربية ماترضى بكدا ابدا خليك واثق من نفسك ومتوكل على الله واتقدم لها لو انت فعلا تريد الحلال معها واللي فيه الخير يقدمه ربنا لك وفقك الله ويسر امرك